المنتدى والغياب ... الحياة .. والموت !

هذا المكان .. نسخة مصغرة من الحياة

الحاضرون .. المتواجدون .. المتحدثون ..

مجادلون .. متعصبون

أو حتى

مسالمون إلى حد .... اللاوجود .. !

ورغم هذا التناقض الطبيعى ..

إلا أنهم يشتركون جميعا أنهم ( داخل الكادر ) ..

حيث تسلط عليهم ( كاميرات ) الحياة أضوائها ..

الصخب المشترك يجمعهم ..

تبادل الضحكة .. البسمة .. وحتى الدمعة .. !

تبادل الفكرة .. الكلمة ..

وحتى السخرية اللاذعة من الحياة ..

هؤلاء ... هم الحاضرون

هم .. الحياة !!


وفى الجهة المقابلة .. فى الضفة الأخرى

حيث إعتادت تلك القرية دفن موتاها

هناك يقبع ... الغائبون !!

الذين لسبب ما .. قد يكون بأختيارهم

وقد يكون رغماً عنهم .. غابوا

إبتعدوا ..

حملهم بساط الوجود إلى ماوراء بحار العدم !

إنتقلوا من بؤرة النور إلى .. عتمة القاع ..

تحولوا من رايات تخفقْ ..

إلى رفات وأنفاس تشهقْ ..

تحولوا من أعلام يُشار لها بالبنانْ

إلى أطلال تحكى ذكرى .. ماكانْ !

نعم ..

هؤلاء .. هم الموتى !!

أعرف أن ضجيج الحياة يُلهى ..

وأعلم أن صخب الحاضرين يُغرى ..

حتى دخان المدخنين قد يحجب الرؤية أحيانا .. !

ولكن ...

ألا يستحق الغائبون أن نذكرهم ؟؟

ألا يستحق من تقاسم معنا المكان والشراب مجرد سؤال ؟؟

ألا يستحق من عاش معنا .. وضحك معنا وبكى معنا

مجرد سؤال ؟ مجرد كلمة تطيب خاطره ؟؟

ألا يستحق من كان نبضا وروحا ووشما

أن نقول له .. أين أنت ؟؟

نحن نفتقدك ؟؟

نحن نحن إليك ؟؟؟

لن يجرب هذا الشعور إلا من عاناه !!

لم يجربه إلا من ... غاب !



لمذاق الملح فى هذا الشعور ..

كانت كلماتى تلك .. وكان ألمى المبرح

كان شعور الموت و.. الحياة !

حتى لو طيف واحد هاهنا تذكرنى

أو ظل يذكرنى ..

ماكان هذا المذاق العذب الذى لن تكفيه آلاف كلمات العرفان

فأجمل أحاسيس الكون أن تخلٌف وراءك من يتذكرك

من لم ينساك .. من لم يتجاهل وجودك ..


أُشهد الله أن كلماتى ليست لثأرٍ لنفسى

ولاتخليداً لذكرى أتفه من أن تُخلد ..

وإنما هى أحبابى فى الرحلة الصغيرة

لكى نتذكر من عاش بيننا ولو لحظات .. أيام قليلة

لكى لانتجاهل قلوباً خفقت بحبنا وحب مكان جمعنا ..


إسألوا عن الغائبين ..

قولوا لهم .. ننتظركم .. نتذكركم .. نفتقدكم

لم ولن ننساكم ..

حتى لايكون ( المنتدى ) هو الحياة

والغياب ... هو الموت !

فعلا لازم نسأل عن الغايبين
يمكن عندهم ظروف صعبة
يمكن مش حابين يدخلوا تانى
مش عارفة
بس اكيد لو حد ساب اثر فى المنتدى
عمرنا ماهننساه
هيكون عامل زى اللى حفر اسمة على الصخر
تسلم لكلامك يا هوت ايس
ودى المرة الاولى اللى ارد فيها على موضوع ليك
يمكن المرة الاولى اللى اشوفك فيها موجود
اهلا برجوعك لينا

يااااااااااااااااااه ياااااااااااه
يا احمد
غبت كتير اوى لكن عمرنا ما نسيناك

كان واحشنى اوى اشوف اسمك معانا كدة زى زمان
أشوف مواضيعك وردودك

كنت واحشنى جدا جدا جدا
فرحت اوى بوجودك معانا تانى

مش عايزة غياب تانى خالص
********
واحنا والله بنسأل ع كل اللى بيغيبوا بس فى ناس بيكون الوصول ليهم صعب

حمدلله ع السلامة

وأنا تشرفت بوجودك فى الموضوع يا مونيانا ..

وبشكرك على ترحيبك الجميل واللى بعتز بيه ..

ومنورة المنتدى .. رغم إنى عارف إنها متأخرة أوى ..

كل سنة وأنتِ طيبة وبكل الخير ..

لا تعتب على الضاحكون بوجه الزمن
فما ضحكنا الا صوره من صور الالم
ما كانت دموع الفرح لولا ان كان هناك ضحكه الالم
ما بال الناس تغيب عنا دون عذر واضح
وكاننا في الطريق لافته عابره
لكن تغير الحال هو المحال في زماننا
فاكتب اسمك عندما تمر بلافتتنا
في قلوب الاصحاء اسمائكم محفوره
كنقش فرعوني محال ان يتبدد
فاذا اثقلتك الهموم يوما فعد فمكانك في القلب لا يتاثر
اريت هرما من اهراماتنا ابى عن زواره ولو بعد عمرا اتيته
فما بالك باصحاب الدار قد رجعو لسابق عهدهم
ارايت ماذا نحن فاعلون بهم ؟
غبت طويلا عننا والشوق يقطن قلوبنا
تفضل ما لصاحب الدار بان يستاذن
وللغائب حجه بينه
وسر لا يعلمه الا من خلقنا
والله ما بكتب لاي حد يا اخي
ولكم باك واهو كده الكفه بدات ترجع شويه
ربنا يرجع الغايبين

لا نملك سوى حق الذكرى والتذكر

وإن كانت الحياة .. فى وجودنا

أحيانا يكون الموت أيضاً فى .. حياتنا !

ربما لن يشعر بنا أو يسمعنا .. أو يرانا أحد

ونظل نركض خلف وهم الحياة .. ونبعد .. ونبعد بأقصى قوةً لنا

قد نسميه .. هروب .. أو .. نعتبره قسوة .. أو ضعفاً منّا

وبالرغم من تلك المُسميات .. نعود

ونُلقى بأحزاننا وأمآلنا على تلك الصفحات ..

ربما تَسعد بوجودنا ... أو تُلقينا بعيداً .. خلف ظلال العتمه !!


.........

أكيد المكان مكانك

فأهلاً بيك

دمت بكل خير وسعادة .

ربنا يرجع كل غايب يا رب والمفروض فعلا اننا نسال عن كل غايب ونشوفه فين مبيدخلش المنتدى ليه وشكرا جدا لموضوعك الجميل وتقبل مرورى

wellcome back and thanks for this topic

ربنا يخليكِ يا أمانى يا رب

وأخجلتينى بترحيبك الجميل أوى @};-

وربنا وحده اللى يعلم .. كنتم فارقين معايا أد إيه

وعمرى مانسيت لحظة قضتها معاكم .. لأنها فعلا جزء من أجمل

أيام العمر اللى بيعدى ومش بيستنى وعمره مابيرجع .. !

وفعلا .. وبصدق .. القلوب عند بعضها

ويارب أسمع عندك دايما كل خير يارب @};-

ماعتبى يوما على الضاحكين

ففى ضحكهم .. تفتح الأزهار ..

وهل كنا ندرك بَرَدَ الماء

لولا سعير النار ..

ما كان فى الغياب سعادة ..

بل ألم وترقب وإنتظار ..

ففيم الفرح والسرور

وقد غادرنا الأهل والديار ..

أعرف أن الطريق طويلة

والزاد .. فى قلب أحسن الجوار

لافتة الدار يا أخى شعلة مضيئة

كالسفن فى البحر يهديها الفنار ..

ماكانت يوما لافتة عابرة

بل ستظل دوما شمس النهار .. !

الدار فى قلبى مهما رحلت وإرتحلت

هل رأيت يوما نجما .. يضل المدار ؟

..

..

أخى الفاضل مصطفى .. عجزت أن أكتب كلمات شكر

فكانت تلك الكلمات التائهة .. !

أسأل الله ألا يفرق قلبين .. إجتمعا على حبه @};-


..

زى ما يوم إستعجلت الرحيل

جه يوم .. واستعجلت الرجوع ..

تعرفى يا وهم ..

وقفتك ودفاعك عنى ف غيابى عمرى ماهنساها

ومهما كان فيا من صفات وحشة

عمرى مابنسى الجميل أو الفضل لصاحبه ..

يمكن حتى ماقلتش كلمة شكر

لكن ربنا يقدرنى وأرد واحد على عشرة من معروفك معايا

إنتى فعلا .... وهم !

شكرا لولا لتواجدك الجميل

وياريت فعلا نبدأ مبادرة للسؤال عن كل الغائبين

ولاحظت ناس كتير جدا فعلا مش موجودين

شكرا لمرورك الجميل

أُشهد الله أن كلماتى ليست لثأرٍ لنفسى

ولاتخليداً لذكرى أتفه من أن تُخلد ..

وإنما هى أحبابى فى الرحلة الصغيرة

لكى نتذكر من عاش بيننا ولو لحظات .. أيام قليلة

لكى لانتجاهل قلوباً خفقت بحبنا وحب مكان جمعنا ..

الله اعلم احنا حبناك وبنحبك وهنحبك قد ايه

أهلا بيك يا Duke

أسعدنى تواجدك وترحيبك الجميل

دمت بخير ،

عرفتك من توقيعك يا روحيم

من الناس الجميلة اللى سعدنا بوجودهم معانا

يارب نجتمع دايما على الخير

ربنا يبارك فيك يا مصطفى يارب

وأسأل الله أن يمنحك حب خلقه أجمعين

فأعلى درجات الحب هى الحب فى الله ولله ...

والله إنى أحبك فى الله @};-

فيك الخير يا هوت ايس
الغياب ساعات كنير بيكون خارج عن الارادة
بس من الصعب جدا أنك تبعد
عن الناس اللى اتعملت معاهم وانت حبتهم وهما حبوك
وتسلم عل التوبيك

فعلا يا تيتانيك ...

وسواء كان الغياب بإرادة أو بدونها ..

الحنين اللى جوانا لازم بياخدنا هناك ..

يمكن فيه أقلية مش بيفرق معاهم الكلام ده ولايعترف

بحنين ولا عشرة ولا ذكرى .. وبينى وبينك يمكن ساعات

بحسدهم على مشاعرهم وبتمنى أكون زيهم !!

لكن برجع تانى بقول الحمدلله على نعمة الإحساس حتى

لو كان الإحساس هو السبب الرئيسى لكل الألم !!

شكرااااا شريف ...

..

ياااه .. معروف ؟؟

تعرف .. لما قريتها كذّبت عينيّا

كبيرة أوى الكلمة دى عليا ..

لأنى عمرى ما هسمى اى حاجه إديتها لحد أو عملتها مع حد .. معروف !

وعلى فكرة مش بحب حد يقول على نفسه وحش .. لأنها برضه مش بتكون هيّنه

ويمكن إستعجالك فى رحيلك .. له أسبابه أسأل الله أن يُيسر لك أمرك

ويبعد عنك كل شر

وأتمنى من ربنا إن لحظة رجوعك تكون قريبة جداً .. وتكون متواجد دايماً

بكل خير وسعادة وراحة بال ..

.....

أنا مش هقول الا كلمه واحده
نفسى أشوف المنتدى ده شغال زى الاول
وكمان فى الفترة الى سجلت فيها
فين الاعضاء الى كانو موجودين
رغم أنى معرفش حد فيهم معرفه قويه
بس كانو نشطين جدا
أتمنى أنهم يرجعو
وشكرا ليكى وهم على التوبك

!!!!!!!!!!!!

وهم ؟

متأكد إن أنا اللى نزلت التوبيك ده ؟؟

كدا هتدخلنى فى مشاكل وقضايا حقوق ملكية وفكرية !

بعتذر لصاحب الموضوع (hot ice)

إسمحلي أكتب مشاهد من مشاهد الحياة أو .. الموت

مشاهد مفيهاش أى كذب أو تمثيل

بدايته حلم .. زى أى إنسان ما بيحلم

بس الحلم وقته كان قصير اوى

ضاع الحلم .. وصاحبة الحلم إنتهت معاه

يوم ما فكرت تشكر أهلها .. وقفت أدامهم

قالت لهم إنتوا ربيتونا غلط !

علمتوني أسامح أى حد غلط فيّا

علمتوني أضيّع حقي .. ومعلش سيبيه لغيرك

علمتونى أجي على نفسي علشان غيري

سيبتوني في دنيا كلها كدب ومش عارفة أعيش باللى إتعلمتوا منكم

إنتهت محاكمتهم ..


المشهد التاني

يوم ماكنت صادقة جداً في كل حاجة ..

لاقيت الدنيا كلها خيانة وقسوة

لاقيت الماديات وكلام الناس والمظاهر أهم بكتير من المشاعر

أنا مش عايزة اى حاجة من دى

ربنا يرحم المشاعر .. اللى بقت وهم

ربنا يرحم اى معنى جميل فى الدنيا .. كل حاجة فعلا وهم

مكنتش عايزة حاجة أكتر من إحساس بجد صادق



المشهد التالت

كنت المفروض (أعصُر على نفسي لمون) وأوافق

وأعيش وهى عِيشة وخلاص .. مش مهم

كنت أعيش وضميري يموت ؟

برضة كنت هعيش وإحساسي ميت وضميري كمان ميت

مش مهم أظلم .. وأكذب .. وأنافق .. علشان الحياة تمشي

وأعيش زى ما أي حد بيعيش ...

بس مش هينفع أنسى الحلم !

طيب نبعد عن المطابخ وعصير الليمون


المشهد الرابع والأخير

حتى اللون الأسود اللى إخترته إستكتروه عليّا

ليه كدا اللون ده إنتِ عندك حالة وفاة ؟؟

... : لأ ليه ؟؟

ليه الكآبه والنكد ؟؟

ناس تانية : كفاية كدا روحي إتعالجي وخلصينا

و الشفقة والعطف والطبطبة اللى بكرههم يظهروا !

حتى اللحظة اللى بكون فيها مع نفسي بيستكتروها عليّا

بيصروا يقتحموا حياتي !!

..............

كل حاجة فى الدنيا فشلت فيها

حتى لمّا فكرت أهرب من بلدي فشلت ...

معلش مش هينفع تسافري

والغرور اللى جوايا .. إتهزم !!

...................

وفي الآخر أسمع ...

ياريت إنتِ كمان تعيشي و تضحكي و...............................

طيب إزاى ؟؟

ما أنا عمري ما هستغنى عن الحلم اللى حلمته

...........

الدنيا بكل قوتها كسرتنى ولسة بتكسرني

مع إنى مكنتش عايزة غير حاجه واحدة منها !!

...........


أسفة "مع انى عمري ما قولتها لأى حد "

عارفة إن كلامي بعيد عن موضوعك

ومالكش أى ذنب

بجد أسفة جداً .

الفرق مش كبير مين اللى عمل الموضوع

أنا شايف كدا ..

وبالتالى ليه الإعتذار ؟

ثانيا قيمة الموضوع بتكتمل بالموجودين فيه ومشاركتهم

وتواجدك دوما يثرى أى موضوع

دمتى فى حفظ الله ورعايته ،

..

بالعكس .. كلامك أو .. مشاهدك

فى صلب الموضوع .. فى صلب الحياة

وفى أعماق الحياة قبل أعماق الموت !

فى أعماق الوجود قبل الغياب ..

وإن كان التعليق على المشاهد لاتكفيه الصفحات

ورغم السواد القابع والمتمكن والمسيطر

تتوارى بداخلى ثقة لاأعلم مصدرها

بأنه سيأتى اليوم الذى ستشرق فيه

شمس باهرة ..

لأنك كنتى دوما مصدرها !

..

هوت ايس !!!! :-o
فينك من زمااااااان
حمد الله على السلامه
وحشنا مواضيعك الحلوه دى و ردودك
طبعا التوبيك حلو جدا و اسلوبك كالعاده رائع
تقبل مرورىO:-)