محتاج ارائكم بجد ؟؟؟؟؟@؟

ياجماعة انا عاوزكم تشاركونى فى الموضوع دة معلش
انا ملقتش غير هنا ممكن يردوا عليا


فى مشكلةواحد زميلى مر بيها فحبيت اخد رايكم


هو كان بيحب واحدة يعنى كان ماشى معها كدة


كانت صاحبته فى الكلية وهى كانت بتحبه بضمير


وهو والله كان شعورة نحيته طيب وجميل بس مكنش


حاطط فى دماغه


فحست انه بيلعب بيها من معاملته وطريقه كلامه


فسبته رغم انها بتحبه


وهو قال بركة ياجامع وسبها


لكن دلوقتى عايش من غيرها كانة ميت


حس انه بيحبها اوى وبيموووت فيها


وخايفف اوووى لتضيع منى


مش عارف يعمل اية


يروح يكلمها تانى ويقولها انه بيحبها اوووى


ولا يسكت عشان كرامته لتقوله حاجة


بس هو متأكد انها بتحبه


حتى شايف نظراتها ومتأكد


ياريت ياجماعة تقولولى بجد


انا محتار اقوله يعمل اية


بجد حاله فظيعة واحساس بفراغ بعدها فظيع


من بعدها مش قادر يبص فى وش حد غيرها




ياريت تقولولى وهستنى ارائكم

بصراحة مش عارف اقول غير قلبى معاك
قصدى معاك انته وصاحبك

وبجد مش متخيل ان فيه أصحاب بيحسوا بأصحابهم زى كدة
دا حتى انته حسيت بأحساسات حبيبته كمان

وحاسس بقمة الضياع اللى هو فيه

----------------------------------

بس لو بيحب بجد يكلمها
الحب الصادق مبيعرفش غرور

يقولها بدل ما تضيع ويجى على نفسة شوية
يعنى لما كانت معاه مش مهم كرمتها ودلوقتى خايف على كرمتة يستحمل لو قالتلة كلمة وانا عارفة انها هتسمحة
بس ابقى طمنى على صحبك

بص يا تايجر اللى بيحب مفيش كرامة بينة وبين حبيبة
قول لصاحبك يكلمها ويحافظ عليا مدام هيا بتحبة اوى كدا
الحب بقى نادر اوى لما تحسة بجد او تلاقية

بص يا معلم هى شكلها كدة عاوزة ارتباط رسمى فالحل الوحيد فى الموضوع دة انة يتقدم رسمى لها ويثبت حسن نيتة وهى اكيد اكيد مش هترفضة طالما بتحبة اوى كدة وهو اثبت حسن نيتة

انا عن نفسى شايف ان مفيش فى الحب كرامة 8->

لأ يا راجل؟؟
وهو علشان تحب واحدة
وتكدب عليك وتخدعك وتهينك فى بعض الأوقات
تقول عادى
بحبها؟؟

خلاص ياجماعة شكرررا ليكم
ولارائكم بس يارب تصدقه
لانه بيحبها اوى

مش زى ما انت فهمت يا احمد لو بتحبها مثلا وعاوز تكلمها ممكن تحرجك وممكن تهزأك اول مرة وبعدين تتعرفوا على بعض اللى اقصده الكرامة اللى بتبقى فى اول الموضوع انما بعد كدا برده مينفعش تفلسع كدا من غير سبب

مش عارف بس انا شايف ان الموضوع محسوم يروح يكلمها ولو رفضت يحاول ينساها ومفيش حب مبيتنسيش او عالاقل بيهمش

ماهو المشكلة انه عشان كرامته
لكن انا خلاص هقوله يعمل اية
شكررررررا ياتيفا لرايك الجميل