يا ريت نبطل نضحك على ربنا (لانه عارف ايه جوانا

واسمحولى اعمل اول موضوع للنقاش عن رمضان وهو :

الناس بتيجي على رمضان وينصلح حالها طيب دا شئ كويس
يعني نغمة الموبايل تبقى اسلامية
بنات من غير ميكب عبايات طويله الحجاب مغطي الشعر كله
الشباب مؤدب مبيشربش سجاير وهو صايم مبيقولش اللفاظ مش كويسه مش بيمشي بالموتوسيكل وهو جايب اعلى صوت لاغاني بيئة

ناس حلوة وجميله وامورة بتصلي وتصوم والمساجد مليانه ناس وتعدي على اي بيت تسمع صوت القرأن شغال
حتى فيه مواقع اغاني بتقفل نشاطها ويبقى مقتصر على الاناشيد

بس لما رمضان يخلص وييجي العيد اتفرج بقى على المناظر
اضيق جينز على اقصر بدي ميكب عصير طماطم الشعر معمول بالوان الطيف وعل خدود يهفهف ويرجع يطير
والشباب ويا عيني عليهم
احلى فرصة للمعاكسات ينزلو على المشاية ولا الجلاء(الحتت دى فى المنصوره) واللى مستبيعه تبقى تروح هناك في العيد
واللى عنده عربيه يركبلها سماعات جديده امال ايه ماهو لازم الناس اللى على اخر الشارع تسمع صوت الاغاني اللى في عربيته علشان يعرفو انه جاي

طيب ليه كدا ربنا امرنا بالحاجات دي في رمضان وباقى شهور السنة هو احنا نجامل ربنا شهر وننساه 11 شهر
ربنا مش محتاج مننا مجاملات واحنا لما بنعمل كدا مش قصدنا نرضيه اصلا
احنا بنعمل كدا علشان الناس متقولش شوفو دول بيعملو ايه واحنا في رمضان وصايمين امال لو مش في رمضان هايعملوا ايه

يا جماعه
متحاولوش تضحكوا على ربنا بشوية مظاهر لانه عارف دايما ايه اللى جواك
ولو حاولت ترضي الناس بالمظاهر بردو مش هاتقدر لان اللى ربنا يغضب عليه محدش هايرضى عنه

هو ده اللى بيحصل يعنى فى رمضان الاقى اصحااابى عاملين فيها شيووووخ وده حلال وده حراااام وده يخليك تفطر واول ما يجى العيد تعالى نروح نشوف البنات او نرووووح سنيما والاقيهم بالشهووووووور مش بيركعوها حتى وشكرا لولا

احنا بنحاول نكون أفضل فى رمضان لأنه شهر عبادة
وبيكون نفسنا نكمل كدة عمرنا كله
ولما بنعمل الصح فى رمضان بنكون مقتنعين ان دة الصح دايما واننا اللى غلط
مش بنحاول نرضى الناس

شكرا لولا عالموضوع الرائع دة

فعلا فى كده كتير يا جاسر ربنا يهدى يا رب وشكرا لمرورك يا قمر

اكيد وشكرا لمرورك وردك الجميل يا مونى

=d>

شكرا لولا على الموضوع الجميل دة

شكرا لولا
لاتعليق

شكرا لولا
لاتعليق على موضوعك انتى قولتى كل حاجة

شكرا لمرورك يا احمد وتقبل تحياتى

شكرا نورا لمرورك ومنورة التوبيك

الناس بتنشط مرة واحده فى رمضان
وبعد رمضان بتكسل
ليه عشان فيه عدم وعى
شهر رمضان شهر روحانيات
شهر للعباده
فالمسلمين بيتخدو رمضان على أنه شهر مقدس
للعباده
وعشان ربنا يغفر زنوبهم
ياجماعه الاساس غلط
اساس الدين فى المسلمين غلط
الواحد لما ييجى يكلم حد بعد رمضان ويلقيه كسل تانى
ورجعت ريمه لعادتها القديمه
ينصحه
يقوله ياعم رمضان الى رمضان مكفرات لما بينهم
بقا ده اسمه كلام x(
الواحد يقول ايه بقا ساعة الموقف ده
معقول
خد من الحديث الى هو عاوزة ورمى الباقى ورا ظهرة
ده بيدل على أننا ضعاف جدا فى الدين
محتاجين وقفه بجد
تبدا بينا
عشان نخلى رمضان بدايه حقيقية على طريق الايمان

الناس فى رمضان بتحسب انها ترتقى بمعاملاتها وأخلاقياتها
و علو مستوى ايمانيتها

وربنا يجازى كل واحد على قد نيته
ويبعد الناس عن الرياء
ويثبتهم ع الصلاح

ومظنش ان مفيش حد مش عارف ان ربنا يعرف اللى جواه
يبقى محدش يقدر يضحك او يحاول يضحك على ربنا


------------------------
لكن الناس مينفعش يسكتوا
ويحاولوا انهم يكونو أفضل فى الشهر ده من اى شهر بيعدى
ويعملوا قد مايقدروا

شكرا لردك الجميل يا محمد وتعليقك الهام ومنور التوبيك تقبل تحياتى

شكرا محمود لمرورك الجميل وتعليقك على التوبيك

جزاكى الله خيرا على الموضوع

جزانا واياكم وتقبلى تحياتى وشكرا لمرورك الجميل