دعوة للبعد عن التعصب الكروى

دعوة للبعد عن التعصب الكروى هى حملة جديدة تنطلق من هنا
وتحت العنوان الكبير والاساسى للكرة الذى تاه واتنسى فى الايام الحالية
( الرياضة أخلاق ) هذا العنوان اختفى فى الفترة من الزمن وحل بدل منه عنوان اخر هو
الرياضة حرب وليست أخلاق
يجب علينا نحن الجماهير التى تعشق الفرق المختلفة ان تدافع عن هذا العشق ولكن بالاخلاق وليس بالاتهامات السخيفة وتبادل التريقة بين كل من انصار الفرق المختلفة
ومن منطلق ان مستخدمى الانترنت الان انهم الصفوة الموجوده فى التعليم
فيجب علينا نشر الثقافة الرياضية عن طريق البعد عن التعصب الكروى
اين نحن من الشعوب المتحضرة التى تشجع دون تعصب او ضيق
يجب علينا ان نغير الافكار التى بداءت تترصد عند الشباب وهى التعصب
نرسل دعوه لكل مشجع يحب فريقه ان يبتعد عن التعصب والتشجيع فى حدود الاخلاق الرياضية المسموح بها
فلذلك لنبدا المهمة لتغير هذه الفكره السيئة التى على وشك ان تصبح عاده عن المشجع المصرى
ومن هنا يجب تنفيذ بعض القواعد حتى نحاول على اقل تقدير ان نصلح من انفسنا نحن
وعلى سبيل المثال
1- عدم وضع صور فى التوقيع تسىء الى الاندية الاخرى

2- عدم استفزاز الاعضاء بعبارات تسىء الى الفرق الاخرى المنافسة

3- التشجيع فى حدود فريقك فقط واترك التحليل الى الخبراء فى التلفزيون حتى لو احتلفت معهم

4- استخدام نظرية الاخلاق فوق الرياضة

وهكذا من امثال هذه القواعد

ياريت كل الناس اولهم الاعضاء قبل الزوار ان يتخذوا هذه الدعوه لفكر جديد
لكى نرتقى الى عالم حديث باسلوب حديث

ياريت كل اللى موافق على الدعوه يسيب موافقته فى الرد

طبعا موافقة جدا جدا يا على
يا ريت بس الناس تنفذ
انا معاك للآخر

انا موافق يا على ويارب الناس كله تبطل تعصب

ام سورى
مقدرش اتخلى عن حبى الشديد وولعى الشديد باكبر واحسن نادى فى مصر والشرق الاوسط وافريقيا وقريبا عالميا ان شاء الله

النادى الاهلى نادى الاخلاق والبطولات والمبادئ والقيم وكل حاجة حلوة
والاهلى فوق الجميع

تانى مرة

ام سو سو سورى يا على باشا

يعني ايه تعصّب؟؟

هو حد قلك مش تشجع الاهلى انا بقول شجع فريقك بس وملكش دعوه بالفرق الاخرى
هو ده المطلوب والكوره مكسب وخساره مش تريقه واستفزاز
وشكرا ياعمر

امال سؤال اسلام
يعني ايه تعصّب؟؟

التعصب هو التحيز لخصم ما دون التفكير فى الراى المتاح
اما التعصب فى الكوره هو التحيز للفريق (ياريت على قد كده وبس)
واستفزاز جماهير الفرق المنافسة بكل الاساليب المتاحه والغير متاحه
حتى وصل الامر الى الحرب

اذا كان على كدا ياريت واول الناس دى هما انتمممممم

طبعا ياندى وعلشان كده انا اللى بدات الحملة دى وياريت الناس تساعدنى على المواصله فيها

موااافق وتعمم
وتكون قانون للحكاويه كمان