شارك برأيك: هل أنت راض عن أداء حكومة نظيف؟ وهل كل الوزراء متشابهون؟

بصراحه مش عارفة لانى ماليش فى السياسه قوى بس اعتقد ان اداء حكومة نظيف مقبول او ضعيف مش اكتر من كدة

شكرا يا دكتوره منى على مرورك وردك

جيد الى حد ما

حكومة زبالة ووزراء مش كويسين خاااااااااااااالص وبالذات نظيف ده وشكرا يا احمد على موضوعك وتقبل مرورى

حكومه فاشله بجـــــــــداره

أو إحنا اللى مش عاجبنا حاجه

لا لا .. فشلها واضح وجدا كمان

افضل حكومة جئت مصر لتعليم الفشل والنصب والسرقة

شكرا مصطفى لرايك

تقبل تحياتى

شكرا طبعا لولا لرائيك

بس ليه زباله يريت تقولى

تقبلى تحياتى

ممكن يا وهم تعرفينا فاشله اذاى

كله واحد ورايه حر طبعا

المهم شكرا لمرورك

تقبلى تحياتى

ايساف انت بالذات لازم تقول ما السئ فى هذه الحكومه؟

انا هستنى ردك

تقبل تحياتى

هو احنا طبعا اما نيجى نتكلم فى موضوع زى دا (( ننتقد اى حد يعنى))

لازم يكون نقد موضوعى مش مجرد شتيمه وتهجم وخلاص

يعنى لو وحشه نقول وحشه ليه

ولو حلوه نقول برضه ليه

وانا رايى ان الحكومه دى شغلها متواضع جدا وفى وزراء بيكونوا وزراء على مصالحهم

على الصعيد الاقتصادى اعتقد ان محدش حاسس ان بلدنا بتتقدم بينا ولا حاجه

على الصعيد الاجتماعى ...طبعا كلنا شايفين الفساد الادارى الى فى البلد الى وصل الى 60% ودا مش كلامى ولكنه كلام مسئول كبير فى الدوله وهو السيد زكريا عزمى رئيس ديوان رئيس الجمهوريه

على الصعيد السياسى والسمعه الدوليه .......طبعا انتوا شايفين وزاره الخارجيه بتعمل ايه وودت سمعه مصر بين اخواتها العرب لحد فين

والحكومه سمحت لناس كتير فى بلدنا انهم يعملوا الى على كيفهم طالما انهم ولاد ناس كبار او ناس مسؤلين واصبح كل واحد من الناس دى بيعمل الى على كيفه من غيره ما يهمه حد واكن بلدنا بلا حكومه تحكمها

على الصعيد التعليمى ...............انا سايب لكم الراى فيه


وطبعا انتوا عارفين كم الاضرابات الى بتحصل فى البلد باستمرار ودا شىء غير مسبوق خالص فى تاريخ مصر

وازمه البطاااااااله

ورغيف العيش

والصحه

وازمه المواصلات وحوادث الطرق اليوميه

وازمه القطارات وحوادثها

وارتفاع مستوى الفقر فى مصر

والعشوائيات الى مالهاش حل

وازمه الاميه

والمحسوبيات

والظلم الاجتماعى

وحاجات تانيه كتير وكلكم عارفنها وحاسنها

بس الحق يقال الحاجه الوحيده الى عجبانى فى الوزاره دى هى وزاره الداخليه من ناحيه الامن فى البلد

والله بجد دول ناس صحيين ليل نهار

شوفوا كل اسبوع او حتى كل كام يوم يقبضوا على اطنان من المخدرات

وشوفوا الجماعات الارهابيه الى بيمسكوهم قبل ما ينفذوا العمليات القذره بتاعتهم مما يدل انهم ناس فعلا عارفا هما بيعملوا ايه


وسلاااااااااااااااااااااا ااااااااااااااااااااااااا ام

انا مع وهم ان الحكومة
فاشلة بجدارة

الحكومه
كويسه
يعنى
هى اه فيها شويه عيوب
بس كويس اننا عايشين

مهندس مهندس مش اى حاجه

كلام اكتر من رائع

فى حاجه بس بلاش كده كويس اوى

ليه ما الحياه لونها بامبى اهه هههههههههههههه

يلا ربنا يستر

انت صاحب الدماغ العليا

انا عايش ومش عايش

العيوب تتصلح يا عم شريف

نعم

انا الشعب

حاجه ايه دى ممكن نعرفها؟؟؟؟ والحاجه دى عن ايه ؟؟؟

برضه يا lovlyboy

ما جاوبتنيش على سؤالى الى فى الصفحه 3

أعرفكوا إزاى فــــاشلة ؟؟

هو انا عايشه لوحدى فى البلد ولا إيه ؟؟

للأسف إحنا موتنا وإحنا عايشين !!

وبص حواليك كدا شوف الحكومه فاشلة إزاى

أكيد

هتعرف !

النقد ولا كان شتيمة ولا تهجم يا أ / هيرو

وإحنا زهقنا من كتر ما بنقول ليه الحكومه فاشله

إحنا بنتسرق وإحنا ساكتين للأسف

عايزين الأيام تعدى علينا وخلاص

بقينا زى التمثال (خايف أرى خايف اسمع خايف اتكلم ) !!



هقولك مثال واحد بس


ياريت تبقى تقرأ ( البلطجيه) قصدى (الظباط )

بيعملوا ايه فى اقسام الشرطة .. وأكيد إنت عارف !


وهما دول عنــــوان وزارة الداخلية .

...........

انا على فكره بتكلم فى المطلق ومش بتكلم على حد معين

وعلى فكره انا مش استاذ انا مهندس ههههههههههههههههههههههههه ههههه


انا معاكى فى ان فيه بعض الظباط بيعملوا حاجات يستحقوا الشنق عليها

وارجعى لمشاركتى تانى وشوفى ايه وجه اعجابى بيهم

انا قلت عجبنى من ناحيه الامن فى البلد وهما بالفعل ماسكين الامن كويس جدا والحمد لله وربنا يعنهم

وانا ماقلتش انهم عجبنى فى كل حاجه

بس هل نقدر نعمم ان كل الظباط وحشين ؟؟؟ طبعا لأ

ولكن الى نقدر نقوله ان الحلو والوحش موجودين فى كل حااااااااااااااااااجه


وعلى فكره الحلوين اكتر من الوحشين فى الظباط

وتعالى نسال نفسينا كدا

هو مين الى مستعد يضحى بنفسه عشان انا وانتى وغيرنا وغيرنا يعيش ؟؟ مش هما ظباط الشرطه

دول الواحد منهم بيخرج من بيته الصبح ومش عارف هيرجع تانى ولا لأ

تحياااااااااااااااااااااا ااااااااتى


[/center]

فعلا فى فرق بين أستاذ ومهندس :-? ..



ولا تزعل نفسك يا دكتور



بالنسبه لظباط الشرطة .. مش عارفه ليه مش مقتنعة (بالتضحية)


علشان غيرهم !


دايماً فى كلمتين مرتبطين ببعض فى قناعتى الشخصية



ظابط شرطة = نفوذ ( لمصلحته الشخصية)



ومش عارفة ليه مش حاسه بالأمان اللى موجود فى البلد ؟؟


................

هههههههههههههههههههه

انا بهزر على فكره وانا هنا بين اخواتى واصدقائى وما ينفعش يكون فى القاب بين الاخوات

عادى دا رايك وانا طبعا مش هقدر اجبرك على تبنى وجهة نظرى

الاختلاف فى الراى لا يفسد للود قضيه

بس بجد لو عاوزه تحسى بالامان الى انتى مش حاسه بيه بصى حواليكى للدول التانيه وانتى تعرفى مصر امان ولا لأ

تخيلى كدا لو انتى ماشيه فى الشارع ومره واحده عربيه مفخخه انفجرت جنبك
تخيلى كدا انك راكبه مواصله عامه وراح واحد مفجر نفسه فيها

تخيلى كدا انك فى سوق ولا منطقه مزدحمه وراح واحد مفجر نفسه

اسالى نفك هل انتى او حد من جيران اتعرض لسرقات قبل كدا ؟؟

ولو اتعرض ..........يبقى كام مره ؟؟

طب انتى يمكن عشان بنت مش عارف بتسهرى بره ولا لأ

بس الولاد يفهمونى اكتر فى الحته دى

احنا ساعات بنسهر بره لحاد الفجر وبنروح بيتنا من غير ما يطلع علينا قاطعى طريق ولا حراميه بالاكراه ولا حاجه

هتقولى لى هو لسه قطاع طرق لحد دلوقتى

هقلك اسالى حد عايش فى السعوديه عن الكلام دا

هيقلك ان ما حدش يقدر يخرج من البيت بالليل لوحده خاااااالص والكلا م دا قايلهولى اكتر من واحد عايشين فى السعوديه(( وانا لا اخصص السعوديه ولا اعمم الكلام دا فى سائر السعوديه ))

وطبعا فى كلام كتير لا يتسع المجال انى اقوله
ومصر معروفه من زمان انها بلد الامن

(( ادخلوا مصر ان شاء الله امنين )) صدق الله العظيم

8->8->8->8->8->

ابو طويله
وأعوانه
هههههههههههههههههاااااااا ااااااى
الى وكلنها ولعه
ده بالعكس
ددى أسوء وزارة حصلت فى تاريخ البلد
وادائها اسوء من ضعيف جدا

هم بيشتغلونا 71% راضيين عن الوزاره دى الناس بتسب وبتلعن وزاره كل حاجه فيها بالرشاوى تحت شعار ((ظبطنى اظبطك)) دى حاجه تقرف

الموضوع مش إجبار .. بس إقتناع !


بالنسبة للأمان .... حضرتك إتكلمت عن اللى بيفجروا نفسهم

بس إحنا هنا مش فى فلسطين ولا العراق ولا حتى أفغانستان

إحنا فى مصر وبالرغم إننا مش فى حرب ..

بس أكيد سمعت عن تفجيرات الحسيــن وغيرها ........

وممكن أحكيلك عن دكتور فى كلية الهندسة فى جامعة ما

وهو خارج من الكلية (عربية مجهولة) قتلته .............!!

والقاتـــــــــــــل مجهول .....

عرفت كان دكتور فى إيه ؟؟

نحتسبه عند الله شهيد بإذن الله .

وعن حوادث السرقه والقتل كتييييييييير أوى

بس أى مكان فى الدنيا فى سرقه وقتل مش هنقول فى مصر بس

الحياة فى مصر ملخبطة .. فى كل المجالات ...

ومش هننكر

ومش عارفين هنفضل كدا لإمتى ؟؟

بصراحه يا جماعه كل دوله فيها تفجير وفساااااااااد ومصر من ناحيه الفساد رائده فيه اما التفجيرات قليله جدا وممكن توصل للندره بالنسبه للدول التانيه

تمااااااااااااااااااااااا اااااااااااااام

وهل اسبانيا فى حاله حرب ؟؟

طبعا لا وشوفى منظمه ايتا الانفصاليه بتعمل ايه وبتغتال قد ايه وبتعمل عمليات تفجيريه كام مره

وهل سيرلانكا فى حاله حرب وشوفى منظمه التاميل بتعمل فيها ايه

هل السودان فى حاله حرب وشوفى منطمه العدل والمساواه عاولا ايه فى السودان دى قربت تقسم السودان


وهل باكستان فى حاله حرب مع احد وشوفى طالبان عامله فيها ايه

وهل الجزائر ودول المغرب العربى فى حاله حرب مع احد ؟؟ وشوفى القاعده بتعمل فيها ايه

وهل كانت مصر نفسها فى حرب عندما وقع تفجيرات طابا


وبالنسبه لتفجيرات الحسين اعلن فى جريده المصرى اليوم (( اظن دى بقى جريده معارضه مش قوميه حكوميه ))

ان الارهابيين اعترفوا فى نيابه امن الدوله العليا انهما كانوا بيخططوا لكذا عمليه بس فشلوا لشده الاجراءات الامنيه ومقدروش ينفذوا الا دى


تخيلى لو الامن عندنا اى كلام كان زمان الارهابيين دول بوظوا البلد



وعلى العموم نقفل النقاش احسن

لأن الرسول نهى عن الجدال

وكل منا له رايه

وانا شايف اننا بعدنا جدا عن الموضوع

وبرضه الاختلاف فى الراى لا يفسد للود قضيه

تحياااااااااااااااااااااا اااااتى

بصراحه دي اسوأفترة مصر بتمر بيها بلدنا بقالها سنين بتتنهب وناس حقوقها ضايعه وناس بتقبض بالملايين .

نظيف ازاى اصلا والبلد معفنة...!!!

خلونا واقعيين شووية مش جايز ده كله تزوير؟
أو رشوة؟
أو هما قالوا راضين وكتبوه اساميهم جايز يعنهم ويشغلهم
ماهو كله عاد جاايز دلوقتى..!
بلاش ده كله
طب ازاى رشحوه واحنا مشوفناش حاجة يعنى
بلاش ده طيب
طب لو هو بيعمل فعلا بيعمل فى مناطق ومناطق لا؟
ماتعالوا شوفوا اهو ادى محافظة الشرقية
ونظافتها ..نظيفة جداااااااااااااا
انتوا صدقتوا
مش كلها نظيفة
ادى البلد اللى قاعدة فيها معفنة
ماحدش مهتم بيها لية يعنى هى مش على الخريطة ولا اية؟؟
كلهم حرامية هانعمل وهانسوى ويدوبك أول ماينجح فى الانتخابات مايعرفش حد
واهو مسك منصب وخلاص..وعمال ينهب فى الفلوس والحكومة تعمل نفسيها مش واخدة بالها
واول مايطلع ع المعاش او يرشحوا واحد غيره والتانى يكسب يحاسبوه على كل حاجة ويطلعوه حرامى فى الاخر ...!!!!
كووووووووووسة
حسبى الله ونعم الوكيل..

[-( [-( [-(

والله برده الكلام مش هيجيب فايده سواء قولنا كويسه او مش كويسه

وكده كده اللى فى دماغهم بيتنفذ

بس هيا عموما نقدر نقول عليها نص مقبول ونص غير مقبول
بس النص الغير مقبول اكتر شويه

سلطة ياعاااااااااااااالم

~x( ~x( ~x( ~x(

اسلام
انا هقولك كلمــة
انا عاوزك تشوف فيلم الجزيــرة
وفيلم ابراهيم الأبيض

انــا مش هقول أكتــر من كــدا
الحمــد لله القصتين واقعيين
مش قـصــة فيلــم

الظابط من دول لما بيدخل شرطــة
بيشوط فى النــاس
زى ما وهـم قالت
ظابط = سلطــة لنفســه

بلاش كدا
شوفت فيلم هـى فوضــى؟؟
اهو بيحكى اللى بيحصــل فعــلا
دانت يا اخى ممكن موبايلـك يكون عليــه فيديو تعذيب فى القســم
من الآخر
حكومة فاســدة
ادارة فاســدة
نهب وسرقــة وكـل حاجــة

طيب هو انا عاوز اعرف حاجة
الضرايب اللى الناس دى بتدفعها
بيدفعوها ليــه؟
ويا اما الضرايب يا اما تتحجز
طيب الراجل مش عاوز يدفع سيبه فى حاله ومالكش دعوة بيه لبخير او بتدافع عنه زى ما بتقول
يعنى انت بتاخد الضرايب علشان مصلحة الشعب
سواء دفاع عنه او كذا او كذا
طيب مارضيش يعطيك ضرايب
ما تدافعش عنه
ابعد عنه
ولا هو فلوس وخلااص

مش هنســى موقف حصل ليا انا وواحد صاحبــى فى المتــرو
والله العظيم داخل
المكنة بتاعة المترو اللى بنحط فيها التذكرة أصــلا بايظة
الممر بيمر لوحده
المهم فحطيت التذكرة خرجت من الناحية التانية ايزى خاااااااااااالص
الكلام ده وانا داخل
وانا خارج حطيت التذكرة راحت خارجة من الناحية التانية الممر ما خلاانيش اعدى
راح قايلى بطاقتك
قولتله اهى
قالى مش هتاخدها الا لما تدفع عشرة جنيه:d
قولتله نعم.؟
طيب خليهالك
قالى هعملك بيها محضر
قولتله اعمل
وانا جاى معاك وهمضــى
راح معطيها لواحد قاعد كدا فى المحطة بتاعة غمرة
المهم قالى ايه اللى حصل
قولتله كذا كذا كذا
قالى خد اهى واحنا اسفين
طيب ولنفرض مثلا ان لو المكنة مش بايظة وحصل اللى حصل
عشرة جنيه ليــه؟:-??
العشرة جنيه مش فارقــة
هى ايه عشرة جنيه
بس الدنيا ماينفعش انها تبقــى كــدا
اولا ده اسلوب تهديد
ثانيا انت بتضحك على الناس علشان فلوس؟
انت هيجيلك نفس تشترى بيها مثلا أكل وتاكله بنفس؟
حسبنا الله ونعــم الوكيــل

يا عمنا الدنيا فساااااااااااااااااااد
البلد خرباااااااااانة
هههههههههههههههههههه
اه والله مش مصدقنــى؟؟
والله خربانــة والدنيا مضيعــة
بس الانجاز اللى تماام فى بلدك
هو ان الكبير مخلاناش نحارب لمدة 36 سنـــة

ومع ذلم ما اخدناش الفيتو:d

يعنى البس من الآخر

شكرا
وأسف على الخطبة اللى اتكتبت
انا مكنتش عاوز ادخل التوبيك لأنى كنت حاسس انى هخطب كدا
بس دخلت

هههههههههههه
الكبير كبير
وهانحارب ماتخافش
بس انت متفولش بس

بلدى بلد الكوووووسة
نفسى فى محشى والله

بس انت بجد يااحمد قولتله خليلك البطاقة؟؟
اية الحلاوة دى
طب افرض بقى بجد عملك محضر بجد؟؟
كان اية موقفك؟؟

انا مكنتش عايز ادخل برده لانى لو فتحت هفتح بمعنى الكلمه بس زى ماقولت الكلام ملوش لزمه وجيمى قام بالواجب

هــــــــــــــــــــــــ ـــــــــــــــــــه
دنيــا

والله كل يوم بتكبر فى نظرى يا تامر

ريح بالك وانسى اللى نسيك عيش ليــك
لياليــك
مش ده يا قلبــى اللى بنتمناه

اصلى يا احمد انشاء الله هنتاخد امن دوله كلنا

كله محصل بعضه
ربنا يخودهم كلهم علشان نرتاح
:-t:-t:-t:-t:-t

آمييييييييييييييييييييييي ين

[-o<