عرض للطباعة
السلام عليكم
طبعا اصعب حب هو الحب من طرف واحد طيب نفترض انك قلت للانسانة اللى بتحبها انك بتحبها وهى كان رد فعلها مش يدل انها بتبدلك نفس الشعور والحياة مشيت بينكم بعد كدة عادى على انكم اصحاب
انت هيكون رد فعلك
هل تحاول تعدل من نفسك وتجذب انتبها اكتر يمكن تحبك
ولا هتدوس على قلبك وتكملوا اصحاب
ولا هتكبر دماغك وتسيبك منها خالص مالص
ولا هتحاول تضغط عليها بانك تكلمها كتير عن حبك ليها يمكن تبادلك نفس الشعور
لو انا فى الموقف دا اكيد بعد اما اعرف الشخص انى بحبة ومحستش منة نفس الشعور خلاص عمر مايكون الحب ذن على الويدان وخلاص على توافق او يوافق بس هكيون حبى جوايا مش اكتر وااحاول اتعامل عادى على اساس الصحبية مش اكتر واحاول اخد بالى من تصرفاتى
شكرا سما لمرورك
بس اعتقد صعب تشوف حبيبك كل يوم وتقف معاه وانت عارف انة مش ليك
تنسااااااااااااااااااااه
شكرا محمد لموضوعك بس احسن حاجة فى الدنيا لما يكونوا الاثنين بيبادلوا بعض نفس الشعور والاحساس والحب انما الحب من طرف واحد دايما فاشل ومحكوم عليه بالاعدام اه انا ممكن احب الشخص ده من بعيد لبعيد بس لا يمكن اروح اقوله انا بحبك ايه رايك موقفى هيبقى صعب شوية صح ولا ايه
استحالة اى شخص ينسى حد بيحبة بالسهولة دى
شكرا لمرورك
تسلمى يا لولا بس مفشى اى امل فى الحب من طرف واحد خالص كدة يعنى
بالسهوله دى ؟؟
لو كان الإحساس بجد عمره ما هيقدر ينسى ..
وعلى فكره يا Karmouty لو الطرف التانى مش حاسس بالمشاعر دى
يبقى من الأفضل إننا نحاول نبعد حتى لو هنتألم ... وأكيد هنتألم ...
وإحساسه بينا عمره ما هيجى بالعافيه
وكمان الحب من طرف واحد بيبقى مش كامل بمعنى .. إنك بتحب الشخص
ده وإنت لسه ما تعرفهوش كويس ممكن لما ترتبط بيه تحس مش هو ده
اللى إنت كنت عايزه او بتفكر فيه تلاقيه بعيد عن تفكيرك .. يبقى هنظلمه
ونظلم نفسنا ..!
ليه ما نحاولش إننا نعمل كنترول على مشاعرنا ؟.. لحد ما نتأكد فعلا إن هو
ده الإنسان اللى يستاهل و يبادلنا بنفس الإحساس ...
*****************
ومن رأيى أنا مش بقتنع غير بالإرتباط الرسمى ... لأننا مش هنعيش حياتنا
نجرب هو بيكون إنسان واحد وبس
والله يا محمد على اللى بشوفه من ادامى ان الحب من طرف واحد بيبقى استحالة حتى يتحس مش معقول هحب واحد وهو اصلا دماغه فى اى حاجة تانية ومش حاسس بيا بس على فكرة الامل موجود ممكن يحصل معجزة والطرف التانى يحس بالطرف الاولانى
انا راى من الافضل انة يحاول انة ينساها ومايحاولش يشوفها لان هوة عمرة ماهيقدر يعتبرها صديقة بتهيالى مش هيقدر يقاوم حبة ليها وهوة شايفها قدامة علطول وكمان ممكن لما علاقة الصداقة تتطور ممكن يدخل حد فى حياتها وتحكيلة على اساس انة صاحبها فكدة الحكاية هتبقى صعبة علية جداااا ....معلش طولت فى الرد وميرسى ليك على الموضوع بجد جميل
احاول اجى على نفسى وما ابينش ليه حاجه واللى مقسوم ليا اكيد هو اللى هيحصل ليا...لان ممكن ما يكونش ده الحب اللى يستحقنى واكيد ربنا شايل ليا الاحسن ديما
ولا هتكبر دماغك وتسيبك منها خالص مالص
مستحييل ينساها دة اللى انا متاكد منة
اما انها تحكى لة عن حد يدخل حياتها هفكر وارد لانى مش متوقع الموضوع دة بس اعتقد هتكون صعبة جدا جدا جدا جدا
صعب قوى ان الواحد بعد ما هيكون بيحب واحده وفى الاخر يبقى صاحب مش حبيب
احسن حاجه ينساها وده برضوك صعب بس ده الاصلاح
دى وجهه نظرى مش عارف وتقبل تحياتى
تمام يا ابو حميد انا معاك بردة
سورى يا باشمهندس
انا ليا وجهه نظر فى الموضوع ده
اولا انا عارفه انه يوجد حب فى الاسلام
بس الحب ده بين الزوجات وازواجهم
مش بين الطلبة
معلشى انا ردى هيكون قاسى شويه
بس دى الحقيقة
لو انت حبيت واحده وعاوز تقولها
هتقولها ايه انا طالب وعاوز احبك
او انى بحبك وعاوزك انتى كمان تحبينى
والله لو واحد بيقولى كده معلشى انا ممكن اعمل حاجه من اتنين
يا اما اضربه
او اسيبه وامشى دى هتكون قله زوق منى
بس استحاله انى اقف اتكلم مع واحد زى ده
عاوزه اعرف حاجه ترضاها لاختك
انها تيجى تقولك ان فلان قالها انه بيحبها
لو ترضاها سورى انت كده بتكون رجل دييوس
اكيد اى راجل ميرضهاش على اهل بيته
علشان كده مترضهاش على غيرك
وعاوزه اوضحلك حاجه الحكاية دى بتكون نصيب من عند ربنا
ربنا هو اللى بيقدر كل شىء
مش الانسان
لو انت راجل مقتدر ادخل البيت من بابه اتقدم ليها
كلم اهلها
انما مش تروح تقولها هى
هى ممكن تحرجك بذوق
علشان متزعلكشى
وعلى فكره الانسان لو التزم صح وعرف طريق ربنا كويس مفيش حاجه اسمها حب ممكن تسيطر عليه
الشيطان هو اللى بيزين الحرام وبيخليه حلال
بيقولك دا حب طاهر
هو انت بتعمل حاجه غلط
بس بجد نصيحه من اختك
مضيعشى وقتك شوف مصلحتك
شوف الكورسات اللى عاوز تاخدها
شوف هتبنى طريقك ازاى خطط لمستقبلك صح
وقرب من ربنا
الانسان لما بيقرب من ربنا بيشيل كل الشهوات اللى عنده
ازاى واحد يكون بيصلى وبيدخل بيت ربنا وهو قاعد بيحب فى واحده
ازاى يكون بيقرأ فى كتاب ربنا وهو عمال يتخيل ارتباطه بانسانه وفى غضب ربنا
يا باشمهندس انا كلامى قاسى جدا
بس لو فكرت صح هتلاقى كلامى مظبوط
هتلاقى كل اللى بقوله صح
لو انت هتقدر ترتبط بانسانه دلوقتى وانت لسه مخلصتش تعليمك روح اتقدم لاهلها
قولهم انا عاوز اخطب بنتكم
انا بحبها
ابوها هيقولك ايه
انت لسه طالب روح يا بابا ذاكر وابقى تعالى اتكلم لما احس انك مهندس بجد
وبنصحك نصيحه
عمرك ما تفكر فى واحده من نفس سنك
مش هتتأقلموا مع بعض خاااااالص
عقل المرأة بينضج قبل الرجل بخمس سنوات
انا كده طولت جدا
بس والله الموضوع ده محتاج كلام كتيييييير
ولازم له قعده
ياريت لو فى حاجه فى الرد مش مفهومه او وجهه نظرى غلط بلغنى
تقبل مرورى
انا مع سما فى كل كلمة قلتها والواحد يتعامل عادى فى حدود الصحوبية وبس
شكرا ليك على الموضوع
ولا هتكبر دماغك وتسيبك منها خالص مالص
هو ده اللى انا هعمله
النسيان نعمة ربنا ادها لينا واكيد لازم ننسى عشان انا حصل معاية نفس الموقف واخدت قرار انى ابعد خالص ومن غير اى صحوبية ولا قرابة حتى وحاسس انى مرتاح جدا ومش هاضعف قدامها وهيا ممكن تحس بيا لو شافتنى منفض ساعتها هيا ممكن تجيلى لغاية عندى بس مش عارف ساعتها انا هاعمل اية ايكد مش هاوافق لانى اترفضت اول مرة والقرار قرارك انتا وبس اخوكم صابر
انا موافقه الراى ده فعلا مينفعش تثبت واحدة فى الشارع ولا فى اى مكان وتقولها بحبك ووجع الدماغ ده عايز يقولها بحبك لازم يدخل البيت من بابه ويروح يكلم اهلها ل كانت بتحبه اكيد هتوافق عليه ولو لم تن تحبه ينفض بقى ويشوف مصلحته وربنا هيعوضه :d