هل صحيح أن قبول فكرة موت من نحب أفضل من قبولنا فقدانه؟

أن تتعذب في الحب خير من أن تتعذب من قلة الحب، فلعذاب الحب طعم جميل...


برغم كل مايحمله من سهر وأسى وحزن إلا أنه يبقى شوقاً .. رائعاً ..

حاضراً في حياتنا ليعطي وجودنا معنى ويغني أيامنا بشوق اللقاء وحرقة الغياب ،

يبقى قوياً حتى في لحظات موته...

ولكن مافاجأني أثناء قراءتي لقصة جميلة بعنوان «فوضى الحواس»

هو عبارة قرأتها في هذه القصة اجمل ما رايت «إنه من الأسهل علينا تقبل موت من نحب على تقبل فكرة فقدانه، واكتشاف أن بإمكانه مواصلة الحياة بكل تفاصيلها دون ذلك أن في الموت تساوياً في الفقدان نجد فيه عزاءنا))،

والسؤال هنا، هل نجد فعلاً في موت الحبيب شقاءً لجرح روح أحبت

وانتصاراً لكبريائنا الذي لانقبل بأي شكل من الأشكال أن يهان أو يجرح. -

صحيح أننا في أوقات كثيرة نميت بعض الأحبة في قلوبنا

وهذا الموت يحول الحب إلى جثة لها رائحة كريهة

ويصبح وقتها من الضروري أن تخرج منا،

خصوصاً عندما يكون الحبيب حياً في الواقع،

أما حين يأخذ الهجر بعد الجريمة فعندها يصبح موت من نحب شفاءً لروحنا ،،

وبرداً لحر أشواقنا وانتصاراً لكبرياء قد تمرغ في وحل الفراق القاسي من طرف واحد،

خصوصاً إن كان هذا الحب الصادق الكبير الذي نحمله في داخلنا قد اغتيل بطريقة لم

نتوقعها من يد كانت في يوم من الأيام تكفكف دموعاً وتشفي جراحاً ألمت بنا،

ويتحول الحب الذي هو التضحية ذاتها... وهو فعل كل مايمكننا فعله لإسعاد من نحب...

إلى رغبة في الانتقام وحقد لدرجة يصل فيها لتمني الموت لهذا القلب الذي كان رفيقاً

لنا... فكنا ندعو له بطول البقاء إلى جانبنا .. فهل الحب أنانية؟

أو بطريقة أخرى هل الأنانية في الحب مسموح بها،

والقصد من الأنانية هنا هي أن يكون المحب لنا وحدنا دون سوانا

، فبقاؤه يرتبط بوجوده إلى جانبنا

وحين يقدر للعشق أن ينطفئ يصبح الشخص بحد ذاته عبئاً على الوجود ككل...

وهنا أترك هذا السؤال مفتوحاً للقراء

فهل يمكن لقلب امتلأ يوماً حباً... وحناناً وعطفاً ....

أن يفرغ مافي جعبته لتعتمل به الأحقاد والكراهية والقسوة؟

وهل تنطبق تلك المقولة التي مفادها

«إن من يكره شخصاً حتى الموت يكون قد أحبه حتى الموت؟»

سؤال مفتوح يجيب كل منا عليه كما يشاء

والله يا تيجر الموضوع مش سهل
وبصراحه اه
لو كرهت حد قوي لازم تكون حبيتو وقربت منو اوي وعرفتو من جوه
وده اي حد اصحاب او مش اصحاب
وبالنسبه للسؤال؟
فانا افضل انو يموت واتعذب انا من الفراق

بجد الموضوع جامد جدا ومحير اوي
بس بالتاكيد ان الانسان مش ممكن يرضي انه ينجرح
وبالتاكيد موت الحبيب او الصديق افضل من الافتراق عنه
لانك كل ما هتفتكره هتفتكر الاشياء الحلوة ليه وتترحم عليه
لكن لو افترقوا هيفتكر الاشياء السيئه ويدعي عليه
بس الحالتين بالتاكيد صعبين
وميرسي علي الموضوع الحلو ده

اه يموت احسن

فعلا اللى بيكرة حد اوى

بيكون حبه لدرجة الجنون

وشكررررا لمروركم

بص هو كدة كدة هتبقى صعبة بس اعتقد ان الواحد يتمنى لة السعادة مع جد تانى هى دى قمة الحب نفسة

لا طبعا ،، وتنتهى حياته عشان نستريح

جايز احنا اللى ما نستهالوش:(

بص بص ... احنا ناس المفترض يعنى
مؤمنين بربنا ولو تحصل حاجة زى دى
هنعدى منها بأقل الخساير ان شاء الله

شكررررا لمروركم

وبالنسبة ليك سندباد لو انت لسه صغير يبقى متخشش اى موضوع فيه كلمة حب

لحسن يحصلك حاجة ويقولوا انا :-h:-h

ههههههههههههههههه

لما شخص بنحبه يتوفي بيكون عزائنا الوحيد ذاكره



فكنا ندعو له بطول البقاء إلى جانبنا .. فهل الحب أنانية؟

لا دي مش انانية دي تبقى اكتر خوف عليه من الناس ان يؤذه او ان حد ياخده منه علطول وماطنش انها انانية

فهل يمكن لقلب امتلأ يوماً حباً... وحناناً وعطفاً ....

أن يفرغ مافي جعبته لتعتمل به الأحقاد والكراهية والقسوة؟

ايوا ممكن ودي اكيد كمان اي حد بيحب حد اوووووي ينجرح منه ينقلب الحب ده لكره على قد ما حبيته


وهل تنطبق تلك المقولة التي مفادها

«إن من يكره شخصاً حتى الموت يكون قد أحبه حتى الموت؟»

مش فاهماه بصراحة

لأ .. صعب أوى

حتى مجرد فكرة الإنتقام من حد كنا أو مازلنا بنحبه

صعبه أوى .!

يمكن هنتألم كتير لأننا افتقدناه

أو إفترقنا لأى سبب

بس كفايه وجوده فى الدنيا

حتى لو كان مع غيرى ،،

تقبل مرورى

أنا محبتش أحذ حاجة من ردك فى الاقتباس
أصل انته كلامك حلو عاجبنى


أما بخصوص سندباد اللى بتتكلم عنه ده
فجايز يكون أكبر منك أصلا ...

سيبك من ده ... احنا مش بيهمنا السن


المهم انك عامل 58 موضوع
منهم مش أقل من 35 موضوع عن الحب

هو مفيش غيرك بيحب ولا حتى بيحس أو حتى عدى بيها
ولا الناس هنا مبيفهموش فى الكلام ده ..؟؟

ولا انته لازم تعرف الناس ان المشاعر بتاعتك
ممكن تتصب فى كوبيات وتتوزع ع البنات

ولا انته اصلا عاجز انك تتكلم فى الحقيقة
فمش لاقى لك حته غير هنا تقولنا ان قلبك فيه ميه بحب مش دم زى الناس


وبخصوص التوبيك ده هو انته حبيت واحدة وبعدت عنك وأنت ماشاء الله حكمت عليها بالاعدام ؟؟؟
جايز يكون العيب من عندك انته ...صدقنى


واذا كنت خايف عليا يحصل لى حاجة
متخافش عليا ان بعرف احكم نفسى كويس ..



ياريت الناس متزعلش من ردى عشان بحترمهم كلهم ...


**********

فهل يمكن لقلب امتلأ يوماً حباً... وحناناً وعطفاً ....

أن يفرغ مافي جعبته لتعتمل به الأحقاد والكراهية والقسوة؟

لا طبعا ومش هتمنى لحد انه يموت ممكن اتمنى انا اموت :d
شكراااااااااااا ع الموضوع

معلش ياجماعة انا مش عارف الناس بتضايق منى

لما بتكلم عن الحب

هو يا أما مش بيكلم زيى

او بيضايق من كلامى لانه بيجرحة اوى

او مش شايف مين اللى بيكلم

وبعدين يأخ سندباد

ايوة انا مشاعرى تتوزع وعندى اللى مش عندك

وبعدين اكلم فى الحقيقة او مش فى الحقيقة دة شئ شخصى

وعلشان ابسطك اكتر انا مش كاتب غير عن الحب

ولو حتى مفيش حد هيرد عليا علشان بس خطرك

اوكى


وياريت محدش بردة يزعل منى

مش بتوصل للدرجة دى قلوب الناس انواع

عمر ماتكره انسان حبيتة خااااااااااااالص

[quote=the tiger;97388]معلش ياجماعة انا مش عارف الناس بتضايق منى

لما بتكلم عن الحب

هو يا أما مش بيكلم زيى

او بيضايق من كلامى لانه بيجرحة اوى

او مش شايف مين اللى بيكلم

وبعدين يأخ سندباد

ايوة انا مشاعرى تتوزع وعندى اللى مش عندك

وبعدين اكلم فى الحقيقة او مش فى الحقيقة دة شئ شخصى

وعلشان ابسطك اكتر انا مش كاتب غير عن الحب

ولو حتى مفيش حد هيرد عليا علشان بس خطرك

اوكى

وياريت محدش بردة يزعل منى[/quote]

بص يا تايجر

الناس هنا عارفانى كويس وانى مش بزهق كدا ..

أما عن موضوع مش بيتكلم زيك ..

دى حاجة انا مش مطالب بيها انى أعملها على العلن كده قدام كل الناس عشان يتكلموا عنى أو غيره

او حتى عشان يحسوا انى بحس زى البنى آدمين والله

ثانيا الدين نهى عن الكلام ده عمال على بطال

هو مش حرّم حب النساء ،، لكن الاسرار بيه واجب لحين المقدرة

واذا كان كلامك ضايقينى وبيجرحنى

هو فعلا خوفنى

أصلى حسيت ان البنت اللى بعدت عنها هتيجى تقتلنى بعيد عنك

أصلى بخاف أوى :(

ههههههه بس هى أسمى من كده أصلا

أما عن مشاعرك اللى بتتوزع دى

براحتك يا سيدى وزعهم لحد ما رصيدك يخلص

ومش تقولى بيزنس ورصيدك مابيخلصش

أنا عندى بئا مشاعرى دى لواحدة بس هى اللى هتستاهلها

ومن حقها لوحدها

واذا كان على "عندك اللى مش عندى "دى كمان

رغم انى أشك أصلا فى كدة

لكن براحتك ..... الكلام مش بفلوس

واذا كان على الكلام بتاع الحب بتاعك اتكلم براحتك يا عم

ومتخافش الناس هنا مبيكسفوش حد

هيردوا عليك بردوا

ومتخافش محدش هيزعل هنا

عشان فيه حرية فى الكلام

ومش بعدنا كتير عن اسلوب الحوار

دلؤتى يا تايجر احنا بنحكم على بعض من القلم اللى بيمثلنا هنا

جايز انته تكون زى أصحاب كتير اعرفهم

لكن لازم تعرف كويس ان قلمك هو اللى ظلمك

قلمك اللى حولته فى التوبيك ده لسيف يقتل لمجرد حب وفراق وأنانية...

بدعوى المحبة .......ياخى يغور الحب ده

جايز ده اللى يكون زهقنى

لكن انته فيه مواضيع لك بتعجبنى

ومش تزعل يا عم روميو

واكتب اللى انته عايزه




مش شرط نبقى أصحاب ...
بس مش ينفع نزعل من بعض هنا