قصيده الممنوعات

الممنوعات




ممنوع من السفر

ممنوع من الغنا

ممنوع من الكلام

ممنوع من الاشتياق

ممنوع من الاستياء

ممنوع من الابتسام

وكل يوم فى حبك

تزيد الممنوعات

وكل يوم باحبك

اكتر من اللى فات

حبيبتى يا سفينه

متشوقه و سجينه

مخبر فى كل عقده

عسكر فى كل مينا

يمنعنى لو أغير

عليكى أو أطير

بحضنك

أوأنام

فى حجرك الوسيع

وقلبك الربيع

اعود كما الرضيع

بحرقة الفطام

حبيبتى يا مدينه

متزوقه وحزينه

فى كل حاره حسره

وف كل قصر زينه

ممنوع من انى اصبح

بعشقك او ابات

ممنوع من المناقشه

ممنوع من السكات

وكل يوم فى حبك

تزيد الممنوعات

وكل يوم بحبك

اكتر من اللى فات

ممنووع من القرااءة
تسلمى يااقمرااية
توبيكك تحفة

تسلمى ياجميلة

بجد القصيدة كلها تحفة

بس انا يمكن اخدت منها الجزء دة

لانة نوعا ما بيعبر عن حالة عندى عايشة معاها وفيها

بجد تسلم ايدك

اااااااه
بجد بجد
جامدة جدا
وكل جزء منها ليه حكاية
نايس توبيك ياسوو

بالرغم من تلقائية أحمد فؤاد نجم في التعبيرعن الممنوعات

إلا إنها جميلة ..

تسلمي

تسلم ايدك بجد ياياسو



@};-@};-

ميرسى ياجماعه ليكم كلكم ويسلملى مروركم الجميل @};-

معذوره انتي ان اجهضتي لي املي لا النب ذنبك بل كانت حماااقاتي
ممنوعه وبحبها
يبقى الحال ع ما هو عليه

ممنووووووووووع


جامده موت يا ياسو

تسلمى يا قمر@};-@};-

ميرسى يا مصطفى وميرسى يا منار على مروركم الجميل

تسلم ايديك ع التوبيك الجميل

الله ع الكلام الجميل ده
تسلم ايدك يا قمراية
وذوقك ف الاختيار

ميرسى فيرس ولفلى على مروركم الجميل