نكد البنات هام جدا للشباب

للبنات اللى مش عاجباه الكلام مش لازم يضرب يقضيها شتيمه وخلاص

مني وأحمد واقفين في عز الضهر علي الكوبري
مني: "برومانسية" شايف النجوم يا أحمد
أحمد: نجوم ايه بس في عز الضهر دا أنا الشمس حرقت افايا
مني: الله ياأحمد بص السحابة اللي هناك دي اللي عليها العصافير
أحمد: لا والله ياحبيبتي أنا مش شايفها بس شايف دخان عربيات خنقني
مني: يووووووووووووه يا أحمد خليك رومانسي شوية
أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت
مني: انت مش بتحبني والا ايه
أحمد: ياستي بحبك
مني: لأ انت كذاب انت مش بتحبني
أحمد: يعني أولع في نفسي بجاز عشان تصدقي اني بحبك
مني: "والدموع علي خدها" لا يا أحمد أنت تغيرت خالص
أحمد: ياحبيبتي والله بحبك
مني: لأ يا أحمد متصلحش اللي أنت عملته
أحمد: وهو أنا كنت عملت إيه بس
مني: " تعيط" اهئ اهئ اهئ
أحمد: بتعيطي ليه دلوقت
مني: أحمد طلقني يا أحمد
أحمد: هو احنا لسة اتجوزنا عشان اطلقك
مني: يعني كمان مش عايز تطلقني
أحمد يشد في شعره: يادي الليلة السودا أنا ايه اللي خرجني بس
مني: كمان خليتها ليلة سودا.. يعني أنا اللي خرجتك غصب عنك
أحمد: ياستي مش قصدي. بصي أنا مش هرد عليكي عشان مانتخانقش
مني: للدرجادي قرفان مني
أحمد: "وشه يحمر من الغيظ" يعني انتي عايزة تتخانقي وخلاص
مني: يعني أنا نكدية يا أحمد
أحمد: لأ...... أنا
مني: انت بتاخدني علي اد عقلي
أحمد: حقك عليا وادي رأسك ابوسها
مني: ياسلام كده بكل بساطة
فجأة يقف أحمد علي سور الكوبري ويرمي نفسه في الميه
مني: تفتكر يا أحمد اني كده هسامحك

يريت أعرف ايه رأيكوا

امممم
اتحطييت ف البلااك ليست يا باسم
الاياام بينناااااااا[-(

ليه بس كده؟

يلا ياشاطره روحى العبى بعيد
باسم ده فى حمايتى

ههههههههه
المثال صح لان فعلا فى بنات نكديين كتير ههههههههه
تسلم اديك حلوة اوى ولا تنسى الصلاة على النبىo:-)

ايه البت مني دي البت عماله تقول حجات مش موجوده والاستاذ احمد ما عملش حاجه يالهوي ع البنات 8-|

الله يلعن ابو شكل اهلك يا منــى
دانتى عينتك عاوزة تتعدم فى ميدان عام يا منـــى
شكرا يا عم باسم

أي خدمه

بجد بجد لذيذة اوى ميرسى ياباسم
بس لازم تعرفو ان دى عينة قليلة اوى من البنات بس هو اللى مش عارف يتفاهم معاها
مفيش بنت بتكون كده من نفسها لازم فى سبب

هههههههههههههههه
ده لو يطول يولع فى نفسه كمان
كان هيعملها

ايوه فعلا فى بنات كده نكديين
بس على فكره مش علينا
واحنا اصلا مش هنديهم الفرصه لكده ماشى
خدوا بالكوا بقى