عرض للطباعة
هههههههههههههههههههههه
جميله يا كبير تسلم ايدك
لا بس بيتهأيأ ليا عمري ما قيمت نفسي
اسف علي كلمه كبير انا مخدتش بالي من البروفايل وياريت تقبلي اسفي
مهم جدا تقييمنا لنفسنا على الأقل هنشوف إحنا صح ولا غلط ووصلنا
لحد فين ....
حصل خير .. ونورت التوبيك
طيب يا وهم انا كطالب في الكليه
ايه من وجهه نظرك اقدر اقيم نفسي مع مراعات الظروف اللي حواليا
سواء مجتمع نظام تعليم وكده يعني
يلا يا دكتورهتنا النفسوانيه
قوليلي بسرعه
تقييم النفس عمرى ما حولت انى اقيم نفسى
وواضح انى مش ناوووى
وشكرا ليكى يا وهم على الموضوع
اصل الناس مش زى السيده اللى كان بيكلهما الفتى الصغير ده
شكرا على الموضوع
اها .. ده إختبار لـــــــذاتى !!
ماشى اقولك
بالنسبه للمجمتع هتشوف نفسك علاقتك إيه مع اللى حواليك
أسرتك أصحابك جيرانك المجتمع ككل
تعاملاتك معاهم ازاى.. إنت راضى عن نفسك وعن طريقتك فى
التعامل معاهم ؟؟
هل فعلا فى توافق نفسى إجتماعى مع نفسك و غيرك ؟؟
بتحس بخجل وإحراج ، منطوى او منعزل هل إنت إجتماعى بدرجه كافيه ؟؟
حاسس بوجودك بين الناس دى ؟؟
هتشوف إيه طريقه التعامل اللى الناس مش بتحبها منك وبتعاملهم بيها
وتحاول إنك تغيرها .. تحاول أولا إنك تكون متوافق مع نفسك .. ومتوافق
مع مجتمعك ثانيا .
بالنسبه للنظـــــــــــــــــــــ ــام :(
خلينى ساكته أحسن .. مش عايزه اقولك اعمل إنقلاب وهو ده يبقى التقييم !
بالنسبه للتعليم " الذى لا يرثى له"
تخصصك اللى إنت فيه كان بإختيارك ولا كان قدرك؟؟
راضى عن مستواك الدراسى والتحصيلى ؟؟
حققت شئ فى الدراسه ؟ " مثلا جبت تقدير فى سنه من السنين"
"جبت تقدير فى مادة ما بتحبها "
إتعلمت وإستفدت حاجه جديده من دراستك ؟؟
ليك هدف من دراستك دى ولا مجرد شهاده وخلاص ؟
بتحاول تكون مميز فى مجالك .. بتحاول تكتشف أو تعمل دراسه جديده ؟؟
هدفك إيــــــــــــــــــه؟!
وهكذا ............ ولو فى أى استفسار نحن فى خدمة المفكوكين
يارب اكون قربت لك فكره التقييم مع إن ممكن يكون فى إحتمال إنها مش
بعيده عن تفكيرك !!
سؤال ليك بئا ليه دايما بنتحجج بالظروف
ما عدا طبعا ظروف النظـــــــــــام ؟؟
شكرا على مرورك الهادف بجد
هتنوى إن شاء الله .. هيمر عليك وقت هتحس إنك محتاج
تقيم نفسك وحياتك كلها كمان .. يمكن مش دلوقتى ولا بكره بس أكيد
الوقت ده هيجى ..
وبعدين إحنا ليه ما نكونش زى الولد الصغير ونحــــــــــــــــــاول ؟!
نورت الموضوع يا Wezooo
والله يا دكتوره وهم
لان يمكن الانسان مش عندو الشجاعه انو يواجه نفسو في الحقيقه بس بجد المجتمع اللي حواليا في خلل كبير ومش العيب فيا في كل حاجه
مش ذنبي اني مش عاوز ابقى زي اللي عدو عاوز اسيب علامه في الدونيا عاوز اخرج بره القفص
اما النظام فانا مش ناقم عليه ولا حاجه هو بس محتاج اشعب يفوق مش اكتر
وهي الفكره مش بعيده منا عارف انا تعاملي ازاي مع اصحابي واهلي بس انا اساسا ساسا مش عارف ايه هي المعايير اللي اقيم بالنسبه ليها نفسي
شوقتيني للكلام يلا ردي بسلرعه والنبي بسرعه
طيب واحده واحده كدا ..
إنت بتقول إنك حاسس ان المجتمع حواليك فيه خلل .. هتلاقى فعلا
إختلاف ثقافه يمكن فى التربيه ويمكن حاجات كتير !!
إحنا مش مجتمع واحد إحنا مجتمعات كتير فى بعض ثقافتنا مختلفه
تفكيرنا ميولنا إتجاهتنا بتختلف .... هتلاقى حواليك ناس مش عايزه تعمل
حاجه واقفه مكانها هتحس بإحباط .. بفشل .. بس جواك هدف أو حلم عايز
تحققه وتنجزه .. هتحاول وهتقدر طول ما جواك إصرار ...
بص أنا مش هقولك كلام نظرى زى اللى اتعلمناه فى الكتب .. المهم
التطبيق الجانب العملى اللى هى حياتنا ..
تقدر تقول ان "الصح والغلط" هما ممكن يكونوا معايير التقييم لنفسك
وحياتك
كمان "الجانب الدينى" مهم جدا وأكيد بفطرتنا كمسلمين بيكون دينّا هو
أساس تعاملاتنا
.
.
.
اعذرنى هوقف الكلام لحد كدا النهارده
إن شاء الله هكمل بكره كلامى ...
العزيمه بتقل يا يا وهم
وشماعات كتيير بقت متاحه نعلق عليها
وفي بعضها بقى منطقي اوي
الدنيا بتتغير وانا مش عاوز اتغير حاسس اني اخر خيط ماسك العالم في الاتجاه المعاكس
الا قوليلي يا وهم
هو انا مريض نفسي
هو مش مرض نفسى ولا حاجه
مشكلتنا إننا عايزين نسابق الزمن .. عايزين نوصل بسرعه اوى حتى
وإحنا فى السن ده !!
بنحس إن ادامنا لسه سنين يعنى عقبال لسه ما نخلص دراسه
او حاجه زى كدا يعنى .. فبيحصل لنا نوع من الإحباط او زى ما انت قلت
عزيمتنا بتقل .. زى ما نكون كدا عيشنا كتير وإتعلمنا اكتر ونلاقى نفسنا
لسه ما حققناش حاجه مع إننا بالعكس حققنا يمكن مش بناخد بالنا من
كدا بس اقل حاجه إننا دخلنا كليه وقطعنا شوط كبير جدا فى الدراسه ..
كفايه عليا كلام كدا النهارده .. المايك مع حضرتك