اللى عارف حاجه يخش يقولها

بصو بقى من الاخر كده الموضوع ده للى بيعرف يطبخ او يعرف اكله جديده اواكله بيعملها بطريقه مختلفه
يعنى الكل يشارك فيه شباب وبنات
وهو بختصار (اللى عارف حاجه يقولها) فى الطبخ طبعا
انشاله حتى طريقه عمل البيض المسلوق
المهم انا هبتدى وهقولكم على طريقه عمل
(((الفراخ المشويه بتوابل خاااصه)))
1-هاتوا فرخه مسلوقه بس نص سوا
2- افروموا بصله وفلف اخضر حامى كويس اوى ناعم وحطوا عليها التوابل الموجوده فى البيت كله اللى تعرفه واللى متعرفوش(انا بعمل كده)بس بكميات قليله
3-ابشر عليها طماطميتين و حطوا الملح زى ما انتوا
4- حطوا كل ده فى الفرخه وبس سيبوا حبه وحطو الباقى عليها وغلفوها فى ورق فويل كويس اوى وحطوها فى الفرن لمده ......... والله ما بحسب بس لما تحطو الشوكه جواها تعرفوا انها استوت كويس
وبالهناء والشفاء
321
(الاسعااااف)

البيض المسلوق دى لعبتى
يا دوب تجيب بتاعه وتحط فيها شويه مايه وبعدين تحط البيض
وبعدين تحطوها على النار
وتعالوا بعدين ساعتين
هتلاقوا بتاع اسود جوه البتاع
خدوا وقشروا
او اغسلوا بمعجون سيجنل
واخيرا
بالهنا والشفا

ههههههههه
لأ الحقيقة انا مش هلاحق احكى ايه ولا ايه
بس هقولكوا على حاجة
احلى طبق فول من عند الريس جيمى
هتجيب الطبق
وتحط فيه الزبت الأول وهو على النار
بس تملى الأرضية بتاعى الطبق كدا
وتحطى الفول فى الطبق
وتفضل تقلب لحد ما تحس ان الفول كدا شرب الزيت
وتجيب شوية ملح وشوية كمووون
وتقلب بقــى لحد ما تحس ان مافيش فرق خاااااااالص بين لا زيت ولا فول ولا ملح
وبعد كدا كل يا كبير
انا مش بحط لمون اللى عاوز يحط دى مشكلتة بقــى
اللى بعدى

هههههههههههههههههههههههه أما أنا بقى مفيش أحلى من طبق الجبنه القريش بالطماطم والخس ولو قرن فلفل الحار يبقا تحفه وياريت يكون بلدى عشان تبقا للتك مولعه المهم طريقه تحضير الجبنه القريش : نجيب الجبنه ونغسلها فى مايا فاترة وبعدين نطلع الجبنه وبعدين نهرسا ونحط عليها شويه زيت صغننين ونحط كمان شويه بوهارات خفيفه وبعدين نقطع الطماطم على الجبنه وفى الاخر خالص نقلب الجبنه باليله السودة دى الى احنا عملناها ونغسل الخس والفلفل الحار ياسلام ولو حبيت يعنى تعمل شويه روشنه خرارايا .......... أقصد خيارايا زى العسا والعيش البلدى مش أى عيش عيش الفرن البلدى الفرن البيتى الى كانت بتخبز فيه ستى وستك الله يرحمهم وادعليلى فى الاخر متنساش ......................... بس بحزرك من الفلفل الحار وربنا يستر بجد موضوع جديد اوى علياء ........................... الى بعدى

ههههههههههههههههههههه
ايه ده باسم الله مشاء الله عليكو ا
تتحسدو~x(
ميرسى ياشريف على المعلومه الهيله دى بجد اانا مكنتش اعرف ازاى اعمل البيض
تسلك ايدك وربنا يستر
وتسلم ايدك يا احمد على الفول بس انا هبقى اقولك على طريقه جااامده اوى للفول بالصلصه طريقه بتاعه بابا انا بحبها اوى
وتسلم ايدك يا ديفيل على الجبنه القاريش بالطماطم انا بحبها اوى بس بالجبنه البيضه
بجد يا جماعه تسلم اديكو وورونى بقى الطبيخ بجد كل ده بيتاكل على الفطار احنا عاوزين الغده

بجد يا شري انت اخر دماغ ربنا يحميك ويخليك للمطبخ بجد وصفا هايله انت جامد جدا واخر تفكيك

ههههههههههههههه صح

انا ماليش فى المطبخ خالص خالص
بس ممكن ابقى اتعلم منك ومن وصفاتكم
و ربنا يستر

انا ممكن اقلكوا على طريقة عمل المكرونة الشايطة بتاعتى


ولا اقلكوا عشان التلبخ المعوى وكدة يعنى..
انا اقلكوا على طريقة عمل شاى..
كوباية نظيفة مغسولة ببريل وتحط فيها ملعقة شاى وملعقتين سكر
وتستنى لما المية تفور ع النار وتحط وتشرب اعلى كوباية شاى بس اهم حاجة تقلب كويس
ويكون الشاى شاى العروسة عشان المقاطعة وكدة
=)) =)) =))

انا احسن واحد يطلب ديلفيرى
بص حقولكوا ازاى
انتوا تجيبوا التليفون وتضغطوا على الزراير
حسب رقم المحل اللى هتطلب منه
وتطلب بقى ياريس
وبالهنا والشفا :d:d:d