جربت تزق الحيطة قبل كدا؟ ما اعتقدش .. طيب جرب كــدا

اكيد عمرك ما هتحاول مجرد المحاوله انك تزقها
لانك عارف انك مش هتقدر تحركها من مكانها
اهي الحيطه دي بقي اعتبرها حلم حياتك
ما هو كلنا عندنا احلام نفسنا نوصللها
بس لو اعتبرنا الحلم هدف
يبقي ممكن نحققه
وبالاراده هنحققه

اتنين بيحبوا بعض
والظروف لسه مسمحتش انهم يرتبطوا رسمي
لو الشاب هنا حط البنت دي هدف عايز يوصلله
يبقي هيشتغل وهيطلع عينه كمان علي ما يوصللها
وهيوصللها
وساعتها هيكون حاول يزق الحيطه

ولاد وبنات كتير شايفين ان اهاليهم متزمتين اوي
يعني بيقسوا عليهم دايما
وللاسف تسأل اى واحد او واحده فيهم عن السبب
يقوللك من غير سبب هو بابا كده عنده كل حاجه لا
بس لو كل ولد وكل بنت فكر يقعد يتكلم مع اهله بهدوء
حط التفاهم مع اهله هدف له
يحاول يقنعهم انه من جواه عارف فين الصح وفين الغلط
ساعتها ممكن موقف الاهل يتغير
وتزيد الثقه والتفاهم في نفس الوقت
ويبقي حاول يزق الحيطه

شاب حياته متأسسه علي المخدرات
يصحي الصبح ينزل من بيتهم علي المكان اللي فيه صحابه
ويفضل معاهم يشربوا مخدرات لحد باليل يرجع بيتهم
ينام ويصحي تاني يوم يعيد اللي عمله اليوم اللي قبله
وعلي كده تفوت سنين شبابه اللي هي المفروض احلي سنين عمره
علي الفاضي
وكل ده عشان هو شايف انه خلاص ميقدرش يبطل الادمان ده
شايف ان الادمان حيطه مبتتزقش
مع انه لو فعلا قرر يبطل اللي بيشربه ده
هيقدر ومش بس هيزق الحيطه
لا ده هيهدها

المخدرات حيطه
البطاله حيطه
غياب الثقه حيطه
الظروف حيطه

كل دي حيطان بنلاقيها في وشنا
واقفه بتستفز ارادتنا
رافضه تخلينا نكمل طريقنا
فينا اللي عمره ما بيفكر يزقها
وفينا اللي بيحاول عشان علي الاقل يبقي نال شرف المحاوله
وفينا اللي بيهدها
وهو ده اللي بيكمل طريقه زي ما بيحلم

ها هتقدروا تزقوا الحيطة ولا ؟

بس لو كل ولد وكل بنت فكر يقعد يتكلم مع اهله بهدوء
حط التفاهم مع اهله هدف له
يحاول يقنعهم انه من جواه عارف فين الصح وفين الغلط
ساعتها ممكن موقف الاهل يتغير
وتزيد الثقه والتفاهم في نفس الوقت
ويبقي حاول يزق الحيطه

هو اه ممكن بس مش اى حد تقدر انك تقنعه فى ناس وناس وفى اهالى مش بتحب التفاهم اصلا بس ممكن مع المحاولة
شكرا لموضوعك يا احمد

ان شاء الله هقدر ازق الحيطة
ان شاء الله اقدر احقق احلامى
تسلم يا احمد

بصراحه مجربتش
خالص ياأحمد
بس أن شاء الله الواحد يحاول
على الاقل عشان يقدر يحقق احلامه
وطموحاته
وشكرا ليك ياجيمى على التوبك

بجد ميرسى ليك عالتوبك
فعلا كلنا لازم نحاول علشان نوصل للى احنا عاوزينه
ومش بالكلام

فعلا

فلازم كلنا نحاول نحط الثقه دى ليهم ولا ايه ياجيمى

انا ههدها ان شاء الله
ماهو مفيش حل تانى
لتتهد لتتهد
مفيش حل تالت
شكرا حمادة

شكرا لمرورك لولا

ان شاء الله
شكرا لمرورك منمن

شكرا لمرورك محمد

شكرا لمرورك سندريلا

ايوة يا معلم
لازم نحط الثقة دى
شكرا لمرورك محمد

ههههههههههههههههه
شكرا لمرورك مونى