قولى عملت كده ليه؟؟

قولى عملت كده ليه ؟؟؟
ده عنوان محير
بس واقعى فعلا

الموضوع المره دى هيكون عباره عن موقف

اكيد كل واحد منا طول حياته مرت عليه مواقف
بس انا مش عاوز المواقف دى
انا عاوز المواقف بقى اللى هو عملها
(يعنى مثلا )
احكيلى موقف عملته وندمان عليه (يعنى بعد مافكرت في الحاجه اللى انت عملتها دى ندمت )
وبرده احكيلى موقف عملته وفخور بيه (وفعلا بعد ماعملت الموقف ده حسيت انك عملت حاجه مفيده ) وفرحت بنفسك
موضوع بسيط
عوزنا بس نفكر شويه فى موقف
ممكن انت تحكيلى الموقفين
او ممكن واحد كفايه
مفيش حد يقولى مش فاكر
لانه كده يبقى معملشى ولا موقف حلو فى حياته
amino2

انا عن نفسى الموقف اللى حصلى ومضايق منه
انى فعلا مجيبتش مجموع كبير فى الثانويه العامه رغم ان ده كان حلمى وحلم والدى ووالدتى
الموقف الجميل بقى

انى بحاول اجتهد على اد ماقدر دلوقتى عشان اجيب تقدير كويس فى الجامعه
وكمان بحاول ارضيهم على اد ماقدر ومزعلهومش

انا الموقف اللي عملته و ندمان عليه
هو اني جيبت مجموع في الثانوية دخلني هندسة

>:)>:)>:)>:)>:)

بجد بجد الموقف اللى ندمت عليه اوى

انى كنت ساذجه ومشيت ورا مشاعرى...

وكنت فاكره ان الدنيا لونها وردى

طلع لونها اسود فحم فى الاخر....

والموقف اللى انا فخوره بيه انى جبت مجموع فى ثانوى ودخلت صيدله..لانى بجد حسيت ان ابويا وامى فرحو اوى

وحسوا ان تعبهم مش راح على الارض

الموقف اللى مضايقنى بقى انى طيبتى بتوقعنى فى حاجات كتير جدااا ومشاكل بس بعد كده بجد اكتشفت ان الطيبة دى مش بتنفع وان الواحد يكون قاسى فى تعامله احسن من اى طيبة وهبل ويعرف اللى قدامه ده ايه ويعامله على اد معاملته

شكرا لمروركم
والبقيه تاتى











8-x8-x8-x

بتخم فى الناس
بس الناس كلها بتحبنى الحمد لله

انا بقى للاسف فى موقف جديد حصلى

كنت قاعد مع ناس اصحاب فى الجامعه
وجايبين سندوتشان وحجات كتير كده لان احنا كنا كتير اصلا
وبعد كده جيبنا نسكافيه
فقوم واحنا بنشربه كان حوالى عشره على طرابيزه واحده
وراح واحد شاط الكوبيات من غير مايقصد
زليط الدنيا على الاخر ومشينا كلنا
زى العيال الصغيره اللى عاملين بيب بيب على روحهم
وخدنا تريقه من الناس بقى واحنا ماشيين

انا موقف ممكن اندم عليه في المستقبل هو اني ماشى ورا مشاعري اللي شكلها هتوديني في داهيه ابقوا استنوني اقولكوا انا رحت في داهيه ولا لا

انا بقى الموقف اللى بدايقنى
اننا بنعقد نضحك فى الفصل ع الفاضى والمليان والاستاذ كان عندوه حق لما يزعق
الضحك جميل وكل حاجة
وبحب الضحك اووى خصوصا مع اصحابى
بس المفروض يكون فى ذوق شوية مش عشان هو سكت نزودها بقى
خصوصا انه محترم والله

الموقف اللى عاجبنى وحسيت انى عملت حاجة بينى وبين نفسى
اننا كنا فى النادى مرة وكان معايا جيراننا وواحد من اخواتهم الصغير المراجيح دى خبطته
قومت انا شيلته وجريت بيه ع الستشفى على طوول بدون اى تفكير وكان معايا اخواتى الصغيرين وسيبتهم

الموقف اللى ضايقنى
الفزلكة
يعنى واحد النهاردة راكب معايا المينى باص وكان زحمة
ففى واحد عامل فيها باتمان العرب
وراح جاى مش شباك المينى باص ونط عشان يخرج وقع
انكسرت رجلية رغم انه كان ممكن يخرج الباب براحته خالص
انا مش عارف عاوز يلفت الناس له ولا يجذب انتباة حد
اهو اكسر

ياجماعه بصراحه انا متشكر ليكوا كلكوا
وعلى المواقف المختلفه دى
انا سيبت الموضوع شويه ورجعته تانى عشان اكيد
حصلنا مواقف كتير الايام دى
ممكن بقى نبدا نحكى تانى المواقف دى
انا مستنى اشوف

الموقف الا اان ندمت علية انى مدخلتش الكلية الا كان نفسى رغم انى المجموع جايب الكلية دى ولو انا قلت المكان كتير منكم هيندمنى انى مرحتش فيها و علشان المنتخب خسر من شعب لا يستحق و الموضوع الا انا فخور بية الا انا هعمل حاجة ان شاء اللة و هسعد و الدى وو الدتى فى الكلية الا انا فيها

انا الموقف اللى حصلى المره دى بقى ان انا فعلا غلطان فيه
الموقف بقى ايه
خليت صاحبتى فى الجامعه واقفه وانا كنت قاعد كمان مش واقف وروحت رامى فى وشها الورق اللى هى اصلا مصوراه ليه عشان قالت كلمه معجبتنيش
بس بعد كده لقيت نفسى غلطان روحت صالحتها
هى فى الاول عصلجت شويه بس مع كلمتين حلوين كده نسيت كل حاجه
ورجعنا مع بعض زى ماكنا والحمد لله الموقف عدى