هتعمل ايه لو باباها رفع السماعه يا حلو.................؟؟

طبعا فهمتوا قصدى من العنوان ...

الا صحيح تعمل ايه لو ابوها رفع السماعه !!!

تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة , وواخد غطس تحت اللحاف وفي وسط الأشواق الملهلبة...

بتحبني ياتوفيق؟

طبعا ياجمالات دانتي الهوا اللي بتنفسه
والميه اللي بشربها..
.. ناقص تقولها السجارة اللي بتعملى دماغ

يعني مش هتتخلي عني أبدا

عمري ياحبي وحتي تنطفيء النجوم
وحتي يقع القمر
وحتي يفوز الزمالك علي الأهلي
عيب تقولي كده ياجمالات
سمعتي أغنية بحبك بتاعة رامي صبري؟.

اه مالها ياحبيبي....

كل كلمة فيها بتفكرني بيكي يانور عيني
بحبك نفسي أقولهالك: وانا ايدي في ايد....


وفجأه ...


نعم يا.........؟


.وهنا هنقول ستوب ونوقف المشهد ونبدأ نسأل السؤال
هتعمل ايه ساعتها يا حلو ؟طب تيجى نتخيل سيناريوهات مختلفة
للي ممكن يحصل

ممكن مثلا تقفل السكة وطبعا لمدة اتناشر سنه قدام هتلاقي البت
تليفونها مقفول ومبتجيش جامعة.......والسيناريو ده يجرنا لتساؤل تاني


في الحاله دي تعمل واد محترم بقي وتروح تتقدملها
وغرضي شريف واسف ياعمي وجاي من الباب والكلام ده


ولا تبقي واد روش موديل 2008 خارج من الاجنص حالا
وتخلي واحدة صاحبتها تكلمها؟


ولا تطلع ندل وتنفضلها
واهو البنات اكتر من الهم علي القلب وتيجي واحدة مكانها؟


ده سيناريو مكتمل محتمل للي ممكن يحصل


فيه سيناريو تاني


.نعم يا.........؟......ده أبوها


ساعتها انت موش هتقفل السكة


ثواني ياعمي أنا والله بحب جمالات بس مستني وقت أرتبط بيها


وهنا هيختلف رد فعل الأب حسب شخصيته يعني
ممكن يكون راجل جنتل ويقولك


حب ايه ياحيلة الست الحاجة روح ياض العب بعيد


وممكن يكون راجل عقلاني....


هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟


وهنا هتبان نواياك


يااما تاخد منه معاد تقابله وتكلمه وتشرحله ظروفك


يااما تقول ياعمي انا نفسي اكلمها وافضل معاها سنتين تلاتة
لحد مااكون نفسي وطبعا بما أنه راجل محترم فرده هيبقي


.تك....صوت سماعة بتتحط وسكة بتتقفل في وشك
فيه سيناريو تالت


أنك تطلع ندل وترد عليه


ماتشتمش يابا الحاج انت متلم بنتك ياأخويا


انا مضربتهاش علي ايدها


وطبعا رد فعل الراجل علي بق زي ده


يااما هيقع علي الكرسي من الصدمة وتسمع صوت (بابا بابا)


أو هيرد علي كلامك



وممكن يبقي فيه سيناريو رابع


أول ماابوها يدخل...هتلاقي جمالاات بتقولك


ثواني ياتيفا...بتدلعك ياعم مين قدك يابختك


فيه حاجة يابابا مخبطتش ليه قبل ماتدخل.


.معلش ياجمالاات اصلي كنت بدور علي حاجة معلش اني مخبطتش


.طيب يابابا عاوز حاجة؟


لا خلاص هدور في أوضة تانية



وفيه سيناريو كمان


.وده بقي محتاج واد ابن جنية


وهو انك اول ماتلاقي صوت أبوها فجأة ترقق صوتك علي قد ماتقدر
وتعمل نفسك واحدة صحبتها وعشان السيناريو
ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها
وكنت بتسأل عن أختك لأنها لسه مرجعتش


وفي الحالة دي يااما الراجل هيديك فاصل شتيمة في أختك
وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة)

أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني
لو أبوكي رفع السماعة(مش تعصب ضد حكوك المرأه لا سمح الله)
بس لأن السيناريو معروف وده تقريبا اللى بيحصل


.لو أبوها راجل ودمه حامي

فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان


ايه رايك انت وهى وهو وهو فى الكلام ده

اساسى بيحصل وممكن يكون حد فيكو عرف
كام موقف من ده اما صديقه او هو نفسه او اى حد معرفه

قولى بقا يا حدق هتعمل انت ايه لو حصلك الموقف ده ؟؟

وانتى كمان يا قمرايه انتى لو حصلك الموقف ده
حطى نفسك مكان جمالات وقوليلنا رد فعلك

انا لو انا توفيق هقولك اللي هعمله بصراحه هقفل السكه في وش الحاج ابوها

انا لو انا توفيق هقولك اللي هعمله بصراحه هقفل السكه في وش الحاج ابوها

وانا هرخم علية

ههههههههههههههههههههههههه هههههههوهوة لو عرفك هيرخم على اللى يتشددلك ههههههههههههههههههمنور الدنياا ياا برنجى

هههههههههههههههههههههههه هموته ادامي:d

مش عارفة
ساعتها بقي ربنا يستر واروح المستشفي مش المدافن

=))هجرى وهسيبة هههههههههههههههههههههه=))
=))تسلم ياكبيرررررررررررررررررررر ر=))

لانت خليت فيها بقى حاج ما انت قفلت فى وشه السكه
على العموم شكرا مرورك يا كبير

صدى الصوت ده ولا ايه
ههههههههههه
شكرا لمرورك

هههههههههه
ربنا يستر بقى ومش هو اللى يرخم عليك

ما هو لو عرفوا بقى يا نيرمين

لالالالالالا
قلبك ميت
ههههههههههههه

لالالالالا
ان شاء الله
هتيجى على قد
قميص جبس بس
مش اكتر

ما الجرى نص الجدعنه ياعم اسلام

ودى محطوطة فى التوبك غلاسة يعنى يا جاسر
ماتسيبوه فى حالة
خلى توفيق يحب جمالات بعيد عن الزمالك

بالنسبة للتوبك نفسه
انا تليفونى برئ كتييييييييييير يعنى ومفيش خط تانى عشان انا ما بحبش حد يسمعنى وانا بتكلم
هههه

هقوله المدام موجوده
هيقولى اه
هقوله عرفها انى هقابلها فى الجامعه الساعه 11 وراه الجامع

طبعا هقفل فى وشه

ولا تطلع ندل وتنفضلها
واهو البنات اكتر من الهم علي القلب وتيجي واحدة مكانها؟

انا كده
:d:d

هتصاحب عليه :d

يعنى عيب لما يكون فى فرصه ان ارخم على الزملكاويه واسيبها
:p:p:p:p:p:p:p:p:p:p:p:p

قوله كده علشان تروح تزورها تانى يوم فى المستشفى مدغدغه

انت كده ريحت دماغك

طول عمرك جامد وجرئ يا امينو

لا انا هكون توفيق
ولا هحب بنت اسما جملات

دنا انتحر احسن

عشان اولادى الناس يقولولهم يا اولاد جمالات


انا لو ابوها كلمنى
هقوله احنا بنذاكر سوا يا اونكل
بس بنت دى اصلا لو متربية
مكنتش اتكلمت معايا بالليل وضيعت وقتى

وعلى فكرة ياعمى
هى اللى متصلة مش انا

وعلى رأى واحد صاحبنا

بس اطمن ياعمى
بنتك زى الجنيه الدهب


وبعد كدة ابوها هيجيبها المستشفى وتبقى جمبى بقى
ولو لخص وموتها يبقى الله يرحمها

يخرب بيءت عقلك ياجاسر
انت فى المقدمه ده فعلا بيحصل وده الجو اللى بنعمله عشان التليفون واحنا بنتكلم
انما الباشا يرد عليا
يانهار اسود ده انا اكهرب فيها
وممكن ادبس فى جوازه
وغير الشتيمه بقى واللذى منه

ماشى يا جاسر
ليك يوووووووووووووووم:(:(:((:((

ده انت شكلك مؤذى وهتوديها فى داهيه

ههههههههههههههههه
عيب يا محمد ده احنا تاريخ برضوا(((شوف الكدب لا تاريخ ولا نيله بس هنعمل ايه ))) وياعينى عليك يا محمد لما اشوفك مدبس وقاعد فى الكوشه جنبها هتبقى ايه عسل

:p:p:p:p:p:p

انا لو محترمة مش هخلى توفيق ولا غيره يكلمنى فى التليفون وبالذات لما ميكنش فى علاقة رسمية احنا ناقصين كسرعظام او فقع عين بلا نيلة مش جايبة همها
متشكرة اوى اخى الكريم الموضوع جميل بس يا ريت يكون ده مثلا مش بيحصل فى الحقيقة كما اتمنى =d>

ماهو للاسف ده بيحصل مش مثال
وشكرا لمرورك

عاااااااااااااااااااااااا ااااااااادى
عااااااااادى يعنى
ولا اى حاجة
اللى هيحصل ساعتها يحصل بقــى

يا جامد يا ابو قلب ميت

انت الوحيد اللى عارف اللى فيها
اسكت واستر

;-);-);-);-);-)