عاوز تبقا أرزل بنى أدم على وجه البسيطه ......... ادخل هنا

أزاى تبقا ارزل واحد فى الدنيا
هااااااااااااى عليكم شباب وبنات المتدى
أنا الموضوع ده قرأته على أحد المنتديات وعجبنى جدا
فقلت أنقله تاخدودروس فى الرزاله لعل وعسى تجيب نتيجه
يالا بينا نبتدى
نبتدى الحصة الأولى

ازاى تبقى رذل فى المواصلات

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

دنتا عدتنى يامان فى مرحلة الخنيقة

=))=))=))=))ههههههههههههههههه
بجد رزاله اخر حاجه

ولسه
أنتظرونا
موعدنا الدرس التانى

يامان أنا خنيق أساسا

اية دة حرام عليكم
انا مش داخلة الرابطة دى تانى
انا اتخنقت من الموضوع دة وجبت آخرى

طيب كويس
الدرس بدا يجيب نتيجه
أنتى أتخنقتى
أشتغلى على الأخرين ورينا همتك

ايه الرذالة دى؟؟؟؟؟؟؟؟؟
يا ساتر.........

بس بجد الموضوع جامد
وشكرا ليك على المجهود

ههههههههههههههه
ايه الخنقه دى انا لو ركب معايا واحد كدة انا ممكن اقتلة
x(x(x(x(x(
>:)>:)>:)>:)>:)>:)>:)

سندريلا
نودى
شكرا لمروركم وتقبلو تحياتى

ههههههههههههه
بجد حاجة فوق الممل واحنا مستنين الدرس الجديد

أوكى
وشكرا لمرورك يارايق

so bad

وماله ياعمنا

ده انت كفرت الناس حرام عليك

أنا برده ياجاسر
:(