أزاى تبقا أرزل واحد فى كليتك (الدرس التانى) أدخل بسرعه

السلام عليكم ورحمه الله
من منطلق مبدأنا الى هو تبقا ازاى أرذل مخلوق فىالدنيا
جبت لحضراتكم الدرس التانى يارب تكونو استفدتم حاجه من الدرس الاول
ويارب تستفيدو من الدرس التانى
وكمان الدرس ده هيفيد ناس كتير وطلبه كتير فى الجامعات
يالا


الحصة التانية
ازاى تبقى رذل فى الكلية


فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل
الحصة الجاية إن شاء الله على الموبايل
هكشف كل أسلحته الفتاكة

nice

شكرا ليك ياماجد على مرورك

نيهاعععععع نيهاعععع نيهاععععع
ضحكات شريره متقطعه

هاه هاه هاه هااااااااااااه

انت فاهم الرزاله غلط على فكره خالص

نورت التوبك ياشريف باشريف باشا بمرورك

وعلى فكرة يادكتور ماتريكش أنا مش فاهمها غلط هو ده مفهومها عندى

على فكره دا انا اكره نفسى لو عملت كده...

دى مش رزاله دا شر رهيب...>:)>:)>:)>:)

حرام عليك علم العيال حاجه حلوه دا ايه الحاجات دى يا ابنى...:-o:-o

يا محمد شهاده منى ليكى انت يا حبيبى مش محتاج دروس انت فعلا كدا

وبجد دى احلى حاجه فيك

كفايه انت

مش لازم الكل يبقى زيك يا حبيبى :d:d:d

اهم حاجه تسلم على النصايح انا مش عاوز ابقى رزل

ههههههه انا لسة فى المدرسة شكرا على المعلومات لما اطلع كليا بس انا خربة فى المدرسة بجد 9 استدعاء وكان هيجى مرتين رفد ههههههههههههههه بس عملت افلام زى العادة

اطلع برة يا محمد

ليه بس يامنار كرهتى نفسك ليه ده أحلى حاجه فى الدنيا الرزاله
:d:d:d:d:d:d:d

وماله برده لما يتعلمو حاجه فى دنيتهم
:-?:-?:-?:-?:-?:-?:-?
الرزاله دى الى هتأكل عيش بعد كدا
>:)>:)>:)>:)>:)>:)>:)>:)

ربنا يخليك ليا يا أبو حميد ياغالى تصدق بالى خلقك
دى شهاده أعتز بيها ووسام على صدرى
:d:d:d:d
وبعدين أنا مش محتاج دروس
الدروس دى أنا جايبها للى عاوزين يتعلمو
أمال أسمها رابطه امخنوقين أزاى
مش لازم تخنق غيرك
>:)>:)>:)

بكرة تكبر ياجميل
وتعمل اكتر من ده كمان
على فكرة انا كنت زيك كدا وأفظع كمان

وماله ياكبير
أنت تأمر
:d:d:d:d:d:d
بس أطلع بره ليه ؟
:-/:-/:-/:-/:-/:-/:-/:-/:-/

ههههههههههههههه
لا رزله رزله قوى كمان والله وانا من وجهة نظرى ان لو فى واحد كده اكيد مكنش هيفضل عايش لدلوقتى

نفسى يبقا فيه حد زى كدا
شكرا ليكى مسلم جيرل على المرور

هى اللى هتأكل عيش .....

ماشى يا عم الفيلسوف....:p:p:p:p

نياااااااااااااع نياااااااااااااع نياااااااااااع
ضحكات شريرة متقطعه
>:)>:)>:)>:)>:)>:)>:)
معلش يادرش سرقتها منك أعزرنى ياكبير

@-)@-)@-)@-)@-)

من الاخر شكل التوبك عجبك ومش عاوزا تقولى
:d:d:d:d:d:d

ههههههههههه انت استاذ وتخصص فى الرزالة

يا ساتر على الرزالة
:(:(:(:(:(:(
شكرا ليك ريد عالموضوع

رايق
ساندريلا شكرا لمروركم
وأتمنى أنكو تكونو أسنفدو حاجه

so bad

هاهاهاهاهاها
جامد اوي
زرالة اخر حاجة

سو فانى

رزاله ستايل يا دودى
أيه رايك
بجيب أخر الصيحات

الحمد لله ضمنا ان احنا هنضرب بسبب نصايحك دى

ههههههههههههههه
وماله يازهرة
ولا أعرفك لو أضربتى
أنا ناقص
8-x8-x8-x

ايوووووووووووووووووون كدة حلو قوى

تماااااااااااااااااااااام كويس ياسفيرة
النتيجه بدأت تظهر
بعد فترة كبييييييييييييرة
بس مش مشكله
العمليه بقت مثمرة
8-x8-x8-x8-x8-x

بس الناس دى لو قتلوك تبقى حاجه عاديه
لانك بجد رزززززززززززززززززل

شكرا على المديح يامحمد باشا
نورت المنتدى