الصداقة والحب فى الجامعات

هااااااي شباب و بنات فكك منى
انا جايبلكم النهارده موضوع جامد و معناه باين من اسمه
و هو بخصوص الجامعات
الصداقه و الحب و الحاجات دي كلها
طبعا مافيش حد في الجامعه مالوش علاقه بالجنس الاخر
و ده كله في حدود الجامعه طبعا
الموضوع بقي
انا عايز كل واحد يدخل و يقرا الموضوع ده يكتب لنا احسن طريقه بيقدر يكون بيها صداقة في الجامعه ( من وجهه نظره )
يعني لما يحب يتعرف علي بنت يتعرف بالطريقه التقليديه ولا يرخم و يغلس ولا ايه بالظبط ؟
و كمان كل بنت تقول ايه اكتر حاجه بتعجبها في الشاب اللي يحب يتعرف عليها و يصاحبها فى حدود الحرم الجامعى
يعني يكون هادي و محترم........ولا يكون رذل و رخم .......ولا فنجري و فشار و بياع كلام انا اسف طبعا على الكلام دة
يعني
و كمان في سؤال مهم جدا
يا تري حب الجامعات هو حب حقيقي و ممكن يستمر ولا حب تضييع وقت و تسليه ؟
عايز كل شاب او بنت تجاوب من وجهه نظرها مش من الكلام اللي سمعته من اي حد
و انا مستني الردود

هههههههههههههههههههههه
حلو التوبيك

بس يا سيدى احلى حاجه فى الشاب
عشان يظبط بنت
انه يعمل اى حاجه يلفت بيها نظرها
وميعملش عبيط ويروحلها ويقولها عايز اتعرف عليكى
كده ممكن تكش منه
ولو حصل نصيب واتكلموا يحاول يتكلم على قد ما يقدر
ويربطها بموضوع صغير ويقولها مستنى ردك

انما من ناحيه الرزاله يبقى يقابلنى اذا واحده عبرته بالحذمه

وفى بنات بيحبوا الشباب الرزلين
وفى بنات بيحبوا الشباب المثقفين
وفى بيحبوا الشاباب الكاجول وعامل تسريحه عرف الديك
وغيره وغيره

واذا كان على الحب
فى حب حقيقى وحب فاشل
والله ساعات بتجيى بظروفها

شكرا يا ريس على التوبيك

حلو موضوعك يا سلم بجد لذيذ
بص يا سيدي
مش عارف الناس بتكبر حكايه ان الولد يكلم بنت او ان البنت تكلم ولد
بصراحه انا شايف ان لو كل واحد احترم نفسو واتمسك بمبادئ وحدود هو بيحطها لنفسو
فده هيكون سبب ان الحكايه تبقى سهله
بالنسبه للصداقه يا سيدي
اهم حاجه في الصداقه انك تكون مختلف وتستفيد من الصداقه دي وتبقى متنوعه فس الكليات وفي الاعمار كمان
واهم حاجه اي صداقه اتحولت لحب او حتى لاعجاب هتلاقي الصداقه باظت وبالنسبه لي الصداقه اغلى من الحب بمراحل
حب الجامعه بقى
حب لذيذ وجميل جدا بس لو في فرق سني معقول مهو لما انته تبقى في تالته وهيا في اولى مهو انته برضو في الجامعه
انما تحب واحده من سنك وهتتخرج معاك
يبقى انته وهي قبل منك
بتتسلو
وبتلعبو
مش بتحبو بعض
مش بعد متخلص او يوم في الاجازه يتقدملها عريس
وانته تقولها انتي قولتي هتستنيني ومش هتستنيني والكلام اللي مش بيجيبب همو وف الاخر هتنفصلو
يبقى ايه لازمتها
هتتسلى شويه وبعدين تجرح نفسك
لا
فكك يا عم
بس خلاص

انا اول مرة رحت الجامعة كانت مع اختى وبنت خالى اتعرف هناك علشان ناس زى الماس محترمة بجد واخوات بجد ومن وقتها عرفت اميز بين الناس المحترمة واللى كدا وكدا

وبخصوص الحب مفيش حب فى الكامحة دة مستحيل كلة نصب فى نصب
علشان مفيش واحد لسة بياخد مصروفة من ابوة وبيدرس هيفكر يرتبط بجد دى حوارات مفكوكة

اممممممممم موضوع جميل يا اسلام
بص انت علشان تتعرف على واحده مش لازم تطلع رزل وتفضل وراها فى كل حته لحد ما تخنقها انت تسيبها بظروفها بس تحاول تخليها تاخد بالها منك مش اكتر
اما بالنسبه لحب الجامعات موجود طبعا وفى ناس كتير اتجوزت عن طريق الجامعه

ميرسى ليكوا على مشاركتم وبجد بشكركم على ردكم الجميل دة ويارب يكون الموضوع عجبكم وميرسى ليكم

ميرسى على مرورك ويارب يكون عجبك الموضوع

ميرسى ليك على مرورك ويارب يكون الموضوع عجبك

انا بشكرك جدا انك على مرورك ويارب الموضوع يكون عجبك

ميرسى ليك ياجاسر على مرورك ويارب يكون اموضوع عجبك واتمنى اشوفك فى كل مرة

ليه يعني طبعاً مفيش ؟؟

ما إحنا دخلنا كُليات وإتخرجنا من غير ما يكون لنا دعوة لا بزميل ولا

غيره



عايزة افهم يعني .. ما بالطرق التقليدية أو الحديثة

يبقى الشاب ده نيته بلاك غامق

زي يومه بإذن الله ..

يبقى كدا .. مش زمايل ولا حــاجه ولا حدود الجامعة ولا الكلام ده !



ده على أساس إنها رايحه (تستلقط ) عريس ولا إيه يعني ؟؟

تبقى كدا مش رايحه الكلية علشان تتعلم ولا نيلة على عينها




يصــــاحبها ؟؟ :-??

جميل أوي ..

وهو الشاب اللي مصاحب صحبته ده يرضى إن أخته تصاحب زيه ؟؟


مش عارفة في ناس فاهمه إختلاط البنات والولاد في الكُليات غلط

يعني هما المفروض زمايل في (حدود الدراسة وبس)

وكلامهم في الدراسة إذا استدعى الأمر

غير كدا انا مش مقتنعه بصداقه بينهم اساساً

من غير تظبيط ولا صاحبها وصحبته !!



لــو هو فعلا يقدر يتحمل المسئولية .. مفيش مشكلة

بس طبعاً بالإرتباط الرسمي

وأكيد طبعاً مفيش إنهم يلفوا الكلية 20 مرة في الساعة

بحجة إنهم هيرتبطوا ببعض بعد كدا

........



ربنــا يبعد عن بنات وشباب المُسلمين أي شـــــر

.
.
.

لا اكيد فى صداقه وحب بين الاصحاب فى الجامعات وانا حاليا بمر بالفتره دى فى الجامعه