كتبته ... مش عارفة ليه !!

مشيت

و

مشيت

و

مشيت

فــ

وقفت

مقدرتش أكمل الطريق

أمشى هنا

ألاقى الناس بتخبط فيّا

ما تحاسبوا بئا

فبعدت

أمشى الناحية التانية

لاقيت ناس فاضية ..

التفاهه حياتهم

زهقــــــت

روحت لطريق تالت

لاقيت ناس ملهيّه

دماغها مش رايقة

معرفتش أروح فين

فضلت

أمشى وأخبط

أمشى وأخبط

قولت لأ

stop كــــدا

كفاية تخبيط

وعرفت إن أنا مش أنا

دورت عليّا

معرفتش ألاقينى

قولت هروح لبعييييييد

يمكن ألاقينى

فوجئت إنى بقيت لوحدى

حسيت إنى بهرب

طيب ولمّا لحظة الموت

أحس بيها

حد هيحس بيّا ؟؟

مش مهم

لو حاسوا فى يوم

هيقولوا .. راحت

زى اللى راحوا

وانا مفكرتش كتير

هى دنيا وبنعيش فيها

وهم

إســـــمـــــــه

الحياه !

..........

ده عشان وانتى ماشية وبتعدى ع الناس
بتجرى
مش بتستنى تسمعى حد او تشوفى حد بيفكر ازاى

فى ناس حلوين كتير قوى

بس المشكلة انك ممكن مش بتديهم فرصة

فى ناس بتضحك وبتهزر وانتى مش تعرفى جواها ايه ؟؟

اسألى ناس لافة وعارفة

مش حاطين نفسهم فى قمم وبيندبوا الحياة

-------------------------

دا رأى
مش تزعلى منه

خلاصه الكلام

كن فى الحياه كانك غريب او عابر سبيل

ثانكس وهم

وهى ممكن تكون حياة اى واحد زى اى حد ؟؟


تقريياً كدا .. فى قاموس نزل جديد


وفهرس القاموس .. مش فيه غير


ممنوع الحلم


ممنوع الفرح


ممنوع الضحك


ممنوع الحياة


ونهاية الفهرس مكتوب


ممنوع إستخدام عبارة ( كل ممنوع مرغوب) !!


.........

لا ثانكس على حاجه

بس ياترى إيه أفضل بعد الخلاصه ؟؟

الغريب ولا عابر السبيل ؟

تقريباً كدا عابر السبيل .. هيخبط برضه فى الناس !

مش كدا ولا إيه ؟

مش كل الناس زى بعضها يا وهم فى الحلو وفى الوحش
بلاش نظرتك دى للحياة انا حسه انك تعبانة بجد ومخنوقة

حاسين ان الدنيا مش لينا
ومش قادرين نتعامل معاها
فبنهرب منها لكن بنكتشف اننا اول ماهربنا هربنا من نفسنا

Spider Girl

العيب مش فى الناس يا لولا ..


كل واحد بيعيش حياته زى ما هو عايزها



بس فى حاجه غلط ..بحاول أدور عليها


مش لاقياها هى كمان !

ونفسنا بتضييع ونقولها كفايه

مش عايزينك تانى

ولا حد عايزك

خليكِ كدا ضايعة .. مالكيش مكان فى الدنيا

ما تفكريش حتى تحلمى

الحلم مش ليكِ

......

إلا قوليلى يا سبايدر

إنتِ ناويتِ بالعبرى ده "إذا كان" على هجرة ولا إيه ؟؟ :)

هجرة؟؟؟!!!!!!!!!!!!
انا اسيب مصر ؟!!!
طيب ازاى
ولما اسيبها اروح بلد تتكلم عبرى
مستحيل
انا بحب مصر فوق ما تتخيلى
انا بس العبرى دة لأنى مقتنعة اننا لازم نعرف لغة أعداءنا
من عرف لغة قوما أمن مكرهم

منى ليكِ ..


و ده اللى هيكون بإذن الله


מוות לישראל

ان شاء الله دة اللى هيكون

لو كل واحد حاسب الناس على اخطائهم

صدقينى مش هنعرف نعيش

حاولى تعملى اللى انتى عاوزاه

لأن الدنيا عمرها ما هتكون زى ماحنا عاوزينها

زى ما احنا عاوزين نعيشها

الدنيا عاوزة واحد يعمل اللى هو عاوزه

بس يكون واخد باله من تصرفاته

علشان ما يضرش اللى حواليه

وبالتالى لما كل واحد يراعى اللى حواليه

يبقــى الدنيا هتمشى صح وكويسة

no comment

=d>=d>=d>=d>=d>=d>=d>

وهم انا مش هقولك ان الحياة حلوة
بس برده مش ينفع تيأسى اوى كده
يبقا ايه لازمتنا لو سلمنا ومقدرناش نواجه كل حلجه تواجهنا
فكرى تانى هتلاقى اننا ممكن نصلح الكون
thats hard but not impossible
دى طبعا وجهة نظر

وللأسف هى دى المشكلة ..!

طيب ..

ربنا يستر من الردود الصامته الغامضة !

زمان كنا بنسمع لا يأس مع الحياه ... ولا حياة مع اليأس


ودلوقتى بقت لا حياة لمن تنادى !!


طيب الكون ده إزاى هيتصلح ؟؟


وهو مفيش غير حاضر ونعم


مفيش غير النفاق علشان يتقال شطار بيسمعوا الكلام


مفيش غير الطاعة العمياء حتى لو على حساب دينك ...


وإنسوا كلام ربنا (استغفر الله العظيم)


مفيش غير إكره علشان توصل للى إنت عايزه


مفيش غير إسرق وإقتل ... ومحدش شايف ولا دارى بحاجه


ويوم ما نقول لأ ........ يبقى خلاص كدا !!



....................

فعلا الحقيقة أكبر بكتير


مش حاجه ولا إتنين .. لأ كل حاجه


للدرجة دى ؟؟


آه للدرجه دى واكتر كمان


ودلوقتى خلاص ... !


زى ما ورقه كدا تتمسك وتتقطع 100 حته وياريتها بتترمى


لأ ... كمان بتتحرق !!


يبقى إيه فاضل منها ؟؟


حتى الرمـــاد ... بيرموا عليه مَيّه !


علشان الورقة اللى كانت فى لحظة ورقة .. تبقى ولا حاجه


وبعدين ..... خلاص


تنتهى


وتتنسى


ويقولوا أصلها كانت ورقة ... ومسيرها فى يوم كانت هتضييع !


يعنى مالهاش فرصه ؟؟


معلش مفيش وقت للفرص


ويلا بئا علشان عايزين نقفّل .. مش عايزين وجع دماغ


طيــــب .. خلاص هسكت !


.....................

الحمــد لله على كل حاااااااااااااااااال

هحلم غصب عن أى حد


مفيش حاجه إسمها ضعف وإستسلام للأمر الواقع


شوفى الدنيا زى ما إنتِ عايزاها .. بس خوف وضعف خلاص


إنتهوا


الدنيا بتكسر آه .. مش مهم ..


بتجرح .. مفيش مانع


مش هتفرج تانى على حاجه واسكت


هقول لأ ..


العمر بيعدى .. وياريته يجرى


مش باقيه


قسماً بالله ما هسكت


وكفاية أوى


وكمان مش هستنى لمّا تنزل ترجمة


لأن لو حصل .. لا قدر الله .. يبقى كدا إنتهينا


يارب ..


إحنا الصـــح كتير مننّا غلط .. وبعد عن طريقك


بس التانيين يكونوا أقوى .. كدا هنضييع


كفاية أو ى



بس مش هقول غير


لأ

ومش هسمح لأى حد مهما كان


...........................


مش لازم أكمل


كل حاجه دخلت فى بعض

كفاية تضحكِ على نفسِك

الدنيا مبقاش فيها مكان

كل حاجة بتهون

حاسة إني هموت من الخنقة

ليه عايزة حد يحس بيكِ ؟؟

هي الروح رخيصة كدا ؟

يارب

...

تسلم ايدك يا عسل

الحياة هى الحياة

الام وجراح

عذاب ومشاكل

ولو كانت غير كدى مابقت حياة وكنا تمنينا البقاء فيها للابد

ولكن....

ماذا نفعل؟؟؟ نكتئب - نعترض على ماقسمة الله لنا؟؟

ولا نرضى ونقول الحمدلله

الا بذكر الله تطمئن القلوب

ومن اعرض عن ذكرى فان له معيشا ضنكا

نتجة لرب الكون ونشتكى اليه حالنا ونطلب منه الصبر والفرج

والله يفرج كربى وكربك وكرب جميع امة محمد عليه افضل الصلاة والسلام.

:-??معرفتش ألاقينى

=d>=d>=d>=d>=d>

شكرا بجد توبيك جميل

إنتِ كمان يا نرمو ؟؟

يا جماعة اللي يلاقينا يرجعنا

وله الأجر والثواب عَند الله

...

والله يا سهر ده ما كان توبيك ولا حاجة

دي مجرد كلمات كتبتها مالهاش معنى ..

بس يمكن الجمهور إتخدع فيها ../:)

برضه هقولك أهلا بيكِ

على فكرة في حالة الإكتئاب اللي أي حد مننا ممكن يمر بيها

مش بيتملكني إحساس بعدم الرضا بقضاء ربنا

بس بيصعب عليا إن ممكن يكون في حل .. والدنيا تِعند معايا

او إني احس إني مجرد ................ ولا حاجة

برضه لمجرد إن صدر قرار بإعدامي

ودايماً عندي يقين (إن مع العسر يسر )

وإن (ربنا مش هيتخلّى عني)

والكلام والإحساس عمرهم ما بينتهوا

بس ........ محدش هيحس بالآلم غير اللي بيتألم

ربنا يرحمنا برحمته

..

بشكرك جداً على كلماتك الرقيقة

وربنا يكرمك ويوفقك

...

كلامك جميل اوى كتير منا بيقول نفس الكلام ده بس الحياة حبة فوق وكتير تحت واحد حاسس بيكى والاخرين يستغربوكى كدة يعنى
تسلم اديك ولا تنسى الصلاة على النبى

هو فى حاجه
الحياه على فكره مش وحشه او الناس مش وحشه بمعنى اصح
بس احيانا الواحد بيقع فى ناس مش فاهمينه
وهو فى نفس الوقت مش قادر يفههمهم
عشان كده بيتعقد من الدنيا
بس على فكره
انتى عندك حق فى كلام كتير
شكرا ليكى ياوهم
وحلو التوقيع بتاعك ده
x(x(x(

عليه أفضل الصلاة والسلام
ــــــــــــــــــ

عارفة إن هي دي الحياة

بس .. مش هقول غير .. يارب

.

شكرا على التوبيك وهم