الحب من طرف واحد عبط ولا اخلاص ؟!!
الحب من طرف واحد ظاهرة بنشوفها اليومين دول
وتلاقي صاحبنا سهران الليل وسرحان النهار ومش بيبطل تفكير
وفي الغالب بيتعذب ومش بيطول اللي هوه عاوزه
يعني ناس بتعتبرها اخلاص
علي اساس انه بيحب بغض النظر عن رد فعل الطرف الاخر
ده حتي بيبقي كفاية عليه انه يسمع سيرته او يشوفه
يعني ذي ما بيقولوا حب عذري علي الاخر
وناس بتعبرها هبل
يعني الطرف الاخر مش بيحبك تاعب نفسك علي ايه
وعايش ليه في دور روميو وجولييت
ومفيش جولييت
او مفيش روميو اساسا
اتباعا للمقولة اللي بتقول الحب ذي اي علاقة بين الجنسين تحتاج الي طرفين
وجود طرف واحد لا يغني
يعني مفيش حاجة اسمها عنتر
ولا حاجة اسمها عبلة
لكن عنتر وعبلة مع بعض جملة ليها معني ومفهوم يصل الي ذهن القاريء
ايه رايكم يا جماعة
يعني هل الحب اللي من طرف واحد ده هبل ولا اخلاص؟؟؟؟؟
طيب ايه رايكم لو كان الطرف تاني ده كان بيحب حد تاني
هتبقي صعبة مش كده
رد: الحب من طرف واحد عبط ولا اخلاص ؟!!
لاء مش عبط واكيد هيجى اليوم الى يقولها انة بيحبها وشكرا على التوبيك
رد: الحب من طرف واحد عبط ولا اخلاص ؟!!
لا لا احتمل محصلش نفضل عايشين على حب
احتمال ميتحققش واحتمال كبير كمان لا لا
شكرررررا لمرورك فيرس منور التوبيك
رد: الحب من طرف واحد عبط ولا اخلاص ؟!!
@};-بجد فعلا هو ده الى بيحصل دلوقتى بمعنا ان الحب معتش من الطرفين خالص@};-
رد: الحب من طرف واحد عبط ولا اخلاص ؟!!
انا هدخل في الموضوع على طول
مفيش حاجة اسمها حب من طرف واحد
في حاجة اسمها اتنين بيحبوا بعض
او واحد بيشتغل نفسه
لو بتحب واحدة و قد الحب ده , قولها في وشها , انا بحبك و عايز اتجوزك
مش قد الحب ( يعني متقدرش تقول الكلمتين دول و انت صادق فيهم )
يبقى متحبش احسن , ده اذا كنت ناوي تحب
لان اي ارتباط بدون القدرة على الزواج الرسمي يبقى اسمه تظبيط :|
و مات الكلام :|
رد: الحب من طرف واحد عبط ولا اخلاص ؟!!
لا طبعا مش عبط ولا هبل ده اخلاص
ومن الواجب احترام مشاعره لان الحب مش بأيده
وممكن الحب ده فى النهايه يتحووووول الى صداقه جميله جدا
رد: الحب من طرف واحد عبط ولا اخلاص ؟!!
احم احم
تنهيده كده بسى على ما افوق واكتبلكم
بص بقى يا عم تايجر انا مع رأى شومان
إن الحب ده فعلا عبط اذا مكنشى فيه ارتباط من الطرفين ونهايه الحب ده تكون الزواج
يعنى ميفضلشى يتعب نفسه ويجرى ورا سراب
وبعد كده يتصدم ويقول ياريت اللى جرا ما كان
يعنى هو لو بيحب واحده وهى مش عطياله وش يريح دماغه منها ويكبر ويحاول ينسى ميفضلشى يضيع نفسه ومستقبله علشان اوهام
لو بيحبها بجد وهيقدر يروح يتكلم معاها بصراحه ويقولها انه بيحبها وانه هيتقدم خلاص يتوكل على ربنا ويروح بس ربنا يسترها عليه وميسمعشى منها كلام رخم
ربنا يهدى الجميعويوقفهم لما فيه الخير والصلاح
رد: الحب من طرف واحد عبط ولا اخلاص ؟!!
ههههههههههههههاي
لا هو في كل الحالات
عايزاه او مش عايزاه
هيسمع كلام رخم :)
ده شئ مية في المية هيحصل :p
بس انت بتعمل اللي عليك
و لازم هيكون في محاولة تانية
دونت وري
رد: الحب من طرف واحد عبط ولا اخلاص ؟!!
اتباعا للمقولة اللي بتقول الحب ذي اي علاقة بين الجنسين تحتاج الي طرفين
وجود طرف واحد لا يغني
ههههههههههههههههه
لا بجد فنان وعندك أحساس
تسلم على الكلمتين دول يامان
ايه رايكم يا جماعة
يعني هل الحب اللي من طرف واحد ده هبل ولا اخلاص؟؟؟؟؟
طيب ايه رايكم لو كان الطرف تاني ده كان بيحب حد تانى
هتبقي صعبة مش كده
ليا رد على الموضوع
أنتظرنى أنا راجع تانى
رد: الحب من طرف واحد عبط ولا اخلاص ؟!!
شكررررررررررررا ياجماعة لمروكم وارائكم
بس انا رايى
ان الحب منطرف واحد عبط مش ممكن اربط حياتى
بشخص ممكن يكون مش بيحبنى
وممكن ابنيلة صورة كبيرة اوى لدرجة انه لو حب شخص تانى
مقدرش انساه خالص
شكررررررررررررا
رد: الحب من طرف واحد عبط ولا اخلاص ؟!!
