الموضوع فكرته ببساطه ان كل واحد يدخل يكتب مواقف محرجه حصلتله
حاجه بسيطه يعنى
هتدخل تحكيلنا عن موقف عن موقفين عن تلاته
زى ما تحب
بس كده
موقفى الاول فى المشاركه اللى جايه
عرض للطباعة
الموضوع فكرته ببساطه ان كل واحد يدخل يكتب مواقف محرجه حصلتله
حاجه بسيطه يعنى
هتدخل تحكيلنا عن موقف عن موقفين عن تلاته
زى ما تحب
بس كده
موقفى الاول فى المشاركه اللى جايه
بسم الله
الموقف ده حصلى من قريب يعنى بتاع شهرين كده
المهم
كنت راجع البيت الساعه واحده ونص كده وكان معايا واحد صاحبى
فصاحبى كان عاوزينى تانى يوم اروح معاه مشوار كده يعنى
المهم هو عارف دماغى ايه يعنى وانا مبروحش مشاوريه
فانا قمت مديلو وش خشب وخليته يروح من طريق غير اللى انا بروح منه من اننا قريبن من بعض
وانا مروح بقى قاعد عمال افكر اقول ازاى انا ايمن يفكر انى ممكن اعمل معاه الحوار ده وماشى بقى مخنوق قمت مقابل كلب واقف
الكلب ده انا عارفه طيب يعنى فمخفتش منه طبيعى يعنى:d
المهم وانا بقرب من الكلب فضلت اكلمه واقوله يعنى يا كلب ينفع انا اعمل كده بقى بالذمه ده اسمه كلام؟وبكلمه لحد اما وصلت عنده سمعت ناس بتضحك ببص فوق لقيت فى عيله كامله ماشاء الله واقفين فى البلكونه وبيضحكوا عليا
المشكله انهم يعرفونى ويعرفوا البيت عندنا فى علاقات يعنى وكان فيهم بنات:">
قمت متنح لهم ومتنح للكلب وضاحك بغباء وروحت ومن يوميها اول اما اشوف حد منهم بفضل حاطط وشى فى الارض ومبرفعهاش ابدا
منه لله الكلب
بعد كام موقف كده هبقى احكيلكم على موقف تانى
هحكيلك على حاجة حصلت معايا امبارح
معرفش هى مضحكة اساسا ولا لأ......
انا جيت من الكلية وصليت العصر ونمت(:|
وبعدين صاحى دايخ اصلا الساعة 6وشوية
المهم المفترض كان ورايا معاد
ومعرفش ايه اللى حواليا
روحت دخلت الحمام واتوضيت
وطلعت صليت المغرب والعشا
لحسن الواحد يموت بره هيقابل ربنا ازاى ؟؟؟
خرجت وانا واقف بره البيت
لقيت آذان بيأذن..:-??
كان آذان العشا
:-o:-o:-o
روحت صليتها فى المسجد:d
**************
وبس
فكرة حلوة يابو حميد
ههههههههههههههههههه
=))=))=))=))=))=))
ميت مساء عليك يا ابوحميد
انا هقع على الارض من الضوحك
ضوحك = ضحك بوضع ضامة بعد الضاد
انا بيحصلي كل يومين موقف من دول
بس كلهم طايرين من نفوخي
بس اكيد هتشوفني في التوبيك ده كتير
و فكرة جامدة
موية موية
موية = مية بوضع ضمة بعد الميم
جامدة موت يا احمد
حاوارك ده فكرنى بواحد صاحبى بالليل
بصراحة كان مسطول شوية
واحنا ماشين فى الشارع
كان فيه واحد أخرس معدى علينا
فرد قال "وعليكم السلام ورحمة الله وبركاته"
قال يعنى بيرد السلام
على واحد أصلا مش بيتكلم
واحنا متنا عليه من الضحك
*************
اولا فكرة جميلة زيك
كنا بنلعب كورة ولميت واحد قدى فى الجسم تلات اربع مرات كدة وبقيت انفرا بالجون
المهند سبت الكورة وقعدت اضحك والحمد لله الكورة ضاعت
بس كان حتة يوم اتببهدلت فية بس الحمد لله كسبنا تقريبا على ما اتذكر
المشكلة انى من بعدها بلعب باك يمين او خط وسط منعا للتهزيق وخلافة
هكمل حكياتى مع الكلاب طيب
وشكرا للى شارك
ومستنيك يا شومان
وانا فى اسماعليه فى سنه تالته ايام الامتحانات كنت قاعد فى شقه فى منطقه اسمها حى السلام
المهم كنا ايامها بنصلى الفجر وننام شويه ونروح نمتحن على الساعه 9 او 10 مش فاكر والله
المهم كنت انا ومحمود اللى هو مواطن مصرى لو حد فاكره وواحده اسمه ماجد
ماجد بقى تخين شويه كده وبكرش وعيل مشكله =))
ومحمود مشكله اكتر منه وبيخاف من الكلاب بطريقه بشعه
انما انا بقى بموت من الكلاب:d
المهم راجعين من الفجر فسمعنا صوت كلاب من بعيد
قولتلهم يا جماعه محدش يجرى ومتخافوش والكلاب بتحس بينا لو خوفنا وعملت فيها سبع رجاله فى بعض B-)
لقيت محمود بيكلبش فيا وماجد وشه احمر وقالى يا عم مش هنجرى بس احلفوا :d
قولتله يا عم متخافش
المهم دخلنا الشارع اللى احنا ساكنين فيه لقينا اربع كلاب محمود قام ماشى فى وسطنا وجابنى جمب الكلاب
فبقول لمحمود اجرى يا محمود بصوت عالى على اساس انى بخوفه يعنى
لقيته نط وقام فاتح فى الجرى
سمعت الكلاب بتطلع صوت كده اكيد انتوا عرفينوا
قمت فاتح اسبرنت :">وبجرى لقيت اللى ماسك فى هدومى وبيشد فيا
كان ماجد وانا اقوله يا عم سيبنى وهو يقولى متسبنيش :d
بس على مين قمت ضاغط بنزين وفاتح ع الاخير محمود لقيناه فى اخر الشارع وانا حصلته وماجد قامت لازق فى الحيطه ومشى جمبها والكلاب سابته
بس ضحكنا ضحكنا يوميها قلبنا كان هيقف وفى ناس كانت ماشيه ورانا ماتت من الضحك هى كمان علينا
:">:">
كنت عند واحد صاحبى عاوزين نخرج
فقام عشان يغير هدومه فقام جايب البنطلون من ع الحبل
وبعد اما لبسه بشويه لقيته بيقول ااااااااااااااااااااااااا اااااه
اتارى كانت فى نحله مستخبيه جوه البنطلون
واول لما لبسه انتقمت منه على طول
وياعينى مقدرش يقعد بعدها كذا يوم=))
هههههههههههههه
تحفه اوى الفكره دى يا ميسى
المواقف تحفه
انا مش فكره اى مواقف اقدر اقولها دلوقت
اخر موقف على ما يحصلى حاجه جديده
:-o
كنا بنلعب كوره فى بلد جمبنا فمستنين عربيه تروحنا
فواحد صاحبى قال هدخل اشرب مياه من القهوه على ماعربيه تقف وانا روحت معاه انا استنيته بره على القهوه وهو دخل جوه
فانا واقف لقيت راجل بيندهلى
راجل كبير فى السن كده وشكله طيب وللابس جلبيه وباين عليه الطيبه يعنى
قربت منه لقيته مسكنى من الفانله وبيقولى انت عملت كده ليه؟
اقوله فى ايه يا عم الحج ولقيته مره واحده بيصرخ وبيقولى ليييييييييييييه حرام عليك وانا عاوز اهرب منه واجرى ومش عارف لقيت صاحبى جاى جرى والقهوجى جاى وسلكونى منه :">
والقهوجى بيقولى معلش هو عنده حالات كده ومعلش يا استاذ
بس حسيت يوميها انى قطعت الخلف :">
هاهاهاهاها فكرة جامدة اخر حاجة _ومواقفك لذيذة اوي ياكابتن _ انا هحاول افتكر حاجة وابقي احكي لكم
هههههههههههههههههههههه
ههههههههههههههه
ههههههههه
ههه
يخرب عقلك يا ابو حميد
انا اترميت على الارض من الضحك
هههههههههههه
هههههه
عمال اتخيل منظرك
وهو الراجل ماسكك
هههههههههههه
ههههههههه
هبقى افتكر موقف من مواقفى
وهحيكلم
يا جماعه اتكلموا انتوا كمان
هو ايه محدش بيحصل مواقف؟
مواقف جامدة اوي وربع ساعة وهدخل احكيلكم
ههههههههههههههههه
ههههههههههههه
هههههههههه
يخرب بيت الكلاب اللى متعقدين منها
ههههههههههههه
هههههه
هفتكر مواقف وهقولك يا ريس
متخفش
حكيلكوا طب موقف ليا وانا فى ابتدائى لسه
انا كنت فى الاذاعه المدرسيه كنت متسيط يعنى وكنت بحب اقرى الكلام الموزون اللى هو ليه قافيه واحده وكده وبعمل فيها احمد شوقى
فانا كنت بقول كلام وطنى عن مصر
كانت اختى الكبيره بتجهزلى الكلام فى البيت واتدرب عليه واروح اقوله فى الاذاعه
وكل يوم اقعد اقول بالربع ساعه انا تحت المظله والعيال واقفه فى الشمس بتشتمنى وعاوزين يعلقونى
فى يوم زودتها حبتين فلقيت ناظر المدرسه جاى وادانى كشكول وقلم كهديه يعنى وبيقولى شكرا يا حبيبى انت كرهتنا فى مصر خلاص>:)
وبعديها كنت بطلع اقول حكمه اليوم وبنزل على طول:d
والله هموت من الضحك هههههههههههه
لا بجد الاخيرة دى جامدة
وتكملتنا لقصص الكلاب
كان عندنا مدرس انجليزى بيخاف موززززززز من الكلاب المهم هو كان بيحبنا كلنا وبيعملنا زى ولادة بالضبط
وكان بيحب يحكلنا على فاضايحة ديما
وكنا كلنا عارفين موضوع الكلاب دة
كنا مرة مشيين وهو بيحب يانكش اللى ماش جمبة وكان فى كلب ماشى
لقيت راح ماسك كتفى جامد وحضنى من الجمب
واية منتهى الرعب
انا سيبت كل حاجة واقعدت اضحك
تخيلوا بقى منظر الشباب اللى كان معانا انتوا
بالنسبة للفشل في المدارس فانا ليا مواقف كتييييييييييير
اولها وانا في ابتدائي
ابن عمي متجوز بنت عمتي واحنا في بيت عيلة فالعلاقة قوية يعني
المهم بعد فرحهم بشوية كده
جدي تعب ومامتي اضطرت تروح وتسبني
فقلت لبنت عمتي هدومي اهيه وشنطتي بس تعملي السندوتشات وتلسبني
وانا مستمعة جيدة
فقالت لها حاضر
مامتي مشيت وبقيت لوحدي في البيت
رحت عاينة الشطنة والهدوم الشنطة تحت السرير
والهدوم تحت المرتبة
جه معاد المدرسة بنت عمتي تدور على الشنطة والهدوم انها تلاقيهم
اختفوا
ولان ماما في المدرسة وانا لسه في سنة اولي
قالت ليا روحي وخلاص
مش عارفة الهدوم فين
طبعا انا بحماسي الثوري قلت ازاي يعني اروح كده ومرضتش
طبعا هي طلعت شقتها
وانا جري طلعت الشنطة والهدوم
يعني جت تشوفني
عمالة ايه طبعا كنت مركزة في التليفزيون@-)
لقت كل حاجة في مكانها:d
مش اقولكم اضربت ازاي
بمناسبة الاذاعة المدرسية انا بقي كنت بقول الاخبار اليومية من جريدة الاهرام وفي يوم ماكنتش مركزة ولخبط وانا بقرا الاخبار الرياضية كانت عن الكونفدرالية تقريبا وكان شكلي زبالة قدام المدرسة كلها
هقولكم موقف محرج بقى انما ايه
والله الواحد كان مسخره وهو صغير:">
وانا فى الاعدادى كان فى بنت اموت واكلمها اه والله
الله يمسيها بالخير بقى
فى مره قررت انى هكلمها يعنى هكلمها لو حصلت ايه
كانت بتعدى من قدام بيتنا وهى رايحه الدروس
فاستنتها قدام البيت وظبطت نفسى بقى
وقولت والله لاكلمها
اول لما عدت من قدامى انخرصت بعد اما عدت افتكرت انى حلفت ودى فرصه مش هتتكرر والبت ماشيه لوحدها
قومت قايلها نورااااااااااااا قامت بصت ليا وبعدين رايح اكلمها لقيت الحجه واقفه فى البلكونه بتقولى احممممممممممممممممممممد
قمت متسمر فى مكانى وقولت للبنت انا اسف انى ندهتلك وسيبتها وروحت:d
للأسف مش فاكر ولا موقف والله بس الفكرة جامده أخر حاجه ياأبو حميد تسلملنا دماغك ربنا يسهل بقا ويمر عليا موقف محرج عشان احكيه
ايه يا عم الاستاذ ده؟
هو ايه اللى بيخوفه من الكلاب؟:-"
دى كائنات لطيفه
شكرا لمشاركتك يا باشا
انا مش عارف دخلتى هندسه ازاى؟
بس الحمد الله انك انضربتى وعرفتى غلطتك>:)
منوره طبعا
اتلغبطتى ازاى؟
الكلمه مفيهاش اى سينات (س ) خالص:d
شكرا يا اسبايدر
نورتى
والله بقى انا برستيجى اتبهدل فى الكليه بتاعتى دى ال ايه يا حاج ميسى كل شويه اتنيل اقع اتزحلق من على السلم بتاع المبنى وبعيد عنك ظهرى فترت صلاحيته انتهت وشكلى هجيب واحد تانى بس هو يعنى انت يرضيك انى اخوك يتبهدل البهدله دى هو اى نعم تلات تربع الكليه وقعت على السلم ده وخصوصا البنات بس برضه الامر ميسلمش يعنى الواحد ميضمنش وقعات اليومين دول
هى اصلا كليه من ساعت مدخلتها و.............نازله ترف على دماغى
يلا سلام بقى يا ابو المساميس
طب بص يا حوده انا بقول لو عندكم طرابزين ممكن تنزل زحلقه من عليه بدل ما تزحلق كل شويه والبرستيج وكده;-)
طب بص يا حوده انا بقول لو عندكم طرابزين ممكن تنزل زحلقه من عليه بدل ما تزحلق كل شويه والبرستيج وكده;-)
موقف حصل ليا وانا في خمسة ابتدائي
كان في مدرس رخم اوووي بس كان الكل في الكل
وكانوا قافلين البوابة وانا عايزة امشي
رحت قلتله اننا مش ورانا حاجة اروح اذاكر قال لا
المهم كنت هموت والله واروح
واحدة صاحبتي زميلتي وجارتي كنا توام
لاقين البواب مشي
جيرينا بسرعة وروحنا ياااااااااااااااااااااااا اه
الواحد ان فاشل اوي
المهم جه امتحان الشهر فجاة
المدرس ده سالهم عليا العيال الجزم قالوا طفشت
ههههههههههههههه
المهم بعت واحدة تجبني
انا وصحبتي
وفضل يقول انا مش قلت متمشيش ونده ماما وقالها
ودخلت الامتحان وجبت 4 من 20
هههههههههههههه
كان انجليزي
والمدرسة كان اللي بياخد درس عندها هو اللي بينجح بس
ولما الدرجات عرفناها ضربني الوحشة جامد اووي
روحت البيت بعيط وايدي وارمه
وعمي كان لسه جاي من السفر شاف منظري وانا بعيط والعيال جايين معايا واجب بقه يزموووا في الابلة دي
راح عمي قال لبابا ازاي تعمل كده وقوم بابا
جه بابا قوم المدرسة رغم ان ماما فيها
معبرتنيش
المهم الست اتسفت لبابا
ملحوظة انا كنت الطالبة المثالية في المدرسة
المهم خلصت ابتدائي واعداي
قبلت الست في وانا في ثانوي
بتقولي انتي دخلتي ثانوي ازاي
مردتش عليها وقلت نصيب لان حضرتك اسستيني انجلش
وفضلت اضحك
هههههههههههههه
هحيلكوا المرة الجاية قصة هروبي من اعدادي
ههههههههههههه
=))=))=))
مستنين قصه الهروب>:)
مره كنت معزوم عند واد صحبي اسمعلاوى كان عايز يعرف اهله عليا
المهم كان صحبي واخوه واختهم وباباه ومامته وكان معاهم خاله
المهم احنا بناكل عادي وانا اساسا بنكسف من الناس الكبار اللى هى الابهات والامهات والناس دى
المهم قلتلهم تسلم ايديكم علي الاكل لقيت باباه بيقولي بالهنا والشفا
قلتله الله يشفيك وانا معرفش اقول اية اساسا :d انا دايما ببرطم بكلام مش مفهوم في مواقف زي دي مش عارف ارد يعنى
لقيت اخو صحبي ميت من الضحك قولتلوا متقلش حاجة والله مش هاجي تاني
المهم بعد شوية جابولي شاي وخلصته بيقولولي هنيا قلتلهم الله يهنيكم لقيتهم كلهم بصوا لبعضهم وزى مابيقولوا لنفسهم مين الواد ده؟
بس العيلة حبتني من الموقفين دول ماتو من الضحك
كان يوم ما يعلم بيه الا ربنا من وقتها بقيت اسال اقول اية واعمل اية
هحكى تانى معلش ع الصداع بس اهو الواحد بيسلى نفسه
امبارح كان عندنا واحد سباك اسمه جمال بس ضارب كيميا وبايظ خالص المهم جمال ده كان بيعمل شويه حاجات كده
جه امبارح الساعه 9 الصبح فعموكوا عز ابويا داخل صحانى فقومت بس مكنتش شايف قدامى وقايم مبهدل بقى وقايم م النوم يعنى
الحج قالى هروح احضر جنازه واجى وخليك مع الراجل قولتله ماشى
روحت للمعلم جمال بقول صباح الخير لقيته بيقولى طيب
كان عاوز طلب فقولتله ثانيه طيب قمت مغير هدومى و عدلت نفسى فدخلت عليه تانى بعد اما غيرت لبسى واتغيرت وقولتله ازيك يا معلم فقالى امال اخوك اللى كان هنا من شويه فين انا عاوزه يروح يجيبلى طلب (افتكرنى اتنين ):d
قولتله قصدك احمد؟قالى معرفش بس هو كان هنا من شويه قولتله يا عم ده دخل ينام انت عاوز ايه وانا هجيبه قالى على كام طلب كده نزلت جيبتهم وانا فىالطريق قولت انا لازم اشتغله
جيبت الطلبين وحطيتهم فى الشقه اللى تحت وقمت طالع فوق وغير لبسى ولبست جلابيه ونضار الحج ولبست طاقيه بيضه اللى هى بتاعت الصلاه ونزلت شعرى لقدام ودخلت عليه بقوله ازيك يا معلم انت هنا من بدرى فقالى اه وفى طلبين طالبهم من الصبح ومجوش قولتله انت طلبت من مين؟ احمد وللا من سعيد وللا عماد وللا مين قالى معرفش انا طلبت من اتنين اخواتك =))
مكنتش قادر امسك نفسى م الضحك
قولتله طيب انا سامع سعيد جه تحت اهوه ونزلت جيبت الطلبات ودخلتها له وقولتله سلامو عليكم بقى انا قالى انت رايح فين يا استاذ محدش معايا هنا قولتله يا معلم هلحق صلاه الجمعه بس :dمعلقش سكت
وقومت داخل مبهدل نفسى زى اول مره وناكش شعرى وعامل انى لسه قايم من النوم ودخلت على السباك لقيته بيقولى الله صحى النوم يا عم انت سيبتنى ومسالتش عنى قولتله يا عم مانا بعتلك سعيد قالى اه خلاص
قالى هو انتوا كام ولد قولتله احنا سبعه وللاد تؤام
لقيته رما الشغل من ايده وتنح وبصلى شويه
انا مقدرتش امسك نفسى م الضحك وفضلت اضحك لحد اما الحج جه وانقذ الموقف :d
كان نفسى اكمل السبع شخصيات بس مقدرتش
ههههههههه
=))=))=))=))
هههههههههههههه
الموقف ده حصل انبارح بس
في معيد عندنا بيدي مساحة المهم الراجل نص كلامه انجليزي وايه بيتكلم بسرعة مش لاحقة اكتب كلمة وراه المهم انا طبعا استحالة اكلم معيد بتكسف يعني
قلت للعيال حد يقوله لراحة محدش قال
حسيت ان الكلام كله بيدخل لوداني مرة واحدة
فمرة واحدة والسكشن هاااااااااااادي
قلت بشمهندس ممكن تتكلم براحة
انا استغربت اني قلت كده؟؟؟؟؟؟؟؟؟ظظ
جه الرد اسرع لا مش ممكن :">:">:">
انا مش مطلوب من اني اشرح وعشان اديكوا فكرة عن الموضوع
انا الشرح مش مسئوليتي
انما انا احل امتحانات بس
ايه اللي حصل ده
طب انا مش قدرت اسيطر على نفسي
هو كمان طلع مرة واحدة كده
:(:(:(
اولا موضوع تحفه وجامد اوى يا احمد.....
وحرام عليك انا موت من الضحك ....
وانطلاقا من تاريخك مع الكلاب احب اكمل الفصل التانى بس معايا
كان الموقف ده فى الامتحانات ويوم امتحان الببلك وبقالى ست ايام عماله اذاكر لما الواحد دماغه ورمت...
وطالعه من بيتنا يوم الامتحان الصبح وعماله اكلم فى نفسى هيجى ايه....طب لو ما افتكرتش فى الامتحان هأعمل ايه....
وماشيه عامله زى الهبله....اصلى بأعز قسم الميكرو اوى :d
المهم فى وسط الاستغراق ده وانا على اخر الشارع..وشارعنا بأسم الله ما شاء الله الكلاب دى اكتر حاجه بيعملوا تجمعات عندنا فعادى قولت هأعدى عادى ومش هأخف لان الكلاب بتحس بالخوف وعمله نفسى راجل وكده يعنى....
المهم لقيت اتنين جاين ناحيتى عملتى نفسى مش واخده بالى مع انى كنت ميته من الخوف وقلبى وقع فى رجليا اصلى مع الكلاب جبانه اوى المهم...يدوب هما قربوا وعملوا الصوت اياه على رأى ميسى ...وعنيكوا ما تشوف الا النور وصحبتكم قالت يا فكيك ....
وياريت على قد الجرى دا انا فى الصوت ما اتوصاش..
قعدت اصوت زى ما يكزن سلك كهربا مسيكنى.....ولميت عليا امه لا اله الا الله والمشكله انهم كلهم جيرانى وانا البت الدكتوره وليا برستيج فى الشارع ....:">:">
المهم مش اتنيل وواعمل اى حاجه تغطى....لا ...لقيت نفسى مش قادره اخد نفسى ورجلى مش شيلانى ووقعت من طولى والسوقين اتلموا وقعدوا يقولو لا حول الله يارب بنت مين دى ...وشويه قعدوا يقولوا دا كلب يعنى عادى ايه الهيافه دى وكده يعنى....
المهم بعد ما فقت وصحصحت كنت حاسه بأحراج رهيب جدا وكأن جردل ميه وقع على دماغى....المهم ركبت والناس اللى ركبه معيا عماله تبص ليا طول الطريق وتضحك وانا قاعده فى نص هدومى وبقول هو الطريق طول كده ليه .....بجد كان شكلى زباله اوى
وانا راجعه اخر النهار كنت مكسوفه اوى لان كل ما حد يشوفنى يضحك..بجد شكلى كان فظيع....
mannora
*****************
ههههههههههههههههههه
موقف منيل بسبعوميه نيله
ده على كده الواحد برستيجوا لسه كوبس قدام الناس
شكرا منار باشا نورتى
انا بقى هحكيلم على موقف حصلى وانا فى الابتدائى
كنت فى مره كنت بلعب بالعجله
وكان قدام البيت كانوا حافرين الشارع العمومى عشان يركبوا مواسير مايه
المهم بقى
جابوا الكراكات وحفروا وبهدلوا الدنيا
واخر النهار ميشيوا العمال
فكان فى ردم بقى كتير على الجنب
فخبتط فى دماغى انى اطلع
فوق الردم ده بالعجله
وانزل بالعجله وانا راكبها
وانا لسه بقول يا هادى وبنزل روحت مقلوب من فوق بالعجله
وقعد اتشقلب تقولوا توم كروز
لو ما وصلت للارض فقوقت وبصيت فى حد شافنى وانا بندلق الدلقه السوده دى
عشان مفيش حد يمسكه عليها ويفضلوا يتريقوا
وملقتش الحمد الله حد
ويادوب بقوم من الارض لاقيت العجله مقسومه نصين الحمد لله
وماشى بعرج
الحمد لله
ماليش مواقف مع الكلاب
قلبى جرىء
من زيكم