متقولنا انت واقف فين ؟!

رمضان مبارك عليكم وعلينا يا جماعه
وكل سنه وكل المفكوكين بخير يا رب
انهارده اول يوم في رمضان
بقولكم ايه الموضوع ده كنا عملناه السنه اللي فاتت في رمضان
وكان حلو اوي اوي
تعالو بينا نعملو تاني
الموضوع ببساطه
ان كل واحد فينا يدخل كل يوم يقولنا هو واقف فين ؟
في اي جزء؟ وف سوره ايه ؟ والايه رقم كام ؟
وبكده كلنا نشجع بعض ان شاء الله ونختم القراءن اكتر من مره باذن الله
واللي يلاقي نفسو متاخر يشد بقى وكده
يلا
كلو يشارك معانا في الموضوع
وانا اول واحد اشارك في الموضوع
انا في الجزء الرابع سوره ال عمران
الايه 133
احنا في الاجازه عاوزين نشد حيلنا
ويا ريت يا جماعه اللي يختم القران
يدخل ع موقع الاستاذ عمر خالد هيلاقي في عداد يعلم انو ختم القران
علشان في حمله جميله جدا
حمله عشر ملايين ختمه للقران الكريم
وان شاء الله
نكون من المشاركين فيها
يلا
بقى

جزاك الله كل خيــر يا مصطفى
ويارب فى ميزان حسناتك

ماشي يا ابو حميد بس انا عاوز مشاركه
يلا ابتدي احنا في اول يوم اهو
يلا بسرعه

جزاك الله كل خير وانا لسه هبدأ انهارده

تيفة يا عمرى

رمضان مبارك عليك يارب

وحشتنا والله

عامة انا لسة للاسف مبدأتش

وهحاول انجز على قد مااقدر بعد الفجر النهاردة باذن الله

وكل سنة وانت طيب ياسكر

فى بداية الجزء التالت سورة البقرة الآيه 256


وربنا يتقبل منّا ومنكم إن شاء الله


وجميلة جدا فكرة حملة 10 ملايين ختمه للقرآن اللى اتكلم

عنها عمرو خالد النهارده


ربنا يعينّا ويثبتنّاإن شاء الله

شكرا يا منتوسه يا قمر
انا الحمد لله ببقى كويس لما الناس كلها يبقو كويسين
ويلا يا ماما اظن موركيش مذاكره ولا دراسه ولا دورات
نوم وصوم وقله صنعه
يلا بقى عاوزين نقرا قران كتير
.
.
.
وهم
ايوه كده حسستيني بروح المنافسه الحلوه يلا بدايه مبشره
ويا ريت كل اللي يقرا ولو ايه يشارك معانا ونشجع بعض
وان شاء الله المسلمين اللي هما سبعه مليار
يختم منهم عشره ملايين واحد القران
ويوقع في صفحه الاستاذ عمرو خالد
انا الحمد لله دلوقتي في الجزء الخامس
سوره النساء
الايه 38
السوره دي اياتها كبيره جدا يا جماعه ولا ايه رايكم؟

جزاك الله كل خير يا كبير
وأنا الحمد لله
واقف فى الجزء الثالث
سورة أل عمران
لسا هبدأ فيها بكرة

شكرا يا محمد ربنا يكرمك يا رب
وانا الحمد لله بقيت في الايه رقثم اتنين
من سوره المائده
الجزء السادس

جميل اوى الموضوع وجزاك الله خير يا تيفه

عايزين روح الحماس زى السنه اللى فاتت

وانا كنت بأقرا مع نفسى كده بس هتبتدى الحماس والمنافسه

عامه انا فى سوره النساء

الايه 128

وانا معاك اياتها كبيره اوى وربنا معنا

انا هاقول بس اوعوا تحسدوووووونى ;-)

انا الحمد لله فى الجزء العاشر ((سورة التوبة)) :p
وعايزة باذن الله اختم القران مرة كل اسبوع..
ادعووولى

تيفا باشا
أان والحمد لله
وصلت للجزء الخامس
تقريبا فى منتصف سورة النساء

اجدع يا محمد
ايوه كده
وانا بصراحه غيران من البت المصريه
بس مش بحسدك
بسده ميمنعش ان فيه شويه غل جوايا ناحيتك
ربنا يكرمك يا رب وتختميه مره في الاسبوع
واديني بجري وراكي اهو
يمكن احصلك يلا اجري بسرعه
انا في الايه 103 سوره المائده
الجزء السابع
وشدي حيلك يا منورا
اسبقي الايام
وطبعا لازم سوره النساء تبقى كبيره واياتها مش سهله
ده سوره النساء
ربنا يكرمكم
كلكم
يلا جو اون
يعني استمرو
بالانجليزي
:d:d:d:d

تجرى ورا مين ياقمر

انا النهاردة وصلت للثانى عشر
:p :p :p

ولــســــــة

ربنا يزيدك كمان وكمان يا مصريه ...

بس ان شاء الله الواحد ربنا معاه ونقدر نحصلك

انا فى الاعراف الايه 150

وربنا معانا...

مش عارفة لية حاسة انك بتحسدينى
هههههههههههههههههههههههه
ربنا يزيدك انتى ياقمر

انا لحد امبارح مكنتش قرأت حاجة
النهاردة قعدت مع نفسى
قرأت خمسة أجزاء

ياااااااااااااااارب قوينى
بس انا مش هقول انا واقفه لحد فين

انا الحمد لله فى بدايه الجزء التاسع
الايه 82 سوره الاعراف
ربنا يتقبل منا جميعا ويقوينا

شطور يا حماده شيد حيللك بس بردو انا اللى هاخد الهديه


انا بقى دلوقتى فى الجزء التالت عشر

لسه هابتدى فى سوره ابراهيم

ههههههههههه

حسد/:)/:)

ربنا ما يجيب حسد بينا يا قمر...


بس فى شويه حماس جوه كده وتنافس..

وربنا يكرمنا ويكون التنافس ده ديما فى

حاجه ترضى الله وربنا يوفقك للاحسن

ويا مسهل...

اممممم
بالراحة عليا يا منااار
دانا زى اخوكى يعنـــى

:-":-":-"

انا خلصت اول خاتمة

انا فى الجزء 10

اية ده يعنى انت جاى تدايقنا ولا اية
هههههههههه مبرووك ياجميل
انا جايا وراك اهوووو
ويانا يانتى يامنوورا ياعسل :-c

على اساس انك بتختم من رمضان اللى فاتت؟؟
ههههههههههه
ربنا يجعله فى ميزان حسناتك
يارب يوفقك فى الختمة التالتة

>:d<>:d<>:d<



بسم الله ما شاء الله على البشمهندس


ربنا يسهل وانا فاضل ليا شويه كده


مش هأقول انا فين علشان الحسد:d

يا ريت يا جماع اللى ربنا يكرمه فينا ويختم

يسجل ختمته على موقع الداعيه عمرو خالد

علشان نساهم فى العشره ملايين ختمه...

وربنا يوفقنا للى فيه الخير...

والرابط اهو بتاع التسجيل...

يانهار ألوان
يعنى أنا الغلبان الى فيكو
أنا لسا فى الثامن :(
أمممممممممممم

الحمد لله انا ختمت امبارح

وربنا يقوينى

ادعو ليا...

ادعيلى انتى ياختى

ادعيلى انتى

ربنا يعيننا

وانا كمااااااااااااااااان
<:-p <:-p

انا عايزه الهديه مش ليا دعوه

مفيش حد هنــــــــــا ؟

سباق .. ربح فيه من ربح وخسر فيه من خسر !

لكن لم تنتهي أيام الرحمات

باقي

القليل .. ( الكثير )

الفرصة قائمة

الحمدلله انا يمكن خلاصت فى اخر يوم تقريبا ويمكن يكون رمضان لسه بكره الله اعلم
المهم انى الحمدلله