السلام عليكم و رحمة الله و بركاته
على كل البنات اللى زى العسل و كل الشباب اللى زى الورد
جت لى فكره الموضوع ده و لقيتها منتشره بـ فظاعه
و احنا مش واخدين بالنا منها او عاملين نفسنا مش واخدين بالنا
طبعاً كلنا متفقين ان :
واحد بس هو اللى نقدر نقول عليه فاشل بجد
و هو اللى يعلق فشله على شماعه الظروف
طبعاً فى ناس موافقانى فى رأيى
و فى ناس هـ تعترض و تقول لأ
الظروف هى اللى بـ تحكمنا
ظروفنا الماديه و الاجتماعيه و الانسانيه ... الخ ...
و احنا وصلنا لـ طريق مسدود مسدود مسدود
و يبتدى الوهم يركبها و يسوقها و يبقى المستقبل
ما شاء الله اسود بـ ستين نيله
و الامثله كتييره اوى
واحد قعد يحب واحده 12 سنه فى الجامعه
و بعد ما اتخرج و خبط فى الواقع الجميل لقي ان ظروفه متسمحش
و يقولك هى ظروفى كده
طب يا بيه هو انت لسه عارف دلوقتى ان ظروفك متسمحش
كنت فين يا (.......) طول السنين اللى فاتت دى
و ذنبها ايه المسكينه اللى صدقت واحد كانت فاكراه راجل
واحده كانت عايشه قصة حب ولا عنتر و عبله و مع اول عريس يتقدملها و يكون مبسوط
و معاه فلوس ترمى الاول و على طول و تجرى على التانى
و تقول الظروف حكمت انت لسه قدامك كتيير
طب كنتى فين يا هانم طول مشاهد قصة الحب العميقه اللى كنتى عايشاها
بـ تضحكى عليه ولا على نفسك
ذنبه ايه هو فى التمثيليه دى
واحد تانى باشا بأه ما شاء الله بـ يسقط كل سنه بجداره
و لما ربنا كرمه و اتخرج بعد جفاف النيل
يلاقى أصحابه و زمايله اللى كون نفسه و ظبط حاله
و حقق أحلامه و هو يا يدوب لسه بيقول يا هادى
تروح تسأله يا ابنى كنت فين فى السنين اللى ضاعت منك
يجاوبك نفس الاجابه الممله العقيمه
هى ظروفى كده .. اعمل ايه يعنى
كله بـ يرمى اهماله و فشله على الظروف
" نعيب زماننا و العيب فينا و ما لزماننا عيب سوانا "
الناس دى نسيت خالص او نقدر نقول تناست ان الظروف دى بـ تقف بس امام الضعيف
اما الانسان القوى و القوى الايمان بالاخص هو اللى عمره ما يقول كده
الناس دى غاب عن عقلها ان :
مش معنى انى فشلت مره اولى يبقى دى نهاية الحياه
لأ دى بداية النجاح
لو كان عندك عزيمه و اصرار و قبل كده ايمان قوى بـ ربنا
مش عيب أبداً ان أفشل مره و اتنين و تلاته
العيب انى استسلم لـ الفشل
لأن معنى انى استسلمت لـ الفشل انى بقيت انسان لاغى عقله و تفكيره
راكب اتوبيس اسمه الظروف وقت ما يقف هـ تقف معاه و قت ما يمشى هـ تمشى معاه
كدبه كبيره اسمها
الظـــروف
مش الفشل هو اللى يخلينا فاشلين
لكن إذا وقفنا و محاولناش وقبلنا الفشل ده نكون فاشلين و بجداره
خد عندك الامثله دى :
عميد الادب العربى طه حسين
طبعاً كلنا عارفين القصه و انه اتصاب بالرمد و نظراً لسوء العلاج اللى تلقاه وقتها فقد بصره
و هو لسه طفل
واحد غيره كان فضل قاعد فى البيت يا دوب يسمع الراديو و ياكل و يشرب
لكن طه حسين كمل تعليمه بالازهر
و المجال لا يسمح باكمال القصه كلها لان الكلام كتيييير اوى
المهم انه قاوم ظروفه و لم يستسلم
مع ان دى مش أى ظروف
شخص فشل بالتجارة وعمره 24 سنة
وفشل مرة أخرى بالتجارة أيضا .. وخسر كل أمواله وعمره 31 سنة
ثم حاول مرة ثانية وعمره 34 سنة وفشل
أصيب بانهيار عصبي وهو عنده 36 سنة
ثم اتجه إلى المجال السياسي
ففشل في الانتخابات بدخول الكونجرس كعضو فيها وعمره 38 سنة
ثم فشل مرة ثانية أن يدخل الكونجرس وعمره 40 سنة
وفشل مرة ثالثة وعمره 42 سنة
ثم فشل مرة رابعة وعمره 46 سنة
ثم فشل مرة خامسة وعمره 48 سنة
ثم فشل أن يكون نائباً للرئيس وعمره 50 سنة
ثم اختير رئيساً للولايات المتحدة الأمريكية وعمره 52 سنة !!
طبعاً عرفتوه
ايوه
هو إبراهام لينكولن .. الملقب بمحرر العبيد
فشل 9 مرات على فكره
و احنا يا يدوب مع اول وقعه بـ نرفع ايدينا و الدنيا بـ تبقى بنى
بيتهوفن على فكره كان بيقول استاذه عليه انه ليس له علاقه بالفن
والت ديزنى على فكره اتطرد من شغله .. أعلن افلاسه كذا مره .. انشىء ديزنى لاند فى النهايه
توماس اديسون اللى اخترع الكهرباء
استاذه كان بـ يقول عنه انه غبى و مش ممكن هـ يتعلم حاجه
الباشا مؤسس شركة فورد
هنرى فورد دا بأه بدأ من الصفر دا غير انه أعلن افلاسه 5 مرات
و يقال ان بعد 15 سنه من انشائه للشركه أصبحت ثروته مليون دولار
فـ أهلاً و ميت سهلاً بالفشل لو كان هـ يخلينا ننجح بجد
فأهلا بالفشل إن كان سيتركني احقق ما أريد
منقوووووووول للامانه
بس بجد موضوع رائع جدا جدا جدا جدا
اتمنى الكل يستفيد منو وياخد منو
ولو شئ بسيط وحافز للنجاح
قلب صادق
