الحب فى صمت خجل ام ضعف؟

احب اطرح موضوع لنقاش كده جه على دماغى فجأه ويا ريت كل واحد يقول رأيه ويتناقش .....كلنا هنستفاد


المهم....لو انت ولد او بنت عادى كل واحد يعبر عن وجهه نظره ...

ومعجب اوى بشخص او بتحبه والتانى مش فى دماغه واخده عادى

يعنى تروح تقوله كده على طول ولا تتكسف ولا تخاف من النتيجه؟

طب لو ولد هيبقى موقفه مختلف عن البنت...طبعا بس هل من

الممكن الولد يأخد الموضوع عادى لو البنت راحت قالت له ...ولا هيقول دى بنت جريئه...ولا....ولا......!!!!!

طب لو اللى بيحب فضل بيحب كده وعاش قصص حب افلاطونى

واللى قدامه مش واخد باله...خالص...خالص....

عمنا اوعمتنا دى يبقى اهبل ولا ضعف ولا..ايه.....


يا حماعه الموضوع كبير جدا وماده حلوه اوى

لنقاش عايزه كل واحد يقول رأيه ...ونتشارك فى الرأى ....





سلام ومستنيه الردود...:-h:-h:-h

الموضوع فعلا ماده كويسه للنقاش
اعتقد لو بنت هيبقى صعب عليها اوى
لكن لو ولد هتبقى اسهل
بس عموما لازم يبقى فى قبول جزئى او زى ما بيقولوا معامله كويسه بين الاتنين تسمح لكل طرف انه يظهر اللى جواه
وعموما انا بحس ان اللى بيحب من طرف واحد وخصوصا لما يكون المحبوب ده حد بعيد كده يعنى زى ما تقولى حد مفيش احتكاك بيه خالص اللى هو بيبقى من بعيد لبعيد
ده اسمه وهم
وبيبقى اللى بيحب ده عنده مشاكل مأثره عليه
وأضعفته لدرجة انه يوصل بتفكيره للنوع ده من الوهم او ((الحب))
بس بالنسبه بقى لموضوع البنت جريئه ولا لا والولد هيقول عليها ايه
الولاد بقى هما اللى المفروض يردوا علينا

بجد راى حلو اوى ....انا معاكى
بسافرضى لو اتنين بينهم كلام بس نظام صحاب عادى هزار وكده
بيتهيأ ليا ان الموضوع صعب وسهل فى نفس الوقت...
سهل لانه ممكن تقول له او تلمح له...لان فى كلام ما بينهم...وكده
اما صعب لانافرضى الولد مش مستعد او مش فى دماغه وبيعاملها
بلاطفه من ناحيه انهم اصحاب وهى خدته الموضوع بشكل تانى ...
كده هتخسر صديق وبعد كده الكلام بينهم هيبقى بحاسسيه وممكن باقى الاصحاب تلاحظ...والموضوع يكبر وكده تبقى حطت نفسها فى مأزق.....
ولا ايه.......


يلا يا جماعه الكل يشارك مش يقول الموضوع كبير

أولا شكرا mannora على التوبيك الهايل ده
ثانيا نتكلم
لو الولد اعترف للبنت
مش بتزعل زى ما احنا متصورين
هى على حسب البنت نفسها
لو تقيلة ورزينة وبتعرف تتصرف أكيد هتعرف ازاى تقنعه إما بالقبول للحب ده أو بالرفض
إنما لو البنت خفيفة أكيــد هتترعش كدا ويغمى عليها وهتزعل وحوارات خنيقــة كدا
نيجى للولد
الولد برضو لو تقيل ورزين وبيفكر كويس أكيد هيعرف يتناول الموضوع بالقبول أو الرفض
إنما لو ولد ميكى بقــى وخفيف كدا
أكيد هيفرح وبرضو أحتمال يزعل ويخخنق هو كمان
على العموم
أغلب البنات بتزعل
وأغلب الأولاد بيفرحوا
شكرا تانى يا MANNORA

اولا الموضوع جامد يا منورة وتسلمى عليه
ثانيا الامر متوقف ع المجتمع اللى احنا فيه
احنا فى مجتمع شرقى يعنى كرامة البنت وتربيتها دى لو لسه فى تربيه فى الزمن ده
مش بتسمح لها انها تقول لولد انها بتحبه
ولا ايه رايك

والولاد بقى بتوع اليومين دول
يروحوا يقولوا للبنت انهم بيحبوها وطبعا تلات تربع البنات يقولولك دول عيال مخها فاضى
يعنى من الاخر ولا كده عاجب ولا كده عاجب

شكرا يا حاجه على مرورك...ورأيك....

nice topic
but i didn't belief in love
[-(

ليه كده...مغمقها ليه يا عم...

شكلك كده.................ولابلاش<:-p

بس الحب حاجه حلوة بس المهم تلاقيه....

ونورت الموضوع بموروك يا حمد

اكرف البت تحبك ....تحب البت تكرفك
على راى تامر حسنى
:d:d:d:d:d:d:d

ههههههههههههه

حلو الأى ده اهى وجهة نظر بردو

وشكرا يا عم على الرد والمشاركه

اولا الموضوع فعلا محتاج لنقاش
اعتقد انه من الصعب جدا ان البنت تقول للولد انها بتحبه لان من طبيعة البنت الحياء واعتقد ان الولد بتكو ن اسهل شويه عليه من البنت انه يقول
ولكن موضوع لو كانو اصحاب فاعتقد انو الانسان الذكى هواللى يعرف يحدد والانسان الذكى بردو حتى لو مكانش فى حاجة من ناحيته هو اللى يقدر ينهى الموضوع من غير ما يخسر حد ولا يخلى الموضوع يكبر وفى الحالات دى اعتقد ان الموضوع لو اتقابل بالرفض يفضل سر بين الاتنين هو فعلا هتكون خسرت صديق بس حتى لو مكانتش قالت كانت اكيد مش هتعرف تتعامل معاه عادى وهى بتحس ناحيته بحاجات تانيه

بجد شكرا ليكى....وعلى ردك الجميل والمفيد وانا معاكى....

ونورتى الموضوع ....وانا معاكى فى لوما قلتش ليه فى حاله الاصحاب ما كانتش هتعرف تتعامل معاه عادى....

موضوع جميل جدا
تسلم ايدك يا قمر
انا شايفه ان الانسان لازم لازم يعبر عن حبه ده
وفيه خطوات للموضوع ده بالترتيب يعنى نجرب اولا ولو ما نفعش يبقى نلجأ لثانيا وبعدين ثالثا
اولا:
اللى بيحب حد بيبقى باين اوى عليه يعنى مش محتاج انه يقول
وكل اللى حواليه ملاحظين ده يعنى الطرف التانى اكيد واصلله الموضوع لو اظهر اهتمام يبقى اوكى اما لو العكس يبقى حب من طرف واحد ولازم عمليه بتر سريعه جدا
ثانيا لو خلاص بقى:
طرق التعبير كتير اخر حاجه خالص الكلام
يعنى احيانا العين بتقول اكتر من الكلام
ثالثا اللجوء لاصعب حل (الكلام):
لو ولد :انصحه بالكلام لان احيانا فعلا بنتفاجئ بحد عمرنا ما كنا شايفينه ونلاقيه بيحبنا اوى وبمجرد ما يتكلم بنبتدى ننتبه للحد ده ونفكر فعلا فى الموضوع
اما لو بنت :بلاش احسن لان جمال البنت فى حيائها
بس الاصعب من ده كله انك تبقى انت الطرف التانى (المحبوب يعنى) لانك بتتفاجئ بطريقه صعبه جدا وفى ثوانى تتحول فى عيون كل اللى حواليك لانسان جبار وقاسى ومغرور و...و...
وكل ده بيبقى من غير قصدك والله

فعلا الموضوع صعب جدا لانى فعلا مريت بهذه التجربة ومكنتش عارف اصارح الى كنت بحبها وضاعت منى ووحده تانية واحد صحبى قلها فشكلها زعلت ممكن حد يفدنى اعمل اية8->8-|8-|

اولا شكرا لمرورك...

انا مش فاهمه صحبك قال لها اللى انت بتحبها ولا موقف تانى حصل لصاحبك....

المهم ...المفروض كنت انت الى اتشجعت ورحت صارحتها...

ولكن ده يعتمد على شخصيه البنت ممكن تصدك لانها خايفه تقع

فى الموضوع ده وده غالبا عند معظم البنات او ممكن تتقبل الموضوع

عادى.....بس المهم انك تحاول......

عندك حق بس اكيد هى مش غبيه اوى كده عشان متقدرش تحدد امتى وازاى تبتدى الكلام
وكمان عشان تعرف مدى تقبل اللى قدامها للكلام ده
ده غير انى بضم صوتى لصوت نور انها مش هتقدر تتعامل معاه عادى واللى جواها مش عادى
بصى هو الموضوع ملخبط ومحير انا هستنى اشوف اراء باقى الناس

هههههههه

انا عارفه انك زهقتى وانا كمان والله لان الموضوع ملخبط وعامل زى شبكه العنكبوت وكله داخل فى كله...

بس اهم حاجه انك ديما منوره الموضوع يرأيك الجامد واللى بأعتز بيه...

بصراحه الحب في صمت ده ضعف ولازم كل واحد يعبر علي جواه بس بشرط انه يكون حاسس ان في قبول من الطرف الاخر
علي الفكره انا عملت موضوع زي موضوعك ده بس ده قبل ما اعرف انك عامل الموضوع ده اصلا
وانا بعتذر

ازيك يا منورا
حلو الموضوع وطبعا اختلفت الاراء ودي كلها وجهات نظر يعني من وجهه نظري الصغنطوطه
اولا : البنت لو اعترفت لولد ع حبها ليه بتبقى زي البيت من غير جدران بقت عادي وده مرفوض عندي تماما لان ده بيبقى فرض اكتر من انو اعتراف بالحب
هو مين اللي بنت هتيجي تقولو بحبك هيقولها لا
والله اعلم بقى قصدو ونيتو ايه يتسلى ولا يكمل للاخر
ثانيا : الولد في بنات قالو ان الولاد تافهيين زي ست لافلي كده ربنا يخليهلنا
في ولاد كويسين ومحترمين وبيعرفوا يحبوا
بس بالنسبالي في معايير سن فروق بانواعها مستقبل عقل جنب القلب وقبل ده كلو احساس
ثالثا بقى :جواب سؤالك يبقى للبنت خجل
للولد ضعف وبكل صراحه
ممكن كمان في حاله الاصحاب زي مقولتي يكون هو حاس بيها بس عاوز ينيم الموضوع عشان يفضلو اصحاب وميحرجهاش
ودي ةجهه نظر وارده جدا جدا جدا
بس خلاص وطبعا ده كلو ان ماي ابونيون

شكرا لمرورك يا قمر وشكرا لرأيك...

اما عن التكرار فعادى جدا ولا يهمك بتحصل معانا كتير

ونورت الموضوع...

طبعا الموضوع منور بوجودك يا باشا.....

وكمان انافرحانه لوجهة النظر دى .....وانا معاك جزئيا....

لانه مش لازم علشان بنت تروح تقول انا بأحبك الولد ما يكسفهاش لا

عادى الكلام ده مش فيه مجامله يقولها الحقيقه وشعوره عادى حتى لو ده هيكون صدمه عليها...تصدم احسن ما تعيش فلى الاوهام

اما عن الاصحاب بردو انا عندى حته اعتراض صغير...لو الولد حاسس

زى ما بتقول وعايز ينيم الموضوع مش حق الصداقه عليه انه يبين لها يلمح لها بطريقه غير مباشره طبعا ....او يغير المعامله علشان ما تتعلقش بيه لانه لو فضل فى المعامله زى ما هو ممكن تخلى عندها امل بس الواجب عليه انه يقطع الشك باليقين ويحاول يوصلها الرساله.......
وده لو هو متأكد من شعوره لازم يعمل ده على طول....

شكرا تيفه اووووووووى وجهة نظرك خلتنا نتطرق لزاويه تانيه للموضوع.....

هو المفروض المفروض يعنى الولد طبعا هو اللى يصارح البنت بس مرة واحدة كانت صحبتنا راحت قالت لواحد انها بتحبة وبتقول انها كانت متاكدة انة بيحبها وهيموت ويكلمها بس لما عملت كدة هو قالها عادى وسابها ومشى

ههههههههههههههههههههههههه هههههههههههههههههه

لا الموضوع بجد

اما انا بقى هى اللى حبيتها واحدة بس وبصراحة مش قدرت اعبر بحبى ليها خالص مع اننا كنا مع بعض على طول بس يمكن خفت انى افقدها خالص فقلت خلينا اصحاب احسن ومازلت ندمان الحمد لله انى مش صارحتها بس يالا اللى حصل حصل

شكرا لتواجدك فى الموضوع وشكرا لرأيك وبجد انا حاسه ان الموضوع ده ملوش حل لان وجهات النظر مختلفه خالص بس هو ده الهدف من الحوار اننا نكون فكره شامله...

وكمان هو الموضوع بتاعك انتهى خالص مش ممكن تقولها وتعوض الفرصه احسن من الندم....

لان ممكن ناس يخيل ليها ان ده الصح فى وقت الموضوع بس لما يعدى فتره ممنك تحس بالندم

انا رأى كنت قولتها واللى حصل حصل وانت ممكن ما كنتش خسرتها

لانه ممكن بطريقتك لما تلاقيها رافضه انك تتعامل عادى ولا كان حاجه حصلت وتفضلوا اصحاب عادى والموضوع يكون كاى مشاده بين اصحاب واتنست....

وبجد اتمنى ان ربنا يوفقك وشكرا اوى ليك نورت الوضوع برايك....

لو بنت هيبقى صعب عليها اوى
لكن لو ولد هتبقى اسهل
لو الولد اعترف للبنت
مش بتزعل زى ما احنا متصورين
هى على حسب البنت نفسها

شكرا رايق على مرورك ورأيك واكيد انا معاك ده بتوقف على نوع البنت...

no love....no cry=((=((=((=((

لا خجل ولا ضعف ممكن عشان الحب في صمت اجمل انواع الحب

ميرسى ريرى على المرور

هو حب جميل ..بس مؤلم فى الاخر...

شكرا بسمه على المرور

انا من رأيي البنت مش ممكن تقلل من قيمة نفسها ابدا وتقول للولد انها بتحبة وبعدين "حب اية يا عبيطة خدى اللى بيحبك وماتخديش اللى بتحبية " على رأى جدتى الحب هييجى قدام اهم حاجة ان هو اللى يحبك الاول والله هتفرق كتير انا اعرف بنت وقفت فى المدرج وبعدين قالت " بحبك يا........" وقالت اسم الولد بصوت عالى رد عليها وقال " احنا اصحاب ايوا لكن حبايب لأ " موقف البن دي هيكون ازاى لو اعترفت للولد بحبها هتبقى كدة جرحت كرامتها وقللت من نفسها والولد دة اللى اعترفتلة عمرة فى يوم من الايام ما هيحبها لاننا فى مجتمع شرقى

عنك حق يا بت يا منى ...تصدقى الناس الكبيره دى عندها حكمه فى الامور....خدى اللى بيحبك...مش اللى انتى بتحبيه...

اما البنت اللى قالت للولد ده انها بتحبه غلطت مرتين انها اكيد ما كانتش عارفاه كويس...وقدرته غلط بدليل انه رد عليها الرد ده والحاجه التانيه انها قالت له بالطريقه المتهوره دى...انا من رأى انها كانت ممكن تلمح ليه كده من بعيد اما تقوله كده على طول ....:-??
لانه ممكن يحصل زى اللى حصلها وكرامتها ...........x(x(

ومنوره التوبيك يا قمر

انا مش عارف بس من رأى ان فى اولاد كتير بيكون بيحبوا ولكن بيخافوا يوجهوا اللى بيحبوهم ويقولو لهم انهم بيحبوهم المفروض تكون البنت تحس مين اللى بيحبها حتى من نظرته والله بجد فى حب من اول نظره وهو الحب اللى بيتعب اكتر اسالونى

(*)(*)(*)(*)(*)(*)(*)(*)(*)(*)
أولا يامنار التوبك هايل جدا جدا وماده حلوة جدا للأكل ..................... أأأ اقصد النقاش
بهزر عادى
المهم الحب فى صمت ( الحب الافلطونى ) ده بيقتل البنى ادم ببطئ شديد جدا جدا جدا لأنه زى الى بيقولو الى حب ولا طلش
بيدمر البنى أدم من جواة وممكن يتحول بقدرة قادر لانسان بلا مشاعر لأن حبه فى الوقت ده هيبقا متوجه لحاجه واحده ازاى يجيب الى بيحبها
وياسلام بقا لو الى بيحبها اتخطبت ولا اتجوزت يانهار مش زى بعضه
ممكن يعمل جرائم فى نظرى
ممكن يقتل
ودى هتبقا نهايه الحب الافلطونى
بخصوص بقا الشباب الى معجب بواحده وعاوز يروح يقولها
ومش عارف أنا سمعت كلمه من الفيلسوف بتاعنا أسامه منير
الى بيتكسف مينزلش من بيته ويلبس الحجاب
ومحدش يزعل من الكلمه دى لانى مقصدتش بيها حد
وبخصوص البنت الى تروح تقول لواحد أنا معجبه بيك
دى من الاخر يا أما بتشتغله وعاوزة تتسلى بيه وتعمل حوار عليه يااما عاوزة منه مصلحه
هى ياأما تيجى من الولد يااما بلاش
الا فى حاله واحده أن البنت تروح تقول للولد انا معجبه بيك
بعد الجوااااااااااااااااااااا ااااااااااااااااااااااااا اااااز
ههههههههههههههههههههههههه ههههههه
=))=))=))=))=))=))=))=))
:d:d:d:d:d
..................................................
لا بجد لو هو حاسس نحيتها أنها مياله ليه ومعجبه بيه بصدق ولازم يتأكد من الكلام ده بأى طريقه
بقا والطرق كتيرة ومن مصدر موثوق منه ويعرف انها مبتلعبش بيه
وده اخلا كلامى
وفهى موضوع جامد أخر حاجه يامنار
تسلم ايدك على التوبك
@};-@};-@};-@};-@};-@};-@};-@};-@};-@};-@};-@};-@};-

شكرا يا قثي على المرور....

والاراء فى الموضوع ده كتير جدا واهو...

انا طرحته لنقاش والكل قال رأيه ومن هنا نستفيد كلنا من اراء بعضنا ونكون فكره اشمل....

بجد شكرا على رأيك ومنور الموضوع يا باشا

شكرا على مرورك...

بس بيتهيا ليا فى الزمن اللى احنا فيه ممكن الخاع يلعب دور يعنى ممكن البنت تبين انها بتحبه اوى وهى العس وبردو للولد وما اكتر الجماعه اللى بيتسلو الايام دى
اما عن الحب اللى من اول نظره بيتهيأ ليا انه نادر اذا ما كانش انقرض

شكرا على رأيك ...

الموضوع جميل جدا جدا وتسلم ايدك بس بالنسبه للحب من طرف واحد ده سواء كان بنت او ولد مش حلو وغلط يعني الغلط مش ان الشخص يحب حد الغلط انه يحب حد بيحبوش وشكرا

بصى يا منوره
من وجهة نظرى المتواضعه ان الحب فى صمت احيانا بيكون ارقى انواع الحب وبالذات لو فى البنات لان طبعا اكيد البنت ما ينفعش تروح تقول لولد او حتى تلمحله عن حبها ده
معاكى ان كده هى بتبقى بتعذب نفسها ... بس لازم حيائها يمنعها وما تروحش تقول
واعتقد ان اسلم حل ف المشكله دى بالنسبه للبنات هى صلاة الاستخاره وطبعا الاولاد يصلوها برضه بس انا باتكلم على ان ده الاختيار الوحيد فى حالة البنت ومفيش بديل من وجهة نظرى
لكن الولد عنده اختيارين يعملهم مع بعض هى صلاة الاستخاره وانه يكلم الانسانه اللى بيحبها دى
لانها ببساطه لو ما اتكلمش هتروح منه ويرجع يندم ... لانها ممكن تكون بتبادله نفس الشعور وكانت مستنياه يتكلم وهو ما اتكلمش وف نفس الوقت هى اكيد مش هتقدر تصرحله بحاجه من نحيتها فلو هو ما اخدش الخطوه خلااااااااااااااااص
يبقى هو الخسران
وفى النهايه الموضوع كله نصيب ... واهم شئ ف الموضوع ده ان الكلمه(الحب) دى غاليه اوى ما ينفعش تبقى لعبه نلعب بيها شويه ونرميها
دلوقتى الواحد لما يخبط فى واحده بدل ما يقول سورى بيقول بحبك.
الكلمه فقدت معناها اوى
باتمنى للجميع انهم يصادفوا حد يستاهلهم بجد وباتمنى ان مفيش ولا بنت ترخص نفسها وتستغنى عن حيائها اللى هو اجمل حاجه فيها
وشكرا مره تانيه على الموضوع الجميل

شكرا ماجيك على المرور...


وبجد انا معاك ان الغلط انك تحب انسان لا يكن ليك اى مشاعر....


واكيد دى غلطه الانسان ده اللى مش عارف مين بيحبه من اللى

مش بيحبه...

شكرا ليك اوى engo اولا لان لول مشاركه ليك فى موضوعى وثانيا على رأيك المستفيض ده...وانا معاك ان الايام دى الكلمات فقدت معناه وعلى رأيك على ما حد يخبط فى حد يقوله بأحبك...:)):))

بس بجد شكرا ليك اوى.....@};-@};-@};-