تنبيهات هامة بخصوص موضوع تجمعنا على الشات كل سبت

1- الميعاد اتغير بدل من الساعة 12_1 بقى من الساعة 11_12مساء بسبب ظروف خاصة بيا ( لو حد عندة مشكلة فى الميعاد الجديد يبعتلى).

2- الموضوع اللى هنتكلم فية ان شاء الله ابعتولى اقتراحات بخصوصة واكيد الكل هيعرف احنا بالضبط هنتكلم فى اية قبل يوم السبت.

3-بالنسبة للى حصل السبت اللى فات دة مش هيتكرر تانى احنا خلاص حلينا المشكلة دى، اى حد هيدخل يرذل او يهرج او يتكلم برة الموضوع انا هعملة بان.

4- ياريت الدخول يكون بأسماء واضحة وكلنا عارفينها لأنى لو لقيت اسم مش تمام _زى مثلا بوبوس او حلاوة العنتبلى_ انا هعملة بان.

5- عايزة كل الاعضاء تشرفنا بالحضور ولو فية اى استفسار ابعتولى.

شكرا،،،

bobs dh ganen
hwa fe tagam3 el naharda bleel

ماجو لو سمحت اكتب بالعربى انا مش فاهمة
التجمع كل سبت من كل اسبوع
مافيش تجمع النهاردة بالليل

اوكى

وياريت والله يكون الشات اكتر من يوم


تحيااااااااااااااااااتى

احنا هنجرب الاول انة يكون كل سبت وبعدين نشوف اذا كان ينفع انة يكون اكتر من يوم والا لأ
نورت الموضوع

تمااام يا منــى
وبإذن الله مش هيتكرر ده تاانى
وعلى بركــة الله

ان شاء الله

ربنا يسهل

منورين يا شباب الموضوع
بس فين اقتراحتكم عن الموضيع اللى هناقشها؟

اوكشن يا منننننننننننننننى

سياده معاليكى
بتقولى كلام زى الفل
ومفيش اعتراض على الميعاد

ههههههههههههه
ماشى يا شريف

بخصوص الموضوع الى هيتناقش

ياريت يكون عن سلبيات وايجابيات المنتدى

عشان نحاول نطوره ونصحح السلبيات

موضوع جميل
يلا عايزة اشوف باقى الاقتراحات

لما نشوف
اصل اللقاء اللى فات عمل مشاكل كتييييييييييييير

ان شاء الله اكون معاكم السبت الي جاي
والميعاد الجديد كويس جدا
شكرا علي افكارك الكويسة

الى فات ننساه ننسى كل اساه ........يلا نلحق م الزمن ايام صفاه


اصلا اللقاء الى فات ما كنش مترتب ليه كويس ومكنش فيه موضوع نتكلم فيه

عشان كدا كان لقاء ملخبط بس اعتقد ان كلمه مشاكل دى كبيره شويه

لان الحمد لله ما فيش مشاكل حصلت ولا حاجه

وعلى العموم الموضوع دا معمول عشان ننظم اللقاء الى جاى

بس انا معترض انو يبقى يوم واحد فى الاسبوع


وشكرااااااااااااااااااااا ااا

انا باذن الله هكون موجود الساعة 11.5 او 12 لظروف خارجة
واحاول اجي بدري باذن الله
لو من 11 الى 1 افضل

ان شاء الله هتشوفى كل خييييييييييييييير
وزى ماقلت اى حد هيعمل اى حاجة مش تمام هعملة بان
يعنى احنا خلاص حلينا المشكلة

ماشى يا دودى انتى تنورينا
واهلا بيكى معانا
وكويس ان الميعاد الجديد مناسبك

اللقاء اللى فات كان موضوعة (عرفنا اكتر بنفسك) بس انتم ماكنتوش عارفين لانكم دخلتم الشات متأخر
انا الساعة 12 بالضبط عرفت الموجودين اية الموضوع
بس ان شاء الله هعرفكم الموضوع اللى هنتكلم فية يوم الجمعة وهكتب اسم الموضوع فى الاهداءات عشان الكل يشوفة
وحكاية يوم واحد بس فى الاسبوع فزى ما انا قولتلك احنا لسة بنجرب لو ناس كتيرة عايزاة اكتر من يوم اوكى
بس انا شايفة ان يوم واحد كفاية دلوقتى

ماشى يا روحيم ممكن نفضل للساعة 1 بس برضة حسب الظروف
لو ينفع تيجى الساعة 11.5 اوكى انت تنورنا

ان شاء الله انا معاكم فى كل الاحوال....

بس ليا اقتراح اننا اى واحد يدخل يقول هو مين ويعرفنا بنفسه علشان فى كتير منا ما يعرفش بعضه....

اوكى يا منار
انتى بجد هتنورينا
واقتراحك فى محلة

كلامك تمام يا منى

تسلم ايدك بس يريت

هنبدا من يو السبت اللى جاى ولا امته

sooooooooooo nice ya manona
i'll try to be with you

شكرا ليك
هنبدأ ان شاء الله السبت اللى جاى على طول
مش عايزين نضيع وقت

دا انتى لازم تكونى معانا
هستناكى

ربنا معاكم بقى

مفروض بقا اننا ندخل خايفين ونستأذنك قبل ما نقول اى كلمة عشان خايفيين من البان
لالاخ الص اسهل حاجة ما ندخلش يعنى
وبعدين طبيعى ان الشات بيكون في هزار وضحك
اه يكون فى حدود ..
لكن مانفرضش أسلوبنا ع حد

شكرا ليكى ع موضوعك
ما تزعليش منى بس أسلوبك استفزنى جدا

انا رايى من راى بلا هويه بالظبط

وشكرا ليكى على الفكره

يــــــــــــــــــــــار ب

لأ مش المفروض انكم تدخلوا خايفين بس المفروض انكم تدخلوا محترمين وجد
هو دة اللى انا عايزاة
ولو انت كنت موجود السبت اللى فات وشوفت اية اللى حصل ماكنتش قولت كدا
وانا مش بفرض رأيى على حد بس المواضيع اللى هنتكلم فيها مش مواضيع هزار
وعلى فكرة مش طبيعى ان الشات يكون فية هزار
دة على حسب الاشخاص اللى بتتكلم فية وهما عايزين يتكلموا فى اية
والموضوع اللى هنتكلم فية السبت اللى جاى ان شاء الله عنوانة فى الاهداءات
اظن دة مش موضوع هزار خالص
الايام جاية كتير وان شاء الله هنبقى نعملكم موضوع هزار بس هنقول قبلها ان الموضوع دة للهزار
وياريت تشرفنا طبعا
وانت تنور فى اى وقت
وشكرا على مشاركتك

الشكر لله
وانا ردى عليك نفس ردى على بلاهوية

بس الهزار بين الصحاب مش قلة احترام دى حاجة لذيذة جدا إذا كانوا ما بيخرجوش عن حدود الأدب

وبعدين انا ماعترضتش ع فكرتك يمكن تكون كويسة ..انا اعترضت ع اسلوبك .أسلوب تهديد
مفروض تختارى الأسلوب المناسب .اصل مش طبيعى يعنى اننا نخاف من البان اللى انتى هتعمليه , وقولت لك اسهل حاجة الواحد ما يدخلش
انا رأي تحاولى تختارى أسلوبك
لأن بصراحة أسلوبك مستفز
ماتزعليش منى

يا دكتورة منى الناس كدة كدة محترمة
بس انا ملاحظة انك كبرتى الموضوع قوى زيادة عن اللززوم

يعنى نهزر او منهزرش مفيهاش حاجة
طالما دة مبيخرجش عن اطار الحدود الى بيننا

هو بس كل المطلوب ان يكون فى نظام ودة المطلوب منك عشان انتى صاحبة الفكرة والقائدة فيها

شكرا

اة انا نسيت بجد ان ياريت الاسلوب يكون فية نوع من انواع احترام الاخرين من غير مانحسسهم ان فى تهديد عشان المفروض ان كلنا اخوات فى بعض ومفيش بيننا اى تهديدات

اللى قالته منتوسه وبلا هويه هوا ده الكلام الصح

وغير كده وكده الشات بتاع المنتدى يعنى مش بتاع حد ومينفعش حد يحطله قواعد هوا كلامك صح فى انك قولتى الكل يدخل باحترامه وده شئ طبيعى على منتدى فكك منى ان كله محترمين

فامش معنى انك صاحبه الفكره يبقى تهددينا يعنى انتى اه صاحبه الفكره

فاده معناه انك تقولى مقترحاتك وكده مش تهددينا وبان ايه ده اللى هتهددينا بيه

انا بتهيالى انك عضوه عاديه خالص يعنى اصلا صلاحيه البان دى موجوده للادمن والسوبرات

انا على فكره طريقه كلامى فى حدود الموضوع وقلت اللى عندى فياريت متزعليش او تاخدى الكلام بحساسيه بس فعلا الموضوع لازم يترد عليه كده

وان شاء الله هنكون كلنا موجودين وهنتكلم ونتنقاش وفى الموضوع اللى انتى اختارتيه

ده علشان اثبتلك اننا مش معترضين على الفكره

وشكرا يادكتور

يا جماعه انتم لية فهمتم اسلوبى على انة تهديد لأ انا مش بهدد خالص
التهديد دة للناس اللى عملت حاجات مش كويسة السبت اللى فات زى مثلا بوبوس او حلاوة العنتبلى
انا مش بهدد تماما لكن من اللى حصل السبت اللى فات فية ناس كتيرة زعلت من اللى حصل وانا كان لازم احط حد للموضوع دة من الاول
وبالنسبة للبان انة من صلاحية الادمن او السوبرات
فأنا بقيت مسؤولة عن الشات ومن صلاحياتى انى اعمل بان لكن طبعا مش هعملة لاى حد كدة والسلام
انا بكرر انا مش بهدد تماما بالعكس انا بحافظ على اصحابى اللى هيكونوا موجودين فى الشات من الكلام اللى مش كويس واللى بيضايقهم
حد فيكم كان موجود السبت اللى فات
بلا هوية او الشبح او منتوسة؟
لو كنتم موجودين وشوفتم اللى حصل كنتم عذرتونى فى اللى انا كتبتة