للشباب والبنات جاوبوا بصراحه لو سمحتوا

تقدم لخطبتك شاب وأعترف لك بماضية وقال أنه كان
يعرف فلانة وفلانه وأنه طلع معاها
, وقال لك أنا بصراحة مليت من الوضع الي كنت فيه...


سؤالي هل تقبلين فيه عريس مع أنه ماضية كثير بالمصائب ؟؟




الشباب:-


ذهبت الى خطبة فتاة وعترفت لك بماضيها وقالت أنها كانت تعرف
فلان وفلان وأنها كانت تطلع معاهم
وقالت لك بصراحة أنها راح تكون وفيه لك بعد الزواج 0


سؤالي هل ستتقبل ماضي البنت مع أن ماضيها كثير بالمصائب ؟؟




أرجو الرد بصراحة

اصعب حب

انا عن نفسى بقول ان كل شاب له ماضى ومفيش شاب ملوش اى ماضى الموضوع ده فكرنى بفيلم البنات عايزة ايه بتاع محمود عبد العزيز وسهير رمزى لما فضلت طول الفيلم تبحث عن عريس ملوش ماضى وللاسف البنات تحب دايما اللى يضحك عليها يعنى لو قالى ماشى هسامحه لان ده كان قبل ما يعرفنى انما لو خبى عليا وعرفت بعد كده عمرى ما هسامحه وشكرا ليك

معنديش مانع
اصل هو لو قالي انه عمره ما عرف حد قبل كده مش هصدقه ومش هرضي اتخطبله اصلا
ههههههههه
يعني الافضل ان يكون له ماضي

يا باشا
لازم اي واحد في السن الي هوه 18 او 17 لفوق لازم يكون فيه حته شقاوه
ومفيش ولد اسمه معرفش بنات
ومفيش بنت اسمها معرفتش ولد
والي يقولك غير كده اتحدااااااك
لان لو واحده حافظه القران كله وبتصلي وتصوم وملتزمه لازم تكون بتحب
مفيش حد في الدنيا اسمه مبيبحش
مفيش حد في الدنيا الحب مجاش علي بابه وخبط
/:)/:)/:)/:)/:)

بصراحة شديدة جدا ممكن اقبل بية وممكن لأ ودة على حسب الشخص نفسة
ممكن اقول فى دماغى دا هو ساب كل البنات اللى عرفهم واختارنى انا وكمان هو اعترفلى بكل حاجة لو فعلا كان يستاهل انى اسامحة اكيد هسامحة وهنسى كل الكلام اللى قالهولى بس فى الاول هربية يعنى هخصمة فترة عشان يعرف فيها قيمتى وان انا نفسى عزيزة وبعدين كل واحد فينا بيغلط وبيتعلم من اخطاؤة
انا هوافق علية لان الماضى عدى وراح والجاى هو الاهم بس لازم اكون واثقة ان هو مش هيعرف حد تانى غيرى انا بس

هههههههههههههههههههه

والله يااحمد انتا بتقول كلام زى الفل وده تحديدا اللى انا مكنتش عايز اقوله:pلا بجد انا معاك فى كلامك يااحمد

بس على فكره فى بنات بجد معرفتش ولا كلمت ولاد قبل كده غير بقى ولو حصل بتبقى بالصدفه كده بس الاغلبيه فعلا كلموا;))

والله كل واحد فينا ليه ماضى وبعدين يرده على حسب شخصية الانسان ده انا ممكن اقبل او ارفض وغير كده على راى عمك عمورة قالك مابلاش نتكلم فى الماضى اهم حاجة انه وهو معايا ميكونش بيفكر فى الماضى واكون انا الماضى والحاضر والمستقبل فى حياته وتقبلى رايى ومرورى

الخلاصه معظم البنات دلوقتى بتحب الواحد اللى بيمشى مع البنات فمثلا محمد ماشى مع ساره فتقول البنت هى ساره احسن منى عشان يمشى معاها محمد وتحلم هى تمشى مع محمد ده مثل كده الجواب باين لو الواد قال للبنت البنات الفريش هتوافق والله البنت المحترمه متحبش يكون فى قبلها ولا بعدها اما الولد هيفرح لو البنت قالتله كنت مشيه مع كذا وكذا العبيط هيقول الحمد لله البنت اللى هخطبها مدردحه (خبره) انا اسف لكل البنات والاولاد المحترمين لو كلامى هيزعلهم انا عاوز اقول على اللى انا شيفه اسف مره اخرى

مفيش بنت متعرفش شب ولا ولد معرفش بنت فى سن معين لازم تحب وتتحب او حتى اعجاب وممكن صحاب بس كان فى علاقة بين الطرفين واللى يقول غير كدا يبقى مش صادق ولو انا قلى خطيبى وقال ليا انى كان ليا علاقة مع فلانة وفلانة انا مليش انى اعرف كل دا انا ليا من اول يوم بقى معايا ميحصلش الكلام دا ويحترمنى ويقدرنى زى ماهو جالى وواثق انى هحاظ علية انا بردوة محتاجة منة كدا بس لو حصل اللى فات دا واحنا مع بعض مش هعد معاه ثانية لانة ميستهلش اكمل باقى عمرة معاه

مادام اعترف هتعوز اكتر من كده ايه هو دلوقتى فى حد ما بيحبش
وتسلم ايدك يا كبير

بصراحة لو كان الكلام دة من عشرة عشرين سنة ولا حاجة كنت عمرى ماهقبل انى ارطبت بية بس فى زمنا دة لازم نعذر الولاد اللى بيعرفوا اى بنت قبل مايخطبوا يعنى الايام دى مفيش ولد ماعرفش بنت اواكتر بس لوكان يستاهل برضة يعنى مش اى حد

ما دام هو اعترف ليا يبقى عادى ومادام هو بيحبنى يبقى اغفر ليه اى حاجه وده اكيد تصرف صح منه لانه عايز نبتدى من غير اسرار بينا

بص ياسيدى

انا واحدة كبيرة والمفروض انى عاقلة وبعرف اميز بين الكويس والوحش

ومتقنعنيش ان فى اى بنى ادم فى الدنيا ملوش ماضى
وبالتالى احنا لازم نتعايش مع النقطة دى كويس جدا

وبناء علية انا طبعا هوافق علية وزى ما قالت مونيانا انة ساب كل البنات واختارنى انا ودى بصراحة من الحجات الى تشفعلة

ووالله ياسيدى لو هو بان علية انة عايز يتغير ويبقى كويس ويمشى معايا كويس
يبقى هوافق علية وهساعدة واساعد نفسى معاة اننا ننسى الى فات

اما بقى لو كان العكس يبقى ملهاش لازمة وجع القلب من الاول عشان دى حياة ومستقبل مش لعب عيال


شكرا يا اصعب حب على النقطة الى انت اثرتها دى

كل الكلام اتقال يعنى
والكل تقريبا متفق ع ان الماضى مش هيأثر ع المستقبل
هو بس ماضى الولد مش هفرق خالص
لكن اكيد ماضى البنت لحد لحدود معينه ما يفرقش حسب طبيعة كل واحد الحدود دى بتتحدد لكن بعد حد معين الماضى هيفرق اوى

نو انا الاولي ةالاخيرة ان شاء الله
ممكن يبقى يكدب عليا
انما انا مش هسمحه لو عرفت

عادى اهم حاجة من اول ما خطبتها