وانت في نص العلاقه حسيت انك مختار غلط

السلام عليكم
ازيكوا يا شباب موضوعي النهرده مختلف شويه
يلا عالموضوع علطول
احنا عارفين ان الحب ملهوش وقت ولا سن معين بس فيه اوقات الانسان فيها مبيبقاش عارف يختار صح ومبيبقاش قادر يحكم علي مشاعره يعني مثلا بيكون صغير او لسا مش ناضج او عايز يحب وخلاص فبيسيب نفسه يحب اي حد معجب بيه وبيسلم قلبه لاي حد يقابله لانه محتاج الحب
وكتير بيحصل انه بيرتبط وهو مش اهل الارتباط وبيحب وبيكون اختياره مش موفق وعشان كده بتحصل المشاكل عشان هو مختارش صح من الاول او مفكرش في قدام فكر في اللحظه والحياه الجميله الي هو عايشها بس
اما يحصل كده في الاول الانسان بيبأه سعيد بالحب وبيعيش ايام جميله ولحظات رومانسيه سعيده جدا مع انهم مش متوافقين مع بعض خالص
طيب لو حصلك كده وانت مرتبط وبعد فتره من العلاقه حسيت ان انت كنت مختار غلط اصلا من الاول يعني انتوا مينفعش تكونوا لبعض
يعني مكنتش قادر تحكم علي مشاعرك واتسرعت وحاسس ان انت لو كملت هتتظلم او هتظلم الطرف التاني مع العلم ان انتو بتحبوا بعض جدا ومع بعض من زمن وده بيحصل لما العلاقه تبتدي وانتوا في سن صغير
صدقوني ده بيحصل
هتعمل ايه في الوقت ده
هل هتكمل وخلاص والي يحصل يحصل؟؟؟؟؟؟؟؟؟
ولا هتتهرب؟؟؟؟؟؟؟؟؟؟؟؟
ولا هتواجه الطرف التاني بالحقيقه؟؟؟؟؟؟؟؟؟
ويا تري هيكون ايه رد فعله؟؟؟؟؟؟؟؟؟؟؟؟؟؟؟
وبالنسبه للبنات لو في نص العلاقه الولد جه قالك علي فكره انا كنت مختار غلط من الاول ومكنتش قادر احكم مشاعري واحنا مينفعش نكون لبعض عشان محدش فينا يتظلم هيكون رد فعلك ايه؟؟؟؟؟؟؟؟؟
يلا بقي مستني ردودكم ورايكم في الموضوع

منقووووووووووووووول للامانه بس بجد

موضوع يستحق النقاش

الموضوع حلو قوى ويستحق النقاش بس بجد انا فعلا متخبطة ومنفى انا كمان اعرف الرد على الموضوع انا معنديش رد

وهو لسه هيحس إنه كان مختار غلط ؟

اللي زي ده إنسان أناني .. وهي في حياته مجرد مُسكّن

لحد ما يلاقي واحدة غيرها




أكيد هتصدم .. لأن إحساسه كان كذب

وكل الذكريات هتبئا مجرد وَهْـــــــم

والوهم اللي هنا مالهوش علاقة بإسمي :)

........

يارب ما حد ينجرح أبداً من حد بيحبه


..

اشكرك جدا لمرورك العطر بنوته

هوه فعلا موضوع صعب التفكير فيه بجد

نورتينى جدا دمتى بكل خير

ايه بس يا وهم انا زعلتك فى ايه

زعلانه منى انا ليه بس

انتى عندك حق فى كلامك

بس الموضوع ده ولد او بنت يعنى ممكن بنت بردو

هيه اللى تحس انها اختارت غلط

وبردو ده منقووووووووووووول والله يا وهم

ربنا ما يبعد اتنين عن بعض ابدا يارب

نورتينى بمرورك العطر

ومن غير زعل بس بالله عليكى

دمتى بكل خير

زعل إيه ؟؟

لأ مفيش زعل ولا حاجه .. :)

بس كنت منفعله مع الموقف

هو انا كنت بزعق ؟ 8-|

..

موضوع مهم وكبير
بس هفكر كويس وارتب افكارى فى دماغى
وارد عليك
بس هو موضوع بجد يستحق النقاش
لانه بقى منتشر اوى

طبعا موضوع مهم لطرحة للنقاش

وانا حقول رأيى

لو الانسان اخطأ باختيارة حيخطأ اكتر لو استمر فى استكمال الخطأ

بمعنى ممكن نشعر بتسرعنا فى الاختيار وان مااخترناة ليس مناسب

لابد وقتها ان نصحح الخطأ ولا نستمر فية

ونكون واضحين امام الاخر ونناقش الامر معة بوضوح

لانه لابد ان نشركة معنا بالقرار لانه طرف فية

وبعد ذلك عندما نختار مرة اخرى نتمهل اولا ونختار بالعقل والقلب معا

ولابد ان نكون بسن مناسب لنأخذ قرار صحيح ولانظلم اى حد باختيارنا الخطأ

وشكرا القلب الصادق لما قدمت من موضوع مهم ويقع فية الكثير ويحتار فية ايضا.

اوك يا وهم حصل خير

ونورتينى بجد

وربنا ما يجيب فراق ابدا بين اى اتنين

دمتى بكل خير

اكيد الموضوع كبير جدا

ومستنى بقى ترتبى افكارك وتردى

وتقولى رأيك بس بسرعه

نورتى التوبيك ومنتظرين رايكو يا جماعه

دمتى بكل خير

ولا هتواجه الطرف التاني بالحقيقه؟؟؟؟
اه لازم اوجهه بالحقيقه واختلف معاكي في النقطه دي يا وهم
انا لو عرفت في نص الطريق اني غلط
يبقى مش لازم اكمل
واتحمل العواقب من كره او عذاب او يمكن حتى بقايا حب
وكل مشوفها مع حد يتحرك حاجه جوايا
بس الجرح مهما كان
هيبقى افضل
لان مدام الاختيار غلط
فكل مكان المواجهه بالحقيقه اسرع كل
مصغر الجرح ده
.
.
والايااااام بتنسي الانسان الفرح مش هتنسيه الحزن
انا رايي لازم اقول بس خلاااص
...................
ده ردا ع سؤالك
بس من الافضل لاجتناب الموقف ده عدم التسرع في الاختيار او الاندفاااع وراء المشاعر بدون عقل
وحساب الظروووف
شكرا ليك يا قلب
ع الموضوع المميز ده

هتكمل وخلاص والي يحصل يحصل
وهشوف اذا لقيت الحكايه ماشيه تمام اوك
لكن لو مش ماشيه تمام هفركش

هرد علية رد بسيط جدا
متلخص فى كلمة واحدة

وهو :-

????????????really

وبعد كدة بينى وبين نفسى هقول فى داهية


داهية واحدة بس
لا دة فى ستين داهية

اسعدنى مرورك جدا العطر

نورت التوبيك ورايك طبعا

والشكر لله واتمنى الخير للجميع

هو الشباب دايما بيفكر فى كده يبقى مع البنت وتحبه ويحبها ويلاقى غيرها يقولك انا كنت مختار غلط بعد ايه بس بعد البنت متكون حبيته ويكسر قلبها بكل سهولة ويسيبها بجد فى شباب كتير جدا بتفكر بالمنطق ده وساعتها بيبقى انسان انانى ومعندوش رحمة شكرا قلب لموضوعك

احاول ارتب امورى
واشوف ايه الحاجات الغلط اللى موجودة
واحاول أعالجها
لو ما عرفتش
اكيد هعرف الطرف التانى الحاجات دى
هنبتدى نعالجها مع بعض
ولو ما حصلش وماتعالجتش
أكيــد
هنفترق وكل واحد جواه ألمه وجرحه
وربنا وقفن كلانا

هوه كل واحد فينا له رأيه فى الموضوع ده

بس اكيد نحاول منظلم الطرف التانى لاى سبب

ونحدد احنا عاوزين ايه من البدايه

شكرا ليك اخى