عرض للطباعة
وكأن الدم شربات بيعشقوه زى المجانين
هو ده...
ليه بقينا كده ؟؟
اسألى بابا مبارك
معرفش ليه بقينا كدة بس اكيد فى سبب
العنف والاجرام والكرهية بنتكلم عليها عادى ونفتخر بيها
اما الحب فنخاف نظهرة وكانة ضعف وحاجة تكسب
سبحان الله
ما هو كل واحد واخد الدنيا بلطجه
تصدقى يا مونه بجد بقت حاجه تحزن
فين المصريين بتوع زمان لما كان حد
يطلب النجده الكل يقف جنبه....
اما دلوقتى النخوه والمروءه بتوع ولاد البلد ماتو
تصدقى موضوعك جه فى وقته النهارده العصر قبل الفطار...اتنين ماسكين فى بعض قدام فرن العيش
ومطاوى وحديد محاجات كده ونزلو فى بعض والدم ايه كان سيد الموقف والناس وقفت وبتتفرج
والصوت الله ينور ما تفهميش مفروض فر رمضان الواحد ما يعملش كده بس تقولى ايه
والعيب فى مين ؟؟؟
انا اقولك فينا احنا
والطيبه اللى كانت فينا ماتت
لا العيب دة مش ف الحكومة والقادة يا نورا
العيب دة فين احنا
احنا اللى المفاهيم اتغيرت عندنا
بقينا مقتنعين ان العنف قوة وهيخلى اللى حوالينا يحترمونا ويخافوا مننا
ودة مش حقيقة
الأحترام المبنى ع حب افضل بكتير من الأحترام المبنى ع خوف وعنف
شكرا نورا لمرورك
عندك حق والله يا سمر
بقينا بندارى مشارعنا الجميلة الطيبة والحب والحنان والعطف
وبنتباهى بالعنف والقوة والظلم
لكن بردو لسة فى حاجات جميلة جوانا حتى لو مش ظاهرة
شكرا سمر ع مرورك وردك :x:x
لية بقا واخدها بلظجة
يا ترى البلطجىى دى بيكون افضل فى عيون اللى حواليه ؟؟!!!1
شكرا جاسر لمرورك وردك
لالا الطيبة عمرها ما هتموت جوانا
يمكن بنخبيها لأعتقاد كل واحد ان الطيبة ضعف
لكنها موجودة ومستمرة
كل اللى بيحصل حوالينا دة حاجات طارئة ع مجتمعنا لكن الأصل لسة موجود جوانا
شكرا منار ع مرورك وردك
ماهو العنف نتيجة للى احنا فيه ياامانى
وكله مترتب على بعضه
شباب مش لاقى شغل هايعمل اية يعنى
:-??
تصدقى بالله
كان لسا فيه خناقه من يومين فى منطقتنا
شاب وشه متشرح
وشويه شباب بيجرو وراه بالمتوسيكلات
مفيش أحترام للشهر الكريم
8-|
هى دى مصر
ودى أهلها
الى فيه طبع مبيغيرهوش ياأمانى
البلطجى هيعيش طول عمرة بلطجى
يطيح فى خلق الله
والخناقات شغاله زى الفل
لو عديتى عدد الخناقات ممكن تعملى منها فيلم
لا أكتر من فيلم
والحكومه ربنا يعينها
ودن من طين وودن من عجين
ربنا يعينها ويقويها
:-<
مش لاقى كلام تانى اقوله
ما احنا لازم نبقا كده مش سبنا الصلاة والعبادات وقعدنا على قد ده قال ده عاد
وكمان سيبين ولادنا يشوفوا اقسى مناظر العنف فى التليفزيون
ومش عايزانا نبقا كده
الله يرحم الاصل كان راجل طيب والله
الفيلم مكنش دعوة لاي حاجة
ابراهيم الابيض كان بلطجي , و كانت القصة مثيرة
بس و لا كان في مثال , و لا دعوة
زي فيلم الجزيرة
قصة مثيرة و خلاص
و كده كده واقع عايشينه
نظهره , و اللاه نخبيه؟
اكيد فى سبب للاجرام والبلطجة اللى الناس فيه
فعلن الناس حاليا العنف هو حل اى مشكلة ده فعلن من اسبابه الافلام زى ابراهيم الابيض وغاره بكون البطل فى الفلام دى حرامى وبلطجى ولكن يطلعه هو الى على حق وتطعاطف معه الناس وبالتالى الناس بتبرر افعاله وبتعمل زيه
ماهى اصلها بقت بالعضلات اليومين دول...........
يلا بقى
مبقتش تفرق سينا
من صونيا
واللى يعرف يغير الواقع يروح يغيره
يمكن عندك شويا حق فى ان الفراغ والكبت يولد الأنفجار والعنف
لكن بردو فى حاجة غلط جوانا احنا
احنا نفسنا بقينا بنحب العنف دون مبرر
شكرا نورا لمتابعتك معايا
ولا فى كلام ممكن يتقال يا محمد
الخناقات زادت والدم بقى شى عادى قدامنا
لكن بالنسبة ل هى دى مصر
مصر عمرها ماكانت مكان لبلطجة وشعبها اطيب شعب
العنف مش طبع فينا دة طارئ علينا
شكرا محمد ع مرورك وردك
فعلا سندريلا
بعدنا عن الدين والقيم النبيلة سبب للعنف
وكمان الأعلام اللى بيدعو للعنف سبب من الأسباب
شكرا سندريلا لمروك وردك
قصة مثيرة من وجهة نظرك يا مصطفى لأنك فاهم انها مجرد قصة
لكن الأطفال بيتأثروا بالعنف اللى بيتقدم لهم بشكل كبير بيأثر بعد كدة ع سلوكياتهم
شكرا شومى ع مرورك وردك
كمان الناس بقيت بتشوف البلطجى دة ع انه قدوة وانه انسان بيعرف ياخد حقه
الناس بقيت متعودة ع العنف والدم والخناق
ومحدش عرف لية كدة
يمكن الملل والكبت اللى بيعانيه الشعب زى ماقالت نورا
ويمكن الأعلام اللى بيعرض مشاهد العنف عادى
ويمكن الحروب اللى بقت بتتنقل لينا ع الهوا مباشرة بتأكد لينا ان العصر دة عصر القوة والعنف والبلطجة
شكرا احمد ع مرورك وردك
معظم الأفلام بقيت بتقدم العنف ع انه الحل ولأمان
واحنا فعلا بنتعاطف مع البطل مهما كان بيعمل
شكرا امير الحب
كله ماشى كدة
شكرا يا شقى
بنحاول نغيره يا شريف لأننا جوانا دايما الخير
شكرا شريف
بصى يامونى موضوع فيلم ابراهيم الابيض
ابراهيم ده فى بلدنا يعنى هما مش جابوا حاجه من عندهم يعنى ظاهر وهما بيحاولوا يطرحوها
وبعدين فى كتير اوى زى ابراهيم وانا عن نفسى شايفه ان ابراهيم واللى زيه ضحيه المجتمع وضحيه عدم تربيه واهمال وعدم وعى وبطاله وكل ده اسباب العنف والاجرام المنتشر
ايه ايه ايه
اللي يقول مفيش ولاد بلد واللي يقول مفيش مروءه ولا شهامه ولا رجوله ولا ولاد بلد
واللي سايب الدنيا وبيهاجم الفيلم
طيب منتا لو عاوز تشوف الفيلم شوفو ولو مش عاوز متشوفوش
واعتقد قصدي مش اعتقد
متاكد
ان اللي دخل الفيلم او شافو في اي حته
كان عارف الفيلم فيه ايه زي عادل امام زي غيرو وغيرو
ما عدا حلمي :d
المهم اني اقصد اقول الفيلم مش مشكله
وكمان ان البلطجه مش منتشره بالصوره اللي انتو قصدكم عليها
احنا 80 مليون وبلد 1000000م مربع
ولا الصين ولا امريكا ولا اسرائيل خلصه من المافيا والبلطجه
المهم
ان طول مفيه ناس بلطجيه
يكون في ضعفهم ناس كويسين
واعتقد في مصر ان النسبه ما بين كل عشره
واحد بلطجي وتسعه كويسين
بصراحه انا مش شايف البلطجه كده
بس اهو لولا اختلاف الاراء لباره المطاوي ومحدش اشتراها
وده من وجهه نظري
أنا مقصدش أهل مصر كلهم يا أمانى أنا أقصد الخارجين عن القانون بس
يعنى من الاخر الى شايف نفسه
طول عمرنا أنطيب شعب
وبالرغم من كدا أكيد بيبقا فيه مجموعه من الفاسدين
هى فين الحكومة ولا القادة دى ؟؟
آه .. فعلا الحكومة مش بتظهر ... غير فى لمّا تفسد بس
ومعلش هو البلطجى .. يفهم الكلام ده ؟؟
ده واحد مش باقى على أى حاجه
يمكن هنقول ظروف بيئته وتنشئته ..... وقهر وظلم وفقر وبطاله
اللى أكيد الحكومه ليها دور فيها
على فكره إحنا المفروض يعنى كلنّا كيان واحد بيأثر
وبيتأثر بغيره .. والمفروض كمان إن الحكومه تكون ضمن الكيان ده
إزاى نقدر ننسى دورها العظيم ؟؟
...............
إختلاف أراء إيه ؟؟
همّا البلطجية لهم أراء ؟؟
والله
قبل ما نتكلم
فعلا هى مش منتشرة بالطريقة اللى بتهولوا بيها الموقف ده
لكن الموجود منها سببه
ان اولادنا بقوا يتفرجوا على مشاهد عنف من غير اى توجيه بعدها
ومش ده الأساس
هو الواحد لو لقى الدنيا حلوة معاه
معاه فلوس ،، وله بيته واسرته ،، وحياته المستقلة
هيفكر يبلطج ؟؟
وبصراحة بلدنا ليها دور كبير فى خلق شعب مهزوز اقتصاديا وعلميا
ومش هننكر اننا كتير بنكون مقصرين
بس هما الاساس
وانا واحد م الناس كنت بموت فى الخناقات معرفش ليه ..
بس بقالى سنين كتيرة متخانقتش
فدى بتبقى ثقافة شخص و بيئة و مكان هى اللى بتصلح ده
بس القيادة تتحمل الدور الكبير
والاب والام قبلها
وبس ....
انا هقولك حاجة
مين
فى الحياة دى ما اتولدش برئ
ما بيختلفش عن الملايكة فى شئ
والله
الله يسامحها الدنيا بتغير
واتارى البراءة عمرها قصير
فى ناس بتنداس فى طريقها
وناس السكينة بتسرقها
وناس مضطرة تمشى فى أى طريــق
العيب فى مين يا زمن
ولا الغلط فى مين؟
فى ناس بتدفع تمن
ذنب نااااس تانيين
ايام ضربتها قاضيــة
وكأن الدنيا فاضية
وخلااص ما بقاش فى حاجة
اسمها بنى أدمين
بــس كــدا
عاوزك تحطى فى دماغك حتة الانتخاب الطبيعــى
اكيد فاهمانى