كلاكيت تانى مرة(واللى عنده اقتراح او افكار لازم يتكلم)

تم غلق الموضوع و تم الاتفاق على المواعيد
تابعوا الموضوع ده

السلام عليكم

اولا ازيكم

وبجد وحشتونى قوى قوى قوى عشان انا فى الفترة الاخيرة مكنتش مركزة قوى مع المنتدى


طبعا انتوا قريتوا الجزء الى انا مقتبساة دة

ودة كان من توبيك كنت نزلتة السنة الى فاتت وبجد عملنا يوم جامد جدا جدا جدا

من ورا التوبيك دة

انا بجد بشكر كل الى تعبوا بجد معانا السنة الى فاتت عشان نعمل يوم حلو قوى كدة


عشان اتبسطنا قوى والحمدلله حسينا اننا بنعمل حاجة ليها معنى فى حياتنا الى ملهاش اى معنى دى


المهم طبعا منعا للرغى الكتير

انا جاية دلوقتى وبكرر الاقتراح تانى عشان بجد نفسنا قوى نتبسط تانى

بس السنة دى يمكن هيكون فى حاجة جديدة شوية عن السنة الى فاتت

وهيا اننا هنعملها قبل يوم اليتيم الى هو بيكون فى اول ابريل


لية بقىىىىىىىىى؟؟؟؟؟؟؟؟؟

عشان احنا مش عايزين نروح الدار بتاعت الايتام دى بعد مايكونوا زهقوا من كتر الحفلات الى بتتعملهم فى شهر ابريل


وبناء علية احنا بنحاول اننا نخلية خلال الشهر الحالى الى هو شهر مارس

يعنى تقريبا اقرب حاجة من 25 لـ 29 مارس وان شاء الله لسة هنسق مع الادارة بتاعت الدار


بس دلوقتى احنا لازم نتكلم فى التفاصيل

يعنى اهم حاجة احنا لازم ننجز فيها هى جمع التبرعات

عايزين همتكوا معانا و بجد احنا مزنوقين خالص عشان مفيش قدامنا غير 20 يوم بس

يارب بس نلحق نلم حاجة

فى ملحوظة صغيرة بالنسبة للناس الى مبيدرسوش فى جامعة الزقازيق

بقولهم انه عادى ممكن يجمعوا تبرعات من اى مكان هما موجودين فية


بجد الوقت ضيق قوى

عايزين همتكوا معانا واتمنى ان الناس الى مجتش المرة الى فاتت تيجى معانا المرة وتتبسط زى ماحنا اتبسطنا

انا دلوقتى عاملة التوبيك دة عشان اى حد عندة مقترحات او افكار جديدة يرد فية

والى هينضم معانا لازم يدخل ويقول اسمة عشان نكون عارفين احنا بنعمل اية


بجد ربنا يجازيكوا خير

وان شاء الله ربنا يكرمنا السنة دى ويكون يوم كويس

اسفة طولت عليكوا

منتظرة ردودكوا واسمائكوا واقتراحاتكوا

سلامو عليكووووووووووووووووووو:x :x :x :x

لألألألألأ يا منتوسة
انا ما صدقت ظبطت نفسى على ميعاد من 25/ 3 الى 28/3
ويا رب ما يطلعش عندى فيهم حاجة
مش هينفع نهائى 11 او 18 ابريل دى نهائى

ماااااااااااااااشى يا منتوسه معاكم ان شاء الله
بس انا عاوز اعرف السن اللى احنا هندخل نزوره هيكون من كام لكام
يا حج الميعاد ده بتاع السنه اللى فاتت

سباقه للخير دايما يا منتوسة ياقمر

بصي عايزين نظبها شوية ونرتبها بشكل كويس


وانا عندي فكرة ممكن تفرح الاطفال في جنينة الحيوان اللي في الزقازيق في قسم للاطفال العاب يعني وكده ممكن نقول للدار اننا نطلعهم ليها تحت اشرافهم على حسابنا


لو مرضيوش يبقى ربنا يحلها

اسلوبك جميل اوي يا ندي...
والله لو صدرناكي انت لجمع التبرعات هتجمعي ديون مصر...
وان شاء الله اكون معاكم...
بس القلق من يوم الجمعه؟؟؟
ربنا يستر

ماجيش أحسن بقــى يا ريس
منتوسة قالت اللى عنده اعتراض فى الميعاد يقول
وانا امتحانات الفاينال بتاعتى فى شهر 4 ؟
ماجيش ولا ندور على ميعاد ينفعنا كلنــا؟

انا معاكم فى اى يوووووووووووووووووووووووو وووم

انا معاكم فى اى يوم

بس يا جماعة عايزين نتفق على يووووووووووووم معين علشان الكل يجى
واليوم ده يكون مناسب للكل

موضوع جامد يا ندى ربنا يجزيكى خير يا رب....

وانا معاكم يا جماعه فى اى يوم واى ميعاد.... وربنا يوفكم ديما للخير

يا سيدى تجى او متجيش دى حاجه ترجعلك
بس افهم الاول ويارب تفهم
بص انا هحاول اشرحلك الموضوع بسهوله
الموضوع اللى ندى عملاه ده بينقسم الى شطرين (نصين يعنى)النص اللى فوق اللى هو مقتبس من الموضوع بتاع السنه اللى فاتت اصل احنا عملنا الموضوع ده السنه اللى فاتت.
تمام معايا لحد هنا؟
الميعاد بقى اللى فى الجزء المقتبس اللى هو بتاع شهر ابريل ده كان معادنا السنه اللى فاتت يعنى مش السنه دى يعنى انت متخافش على الفاينال بتاعك
فاهم لحد هنا؟....طيب
بص بقى الجزء التانى فى الموضوع ده الموضوع بتاع السنه دى والست ندى قالت فيه ان الميعاد هيكون مش عارف فى كام وعشرين شهر تلاته يعنى بالتالى احنا هنروح فى شهر تلاته اللى احنا فيه ده نزور الدار
يعنى دلوئتى الميعاد هيكون امتى ان شاء الله 25/3 ان شاء الله
معايا يا نجم لحد هنا؟.
انا بقى لقيتك بتقول لاء انا مش هينفع اجى لو فى شهر اربعه ومش عارف ايه
فانا رديت عليكى بقولك ان ميعاد شهر 4 ده كان ميعاد السنه اللى فاتت
وان احنا ان شاء الله هنروح فى اخر شهر 3
بس هى دى قصه حياتى#:-s
انت فاهم وللا ايه؟

ياريت اللى عنده اقتراح او اى فكره لليوم يقول عليها حتى لو هو مش جاى
والناس اللى مش جايه تدخل تقول اقتراحتها برضو

شكرا يا مينى على ردك وانضمامك معانا

اما بالنسبة للفكرة دى فهيا حلوة قوى وان شاء الله لما نروح نجيب التصريح هناخد راى الادارة هناك فى الدار ولو نفعت هتبقى لذيذة وياريت كل الى يدخل يقول راية فى فكرة المقصرة يا جماعة


شكرا يا رحاب ياقمر واحنا بنتعلم منك يا جميل

وان شاء الله هتنورينا السنة دى وهتندمى انك مجيتيش السنة الى فاتت :p

وبأذن الله مش هتكون يوم جمعة خالص عشان الناس كلها تقدر تيجى ولو عندك اى اقتراح ادخلى قولية

شكرا على وجودك معانا يا معتز باشا

وان شاء الله ربنا هيسهلها معانا السنة دى وهنتفق على طول

يارب يكرمك يارب يا منار وان شاء الله مع بعض دايما فى الخير

يا

احمد شرحلك الموضوع

واحنا على معادنا الى اتفقنا علية واحنا فى الجامعة وان شاء الله هتكون معانا

وزى ماقلنا حاول تجمع تبرعات من عندك من العاشر عشان الوقت قصير قوى ونفسنا ننجز حاجة كبيرة فى الوقت القصير دة

الف الف الف الف شكر يا عم احمد
بجد انا مكنتش فاهم
ربنا يكرمك
ويا عم ما تاخدش كلامى بحساسية منى كدا
وماتخافش فهمت

الحمد الله
والله انا فرحت جدا انك فهم خلاص

ربنا يسهل وان شاء الله هيكون يوم كويس

بأذن الله ودة بمجهودك ومجهود كل الناس الى هتكون معانا

انا
ان شاء الله
معاكم
فى الوقت والتاريخ واليوم والساعه والدقيقه و والثانيه واللحظه والفسوه
هكووووووون معاكم
وحلوه فكره المقصره دى
بس يا رب يوافقوا
وربنا يقدم ما فيه الخير

ربنا يقدركم على فعل الخير دايما ويجمعكم عالطول فى الخير ...

اختكم

ايه يا ندى
انتى بتتكلمى فى 75 قرش

معاكى طبعا

بس عليكى بالاشارة ....

مااااااااااااااشى يا عمنا وهتنورنا وهتشرفنا

وان شاء الله انا هسأل الادارة هناك على فكرة المقصرة ونشوف اذا كانت هتنفع ولا لا؟

تسلمى يا بسمة يارب

وكنا نتمنى تكونى معانا

وبعدين انا قلتلك اخطفى اول طيارة وتعالى احضرى وامشى تانى يوم :d

سهلة قوى 8->

ودة عشمنا فيك بردو يادكتور

تسلم يارب وان شاء الله هنبدأ جمع التبرعات من يوم الاحد الى هو بكرة

وبأذن الله الورق هيكون جاهز معانا بركة ان شاء الله

واكيد انت معانا

جزاكم الله خيرا

وأنا معاكم ان شاء الله . وربنا يسهل

وياريت تحددوا اليوم الاول

انا كمان جايه إن شاء الله :) لو عندكم مكان يعنى :)

هتنورينا يابسكوتة يا قمر
وان شاء الله متجمعين فى الخير دايما

وان شاء الله بكرة او بعدى هنكون حددنا اليوم بالضبط

يا قمراية انتى قبلنا كلنا

انتى عاملة نفسك ضيفة ولا اية
مانتى كنتى معانا السنة الى فاتت

وان شاء الله السنة دى تكون احسن من الى فاتت بكتير

بجد يا منتوسا فكرة هايلة وجزاكى الله كل خير وسباقة فى فعل الخير يا رب اما عنى انا بقى ممكن اروح اى دار ايتام عندنا هنا فى مصر لان الزقازيق هتكون بعيدة عليا شوية وظروفى بجد ما تسمحش وشكرا لهذا الاقتراح

انا معاكم وربنا يسهل ونحاول نعمل احسن من السنة اللى فاتت

ربنا يكرمكم ويجازيكم بالخير

كنت أتمنى أكون معاكـــــــــــــــــــم بس انا مش من الزقازيق

يارب نتجمع على الخير دايما ...

أنــا عنــدى إقتــراح كــدا يا جمــاعــة
إيــه رأيكوا لو حـد فينــا راح الدار هناك
وجــاب أسمــاء الأطفــال اللى هنــاك
وعملنــالهــم حاجـــة زى الكــارنيــهات
ونكــتب اسمـــاءهــم عليــها
وأهــى حاجــة تفرحهم برضــو وتفضــل معــاهم
ولا أنتــوا إيــه رأيكوا؟؟
ما أى حد يــرد عليــا يا جمــــاعـــة
@};-@};-@};-@};-@};-@};-@};-@};-@};-@};-@};-@};-@};-
>:d<>:d<>:d<>:d<

السلام عليكم ورحمة الله وبركاته
انا لسه مسجلة حالا ودلوقتي وكان نفسي جداااااااا من زمان اني ازور دار ايتام وعجباني الفكرة اوي وانا خريجة جامعة الزقازيق ويا ريت ابقي معاكم في الموضوع ده بس عايزة اعرف تفاصيل اكتر الميعاد ازاي اعرفكم اصلا المفروض بنتقابل ازاي واعمل ايه بالظبط لو ينفع حد يعرفني التفاصيل دي اكتر وده ميلي يا ريت البنوتة اللي كتبت الموضوع تضيفني وتفهمني اكتر
تم حذف الايميل بواسطة الادارة و تم ارساله الى صاحبة الموضوع

جزاكى الله خيرا يا منتوسه
وجزاكم اخوانى اللى هيشاركو ماديا او معنويا
وياريت الموضوع ده يكمل
لان بجد نفسى اوى نرجع بقى شباب خير امه فعلا
بارك الله فيكم وفى صحبت (ضم الصاد)الخير دى

انا ضفتك خلاص يا جميلة

ويارب دايما فى الخير متجمعين

وبجد انا مبسوطة قوى ان فى حد جديد معانا

هتنورينا وميرسى على اهتمامك


شكرا على ردك يا اوف لاين


عايزينك معانا

انت مش ناوى ولا اية

v

ميرسى ليكى يا منتوسه
انا كان نفسى اكون معاكم فى اليوم ده
بس بجد سورى والله مش هأقدر لظروف معينه
على فكره انا بنت يا منتوسه;))

حلوة اوى الفكره يا نونه وانا معاكى بس ابقى تبلغينى وانا هلم تبرعات ف نطاق العائله ومعارفى وربنا يسهل

اوك يارايق

بس حاول انك تيجى بجد عشان اليوم دة ميتعوضش


يا خساااااااااارة =((

على الاقل ابقى حاولى


وانا اسفة جدا انى مخدتش بالى من البروفيل بتاعك
واسفة انى كلمتك كـ ولد


حاولى هااااااااا ؟؟؟؟؟؟؟؟؟؟؟؟؟؟


ياسمسمة انتى بنتنا

وبجد هتنوريا قوى السنة دى وان شاء الله هتتبسطى قوى وتحسى انك عملتى حاجة

ومستنين التبرعات وربنا يقدرك على فعل الخير

ماشى يا منتوسه ربنا يسهل
وان شاء الله هحاول اكون معاكم السنه دى