ادخلوا بسرعة يا بنات حاجة سر بجد

بصوا يا بنات موضوع مهم بس يا ريت محدش يقفشنا انا هأقولكم الطريقة اللى تخلى اى شاب يعجب بيكى ماشى ورياب بقه ربنا يوفقكم :
1-خليه مدور وشه واضحكى وساعة ما يبصلك كشرى كأنك ساعة ما بتشوفيه بتحزنى خليك بس معايا ولا تخافى
2- ان اشترى حاجة جديدة زى جزمة ولا قميص ولا بنطلون وحسيتى انه مش على بعضه عايزك تخدى بالك روحى بصى له اوى كأنك بتبصى على الحاجة الجديدة وبعدين تروحى قايلة الطقم ده انا شوفته على حد امبارح لا تخافى اسمعى نصحتى
3-ان حط برفان رحته حلوة اوى وبينى وبينك رحته عجبتك وجننتك على الاخر روحى بسرعه تكحى تكحى وتقولى ايه الريحة الغريبة ديه كانك شميتى ريحة ترنش ماشى وموصيكيش على الكحة على اخر حاجة
4-ان سألك عن نمرة موبايلك قوليله مش بديها لحد وتكونى ظبته الموبايل على خمسة مواعيد ورا بعض بحيث يحس ان كل الناس عارفة نمرة موبايلك ما عدا هو

5- ان قال لك نفسى نتقابل النهاردة قوليله مش هقدر لانى تعبانة وخلى وحدة صحبتك معدية وقوللها لا تنسى تعدى عليا علشان نخرج بالليل
6- لو ركبتى اتوبيس وصدف انه معاك ادفعى لنفسك بسرعة واوعى تخليه يدفعلك بدل ما يخدها حلوانة فى سلوانه ويجى يقعد جنبك ويتنه يرغى ويلفت الانظار اليكم كأنه يعرفك من سنين اوعى تعملى كده

7-ان لقتيه بيصبلك وهيمان على اخره وصوته واطى يا عينى من كتر الرومانسية روحى قايله اى كلمة بصوت عالى علشان تخرجيه من المود ماشى حسيسيه انك لا تفرق معاك الحاجات ديه وانك مش عاطفيه وبصى لعينه اللى متسبله وقولى عندك حساسية فى عنيك ولا ايه ؟

8-البند ده مهم جدا جدا اسمعينى كويس ان اتجرأ واعطالك جواب او اى ورقه اوعى تخديها من ايده مها حصل وان حصل وخدتيها روحى مطبقاها كويس كأنه عادى خالص وتروحى حطاه له فى ايده وامشى من غير متكلميه كأنها فاتورة كهربة ولا ميه مش جواب غرامى ماشى

9- ان قابلتيه فى الشارع وانتى وسط اصحابك وسلم عليك لا تردى عليه كأنه واحد غريب ولا تبصي له من اساسه هتحسسيه كأنه لم يكون مرئى متخفيش ده انتى كده هتعجبيه اكتر اسمعى كلامى


10- ان حصلت الظروف وقعدت معاه فى مكان طبعا هيتنه يحكى عن بطولاته مع اسود الصحراء وذئاب البحر وتعابين السماء وهيحسسك انه فندام بعد ما يخلص كلامه قولى كدة :ايه حضرتك كنت بتقول ايه متأسفة كنت سرحانة؟طبعا هيجيله شلل منك بس هيحبك صدقينى

11- فى مرة هيعمل نفسه تقيل عليك ومتأنزح قال ايه حسين فهمى ان عمل كده عادى كأنه عادى خالص وبرضه اوعى تبتدى الكلام معاه الاول ولو بنص كلمه ماشى علشان لا يسوق فيها ويفكرك بتتلقحى عليه خليك تلمة على قد ما تقدرى وان شاء الله ربنا هيعينك

12- بس مش عيزاكم تبقوا ناشفين اوى ممكن تبتسموا من لحظة للتانيه عرفيه ان ابتسامتك فى وشه نعمة من ربنا عليه خليه يحس ان ابتسامتك زى( الاعياد ليها قيمتها )

بعد كل ده لو لم يخطبك يبقى ليك الكلام ولا تنسى تعزيمينى على الفرح وسيبى حته جاتوة وكاكولا ماشى ولا تنسى الصلاة على النبى

صلى الله علية وسلم

لا مفترية مفترية يعنى >-)>-)

بس بينى وبينك يستاهلوا :-":-":-"

يخطب مين يا اريج
لو انا
اقل واجب
بالجزمة اللي في رجليا مع تاني محاولة
نصيحة للبنات
اوعوا تمشوا ورا كلام اريج
هتوديكم في داهية

اللهم صلي وسلم على محمد
ههههههههههه هايله يابت تعجبيني :d

وهما برضوا يستاهلوا :p

ميرسي ياقمرر

الحمد لله
اخير هنخلص منهم وباديهم
بجد احنا اللى كسبنين فى الليلة دى
وياريت تعملوا كده يابنات

ده اقل حاجة ممكن نقدمها لكم بس ده الطبيعى بتاعى مش تصنع ولا حاجة
جزاك الله خيرا على المرور العطر

جزمة ايه يا كابتن ده اذا كنت لابس جزمة من اصله انتوا اخركم شبب زيكو من ابو صابع فبلاش نتكلم فى النقطة ديه
ثانيا يخطبها ما يخطبها ديه مشكلته لا تفرق معانا مع انى متأكدة انكم زى طابع البريد كل ما نتف تلزقوا هههههههههههههههههههه
ويا بنات امشوا ورايا وبعدين يبقى ليكم الكلام :))

نهياععععع نيهاعععععع نيهاعععععع
ضحكات شريره متقطعه

مين اللى ضحك عليكوا وفهمكوا كده

يستهلوا اكتر من كدة كمان وعلى العوم خلى ديه طبيعتك مع اى حد وانتى هتستريحى
جزاك الله خيرا على مرورك العطر وردك الجميل ولا تنسى الصلاة على النبى

ههههههههههههه
ومين حضرتك ان شاء الله اكيد من المعارضة للعلم ان الكلام ده كله انا اللى كتباه ولكن بالنسبة الى مش نصائح لجذب الرجال لانهم مش بيهمونى >-)ولكن ديه طبعتيى مع اى حد بنات اساتذة اعرفهم اللى معرفهومش بحب اتعامل معاهم برخامة كدة احسن بكتير لكن انتم فى حد ذاتكم مس غاية
وانا خليتها نصايح لان شايفاكم شاغلين على اخركم تريقة ومش لاقيين حد يقف لكم هههه ههههه هيئ هيئ هيئ زمن الل.............. خلاص انتهى
جزاك الله خيرا على مرورك العطر ولا تنسى الصلاة على النبى

طبعا احنا اللى كسبانين هو انتم فيكم منفعة بلا نيلة
جزاك الله خيرا على مرورك العطر ولا تنسى الصلاة على النبى

عليه افضل الصلاه والسلام
ههههههههههههههههههههههههه
ههههههههههههههههه
يا اريج كان فيه غيرك اشطر
وبرضو مكنش فى نتيجه

احنا لو عايزين نقلب هنقلب بمزاجنا :p:p:p:p:p:p

اعزى الشيطان قولى صباح الخير

هو مين ديه اللى تغزى الشيطان يا عمهم فى مثل بيقول
do your worst
ههههههههههههههههههههه هيئ هيئ هيئ
اللى بعدوه هاهاهاها :)):)):)):))>-)

مهو لو الموضوع وسع شويه
هتلاقى معظم اللى بيردوا شباب
وهتلاقى ردين او تلات ردوت للبنات
لان باقى البنات مش بيعرفوا يردوا
واراهن على ان التلاتة اللى هترد spider girl
وصلى على النبى

طالما احنا مش عجبنكوم بترد وتجادلنى ليه؟؟؟؟؟؟؟؟؟
على العموم اللى تخش تخش انا لا بيهمنى ولد ولا بنت ولا اى حد من اصله
جزاك الله خيرا ولا تنسى الصلاة على النبى يا عم ليوناردو دى كابريو(:|(:|(:|

كفاية فونت 4 فى الكلام والله احنا لسة بنشوف
-----------------------

انتى شغالة فى البوستة ولا ايه يا حلوة


وكمان البنت لو بطبيعتها هى اللى بتخلى الولد يحترمها ويخطبها
مش البنت بتاعتك دى

البنت بتاعتك الولد بيمشى وراه عشان يجيب آخرها
ويحطها فى التراب فى الآخر
وكل ده بمزاجه
مع البنت التافهة دى

لكن البنات المحترمين الولد هيشيلهم على راسه


خليكوا على طبيعتكوا
لانكو فى الأخر مش هتلعبوا على حاوى

ودى كلها حجج فارغة بتشغلوا فيها نفسكوا
وتقولوا دول مش يهمونا

خلاص خليكى فى إزازة على جمب واسكتى

اولا انا لا اسمح لك تتكلم معايا بالطريقة ديه مهما كنت ماشى؟
ثانيا ده مجرد هزار والراجل فى حد ذاته مش هدف من اصله ولو سمحت تلاقى طريقة تتكلم معايا بيها احسن من كدة على العموم جزاك الله خيرا يا دكتور ولا تنسى الصلاة على النبى

عليه الصلاه والسلام
والله بقى انا برد وبقول رايى

لو التوبيك ده للهزار
يبقى ده مش مكانه

يتنقل قسم افتكاسات

عشان انا حاسس انك بتقلبيها قضيه راى عام

ثوانى بقى عشان انا هتصل :)]

اللهم صلى على سيدنا محمد

وانتى بردو زى اختى الصغيرة
وبلاش الكلام يكتر ... خلاص ياشريف

انا ساكت برضو

الموضوع اتكرر اكتر من مره فى المنتدى
وكان هزار بين الشباب والبنات ومكنش فيه قفش كده خالص

يلا بقى الحياه حلوه
كبر الدى وروق الجى

هههههههههههه موضوع جميل وبصراحة هما يستاهلوا اكتر من كده

يا ولاء مش كدة
احنا بنزعل وانتى عارفة زعلنا

بقى احنا نستاهل كدة
طيب


دا احنا طيبين :)

وبنقلب فى ثانية على فكرة x(

كلام جامد جدا

وتوبيك هايل

والله العظيم انتى مفتريه
بس برده مهما كان انتو اللى بتعاكسونا
وعلى فكره انا عمرى ماهيحصل فيا كده

بص يا دكتور انا لم ازعل منك بس كلامك معايا فى الاول كان ناشف اوى الكلام ده لو انا اعرفك واعرف ان ديه طبعتك وانك بتهزر لكنى هاعرف منين بس هاشم على ظهر ايدى وعلى العموم حصل خير واللى بدك ايها سويه مو مشكلة وم بعرف ليه بتسو كل شى عندكم قضية

جزاك الله خيرا اخى الكريم لمرورك العطر وردك الجميل ولا تنسيى الصلاة على النبى

لا تخاف مش هيحصل معاك كدة لان ده مجرد هزار
جزاك الله خيرا اخى الكريم ولا تنسى الصلاة على النبى

لا طبعا لابسين جزم
امال انتوا لازمتكوا ايه؟
و حوار طابع البريد ده اصلااااااااااااااااا طالع عليكم انتوا
متجوش تلبسوه فينا
و البنت اللي هتمشي وراكي ملهاش غير نهاية واحدة
مستشفى المجانين
ناقصات عقل !

لما تنقي الطريقة اللي تردي بيها على الناس
ساعتها الناس هتنقي الطريقة اللي يردوا بيها عليكي
انا لسه قاري رد محمود دلوقتي
و زي مانتي ليكي الحق انك تردي بالشكل اللي يريحك على اي حد
كذلك اي حد ليه انه يرد عليكي بالطريقة اللي تريحه :)
ولا تنسى الصلاة على النبى

ههههههههههههههههههههههههه ههههههههههههههههههههههه
دا اى كلام بيتقاال
ههههههههههههههههههههههههه ههههههههههههههههههه
تسلمى ياقمر