ايه رايكو يا جماعة لو..................

ايه رايكو يا جماعة لو كل واحد كتب سؤال عايز يساله والكل يجاوب عليه
اعتقد دى فكرة جميلة وكنا هانستفيد من خبرات بعضنا

وشكرا@};-@};-

موضوع هايل وجميل جدا
شكرا على فكرتك يا احمد
اول سؤال عندى
لية دايما بنفتكر الماضى ونندم علية مع ان الحاضر بيكون احسن؟؟؟؟

شكرا لمرورك انا رايى ان الواحد بيفتكر الماضى لانه بيحس انه لو رجع تانى للماضى ممكن يحقق حاجات كتير كان ممكن يعملها فى الماضى عشان كده بيندم على الماضى الذاهب بلا رجعة
ده رايى انا فى غيرى ممكن يكون رايه احسن منى وارجو التعقيب على رايى وشكرا@};-@};-

الموضوع فكرته جميلة

بصى لان الماضى دايما بيبقى ذكريات مهما تكون جميلة او وحشة
والذكريات لاتنسى تظل محفورة فى العقول
ولو ذكريات حلوة بنفرح بيها
ولو ماضى وحش بنندم عليه بس للاسف ممكن الندم دة ميخلكيش
تفكرى فى الحاضر خالص قعشان كدة لازم ننسى اى حاجة اليمة مرت بينا

ايه يا عم غنيمى العبقريه دى كلها
عاوز كل واحد يحط سؤال
طيب جهز نفسك بقى وانا هجبلك شويه أسأله
بس لما نتيجه التنسيق تبان
علشان اعرف اقولك يا باشمهندس بقلب جرىء
شكرا يا عم على موضوعك

موضوع جميل والسؤال جميل برضه
في اعتقادي اننا بنندم علي ذكرياتنا سواء حلوة او وحشة
لو حلوة بنندم لانها راحت مننا ومش عرفنا نستمتع بيها كويس
لو وحشة بنندم لاننا بنحس اننا كنا ممكن نخليها احسن بس احنا رضينا بالوجه الوحش فيها
تسمحولي ان انا اسال بقي
ممكن اعرف ليه احيانا بنحس بصعوبة في تصديق الشخص الي قدامنا وبنحس دايما انه ممكن يكون بيكدب عليك مع انه ميكنش كدب عليك قبل كده
وياريت محدش يقول ان ده عقدة
لانها لو كانت عقدة كنت تحس ان كل الناس كدابة لكن علشان تحس ان الشخص ده بس هو الي بيكدب عليك ده يكون موضوع تاني

so nice

الاجابه فى كلمتين من وجهه نظرى انا يعنى وهيا

عدم ثقه مش اكتر فى الشخص اللى قدامك وهوا انك بتكون مش بترتاحله او حاجه زى كده بتخليك فاكر ان كل اللى بيقوله كدب مع انه مش بيكون بيكدب

او بتكون سمعت كتير عنه مثلا انه بيكدب فاانتا وانتا معاه مبتبقاش عارف ان كان كلامه كدب ولا لا

دى وجهه نظرى انا

اكيد فى اراء كتير غيرى

بصى للاسف الكدب دلوقتى بقى اسهل حاجة ممكن الواحد يرتكبها
واغلب الاحيان تلاقى الكدب من اقرب الناس
لكن لما يكون واحدة انتى واثقة فيها عمرها مهتكدبب عليكى
لكن للاسف غالبا الثقة دى بتبقى خطا
ومش حكاية معقدة لكن دى مشكلة كبيرة بجد ممكن تخسرى ناس بسبب كدة
الحل ان لو قالت حاجة انتى مش واثقة فيها لازم ترفضيها حتى لو شك بسيط

اسف انى طولت عليكى

سؤال انا بقى

لية ياجماعة اغلب الاصدقاء بيبقوا خاينين؟

انته قولت ليه أصلا أصدقاء

هو فيه صديق خاين ؟؟

انا ممكن أقولك ان جايز انك تلاقى صديق دى نادرة
لكن الصحاب كتير


بس لما تلاقى صديق خاين
انا أصلا معرفش قصدك ايه بالخيانة

بس أكيد فيه عيب منك بردو يخليه يفكر فى كدة

----------------------------

بس سؤال بالمناسبة :

هى الخيانة اللى بيتكلم عنها بين الصحاب
عن ايه بالظبط أو زى ايه يعنى ؟؟


عمرى ماحسيت ان حد خاننى
ولا انا دماغى اللى عالية
ولا محدش يقدر أصلا

هو لو كان شخص خاين يبقي مكنش من البداية صديق اساسا
بس احيانا احنا بنثق في ناس مش يعرفوا قيمة للثقة دي وده الي بيخليهم دايما يجرحوا الشخص الي قدامهم بسهولة شديدة
لكن ده مش يخلينا نفقد الثقة في الناس كلها لكن يعلمنا الثقة ديه شئ غالي لازم ناخد بالنا واحنا بنختار الشخص الي نثق فيه
وكمان الشعور بالخيانة ده شئ نسبي من وجهة نظري
يعني ممكن تصرف انت تعتبره خيانه وغيرك يعتبره خطأ صغير
علشان كده لازم يكون هناك حيز من المغفرة وتقديم الاعذار الشخص الاخر

بجد توبيك جميل وهيستمر

تسلم ايدك يا احمد

هفكر وهسال

الله يا جماعة على الردود الاكثر من رائعة والله فعلا كل واحد فتح الموضوع ده اكيد استفاد من راى غيره فى اى حاجة وانا بجد استفدت من من آراءكم وسؤالى انا بقى ليه الواحد لما يعيش قصة حب من واحدة ويتعاهدوا على ان علاقتهم تستمر لاخر العمر والفرصة قدامهم متاحة لتحقيق ده واتعاهدوا ان مفيش اى حاجة مهما حصلت بينهم هاتفرقهم وعاشوا القصة دى مدة طويلة ولما يحصل موقف من الولد ويوصل كلام للبنت عنه بس مش حقيقى كله تاليف تصدق الكلام ده والعلاقة اللى بينهم تتهز اللى كانوا عايشينه ده حب ولا ايه انا عايز آراء جامدة وحازمة فى الموضوع ده وشكرا

هو ممكن يكون علي حسب حاجتين
اولا الكلام الي وصل للبنت كانت ايه اخباره يعني مترتب بطريقة تخليها تصدق ولا لاء
ثانيا علي البنت اذا كانت ممكن تصدق في الشخص الي بتحبه اي حاجة ولا لاء
بمعني ان ثقتها فيه كبيرة ولا قليلة
لو قليلة هتصدق اي حاجة حتي لو كانت كدب انما لو كانت كبيرة فابسط حاجة انها تسأل حبيبها عن الكلام الي هي سمعته وهي هتقدر تعرف منه اذا كان ده حقيقي ولا لاء
وده بالتاكيد كان حب من البداية لكنه كان حب ضعيف ينكسر قدام اي حاجة يعني كويس انه مكملش

واله عدم الثقة حاجة وحشة اوى ازى حد اقضى معاة اغلب وقتى او كل وقتى ومش واثق فية يبقى مش يستهل يكون اصلا صحبى وبعدين ممها كان مبراتة احنا ماشى هنسمح وكل حاجة بس كفاية انى هفتكر فى لحظة انو مكنش واثق فية وعمرى ما هنسها مهما عد الوقت عليها دة مهما كان كان صحبى بردو يعنى فهمنى وفهمة

الله كلام جميل جدا بس ايه رايك يا دودى انها سالت حبيبها عن الكلام ده وهى كانت مصدقة الكلام ده فى الاول بس لما هو وضح لها سبب وصول الكلام ده لها وازاى اتقال وهو كان عارف ان الكلام اللى وصل من البنت الللى قالته لها هايبقى فيه تاليف وفى الاخر رجعوا لبعض احسن من الاول بس بصراحة رايك جميل جدا اشكرك على المشاركة الرائعة@};-=d>=d>=d>=d>

الحمد لله ان رايي عجبك
وكويس طبعا انهم اتصالحوا من جديد
لان حكاية انك تنهي قصة حب حلوة ده شئ صعب
ومهما حاولت مش ممكن تنسي ابدا شخص كنت بتحبه في يوم وخاصة اذا كان الانسان ده لسه بيحبك
فانت هتفضل دايما نفسك ترجعوا لبعض تاني وده اصعب من الفراق الي بتفقد فيه الامل انك تشوف حبيبك تاني
بس لازم نختار حبنا كويس لانك بحبك ده فانت بتلعب مع قلبك
ويلاش تدخل بقلبك في لعبه متاكد انك هتخسر في اخرها
لان اذا كان كل شئ مكسور ممكن ان يرجع تاني فان القلب المكسور هيفضل كسره معلم فيه مهما طالت الايام
انا اسفة اني طولت عليكم

الله كلام جميل جدا بس الحكاية دى مش حصلت ليا وانا قولت كده بردو واكيد الكل هايعجب برايك شكرا لمرورك تقبلى تحياتى @};-@};-=d>
المهندس : احمد محمد عمار@};-

شكرا ليك على الفكرة يا احمد انا هسألك سؤال
لو واحد معجب ببنت فى الجامعة يعمل اية يروح يكلمها ولا اية قولى انت بقى اعمل اية..............؟

لا طبعا سيب الحكايه تيجى كده

ممكن انا بقى اسأل
((ليه لما شخص بيكره شخص مش بيقوله ليه فى وشه انا بكرهك ويروح يقولها من وراه؟))