لحظة !!

في لحظة ممكن نخسر كتييير

ناخد قرار

نضيّع كل حاجه

أحياناً مش بنفكر القرار ده ..

صح أو غلط

هيضرّنا ولا هينفعنا

هيجمعنا أو هيفرقنا

وفـــ لحظة ..

ممكن تلاقي حلمك بينزف ومش قادر تنقذه

تسيبه وتهرب

لإنك شايف إن ده الحل الوحيد

فكرت بأنانية ..

فكرت إن كدا حلمك هيرتاح من المشاكل والتعب والقسوة !

وفــ لحظة

هتقول .. نصيبي كدا .. حتى مش بتحاول إنك تنقذ حلمك

سيبته بينزف وبيموت

شايف إن حلمك ممكن حد تاني يحلم بيه

ممكن ينقذه .. والحلم .. يبقى حقيقة

بس الحلم رافض إنه يكون لحد تاني غير صاحبه

هو في حد ممكن يستغنى عن حلمه ويسيبه لحد تاني ؟

ممكن يتعوض ؟؟

هتعيش عمــــــرك في وهـــــــم إنك كنت صح

وهتظلم نفسك وحياتك وحلمك

كتير هيتظلموا

علشان شايف إنك صح !

Whm

..

وفــ لحظة


هتقول .. نصيبي كدا .. حتى مش بتحاول إنك تنقذ حلمك


سيبته بينزف وبيموت


شايف إن حلمك ممكن حد تاني يحلم بيه


ممكن ينقذه .. والحلم .. يبقى حقيقة


بس الحلم رافض إنه يكون لحد تاني غير صاحبه


هو في حد ممكن يستغنى عن حلمه ويسيبه لحد تاني ؟


ممكن يتعوض ؟؟


هتعيش عمــــــرك في وهـــــــم إنك كنت صح


وهتظلم نفسك وحياتك وحلمك


كتير هيتظلموا


علشان شايف إنك صح !
موضوع جميل جداااااااا يا وهم
فعلا المشكله اننا لما بناخد القرار فى لحظه بيكون ساعات مش مقدرين اننا ممكن نضيع اهم شئ عندنا او ممكن نودى نفسنا فى دوامه مش عارفيه نهايته ايه
والمشكله الكبيره اننا نشوف نفسنا صح
واللى بيشوف نفسه صح بيعلق دايما اخطاؤه على الاخرين وبتالى هيعيش طول عمره غلط وهوا فى دماغه انه صح
اصعب حاجه الاستسلام وتقول كلمه نصيبى كده لازم نعمل اللى علينا ونحاول لحد ما نوصل لو مش قدرنا هيبقى عشنا حياتنا علشان نحقق حلم ممكن يكون لينا
وشكرااااااااااا

والعِند كمان بيكون سبب إننا نفقد حاجات كتير أوي

وفي الآخــر بنهرب من نفسنا ومن أقرب الناس لينا

علشان قرار غلط .. يمكن بسميها أنانية .. لأننا وقتها بنهدم حياتنا

و حياة غيرنا وإحنا فاكرين إن كدا هيشعوا مرتاحين ..

ــــــــــــــــ
ويزو

والله تتحسد على الخط والألوان :)

شكراً ليك

هتعيش عمــــــرك في وهـــــــم إنك كنت صح

توبيك جميل


بس هو عشان كدة انتى اليوزر بتاعك اسمه وهم؟

شكرا على التوبيك الجميل دة

شكراً على المجاملة

بس مش علشان كدا إسمي وهم :)

جربت تعيش لحظة في الوهــــــم ؟؟

أوقات كتير بنحس فيها بإننا ناخد قرار
بس اللى مفروض انه يحصل
ان واحنا بناخد القرار ده لازم بنشوف أثاره الجانبية إيــه

وتقريبا ماحدش بيدور على الأثار الجانبية للقرار ده الا اذا كان مش مقتنع بالقرار ده
وفى بيبقــى مقتنع تمااماا مية فى المية بالقرار ده
بالرغم من انه ممكن يكون أثاره الجانبية كتيرة جدا

ولما ياخد القرار ويحس بأثاره دى
يحاول بقــى يفكر فيه
يعنى قلب الآيــة

ولا لما حد يقوله ان القرار غلط
يقولك انا مقتنع بيه كــدا
طيب ما قبل ما تقتنع
شوف ايه اللى حصــل

المختصر المفيد
القرار ساعات يا إما يبقــى صح أو غلط
ولو غلط وانت مقتنع بيه بتعند وما بتحاولش انك تصلح فيه

شكرا وهــم
التوبيك جميل جدا
بس انا برضو ما عرفتش أعبر عن اللى جوايا بنسبــة 100%

الشكر لله

وأحيانا بيكون القرار غلط ومش مقتنعين بيه نهائي وبرضه بنعند

وبنّفذ اللي هيكسرنا طول عمرنا .. !!

يارب مفيش حد يبئا في الإمتحان الصعب ده أبداً

وعبّر وقول براحتك يا همس عن اللي جواك ..

إتكلم من القلب :)

فى لحظة ما بيكونش قدامنا غير الهروب من كل حاجة حتى من التفكير نفسه إذا كنا صح او غلط
ممكن الهروب دة يستمر فترة طويلة وممكن نفوق فى الوقت اللى نقدر نسترجع فى حياتنا وحلمنا

شكرا وهم

وفـــ لحظة ..


ممكن تلاقي حلمك بينزف ومش قادر تنقذه


تسيبه وتهرب


لإنك شايف إن ده الحل الوحيد


فكرت بأنانية ..


فكرت إن كدا حلمك هيرتاح من المشاكل والتعب والقسوة !

توبيك رااااااااااااائع يا وهم تسلم ايدك

وأحيانا وقت ما يفوقوا من هروبهم كل حاجة بتكون ضاعت

وتكون هي ماتت !!

شكراً يا لولا ..

هتعيش عمــــــرك في وهـــــــم إنك كنت صح

وهتظلم نفسك وحياتك وحلمك

كتير هيتظلموا

علشان شايف إنك صح !


موضوع جميل جدا

نورتِ التوبيك يا أميرة

اظن اني ممكن اتخلى عنو في فتره اعيد فيها ترتيب اوراقي وافاكاري وبعدين ارجعلو
مش عارف ليه الناس دايما مش بتشوف الحل الوسط
يا ييضيع يا نتمسك بحاجه مش وقتها دلوقتي
طب ليه
افكر كويس في حلمي واخلي حلمي يشوبه بعضا من العقلانيه
وبذلك يبقى الوضوع اسهل مع خطه زمنيه وخطه
بديله واهم حاجهاني م نصبش بكل قوتي وتفكيري في هذا الحلم بحيث انو لو متححققش
مش هقف عندو
هحلم غيرو
وبدل محلم بعد عشر سنين انا عاوز ايه
انا هحلم كمان ساعه انا عاوز ايه وبعد يوم عاوز وايه وكمان اسبوع وسنه
هتلاق يالعشر سنين حصلو حتى لو مححقتش يوم هتلاقي يوم تاني حلمك فيه اتحقق
لعبه تركيب
انا برغي كتير صح

لعبة التركيب دي كانت في دماغي !

أحياناً في جزء من الحلم مش هينفع إنت اللي تكمله

لازم في حد هو اللي يحطه في مكانه الصح ..

طيب لو الحد ده مش عايز يكمّله ؟؟

وسابك لوحدك تايه ومش عارف هتعمل إيه في حياتك

يمكن إنت بتفكر بعقلانية إن في أحلام تانية

أجزائها محتاجه تركيز أكتر علشان تكملها

بس ممكن تنسى حلمك ؟؟

فليبقى الحــــــــال كما هو عليه ..

...

لما الواحد يستحمل كتير علشان حلمه ده

ويجى على نفسه كتير اوى ويعمل كل اللى عنده

بس لما ما يلقيش نتيجه بتيجى لحظه احباط ..يأس

انكسار..مش عارفه بس فى ثانيه فى وسط يأسك بتاخدى قرار...من غير اى تفكير

بس يتيجى تقولى ربنا عايز كده وكله مقدر...

بس بتقولى كده علشان تقنعى نفسك بقرارك

وفى نفس الوقت بتلاقى حاجه جواكى بتقولك

لاانتى غلط ما تتضحكيش على نفسك

ضيعتى حلمك بأيدك ..والمشكله انك مش عارفه

هتحلمى تانى ولا لا....ولسه عايشه فى الحلم الاول..بجد شعور وحش اوى

تحسى انك متعلقه بين عالمين...

ولا منك رحتى العالم ده او التانى

واقفه فى الوسط ومش عارفه تاخدى اى خطوه

بس فى الاخر مفيش حاجه بتحصل لينا

الا وربنا حاسبها ومقدرها

سواء ان كان قرار هنندم عليه او لا

بجد موضوع تحفه تحفه يا وهم

ولو على الاحلام مش هاخلص كلام من هنا

لبكره:d:d:d

شكرا عالموضوع الجميل ده واهم حاجة اننا لو قدرنا نحلم لازم نفضل ماسكين فى الحلم لحد لما يبقى حقيقة ولازم مش نضيع حياتنا فى اوهام

7lwo awy el kalm da taslmyyyyyyyyyyyyyyyyyyyyyyy

شكرررررررررا على
الموضوع الجامد ده

بصراحة انا لسه عايشة الوهم ده لانى خدت القرار وخدته من وجهة نظرى انا صح بس بعد كده تعبت بس باحاول اعيش وهم ان كده اريح بكتييييييييييير وان شاء الله يكون صح لان ده زى ماقلتى نصيبى
ومفيش قرار تاخديه بعقلك يكون غلط قرارات القلب هى اللى ف الغالب بتكون غلط عشان العواطف بتاثر ف القرارات دى كتير
وكانت اخر مرة افكر بعقلى والحمدلله كده اريح

نفسي أرد عليكِ يا منار

كل ما أدخل أشوف ردك .. أهرب من التوبيك

أكيد إن شاء الله هرُد

..