نقاش بخصوص سماع الاغاني

السلام عليكم ورحمه الله وبركاته

الموضوع ده مهم جدا ياجماعه وياريت كل واحد يتناقش فيه
ومايتهربش منه ويكبر دماغه

كل واحد فينا بيسمع اغانى الا من رحم ربى طبعا
بس برضك كلنا عارفين ان الاغانى حراااااااااااام وسماعها عليه عذاب شديد يوم القيامه

ورغم كل ده نلاقى كتير من الشباب والشابات طبعا مغرمين بمغنيين ومغنيات زى تيمو والهضبه والكنج وغيرهم.. .. لدرجه انهم بقوا اغلى عندهم من اى شئ وبيحرصوا على حفلاتهم
وده عن تجربه شخصيه
فانا عايز افتح الحوار بين كل اعضاء المنتدى الشباب والفتيات
هما ليه بيسمعوا اغانى وبيستفيدوا منها ايه رغم كل الاقوال الى بتحرم الاغانى
ثم انت شكلك هايبقى عامل ازاى لو انت مت فى اللحظه اللى كنت بتسمع فيها الاغنيه (اعتقد انه موقف حرج صح ولا لأ؟)
ارجوكم بكرر تانى ياريت مافيش حد يتهرب من السؤال ده ويكبر دماغه ويقول فة سره يووووووووه فكك منه
>:)>:)>:)>:)
تقبلوا موضوعى
ومنتظر ردودكم الجميله
o:-)o:-)o:-)o:-)

ههههههههههههههههههههههههه هه
شوف كام واحد دخل التوبيك ومش رد علييك
انت بقا كدا واحد تمام ياعنى كفائة
هههههههههههههههههههه
على رأى محمد سعد
بص ياسيدى
هيا حرام
بس تعالة كدا ورينى اية بيتعمل دلوقتى مش حراام
الاغانى دى ممكن تكون اصغر الكباائر زى مابيقولو
مش عارفة بصراحة والله انا بحاول ابطل اسمع
بس برضو بلاقى نفسى عملة كتكتييل مش اقل من خمسين اغنية
يلا بقا ربنا قاادر يهديينا ويمسحهاا من قلوبنا
لأن الاغااانى تنبت النفااق ف القلب كماان تنبت الزرعة ب الارض
دى انا سمعتها من شيخ
بس والله انا مش منافقة خااالص
مشكور ع التوبيك الحلو
دا وكل واحد دخل ومردش انا زعلانة منووو

هانقول ايه بقى ياميس نيرمو
الغايب حجته معاه
وبقول يارب يهدينا كلنا ونبطل نسمع اغانى
ولو تكون البدايه بالتدريج يعنى مثلا لو بنسمع بتاع 20 اغنيه فى اليوم
نقللهم كل يوم اتنين يعنى النهارده 20 بكره 18 وسورتين قران
بعده 16 واربع سور قران وهكذا اااااااااااا
وربنا يبارك فى كل الشباب اللى زيك

على فكره مش كل مانعمل حاجه غلط نرجع ونقول مااحنا بنعمل حاجات غلط كتييييير وتبقى دى بكده الشماعه بتاعتنا

ابدا والله مش موضوع شمااعة ولا حاجة
بس فعلا اللى بيبطل ويرجع يسمع تانى بيقول كداا
ماكل حاجة بعملها غلط
وغيرى كماان
انا بسمع اغانى فية غيرى بيعمل حاجات افظع

على فكره انا مش اصدى عليكى انا والله بعمم الكلاااااااااام
o:-)o:-)o:-)o:-)[-o<[-o<[-o<[-o<o:-)o:-)o:-)

ياميس نيرمو
لو سمحتى متاخديش الموضوع من جانب الضحك والتريقه
لا لان فعلا كده غلط
ومفيش حاجه اسمها نبدا شويه بشويه
لا فى حاجه اسمها الحلال بين والحرام بين
ولو احنا مؤمنين بجد يبقى هنعمل الحلال
اما ان فى ناس بتعمل حجات افظع من كده
فاحنا مالنا بغيرنا ماهو مجبناش وراه غير اننا بنمشى وراء بعض
ياريت تفهمى كلامى وتعرفى انا اقصد ايه من غير زعل

والله العظيم انا بحول بس مش عارفة ايه الى بيخلينى اسمعها تانى والله بجد ياريت كل واحد مايسمعش اغانى اصل مافيش حد بيستفاد منها حولو متسمعهاش وانا هحاول
بجد حلو اوى الموضوع ده ويا ريت الى يدخل يرد[-o<[-o<[-o<

هى الاغانى طبعا حرام
بس للاسف اغلبنا بنسمعاها
يمكن تكون بتنسلينا او بتضيع الوقت
بس اكيد كلنا بنحاول نبطلها

بما ان كل اللى رد بيسمع اغانى
فانا اكيد هكون مختلفة جدا جدا جدا
انا الحمد لله ما بسمعش اغانى غير نادرا جدا الحمد لله
بس بردو ما يمنعش ان فى حياتى فى حاجات كتير غلط بردو وياريت اقدر اظبطها

للاسف
فيه فتره كنت بطلت اغانى خاااااااااااااااالص
وكانت احلى فتره فى حياتى
بس انا اصلا بطلتها على مبدا غلط
فرجعتلها تانى
الواحد فيه حاجات كتير غلط بيعملها فى حياتة
ربنا يهدينا جميعا
ان شاء الله نحاول نبطلها

ربنا يهدى الناس يارب
بس يا استاذ امينو
الناس هممها دلوقتى مش زى زمان
يعنى زمان ايام الصحابه كان لما انتشر فى المدينه تحريم الخمر بيقولك ماحدش فكر ليه بل ان كل الناس كسرت زجاجات الخمر وامتلات الشوارع بالخمر دليل على سرعه تنفيذهم واستجتابتهم
اما الان فانت تلاقى الهمم ضعفت لذلك فاحنا بنقول ان الحكايه دى تيجى بالتدريج لحد ماربنا يكرم وتتمنع خالص زى السجاير كده
بس اهم حاجه يكون فى نيه وواصرار وخوف من الرب العلّى

انا مش هقوووووووول غير ان الاغاني حرااااااااااااام ولازم نبطلها لان هاتلي واحد بيسمع اغاني وقرااان في نفس الوقت احنا بقي نسمع كلام الله ولا نسمع كلام الانسان والشيطان وانا بنصح نفسي قبل م انصح اي حد