لو بتحب حد لازم تقوله ومتخافش

السلام عليكم ورحمة الله وبركاتة


كل واحد فينا بيتمنى وبيحب وبيعيش على امل


وياخسارة احنا اللى بنضيع الامل والحب من ايدينا


وممكن نقضى على انفسنا واحنا مش عارفين ازاى


لو فى شخص انت بتحبة وانت مش قادر تقوله


لازم تقوله لازم علشان ميضعش منك


زى ماغيرك ضاع منه من غير ما يصارح اللى بيحبه


ومتقولش مش هقدر لا لازم تقوله بمشاعرك


لانها بيتبقى فر صة واحدة وبيضيع بعدها


وانتى كمان لو بتحبى انسان


لازم تروحى تقوليله ومتقولش انا هضعف ومش هقدر


لا انتى تقدرى بس بتخافى من العواقب


لا متخافيش


حتى لو طلع مبيحبكيش المهم تصارحيه


لانه لو راح منك من غير ماتصارحية هتندمى اوووووووى


اكتر من لو قالك انه مبيحبكيش


انا دلوقتى دموعى بتنسال ككقطرات المطر فى ليل شتاء قارس


بسبب خوفى


فارجوك خذها من كلمة


لا تخف ولكن كن شجاعا مرة واحدة فى حياتك


لازم توحلها وتقولها


هوصلك حتى لو عارف انى ممكن اموت


انا هنا بقول تجربة انا مريت بيها


انت او انتى لوبتحب شخص لازم تقولوا له


لانكوا هتتعذبوا زى ما غيركوا اتعذب


نصيحة من انسان قتلته دموع الندم


فانا انصحكم بالشجاعة وكنت انا الجبان الذى ترك


الايام وظنها ستساعدة خيبة امل


فلاتكونوا مثلى

وانتى كمان لو بتحبى انسان


لازم تروحى تقوليله ومتقولش انا هضعف ومش هقدر

يؤسفنى انى اعارضك فى دى
البنت مش زى الولد هو لو قالها هى ممكن تحن وتحبه
انا هى لو قالتله مشاعر الولد صعب تتحدد وممن يقول وماله ومش عارفة اية ويكون مش بيحبها..

لالا موضوع جميل جداااااااااااااااا

تسلم ايد الى كتب الموضوع

وكل سنه وحضرتكم طيببن

مقدرش مقولش ليكى ان مفيش ولاد ممكن يبخدعوا البنات
بس على فكرة البنت ممكن تعرف بسهوله من كلامة اذا كان بيحبها ولا بيلعب بيها
طب لو انتى سكتى عن انك تقوليله
وقدرى راح لغيرك صدقينى هتنتدمى اشد الندم انك مصارحتهوش
انتى ممكن تقضى عمرك كله على حبك ليه وتنهى حياتك
علشان انت خوفتى تصارحيه
انا طولت عليكى
بس بجد منورة التوبيك

شكرررررررا لمرورك بودى منور التوبيك
وكل سنه وانت طيب ياجميل

بص يا محمود انا معاك فى كلامك
بس صدقنى البنت مننا بتحكمها عادات وتقاليد
وخليك فاكر احنا عايشين فين دى مصر يا حودة
ومش من السهل اروح اقلهع بحبك كده بكل بساطة

انا مقولتش حاجة احنا اة لينا عادات وتقاليد
بس لما اروح اصارح اللى بحبه علشان هدف نبيل انه ميضعش منى
مبيبقاش فيهات خروج على العادات
ومش معقوله اعيش مع حد طول حياتى مبحبهوش لا مينفعش علشان العادات
شكررررررررا لمرورك الهام منورانى بجد

اسفة انى اتاخرت فى الرد بس
بجدموضوعك هايل
وانا بمر بنفس التجربة
بس خايفة

صدقينى متضيعش الفرصة من ايدك وتعيشى بقيت حياتك حزينة
لازم تصارحيه وتعرفى شعورة نحيتك
شكررررررررررررا لمرورك منورة التوبيك

صدقنى يا استاذ الحب من غير علاقة رسمية بين الطرفين بيبقى عامل زى السرقة وليه اغضب ربنا
لو هو عايز يعر انى بحبوه ولا لأ حاجة بسيطة اوى يتقدم لى يدخل البيت من بابه واكيد لو انا بحبه هوافق طبعاولو مش بحبه خلاص يبقى هو عمل اللى عليه لكن الحب بدون علاقة رسمية وخوف ان حد يشوفكم زى ما تكونوا سارقين سرقبة ملهوش اى فايدة او لازمة ده راى الشخصى

انا مش استاذ الحب انا باشمهندس محمود
وياستى كل واحد له رايه ومتحسسنيش انى بقول فسق وحاجة وحشة
وبعدين انا وجهة نظرى
لية استنمى مادام هو قدامى
انا ممكن استنى لحد ميروح لحد لغيرى وبكدة ابقى ظلمت نفسى
وانا بتكلم ع الانسان اللى طريقه سليم اللى نيته سليمه
بس مش اكتر
وكل منا له رايه وتفكيره اللى ممكن يضيع عمره
اويخليه يفرح طول عمره اوك
بيس بقى

من الواضح ان التجربة شخصيةكتير
وعلى كرة يا باش مهندس انا ما بقول انك عم تقول فسق انا بقول رايى
طيب على فرض انك قولت لها انك بتحبها ماشى وبعدين طلعت هى ما بتحبك او بتحب شى حدا تانى او خطوبتها الاسبوع الجاى زى كل افلام مصر
شو راح تحس وقتها ليه ما اتقدمت لها ليه ما عارفتها انك شاريها ما بيفيد الندم بعد الفراق انت فاهمنى ومش كل الناس كلمة الحب بتعنى لهم شى ممكن حدا يستهتر بكلامى الناس مش ملايكه هالشى بينفع فى زمن سندريلا واذا اردت تتناقش فى هالشى تعال على شات المنتدى

اولا بشكرك جدا يا محمود على التوبيك

ثانيا صدقنى مفيش بنت عندها الجرأة انها تقول بحب ده ومبحبش ده الا اذا كانت علاقتها كويسة باهلها وعلى فكرة فى ناس كتير جداااا بتجوزا ناس مش بيحبوهم بسبب كده وبتتبقى عيشتهم كلها مرار وارف بسبب الخوف من اهلهم بس صدقنى نفسى كل بنت تقول انا بحب الشخص ده واللى يحصل يحصل لان اهلهم مش هما اللى هيعيشوا لالالالالاء هى اللى هتعيش ولازم تعيش فى حب وتتجوز عن حب
تقبل مرورى وشكرا للتوبيك وتسلم ايدك

اولا لا شخصية ولا بتنجان
انا لو قلتلها كفاة انى هعرف اذا كانت بتحبنى ولا لأ
لو كان بتحبنى انا مش هتردد لحظة انى اكمل حياتى معاها
انما لو رفضت اكيد ممكن اتعذب لفترة لكن فى النهاية هفوق واعرف
انها مكنتش ليا من لاول
اما لو مقولتش انا ممكن اعيش حياتى كلها وانا بحبها لانى مش عارف اذا
كانت بتحبنى ولا لأ
فعذابى فى حالة انى عرفت انها مش بحتبنى مش هيدوم
ما ى حالة انى معرفتش ممكن يعمل عقدة جوايا وممكن اتهم نفسى بالجبن
وصفات وحشة
انا هدخ ع الشات واتناقش معاكى

هو كدة انا قصدى كدة
ان مش معقولة اعيش حياتى مع حد مش بحبه
لانى هتعبه وهتعب نفسى
لازم يكون فى تبادل حب بين الاتنين
شكرا لولا لمرورك

بيتهيالى جيه الوثت اللى ارد فيه
انا تابعت الموضوع وكنت عاوز اعرف الناس هتوصل لفين
مبدأيا كده تعالوا نتكلم فى حاجه مهمه
انتو دلوقتى بتقولوا البنت مش زى الولد ومتقدرشى تقول بحبك ومعندهاش الجراه
طب ليه واجعين دماغنا كل شويه وعمالين تقولوا البنت زى اللولد ماهيش كماله عدد وانتو اصلا معندكوش الجراه لحاجه
نتكلم بقى فى المهم
انا بحييك ياحودا لان كلامك كله صح لان فعلا ممكن فى اوقات لو مقولتش للشخص ده بحبك مش هتجيلك الفرصه دى تانى ةهتفضل تندم طول عمرك
وليه فعلا اعيش او تعيشى مع حد مبتحبهوش عشان ترضى اهلك لا ده مش من حقهم
وعلى فكره انتى عمرك ماهتقولى لولد بحبك غير وانتى متاكده من مشاعرك ومشاعره تجاهك
القصد يعنى من الكلام اننا لازم ناخد الجراه ونبطل سلبيه ونحاول نلحق نفسنا
بطل مانفضل متعبين طول عمرنا بسبب كلمه مقدرتش اقولها

عن نفسى افضل الا اقولها ولا انى احس بالضعف مرة فى حياتى
الحكاية وما فيها انا بقولك انا مضمنش رد فعل اللى قدامى فهمتنى
افرض الولد ده راح قال لصحابة ان البنت ديه بتقولى بحبك واصحابة قالوا لصحابه وبقت هيصة هتقدر تكمل حياتها ازاى يا جماعة شوية عقلانية شوية

بصى انتى لو لحظتى كلامى
انا بقولك على اللى بيحب بجد مش
اللى يروح يقول لزمايله دا يبقى مش بيحب بجد
صدقينى ا لللى بيحب بجد بيخاف ع اللى بيخاف عليها اكتر من
نفسة مش يفضحها
اسف ان كان ردى فى الاول رخم شوية
بس كنت مضايق من موضوع معين
سورى تانى مرة

ولا يهمك كل المصريين بيجلهم شوية زهق بالذات فى شهر واحد
وعلى العموم ربنا يوفقك عباد الله وامائه فى غير معصية الله :d