مـن أنــا؟ عندك شجاعــة للجواب عليــه؟

سؤال وطق فى دماغى كده من غير مقدمات..ياترى كام واحد فينا يقدر يجاوب على السؤال ده

من أنا؟

ممكن تستغربوا وتسألوا أشمعنى السؤال الغريب أو السهل ده


طبعا معظمنا عارفين أغنية شرين عبد الوهاب الرائعه( المرايا) إللى غنتها فى فيلم نأسف للأزعاج ...ومن غير تفاصيل... الاغنيه طبعا رائعه

بس كل مابسمعها بفكر كثير فى معناها وفى سؤال بلاقيه بيطرح نفسه عليه

انا لما ببص فى المرايا بشوف أيه؟

طبعاْ ما بقصدشى الشكل ..لأن الشكل الخارجى كل الناس تقدر تشوفه

أنا بقصد الشكل الداخلى ..شخصيتك ..احلامك ...مبادئك....الشخص الخفى اللى عايش جواك وماحدش غيرك بيقدر يشوفه وفى أحيان كثير بتكون أنت نفسك مش عارفه...

سؤال مهم

من أنا؟

ليسأل كل منا نفسه... من أنا؟

ممكن لما تقرى الكلام ده ..تقولى طبعا سؤال سهل جدا وكل واحد فينا عارف كويس هو مين ....

بس فكر ثوانى ثانى مع نفسك بصدق ..هتلاقيه سؤال صعب شويه ..وجايز يكون صعب كثير

فكر كده كام موقف حصل ليك فى حياتك وخرج منك تصرف عمرك ماكنت تتخيل أنك ممكن تعمله ..أو خرج منك لفظ أبعد مايكون أن لسانك ينطق بيه
...
بلاش كده.. فكر فى شئ ايجابى عملته وماكنتش تتخيل انك تقدر تعمله؟


طب فكر ثانى مره ..فكر كمان وأسأل نفسك ...عمرك كنت تتخيل انك ممكن تعمل كده؟؟؟؟

بلاش ده


عشان تقدر تعرف نفسك كويس
هات ورقه وقلم وأكتب فيهم

ماهى قيمك فى الحياه..مبادئك....رؤيتك...هدف� � ..أحلامك ...معنى الحياة بالنسبه ليك
..
أيه أكثر حاجه بتحبها ..أو أكثر حاجه بتكرها...وليه بتحبها أو بتكرها...

.أيه الحاجات إللى جربتها فى حياتك ..أيه هواياتك

طب ليه كل ده يعنى هنستفيد ايه من الاخر؟

سؤال مهم طبعا

من المهم جداْ أننا نتعرف كويس على نفسنا عشان كل ما الأنسان يعرف نفسه أكثر ..كل ما بيقدر انه يوظف أمكانياته كويس وبالتالى بيستطيع أنه يحقق قدر كبير من النجاح فى حياته ...

ياما ناس كانت عندها قدرات هى نفسها غافله هنا وماتت من غير ما تستفيد منها أو تفيد غيرها ..والعكس صحيح

أيه الفرق بين الانسان المبدع والانسان العادى؟

الانسان المبدع سواء كان فى العلم او الفن أو حتى فن الخطابة وتوصيل المعلومه ..أو تقديم النصيحه

هو الانسان إللى أكتشف موهبته ومقدرته وأستطاع أنه ينميها ويفيد ويستفيد منها ..والانسان العادى هو الانسان إللى احتمال كبير يكون مايقلش عن العالم أو الفنان موهبه وقدره وذكاء بس ما أقدرشى انه يكتشف قدراته والنتيجه أنها ماتت وأندفنت معاه

وده الفرق بين الانسان المتفوق والناجح والانسان العادى او حتى الفاشل

...
طيب خلاص قدرت تعرف انت شخصيتك ايه واحلامك ايه وقدرت تكتشف قدراتك وتحددها

الخطوه اللى بعد كده هى المعرفه

نمى معارفك وتقافتك ..الموهبه والقدره لوحدها مش كفايه من غير المعرفه
أعرف وأقرى
اتعلم من تجارب الاخرين..أكيد هتستفيد كثير منها فى حياتك

بس ياريت لما تسمع وتقرى ...تفكر وتحلل وتطلع بنتائج تفيدك....ياما ناس كثير بتسمع بس ما بتهتمش والنتيجه مافيش أستفادة تذكر بتعيد عليها

الاهم انك ما تقولشى الوقت فات ..أبدأ فى أى وقت وفى أى عمر ..طبعاْ الأفضل أنك تبدأ فى سن صغيره ..بس الأهم أنك تبدأ
...
وكان فى حكمة زمان قريتها كانت بتقول

القوي في هذه الحياة من تكون له قيم ومبادئ يعمل من أجلها
.
القوي في هذه الحياة من تكون له رؤية واضحة المعالم
.
القوي في هذه الحياة من تكون له رسالة تنير دربه وتثير حماسه.


.طيب بعد كده ...الخطوه المهمه هو أنك تصدق فى نفسك وفى قدرتك

بص حوليك كويس اقرى التاريخ هتلاقى نماذج للناس كثير ماكنتشى تملك الكثير ..غير أنها وثقت فى نفسها وآمنت بمبادئها وقدرت أنها تقنع غيرها بيها وغيرت العالم من حوليها
ونماذج كثير والتاريخ حافل بيها
ليه انت ماتكونشى ذيهم
ليه كلمة مافيش فايده وهو يعنى أنا إللى هقدر أغير الكون دايما على لسانا

لأ فكر كويس ..عيد حساباتك ..أنت تقدر لأن غيرك قدر

بلاش تغير الكون بس الأول غير نفسك

أبدأ بنفسك .أعرف أنت مين ..وعايز أيه..حدد هدفك وأسعى لتحقيقه بعد ماتكون حصنت نفسك بالأسلحه إللى هتفيدك فى تحقيق رغبتك
وأبدأ

بس الأهم أنك فعلاْ تبدأ
وكل واحد منا يقدر يجاوب على السؤال
أنا مين؟ ..

الصراحه سؤال صعب وسهل فى نفس الوقت

كل واحد عارف هو مين من هدفه هو عايش ليه....

وببساطه كده انا انسانه بأزعل وافرح والعب واخطأ وبعمل كل حاجه زى كل الناس عايشه لهدف اخلص درستى واشتغل فى المكان اللى نفسى اكون فيه...

شكرا ليك موضوع اكتر من رائع

موضوع جميل جدا جدا ومتميز لكن الاجابة على السؤال صعبة جدا
بس اهم حاجة ان الناس تشوفك فعلا زى ما انت شايف نفسك

بص يا أحمد كلام جميل اوى

بس الواقعية اوى دى مش موجودة دلوقتى مفيش حد بيصارح نفسه بالحقيقة

او خايف يصارح نفسة

كل واحد جواة طاقة مش عارف يستخدمها صح

يا رب دايما فرحانة يا منورة
نورتى يا باشا التوبيك

شكرا لمرورك يا نور
وفعلا يا ريت الناس تكون شايفاك زى مانت شايف نفسك

هتعمل ايه لو نمت يوم وصحيت ...بصيت


وشوفت نفسك فى المرايا بكيت


جواك سؤال تصرخ تقول انا مين ... انا مين


انا زى ما انا ولا اتقسمت اتنين


وبعدين قول ياللى فى المرايا


فهمنى ايه الحكاية فرحان ... تعبان ... مرتاح


لما حاجات كتير ف حياتنا اتسببت فى حيرتنا


وادينا عايشين راضيين ... جايين ورايحين


هتعمل ايه لو نمت يوم وصحيت ... ولاقيت


اقرب ماليك فى الدنيا مش حواليك


هوه انت مين اللى عمل كدا فيك ... كدا فيك


مش انت ولا فى حد غمى عينيك


وبعدين قول ياللى فى المرايا


فهمنى ايه الحكاية فرحان ... تعبان ... مرتاح


لما حاجات كتير ف حياتنا اتسببت فى حيرتنا


وادينا عايشين راضيين ... جايين ورايحين

شكرا يا محمود لمرورك الجميل

8-x:X8->:-o~X(:d:-"=d>8-x>:p:(<:-P:((%-(B-):-b=((:-t:-/[-O<;-):-c:-<@};-:-?O:-)[-(>:):-??X(:-*:)]:-h>:d<>-)~:>:-w=)):)(:|#:-S8-|:p

:-h:-h:-h:-h
:-h:-h:-h
:-h:-h
:-h

شكرا يا أوف لكلمات الأغنية الجميلة دى
ومرورك الأجمل

انا مسلمه والحمد لله
محدده هدفى ومنظمه خطواتى وراسمه طريقى لحياتى وعارفه اولوياتى ومبادئى
علشان نفسى وانا على فراش الموت اقول الحمد لله عرفت اعيش حياتى صح
بس الفتره دى انا لما بأبص فى المرايا ما ما بأعرفش نفسى
وبأسأل نفسى انا روحت فين
اول مره اشوف اللى قدامى دى
مش عارفه ليه؟؟؟؟؟حاسه ان ملامحى اتغيرت

نورتى يا أوف
وربنا معــاكى وتعرفى نفسك

من فتره كبيره بدور على نفسى مش لاقياها !!

مبقتش عارفانى .. حاجات كتير اتغيرت جوايا

الحمد لله حققت حاجات كويسه .. وفشلت فى حاجات تانيه

وإتظلمت كتير أووووووى .. وأتمنى أكون ماظلمتش

حد ولا قسيت على حد .... بس الحمد لله إتعلمت حاجات كتير

وأتمنى أتعلم أكتر وأكتر

وأكيد مقصره فى حق ربنا :((

كلام كتير جوايا بس كفايه كدااااا

ده المتاح حــــــــــاليا ...

الحمد لله على كل شئ .

أنا مش مركز فى ولا حاجة ........

وعموما اجابة السؤال ده ممكن ابقى اجاوب عليها
لأنى جايز نسيتها ......

whm
سندباد
شكرا للمرور الجميل ده