الإسلام من مكة إلى سيتي ستارز..!!

... الإسلام
من مكة إلى سيتي ستارز

لا أدرى هل هي الصدفة التي جمعت كل هذه الأشواك في طريقي خلال الفترة الماضية ؛ مما أرق مضجعي وأصابني بالغيظ والكمد، أم أن الأمر بالفعل قد أصبح "هوجة" لكل منهب ودب؟.. فالكل يتحدث ويناضل من أجل هذه القيمة العظيمة ألا وهي: الدعوة للابتعاد عن الدين للحاق بركب التقدمهذه النغمة تزداد يوما بعد يوم، ولا يستطيع أحد أن يناقشها أو يجادلها خوفاً من أن يتهم بالرجعية والتخلف، والكل يهز رأسه موافقاً على هذه الدعاوى "النبيلة" التي تكشف عن هذا العلم المتدفق الذي حققته مصر عندما ابتعدت عن الدين*******كلما جلست لأتابع أى برنامج الآن صدمتني هذه الوجوه؛
فتارة يكون الضيف نجماً سينمائياً،
وتارة يكون وزيراً أو كاتباً صحفياً
أو حتى ما يطلقون عليه مفكراً إسلامياً

وعادة ما يكون مع هذا الضيف راقصة أو فنانة لتدلي بدلوها هي الأخرى في نظرتها للدين الإسلامي، وكيف أنه "دين قلوب"، وأن علاقتها معالله وليست مع الناس، ودائماً ما يكون على ألسنتهم هذه الجملة الخالدة : "الناس طلعوا القمر برة، وإحنا لسة بنتناقش ندخل الحمام برجلنا اليمين ولاالشمال"؟كل من هؤلاء عندما تسمعه تظن أنه بينه وبين اتِّـباع سنة النبي صلى الله عليه وسلم (تار بايت).. كلما سمع كلمة عن الحجاب أو غض البصر أو قدسية القرآن أرغى وأزبد ورفع صوته بأن كل هذا قابل للتعديل، وأن القرآن كلام يستحق القبول أو الرفض، وأن الحجاب عادة قبلية يمنع المرأة من التفكير؛ لأنه يغطى عقلها.. وغير ذلك من الأمورلا أدعي أنني ممن يلتزم بدينه التزاما كاملا غير ناقص؛ ولكنني أعتقد أن بداخل كل منا هالة من نور الحق، تخبو قليلاً إذا علاها رماد الذنب والنسيان ؛ ولكنها تسطع في فورة الدفاع عن الدين، والآن.. ولأنني بصراحة فاض بي الكيل- فإنني بكل أدب أسأل كل هؤلاء: وكيف عطلكم الدين عن التقدم؟*******الذي قال متحسرا: إن الناس تشغل نفسها بدخول الحمام بالقدم اليمنى أو اليسرى، كيف عطلك هذا عن الصعود للقمر؟؟ هل يبقى المسلم أمام الحمام خمسين عاما يفكر بأي قدم سيدخل الحمام، ولهذا ستضيع منه الرحلة لاستكشاف القمر؟؟
ماالمشكلة في أن أدخل الحمام بقدمي اليسرى وفي نفس الوقت أكون أعظم مخترع في البشرية؟؟
ألم يكن كل علمائنا الأوائل الذين طاف علمهم كل بلاد الدنيا من هؤلاء الذين يدخلون بقدمهم اليسرى، ويتبعون سنة النبي؟؟
كيف اخترعوا كل هذه الاختراعات إذن، وهم يصلون ويصومون ويحجون ولا يأكلون إلا الزيت والخبز كما ورد في كثير من الآثار؟؟
هل من الضروري أن أتناول السيمونفيميه ثم أغطس في الجاكوزي وأدخل حمام مغطى بسيراميكا كليوباترا، وأخرج لأجلس في التكييف مع سيجارتين مع سب الدين حتى أصعد إلى القمر؟؟ما المشكلة في أنني عندما أستقل الصاروخ صاعداً إلى القمر أن أقول دعاء الركوب؟؟ هل هيسبة في جبين العلم والعلماء؟؟ هل سيعطلني هذا الدعاء عن أمور عظيمة أكثرأهمية مثل ملء الزمزميات والتأكد من الساندويتشات للرحلة؟؟*******والذي قال: إن حجاب المرأة يعزلها عن العالم ويكبح تفكيرها لأنه يغطي عقلها، فما أعرفه وما درسته في الأحياء أن الذي يعلو جسد المرأة هو الرأس أو الدماغ أوالجمجمة وليس العقل بالتأكيد؛
فالعقل هو ذلك الشيء اللامحسوس الذي يجعلنا نعقل الأشياء، وليس ذلك الجزء المادي حتى يغطيه الحجاب، وإذا افترضنا أن العقل هو ما يغطيه الحجاب بالفعل ؛ فمن الذي اخترع هذا الاختراع المدهش الذي يؤكد أن عقل المرأة يتأثر بالغطاء؟؟
وهل غاب عن مخترع هذا الاختراع أن نصف دينه -إذا كان مهتما بهذا الدين أصلا- قد أخذه ممن كانت ترتدى الحجاب والنقاب، ألا وهى السيدة عائشة أم المؤمنين؛
ناهيك عن ألوف المسلمات اللاتي أثبتن رجاحة عقلهن في كل ميادين العمل وهن يرتدين هذاالذي يكبح جماح العقل؟ كيف يمنع الحجاب عقل المرأة إذن؟أما عن حرية الرأي فحدث ولا حرج؛ فدائماً هناك مكيالان لحرية الرأي المزعومة هذه؛
فإذا سب أحدهم الدين أو الله -تعالى عما يقولون علواً كبيراً- في قصيدته أوكتبه؛ فهذه هي أسمى آيات حرية التعبير، والمطالبة بأن يقول من يريد مايريد في أي وقت، ولا سلطة لأحد على أحد،
أما إذا اعترض أحد على هذه الآراء، قامت الدنيا على من اعترض، وصار متهما بأشنع الألفاظ ومعاداة الرأي والتخلف وعدم الفهم، وكأن حرية الرأي والتعبير اقتصرت على من يشتم الدين فقط، أما من يدافع عن دينه فللدين رب يحميه*******الغريب أن كل من ينادي بالابتعاد عن هذه الفرائض والسنن بدعوى التركيز في العلم والتقدم لم يفعل أي شيء في سبيل هذا العلم والتقدم، ولم يتقدم أي منهم قيد أنملة في طريق النبوغ؛
فالممثل الذي يتقاضى ملايين الجنيهات في الفيلم الواحد لم يفعل شيئاً للعلم،
والكاتب الذي شنف آذاننا بتحرره ودعوته لتحرير الدين من هذه الأفكار الرجعية لم نره يوما يقدم فكرة واحدة لرفعة بلده،
اللهم إلا بعض لقاءاته في القنوات الفضائية التي يتقاضي على كل منها آلاف الجنيهات في الأستوديو المكيف وأمامه المياه المعدنية، والمخرجة التي صدعتنا بدعوتها إلى حرية المرأة ونضالها الدائم من أجل أن تتحرر المرأة -من قاهرها وظالمها ذلك الرجل الذى ينفث النار من أنفه

- لم تقدم فكرة واحدة قابلة للتطبيق، ولم تقدم شيئا نفع أحدا.. لا رجلا ولا امرأة ولا حتى سحليةإننى لا أدعو لأن نتجه كلية للدين ونترك دنيانا ؛ فقد أوصانا رسولنا صلى الله عليه وسلمأن نزرع الفسيلة التي في أيدينا حتى ولو قامت القيامة، وهذه دلالة على تأصيل معنى العمل الدنيوي، ولكن كل ما أدعو إليه ألا يصوَّر الدين دائما على أنه "بعبع" وما زال خارجا من الكهف "طازة".. إن ديننا الإسلامي دين يسر، يقبل التطور والتقدم؛ ولكن في حدود تشريعاته وليس على حسب هوى كل من ملكه هواه!*******المشكلة أن كل واحد من هؤلاء يريد ديناً على مقاسه.. فالراقصة تريد ديناً يشجع الرقص.. والفنان يريد ديناً يأمر بالقبلات ؛ وخاصة إذا كانت في سياق الدراما، والشاعر يريد ديناً يسمح بسب الله والرسول بدعوى حرية التعبير.. كل منهم يريد ديناً (كاجوال).. ديناً مودرن).. ديناً ليس موطنه الأصلي هو مكة المكرمة؛
وإنما موطنه الأصلي.. سيتي ستارز

إن ديننا الإسلامي دين يسر، يقبل التطور والتقدم؛
ولكن في حدود تشريعاته وليس على حسب هوى كل من ملكه هواه
يا اماني الموضوع ده لما قرتو حسيت ان انا مش لوحدي في العالم لو انتي اللي كتبتي الموضوع او حتى نقلتي عن اقتناع وانا ارجح ده فبجد الموضوع ملوش حل وانتي كمان
اما بالنسبه للجمله اللي انا اخدتلها كوبي
فبس عاو اعلق تعليق صغير
من وجهه نظري ويا رب تفهميني
انا عاوز اقول ان دينا ملوش حدود ومسابش حاجه يعني مش العلم هو اللي نحدده او ننقص منو علشان ننفذ دينا لان مفيش وجه مقارنه او علاقه
بمعنى اصح الاتنين لا يعيقون بعض
لان زي منتي قلتي ندخل الحمام برجلنا اليسرى مش قضيه كبيره
بس الناس الللي بتحب الاسلام والرسول
هتدخل برجلها اليسرى
وبعد عمر طويل هيجي واحد يقولنا ايه فايده اننا دخلنا برجلنا اليسرى او ليع بنام ع جنبنا الايمن او ليه بناكل بايدينا اليمين او بنصوم الليالي القمريه
ويطلق عليها الاعجاز العلمي اعجاز لان الدين امر بيها من 1400 سنه والعلمي لان العلم لسه مكتشفها
فمثلا عملو دراسه ان خلال الايام القمريه بيحل حركه مد او جزر في مياه البحيرات والانهار وان الميه بتاخد جرعه كبيره من مكونات اليابسه وبتكون الميه دي سبب في تعكر المزاج وبالتالي لما عملو احصائيه وجدو ان نسبه الجرائم وحالات الطلاق والمشاجرات بتكثر في الايام دي
فلما دينا ورسولنا الكريم قالنا نصوم الايام دي
اللي صامها ومكنش يعرف
ياااااااااااه
تفادى كتير جدا من مشككلات كان ممكن تحصل
فسبحان الله بجد
انا اقول حاضر الاول سواء العلم عرف او لسه معرفش ليه ؟وايه السبب؟
وشكرا وده طبعا من وجهه نظري الصغنطوطه
بحييكي ع الموضوع الاكثر من رائع

( وكان الإنسان أكثر شئ جدلا)

صدق الحــق في محكم تنزيله ..

للأسف بيعترضوا على كل حاجه وبيدّعوا التقدُم والمدنية ..

علشان هوى نفسهم ..

مع إن ما أوصانا به رسولنا وشفيعنا سيدنا مُحمد

عليه أفضل الصلاة والسلام .. فيه منفعه كبيرة وخير لينا ..

لو كل واحد تعب نفسه وفكر شوية لو لدقايق ..

هيعرف إنه خسر خساره كبيرة إنه بعد عن سُنة رسول الله

عليه افضل الصلاة والسلام ..

لا تفاتيفي إنت مش لوحدك في الدنيا

في ناس كتير بتفكر زيك

لأنهم إتعلموا وبيحاولوا يتعلموا من مدرسة رسول الله

المُشكلة إن من دلوقتي الناس بتجادل .. على حاجات مؤكده

زي الأمثلة اللى أماني قالتها .. وزي ما إنت أضفت

بيجادلوا لمجرد المُجادلة ..

ولازم يكون في إثبات علمي

طيب ما الكلام ده رسولنا الكريم اثبته

برضه .. عايزين إثبات علمي

(لا حول ولا قوة إلا بالله)

زى مثلا .. ما نهانا رسولنا الكريم عن الشرب أو الأكل أثناء الوقوف

أو عدم النفخ في الأكل ... وأمثلة كتير جداً

برضه بعض الناس بتجادل .. في مصلحة وخير ليهم

وبعد ما الأبحاث أكدت الكلام ده .. ومجابتش جديد الناس بدأت

تصدق !!

..............

كل اللى محتاجينه إننا نتمسك بسُنة رسول الله

وعمــرنا ما هنضيع ابداً

.................

الكـــلام كتير اوي في الموضوع ده

بس بجد برافو يا أماني بحييكي على التوبيك الجميل

وبعدين كبري الخط شوية

كدا نظري هيضييع :)


وبشكرك يا تفاتيفي .. على كلامك الجميل

.
.
.

بجد الموضوع رائع يا امانى زى ما اتعودنا دايما
وطبعا تيفه ووهم قالوا كل حاجه يعنى انا مش هضيف كتير
بس هقول انا المشكله ان فيه ناس بتحاول تفصر الدينا على مزاجها اللى عاوزينه يقوله واللى مش عاوزينه يقوله وطبعا ده مش هينفع
لان الدين نزل كامل مافيش حاجه سبها واللى مش ذكر فى القران السنه فسرته
يبقى مستنين دينا او حد تانى يقول انه اللى بيحصل فى الدراما او الرقص ده حلال او مافيش حاجه بتحرمه
دى كله كلام فاضى
كل الحكايه ان وسائل الاعلام بقت بساعد على انتشار الفوضى
والبعد عن الدين

ربنا يخليكي يا وهم بجد متعرفيش مشاركاتك بتفرق قد ايه
واهو الصبح كنت فاكر نفسي لوحدي دلوقتي انا وانتي واماني
<:-p<:-p<:-p

ووسام كمان يا فرحتك بموضوعك يا اماني

والله ما عارفة اقول اية ولا اعلق ع مناقشتكم
بجد اسعدتونى بالمشاركات دى لأننا بصراحة بنفتقدها من فترة
..
طبعا احب ااكد ع ان الموضوع منقول لسة ماوصلتش للمرحلة دى انا بس طبعا مقتنعة بكل اللى فيه


ولما يافهمى الكاتب وضح فى حدود تشريعاته
قصد بكدة اننا كمسملين لينا حدود وقواعد مانتخطهاش والحدود دى مش هتعطلنا عن العلم لكن تساعد ع اننا نقدم علم نافع للبشرية ولنفسنا
والعلم والدين بيكملوا بعض لصالح البشر
العلم من غير دين يحكمه يبقى شر

وزى ماوهم وضحت محتاجين اننا نقتنع اكتر بدينا وبسنة رسولنا الكريم اكتر من اقتناعنا بالعلم اللى بيقدموه لينا الغرب

والخط كبير والله ياوهم بس هحاول اكبره شويا كمان

****
الميديا بقيت جزء من مأساتنا يا وسام


بجد متشكرة جدا جدا جدا ع ردودكم
فرقت معايا كتير اصل كنت شاكة جدا ان فى حد هيرد واللى هيرد ماكنش هيبقى اقراه كامل
وعرفت مش اننا لوحدى اللى بقرأ المواضيع للنهاية

ربنا يخليكم ليا وتردوا عليا دايما كدة

الوضوع جميل جدا بشكرك اوي اوي ياامانى

اولا انا بشكر امانى على الموضوع الجميل
ثانيا اللى احنا فيه دلوقتى ده بسبب التأثر الشديد باغرب واللى معظمهم مش بيعترف بالدين واحنا مش بناخد بالنا من النقطه دى احنا بنقلد وخلاص
ثالثا عمر الدين ماكان بيتعارض مع العلم بالعكس الدين بيشجع على العلم والتعلم مثل قول الرسول صلى الله عليه وسلم (((اطلبوا العلم ولو فى الصين))) فلو اتحد العلم من الدين هيؤدى اللى دفع عجله التقدم والرقى بس هنقول ايه لا حياه لمن تنادى ده حتى الاعلام دلوقتى بقى بيتجه للبعد عن الدين ده غير طبعا شيوخ الفيديو كليب اللى بيطلعوا فى التليفزيون يفتوا اى كلام وخلاص
سلامو عليكوا

شكرا حسام ع مرورك

بقينا بنقلد الغرب تقليد اعمى وكمان بناخد منهم أسوء ما فيهم
ما بنحاولش نتعلم اننا نشتغل بجد واجتهاد
اننا نتعلم كل فنون العلم
وزى ما قولت العلم بيكمل الدين

العلم من غير دين هيكون شر ودمار للبشرية

شكرا جاسر لمرورك وردك

بجد يا مونى الموضوع اكثر من رائع وكلام تيفا ووهم جه فى محله
ووسام قال جملة عجبتنى عن وسائل الاعلام
هى بجد ليها دور كبير فى نشر الفوضى والدين المودرن زى ما بتقولوا
يعنى مثلا واحد متخلف زى جمال البنا ده اللى بيكلم كلام مالوش معنى
وبيخرب ف الدين
تعالى شوفى القنوات الفضائية بتعمله برامج شبه يومية ويفتحوا معاه حوارات هو اقل من انه يتكلم فيها
لانه جاهل وملحد
وتلاقيهم بيقدموا ويقولا قال ايه داعية اسلامى
شوية شوية وتلاقى سعد الصغير ولا فيفى عبده بيقدموا فتاوى ع مزاجهم
زى الباشا جمال البنا ده لما قال السجاير مبتفطرش ف رمضان
ولا لما قال مش حرام الولد يبوس البنت مدام ف الشارع وقدام الناس

وسلام كبير اوى لالاعلام

اه والنيعمه العالم دي بتقول كلام زي الفل
يا فرحتك يا موني بموضوعك
كبار الدوله بيردو فيه اهو
انا كده ممكن اغير وانزل مواضيع مدام في امل في المنتدى اهو

جمال البنا دة حكاية لوحده
اكتر حد بيسئ للدين الأسلامى
ال‘لام بيهتم بالناس دى وبيسلط عليها الأضواء فبيكون عندهم مجال اكر للتخريف والكلام عن الدين اللى لازم يكون كل كلمة عنه محسوبة كويس اوى

شكرا لوما ع مرورك وردك يا قمرى

انت هتقر عليا ولا اية يا تيفا

وبعدين يلااا نزل انت كمان مواضيعك
وانا حاجزة اول رد فيها