يا جماعه انا قرأت الموضوع ده على منتدى تانى بس عجبنى لانه
بيعبر بجد عنا نحن طلبه الصيدله ومستنيه رأيكوا
وانا عن نفسى مؤيده الكاتب
يا داخل الكلية ومكسر المجاميع
وجايب مية مية وابوك عمال يزيع
كلية الصيدلية ده اخرك تقف تبيع
أدوية حلقية ولبوس ممكن يميع
ده انته في الثانوية حاسس انك هضيع
ولما تش الكلية هتقعد تلف وتصيع
*****
يا ابني اسمع الكلام وسيبك من الأحلام
الكلية دي من الآخر ضرب تحت الحزام
تحضر محاضرة المُحاضر تلاقيه فاندام
يشرح عضوية وعامة تلاقي نفسك تمام
أحيانا تحليلية عشان تعرف تنام
وياه لو عقاقير تجري تخش الحمام
وفي الآخر هتاخد عند دوكتر همّام
تلاقي وراه سبورة قدامه أقلام
كل إلي هوّه بيقوله فاهمين يا سلام
وتدخل الامتحان زيك زيي تمام
ياابني اسمع نصيحتي ياابني اسمع الكلام
خش تربية أو تجارة أو حقوق أو إعلام
أنا خلصت إلي عندي لو فهمت روّح نام
