هنكمل مع بعض ومافيش أى حاجة تمنعنا

طبعا فى التجربة الاولى لموضوع الدردشة امبارح حصلت حاجات غريبة
حاجات انا ماكنتش متوقعاها ودة لان فكرتى عن فكك منى غير كدا خالص
المهم اكيد زى مافى ناس تمام فى برضة ناس مش تمام زى حلاوة .... (مش عارفة اية كدا) وبوبوس وغيرة.....
انا عملت الموضوع دة عشان اقولكم يا اصحابى احنا مش هنستسلم يوم السبت الجاى ان شاء الله هنتكلم فى موضوع انتم تختاروة
برضة ميعادنا ان شاء الله من12_1 بالليل
والحاجات اللى حصلت امبارح احنا بإذن الله هنمنعها
انا مش بحب الفشل ومش بستسلم والحمد لله زى ما انا ناجحة فى حاجات كتير هعرف برضة انجح فى دى
انتم هتبقوا معايا والا مش معايا؟
واحب اعيد لكم تانى ان الفشل مش طريقنا
وبالنسبة للناس اللى بتحب تهزر ومش لاقية حاجة تعملها غير كدا فأنا موضوعى دة مش محل هزار ومش معمول عشان هزاركم
يا ريت نهتم بالموضوع شوية وناخده محل جد مش تهريج
عاوزين نهرج أكيد هنهرج فى وقت من الأوقات بس تهريج الكل موافق عليه وحابــة
نتكلم فى أى موضوع سواء موضوع جد او هزار انما الهزار ليه حدود
دلوقتى انا عاملة استطلاع عايزة اشوف رأيكم هتكونوا معايا واحنا بنكمل والا لأ

ههههههههههههه
انتى بتقولى كلام زى الفل
امبارح كنت داخل
ومكنتش عارف ان ده هيحصل
وفضلت اصبر
فكل واحد يخش بيوزر غريب ومش بيقول همو مين
عشان يفضل يدوخنا
بس لما لاقيت العمليه باظت
روحت مهرج معاهم
يلا غيرها فى غيرها
ان شاء الله يوم السبت الجاى

بقولك ايه
حاولى وخلى الوقت يكون قريب

تمااام يا منـــى

انا الصراحه امبارح معلش مقدرتش ادخل بس ان شاء الله ادخل معاكم يوم السبت اللى جاى ويكون حاجه كويسه

موجود ان شاء الله

انت المفروض انك ادمن صح؟
يعنى المفروض انك تمنع الحاجات دى مش تهرج معاهم
بس زى ماانت قولت خيرها فى غيرها
وشكرا على مشاركتك

بالنسبة للوقت انا مش ينفع اخلية قريب
لانى عايزة التزم بميعاد محدد كل سبت اولا
وثانيا لسة هرتب واشوف هنتكلم فى موضوع اية

انت بالذات يا احمد شكرا ليك على كل حاجة

ولا يهمك بس هنستناكى السبت اللى جاى ان شاء الله
اوعى تتأخرى

انت تنورنا

انتى كنتى قايله فى الشات اللى بره الغلط كله انكم دخلتم الشات التانى دى وجهه نظر

انا معاكى

معاكى يا منى ولا يهمك....

معاك يا معلم

بس بقولك ايه بلاش لو لم اكن ----- دى اصل بعيد عنك عندى عقدة~x(~x(

اولا انا اذا منعت اى واحد
هتلاقى معظم البنادمين خرجوا
ساعتها مش هنلاقى حد
وهنكلم فى نفسنا
وثانيا انتى خرجتى مشوفتيش اللى حصل
انا لما دخلت على الشات
لاقيت الناس مش عارفين هما داخلين ايه
يلا بقى كبرى الدى


مواشى
يوم السبت

انا فعلا كنت قايلة فى الشات اللى برة لكن لاقيت الشات التانى اسرع
وبعدين مصطفى اصلا شال الشات اللى برة لان فية مشاكل فماكنش قدامى غير الشات التانى

وانت تشرفنا طبعا

اوكى يا منار اهلا بيكى

شكرا ليكى
بس ماله لو لم اكن.........؟
دا الصيدلة جميــــــــــــــــــــــ ـــــــــــــلة

بص يا شريف انا لو بس كان فية واحد فى الشات كنت برضة هتكلم معاه
انا احسن لى انى اكلم نفسى على انى اشوف كلام مش عاجبنى
وبعدين انا اصلا خرجت لظروف طارئة وكان غصب عنى
وانا عايزة طلب منك انت او من مصطفى انكم بعد كدا تعملوا بان للأسامى الغريبة
يعنى اللى يدخل الشات يدخل بإسمة اللى فى المنتدى
وصدقنى هنلاقى ناس نتكلم معاهم ومش هنكلم نفسنا
وانا خلاص كبرت الدى اهو

بإذن الله هيكون يوم السبت اللى جاى أفضل بكتيـــر
والبركــة فيكـى يا منـــى
وربنا معـانـا كلنــا

بإذن الله هيكون افضل
بس عايزة مساعدتكم كلكم بقى

طيب يا منى مكل واحد يدخل باليوزر بتاعو واللي يدخل بيوزر تاني اكيد الاخ الريس هيعرفو
دي نقطه
تاني نقطه لو هتتكلمي في موضوع
يبقى تحضري مواضيع وتختاري منها نتكلم فيها
عارفه فاهمه قصدي
كوني الريسه
لان لو سيبتي كل حاجه لساعتها كل الناس هتخرف وكمله من هنا ع كلمه من هنا الموضوع هيبوظ وهيخرج من ايديكي
وكلمي شومان في الموضوع ده
بس هنعمل ايه اذا كان اللي بيهرجو هما اعضاء المنتدى من اول الادمن لغايه الاعضاء العاديين
واللي عاوز يدخل بيوزر مختلف لو مقالش هو مين ميدخلشي

كلامك كلة مضبوط يا تيفة
بس عايزة برضة مساعدتكم فى انكم تمنعوا الناس اللى هتدخل بغير اسمها
وبالنسبة للمواضيع احنا اكيد هنحضرها قبل مانبدأ عشان يكون فية نظام
والموضوع المرة اللى فاتت كان (عرفنا بنفسك اكتر)
لاننا كنا اول مرة نعمل حكاية الشات دى
لكن بعض الناس اخدت الموضوع تهريج
فأنا عايزة مساعدتكم
وشكرا على مشاركتك

خلاص يا ريس
هنتفق انا ومصطفى
اللى مش هيخش باسم اليوزر بتاعه اللى على المنتدى
هنعمل تسجيل خروج من الشات
وربنا يسهل

ربنا معانا
تسلمى لمجهودك يا منــى
وتحت أمرك فى أى حاجــة