الحمد لله.....((متجدد))

الحمد لله ......................
ياااه الحمد لله هنحمد ربنا على إيه ولا إيه ؟ دا أحنا إللى أحنا عارفينه منقدرش نعده عشان نحمد ربنا عليه فما بالكم بإللى منعرفوش

الحمد لله .... الحمد لله
الحمد لله على نعمة الحب ... ومفيش حد فينا مبيحبش أنا هثبتلكم ....

تعالو نفكر فى الحب كده مش شرط حب الحبيبين لاء حب النااااس ... مش شرط حب البنى أدمين لاء الحب العام .......مش شرط الحب بالكلام لاء حب الوجدان ياه فكرو فى بسمة الحب فكرو فى دقة الحب فكرو فى صفاء الحب

*لما يغيب عنك صحبك حبيبك و تقبلو بعد فراق ياااااااااه أحلى أحساس بالحب.......... :x

*و لما ترجع من البيت بعد يوم مرهق وتعب و تلاقى مامتك بتبتسملك و تقولك وحشتنى يا حبيبى الله على ده حب ...... :x

*لما تفكر شويا فى باباك و تلاقيه شقيان طول اليوم و يرجع جايبلك إللى أنت عايزه و يدخل عليك أوضتك ويبتسم و يقولك شوفت أنا جبتلك إيه ياسلام على طعم الحب ...... :x

*لما فى يوم تحن لمدرستك و تقرر تروح تشوف مدرسينك و من أول خطوه جوه الباب تقابل عم محمد........الفراش و يقولك ياااااااااااااه فينك يا أبنى و حشتنى و وحشتنى دخلتك هوا فى أحلى من ده حب ؟؟ ..... :x

*لما فى يوم تقلب فى تليفونك و تلاقى نمرة واحد قريبك بقالك فترة مسمعتش صوته وتروح طالب و يرد عليك أبنه و يقولك أزيك يا خالو ولا يا عمو هتحس بحب الدونيا بين أديك ....... :x

*ولا فعيد ولا فى فرح تبص تلاقى عيلة كبيرة و تحس أنك جوه حضن كبير بيحبك و يخاف عليك هوا فى أحسن من ده حب ؟ ..... :x

*ولا فى يوم تقفل عليك بابا أوضتك و تنزل منك دمعه يمكن مخنوق أو مكسور وفجأه تلاقى باب أوضتك أتفتح و دخلك أخوك وشال الغطا من على وشك و رسم بوسه على خدك بكل حنية و قالك متقولى زعلان ليه وأنا أشيل عنك شويه مش كل ده حب ؟ ..... :x

*وفى يوم تكون ماشى شايل هموم الدونيا فوق دماغك فى الجامعة و تقابل واحد زميلك و ويقولك مالك تحكيله و تطلع كل إللى جواك و فجأه تحس أنك حملك خف عليك بالذمة مش ده حب ؟؟.... :x

;;الله على الحب أنا بحب الحب.. :x:x و بجد مفيش كلام يقدر يدى ربنا حقه فى الحمد على نعمة الحب ;;

الحمد لله كما ينبغى لعظيم وجهك و عظيم سلطانك

**أنا ولا كاتبه ولا شاعرة أنا بكتب كده إللى حساه يعنى على قدى :)

***الموضوع ده متجدد يا جماعه بس مش أنا بس إللى هجدده لاء كل واحد هيفكر فى نعمه من نعم ربنا عليه ويكلمنا عنها و لو فكرنا بجد الموضوع ده مش هيقف أبدا ولا هيكون ليه أخر
و أهم حاجه أننا نقول الحمد لله :)

طيب و مستنية ردودكوم :)

الحمد لله علي كل شىء
فعلا الحب ده نعمه عظيمه جدا اعتقد ان الحب هو اجمل شىء في الوجوود
لكن بصراحه في 3 حاجات هما اكتر حاجه بشكر ربنا عليها
الحمد لله ان انا مسلم
الحمد لله ان انا مصري
الحمد لله ان انا اهلاوى
شكرا ع التوبيك الجميل

يااااااااه أخيرا حد رد :) أحمدك يارب الحمد لله أن فى حد رد :) :)

ربنا يديمهم عليك نعم يا ((حسام )) وشكرا على الرد و الحمد لله أنو عجبك التوبك :)

بجد بحيككِ على رؤيتك الجميلة ( لحمد الله )

وأكيد الحمد لله على كل شئ

فكرتك جميلة يا سنو إنك خلتيها متجددة

ربنا يبارك لك يارب @};-


وبالنسبة للجزء ده


دي رخامة وغلاسة مش حب >:)


شكراً ليكِ

...

الحمدلله على نعمة النسيان

ايوة النسيان واحدة من اعظم النعم اللي ربنا انعم علينا بيها
ربنا خلقها فينا عشان لو عندنا حاجة وحشة
ننساها و تبقى و لا كانها حصلت
و الحاجات الحلوة , غصب عننا بنفضل فاكرينها
محفورة فينا
الحمدلله على نعمة النسيان
من غيرها
كنا هنبقى وحشين قوي قوي

عودة يائعة يا دودو
توبك جميل اوى اوى
الحمد لله فعلا ع كل شئ فى حياتنا

احلى حاجة وخصوصا لما تكون من اصغر حد فى البيت
بتكون جميلة اوى اوى

جامد موووووووووووووووووووووووو وووت يا ضوكاا @};-
كل كلمه فيه عجبتنى جدا جدا
بجد تحفه جدا جدا يا حبيبتى
انا صحبتك حبيبتك دى :)
صح >:)

هههههههههههه
ياااااااااه انا بختلف عنك كتيييييير
الحمد لله ان انا مسلمه
الحمد لله ان انا مصريه
الحمد لله ان انا اهلاويه
انا كنت هتكلم على نعمه النسيان بردو
يا سبحان الله
دى نعمه عظيمه بشكل :)

هشوف نعمه تانيه و هرجعلك تانى يا حبى :x

فين الاختلاف بقي ؟؟!!!
ههههه يارب ديمهم علينا نعم

شكرا يا جميل ربنا يخليكى و مستنية منك كلام كبير مش بس رد لأنو متجدد زى ما أنتى بتقولى ;-)

فعلا يا مصطفى والله من أعظم النعم منغرها الحياة مستحيلة
شكرا يا باشا على الرد و ربنا يديمها عليك نعمه و
الحمد لله :)

الحمد لله على فكك مني اللي خلاني اشوف الموضوع زي ده علشان نفكر الناس بان ربنا لا تعد ولا تحصى
شكرا يا ضوحا عالموضوع اللي مش متخيله نفسي اشوف عدد صفحاتو قد ايه
اسلام ومصري وعربي والنسيان والحب .....
انا عاوز احمد ربنا على نعمه القبول
انا لما بمشي في الجامعه واقابل ناس ولو بس احس بالنظرات انهم كانو عاوزين يشوفوني مش اكتر او عارفه بيرتاحو لما يعرفو اني عايش وبس
الحمد ليك يا رب على نعمه القبول اللي بشوفها في عيون الناس الحمد لله على كل ضحكه وكل بسمه برسمها على كل حد الحمد لله اني مطمن بعد ميجي اجلي ان فيه ناس هتدعيلي من قلوبها وتقول يا رب ده كان طيب.....
مش الحمد لله بس
ده من هنا لغايه مموت الحمد لله ومش بالاقوال بس لا ده بالافعال
انته ليك يا رب نعم عليا
انا من غيرها ابقى مش انسان
الحمد لله على نعمه القبول

يا أمانى ده أنتى إلل عسولة ربنا يخليكى ليا

بس أنتى مكتبتيش بردو ليه ؟

يلا أحسنلك تشوفى حاجه بسرعه أحسن هجيلك >:)>:)>:)

مهو واضح أهو زى الشمس يا حسام واضح واضح انت مش واخد بالك ولا إيه؟؟

مصطفى أنت ردك عليا و فرحتك بالموضوع ده خلتنى والله فرحانه فرحة الدونيا كنت حاسه أنى مبقتش زى الأول و انى صعب أكتب موضوع و يسمع محستش أنى ممكن أرجع تانى غير لما شفت فرحتك والله ربنا يخليك يا مصطفى :)
و ربنا يديمها عليك نعمه و يحفظها من الزوال
و الحمد لله :):)

احلى حاجه لما تكون شايل هموم الدنيا قدامك
ولما تكون عايز تتخلص منها

تروح داخل نايم
وتكبر دماغك

ههههههههههههههههه
نظريه بردو يا شريف :)
ربنا يديمها عليك نعمه ههههههههههههههه
بس يا شريف عارف أن الخنقه دى نفسها نعمه هبقى أقولكإزاى بس كمان شوية
عموما نورت المحكمح يا باشا :):):-b

الحمد لله بجد على النعمه دى
لان احنا لو منسيناش يبقى مش هنقدر نعيش
وهنموت من الزعل والحسره

شكرا يا Amino على ردك و ياريت يكون الموضوع عجبك و ياريت تفكر فى نعم كمان من نعم ربنا عليك و تيجى تقولهالنا هنا وأحنا مستنينك يا باشا :)

انتى لو قولتى نظريات هتقولى شريف شومان :d:d

مستنيكى تقولى نعمه الخنقه

نعمة الخنقة بكل بساطه أنك بتعرف إللى مش خنقة يعنى بمكنى تانى لو مدوقتش الملح مش هتحس بحلاوة السكر أكيد فاهمنى يا شرشر :)

وكمان و قت الخنقة بتحس بالقلوب اااإللى بتحبك بجد و مش قادرين يشوفوك ولا لاحظه مخنوق و يحولو يخففو عنك

وقت الخنقه بتبقى فترة عاملة زى الصفاية بتصفيك من كل الحجات الوحشه إللى أنت حاسس بيها وبعدها بتبقا عارف طعم السعاده

الحمد لله على اكبر نعمه وهى الاسلام
والحمد لله على كل شئ

الحمد لله على كل شئ

يرحمكم الله يا بنوتة ..... :d:d:d

شكرا يا قمر على المرور و طبعا نعم ربنا لا تحصى بس ياريت تختارى نعمة و تكلمينا عنها
طبعا الإسلام نعمة منقدرش نكفيها لو اعدنا نحمد ربنا طووووووووول حياتنا
بس كان يبقى أحلى لو تكلمنا عن النعمه دى و رحمة ربنا بينا قد إيه أنو أصطفانا من المسلمين و الحمد لله :)

تصدقوا برضو الموت ساعات بيكون اهون
من انك تعرف خبر يجيبلك ساكته قلبيه

الحمد لله ع نعمه العقل

من أجمل النعم علينا حلم ربنا علينا ..........
و صبره على معصيتنا ليه مع أنو قادر يزلنا و يعاقبنا تخيل لو كل غلط بنعمه فى حق ربنا و لا فى حق الناس ولا حتى فى حق نفسنا ربنا يعاقبنا عليه بقدر الغلط بقدر العقاب و فى ساعتها مكنش زمانا عايشين أصلا .... لكن الحمد لله ربنا (حليم) و (صبور) بيصبر علينا كتييييييييير لحد ما نتوب و نغلط و نتوب و يتقبل و نغلط و نتوب و يتقبل يـــــــــاه الحمد لله يارب الحمد لله و المرتبط ببالحلم بقى ستر ربنا علينا

( إن الله حليم ستار )

الحمد لله على نعمة الستر
والله دى نعمة كبيييييييييييييرة أوى أن ربنا ستار لأن كلنا عارفين أن كل أبن أدم خطاء و خير الخطائين التوابون فا أحنا متفقين أننا مفيش حد فينا مبيغلطش تخيلو لو ربنا مبيسترش علينا وأن مثلا كل واحد فينا بيعمل حاجه غلط يبان عليه أو مثلا إللى يغلط يتكتب على جبينه ده عمل و سوى:-o:-o .... يا نهااااااار ده محدش فينا كان هيحب حد و محدش هيقدر يختلق الأعذار للطرف التانى ...... لكن الحمد لله أنو بيستر علينا خطايانا و عيوبنا

الحمد لله أن الله هو ربى

سبحان الله يا ضوحا
اعظم حب في الوجود
والله انا بحب الكلمه دي اوي
ربنا ما عصيناك استهوان بك ولكن تاخذنا الدنيا
يمكن اقصد اكيد ربنا عارف اننا جوانا حاجه كويسه
وبجد ربنا ده كبير اوي اوي
يكفي انو قسم رحمه بين العباد ب مئه جزء
انزل جزء واحد عالارض يييييييييييييياه
تخيلي
جزء واحد وكل الرحمه دي
بس
سبحان الله
شايل تسعهو وتسعين جزء
ليوم القيامه
يا رب رحمتك وغفرانك

نعم ربنا علينا ياااااااااااااااااه كتير اوى

لا تحصى.. مهما قولنا فيها

بس بجد النعمه اللى مأثره فيا الايام دى

الحب بجد دى حاجه عظيمه اوى

مفتقده ماما لما اكون مضيقه

واجرى فى حضنها وتقعد تضحكنى

ياااااااااااااااااااااااا ه

ولما الاقيها مره واحده تمسكنى بوس

وتفضل تقولى اليوم اللى هتتجوزى فيه انا ممكن

يجرى ليا حاجه بعد الشر عليكى ياماما

ويارب ترجعى بالسلامه

واول ما هاشوفك هاجرى فى حضنك

ومش عارفه ممكن اقطعك من البوس:d:d

الحمد لله
واحنا مدام قلنا الحمد لله
يبقى بنشكر ربنا
ومدام بنشكر ربنا يبقى ربنا عاطينا حاجات كتير
ومدام ربنا عاطينا حاجات كتير
يبقى لازم نستغلها صح
ومدام هنستغلها صح ونسفاد منها
يبقى لازم نشكره عليها
وعشان نشكره عليها
يبقى لازم كلنا نقول
الحمدلله

الله على الموضوع يا سنوو بجد
فكره جميل وبجد كلام جميل وموضوع اجمل
بجد مش عارف اقولك ايه غير برده الحمد لله رجعتى لينا تانى
الحمد لله على كل نعمه ربنا اديهلنا وان شاء الله
هكمل فى الموضوع بس دى اول مشركه

الحمد لله

بصراحة الموضوع يجنن و طبعا الحمد لله على كل شئ و فعلا الحب شئ عظيم لو مفيش حب كان الناس زمانهم ماتوا من زمان و انا بحمد الله على نعمة الاسلام و كفى بها نعمة و انا بحمده ان انا مصرى و ابن بلد و الحمد لله الا انا برد عليكى و الحمد لله على رضا و الدى عنى و حب الناس