تحذير هام لاهالي مشتول السوق من عمليات سرقة منازل متوقعة

الموضوع ده بجد مش هزار
في عمليات سرقة سطو على منازل متوقعة و بشكل كبير على مشتول السوق
البداية كانت النهاردة
الاحد 27-9-2009
الساعة السادسة صباحا
في شارعنا شارع المدينة المنورة اكبر شارع في مشتول السوق و في نهار ربنا
كان في شاب و لابس قناع كان بيحاول يفتح شبابيك من بيت الدكتور عيسى
اللي في شارع المدينة المنورة
اللي شافه الحاج سيد جادالله شومان كان راجع من صلاة الفجر بعد ما ادى الصلاة و قراية قران في المسجد
لما شاف الواد بيلعب في الشبابيك جري عليه يشوفه هو مين
فلما قرب منه و لقاه لابس قناع كده كان هيمسكه بس للاسف الواد جري منه

من المعروف ان حوادث السرقة خصوصا سرقة المنازل في مشتول السوق بتكون متكررة و متتابعة
يعني بتحصل هوجة سرقات في مشتول السوق مرة واحدة , عشرة او 15 حادثة سرقة في مناطق متفرقة في المدينة
و كلها بتبقى على فترات قريبة من بعض و بعد كده العملية بتهدى

فياريت الناس كلها تاخد بالها كويس قوي اليومين دول عشان اكيد هتحصل حوادث سرقة منازل كتير جدا الفترة الجاية

المقلق في الموضوع مش مجرد حادثة السرقة , في داهية الفلوس او اي كان المسروق , المفزع فعلا هو فكرة ان ممكن يكون حد من اهل البيت جوه البيت في الوقت ده
اكيد كلنا عندنا اخوات بنات , او امهات و بنخاف عليهم
او حتى اخواتنا الاولاد الصغيرين
و اللي ممكن يحلصنا حاجة لو حد مسهم بسوء و كلنا بنخاف عليهم اكتر من اي حاجة في الدنيا

الرجاء من كل سكان مشتول السوق الاهتمام قوي قوي بالامان في البيوت عن طريق

1- احكام اقفال الابواب بواسطة المفاتيح , و التاكد من عدم ضياع اي نسخ من المفاتيح
2- احكام اغلاق شبابيك المنزل خصوصا الشبابيك المطلة على الشارع
3- معظم بيوتنا في مشتول السوق عبارة عن عمارات اكثر من دور لنفس الشخص , و جرت العادة بترك البوابة الخارجية للعمارة مفتوحة - برجاء التاكد بان جميع بوابات المنزل مغلقة باحكام حتى بوابة العمارة
4- احكام اغلاق البوابات بترباس حديدي داخلي ان وجد مع المفاتيح لزيادة الامان و للتاكد بعدم امكانية فتح البوابة الا من الداخل
5- في حالة الاشتباه باي عملية سرقة يتم فورا على رقم النجدة 122
6- احذر من مواجهة الحرامي , عشان بيبقى خايف و مرعوب و ممكن لا فعلا هياذيك عشان يهرب - طاوعه و متقاومش خوفا على حياتك و في داهية يا عم اللي هيسرقه و باذن الله هيتمسك
7- بالنسبة للسيدات في حالة اكتشافهم للسرقة , يا ريت لو يصوتوا باعلى ما يمكن :|

اخيرا ربنا يسترها يا رب
عشان انا شخصيا قلقت جدا خصوصا ان الحادثة الاولانية على بعد اقل من 100 متر من بيتنا و الحمدلله مفيش حاجة اتسرقت
بس لما يبقى شاب و الصبح و لابس قناع , يبقى حد مش سهل و لازم كلنا ناخد احتياطتنا

يا ريت الكل ينشر الموضوع على كل معارفه و ربنا يسترها يا رب على الجميع
و ده عنوان و رابط التحذير

:-<:-<
و السلام ختام
سلاموعليكم

اوبا

طيب انا فى شارع العروبه
والحمد لله
الحمد لله
الحمد لله
بسيب شباك الاوضه والبلكونه مفتوح
قبل ما انام عشان الجو بيكون حر

ربنا يستر

سرقه وجنب بيتنا على طووووووول
ربنا يستر

يانهار فوشفوشى
طب بالنوسبة لبلبيس:-?:-?:-?

ربنا يستر يا رب عليكم يا مصطفى انتم وجيرانكم وحسبى الله ونعم الوكيل فى الناس دى حرامية وكمان بالنهار ياااااه دول بقوا مش هاممهم حد ربنا يستر عليكم ويا ريت الناس فعلا تاكد على الابواب زى مقولت يا مصطفى وباذن الله ربنا هيستر

اوكى يا حج طيب انا مسافر وسايب البلد امانة بين ايديك
عايز لما ارجع ااقي كل حاجة زي ماهي ....
انت عارف مافيش حد يقدر او يجرؤ انه يقرب منطقتنا

ههههههههههااااااااااااااا اي
طبعا محدش يجرؤ يجي ناحية منطقتكم
لانها اوس المشاكل اللي في البلاد
هو شمامين في البلد غير من الناحية الواطية بتاعتكم؟
انت تحمد ربنا ان بيتكم على الطريق من بره , مش تبع منطقتكم قوي :p

والله دا كله حصل
مش عيب الحاجات دى تحصل فى الشوامنة عيب عليكم
فين الرداجة بتوعكم ولا بوق بس
على العموم شكرا يا عم

هههههههههههههههههههههه
سيبها فى ايد امينة
مش بعيد هو اللى يكون عامل العاملة دى وبيشتغلنا



عيب يا شومان تتكلم عن منطقتنا كده
خلينا ساكتين وحطين لسانا وقافلين عليه
مش عاوزين نفضح منطقتكم علنى كده قدام البشر خليهم حبينك ومحترمينك

يلا بقى اقوم اقفل الشبابيك اصلى مكسلة اقوم والواد هيما نايم
أقوم الحقه لحسن ادخل الاقيه اتسرق وانت عارف انه هو اللى حلتنا
سلام بقى مش عاوزه اطول عليكم
وخلى بالك من نفسك يا شومان خلاص فضلك تكة وتلاقى القناع فى وشك
حاسب اوعى تتخض لحسن تتضغط:p
هههههههههه

اية التشرد اللى بلدكم فيه دة
سرقة ؟؟!!!!!
احنا عندنا قتل ع طوووووووووول

احذروا بقا ع نفسكم

وحلو اوى صراع المناطق اللى عملتوه يا مصطفى وكينجو وواسماء
بجد صراع رائع
هههههههههه

ياخبر ابيض دا كله عشان انا مسافر
طب لما ارجعلهم
وعلى العموم ربنا يسترها

الحمدلله انا ساكن فى القاهرة

هيا المنطقه بتاعتنا دى دايما فى وش المدفع كده



ربنا يستر

وكده هزود سهرى زياده عن الاول (الاحتياط واجب برده):d

:d:d

هو انا بعيد اه
بس فى حواليا هوووووو

ربنا يستــر