انا عاوز ابطل-حملة هنتغير بجد

انا عاوز ابطل )
+السلام عليكم
=وعليكم السلام ورحمه الله
+ايه الاخبار ؟
=الحمد لله
+...
=ممكن اقولك على حاجه
+طبعا اتفضل
=هو بصراحه موضوع محرج
+ياعم ما تتكسفش احنا اخوات
=بصراحه انا بتفرج على ...
+ايه ...كرتون توم وجيرى
=بجد ومش بهزر
+ماشى يا عم شكلك مخنوق
اتفضل
=ماشى ..انا بتفرج على مواقع اباحيه
+ده انت تحمد ربنا
بقولك مواقع اباحيه
يعنى انا زانى
بعيونى
+وانا بقولك احمد ربنا
=الحمد لله ...على ايه بقى ؟
+لانك عايش لحد دلوقتى
ومامتش
وانت بتتفرج على الحاجات دى
=الحمد لله
+بس مش معنى كده
ده شئ كويس
لاءه
دى مصيبه
=عارف
وعلشان كده عاوز ابطل
+طب وانت ايه اللى مانعك
=مش قادر
والشيطان اقوى منى
+اقسم بالله انت كذاب
=ليه كده بس ..
+لان انت تقدر
وتقدر كمان تعمل اكتر من كده
=لاء انا ما اقدرش
+طب انت جربت قبل كده تبطل
=كتير وكل مره افشل
+امتى
بعد لما اتفرج واشبع
لذتى
اقول مش هعمل كده تانى
+شئ طبيعى جدا
انك ماتعرفش تبطل
واصحابنا عملو اكتر من كده
اللى يحلف بالله ماهو متفرج
واللى يقطع فيشه النت
واللى ربنا يفضحه ويقول
مش هتفرج واكتر من كده
وفى الاخر بيرجع تانى ويتفرج
=طيب يبقى انا كده مش هبطل
+ليه..انت عارف ليه كل مره ترجع
تانى
=ليه ؟
+عشان كام حاجه ..
انت واصحابنا لما بيعملو كده
واللى يحلف
واللى يتفضح
واللى يقطع الفيشه
كل دى عوامل خارجيه
يعنى من الاخر
لو انك عاوز تقاطعها من جواك
من قلبك
هتقاطعها
وبدون رجعه
بس افتكر كام موقف
ومنهم
ان ربنا شايفك
وسترك كام مرة
وافتكر ان ممكن تكون المرة الجايه
هى الفضيحه
ولو مااتفضحتش دلوقتى
وماتبتش
هتبقى الفضيحه بجلاجل
يوم القيامه
لما تمسك كتابك
وتقف اما الميزان
والناس كلها شايفاك
وفلان عارف انك مش بتاع الحاجات دى
وعلان عارف انك محترم
وفى الاخر تطلع كلاها اوهام
يعنى بمفهوم آخر
الفضيحه جايه جايه
بس لو ماتبتش
=يعنى فى أمل ان ربنا يقبلنى
+انت تعبان يابنى ...
=ليه ؟
+انت مش عارف مين هو
الله
الله
الله
ربنا مش محتاجك
انت اللى محتاجه
وماتنساش الدعاء
اللهم ان ذنوبى عظيمه ولكن عفوك اعظم
فاعفو عنى
وربنا مابينساش عباده
ووالله يكفيك فخرا
انه قالك
عبدى
ياااااااااااه
لما ربك يقولك
عبدى
ادعونى استجب لك
وانت تقول
ربى
اذنبت فاغفر لى
ويقولك ربك
عبدى
قد غفرت لك
يااااااااااه
والله جامده
جدا
جدا
وبعدين انتى مستنى ايه
انت لازم تروح لحبيبك دلوقتى
وتقوله
ربى
انا مهما اذنب
واعصى
وافجر
اتوب اليك
واتودد اليك
واقسم بك لن اقوم حتى تغفر لى
وربك يقول للملائكه
علم عبدى ان له ربا
يأخذ بالذنب
ويغفر الذنب
اشهدكم يا ملائكتى
انى قد غفر له
+وماتنساش ان كان فى رجل جاء للرسول
والراجل كان كبير جدا فى السن
وقال له
يا رسول الله
انى اسرفت عمرى على
الغدرات والفجرات
وفى روايه تانيه
ان لى غدرات وفجرات
وقال له الحبيب المصطفى
الست تشهد بأن لا اله الا الله
وانى رسول الله
قال الرجل
اشهد
قال المصطفى
ابشر قد غفرت ذنوبك
وما تنساش ان
من ترك شئ لله عوضه الله خيرا منها
رغم انك كنت مذنب
وربنا هيعوضك خير
بس ارجع
وبعدين
اهم حاجه جوه
=بس معلش الشيطان قوى برضه
+استنى هو مين اللى خلقه
=الله
+خلاص ربنا قال
ان كيد الشيطان كان ضعيفا
وهوسبحانه اعلم منك
وانت كمان ضعيف
بخطوة راجل تاخدها
انك هتبطل
لله
اولا
هتلاقى الدنيا تضحك لك
لانك بتحب ربنا واثبت لربك
وهو اعلم بذلك
واللى ربنا بيحبه ..
=بيحبب فيه خلقه
+صح
وخليك راجل بجد وناشف على المعصيه دى
وهتقدر
والله هتقدر
بس استعن بالله
=طب والشهوه دى طبيعه فى الانسان
+عارف بس انت
بتنسى
انا مش لسه مفكرك بالحديث انه
من ترك شئ لله عوضه الله خيرا منه
=اه
+طب سيبها على الله
مره تلاقى نفسك محتلم
ومره تلاقى واحد صاحبك عاوزك
فاتنسى الشهوه
ومره هتلاقى تليفون يجى لك
ويطول معاك
وتنسى ومر اختبار
وربك
اسمه
المدبر
=ممكن اقولك على حاجه تانيه
+ماشى ....بس يكون غير التوم وجيرى
لآغيره
+اتفضل
=انا بطلت اتفرج
مش مهم انت تفرح ولا لاء
ولكن الاهم
ان ربنا يرضى عنى
ويفرح بيا
+ربنا يبارك فيك
ويثبتك
وخلى بالك
=ايه
+الوقت سرقنا
=بسرعه قبل مانتضرب
من صحاب الموقع
السلام عليكم ورحمه الله
+وعليكم السلام ورحمه الله
___________
وهنا كان نهايه المواقع الاباحيه
لصاحبنا
وطلع راجل بجد
ودلوقتى
عاوز اسألك
انت هتاخد القرار ده امتى

انت لسه هتفكر
بقولك احمد ربنا انك عايش لحد دلوقتى
يلا بقى خليك راجل
وفرح ربك
وفرح نفسك

موضوع جامد يا نونه....

واله انا شوفت حملات كتير على الفيس بوك

وكان نفسى نعملها هنا....

يارب اهدى شباب المسلمين اجمع

وابعد عنهم الفتن والشهوات

وقوى ايمانا ودينا...لان ده هو السلاح

قدام اى فتنه....

شكرا يانونة ربنا يغفر لنا كل زنوبنا

بجد ماشاء الله عليكى

تسلم الايادى

شكرا على الموضوع وجزالك الله خيرا
الموضوع دة فى غاية الاهمية وشكرا

عجبانى اوى بجد الحمله دى والله
لانها فعلا مش عطينا فرصه اننا نتحجج بحاجه
وكل حاجه ليها اجابه
وبكده يبقى الحل فى ايدينا احنا
لاما فعلا نتوب ونرجع لربنا لاما نكمل فى سكه الشيطان
وبيتهيالى محدش بيحب الشيطان
يبقى كلنا بجد لازم نتغير
ربنا يجازيكى خيرا يامنتوسه
ونحو مزيد من التقدم انشاء الله

تسلم ايدك يا نــدى
ويارب فى ميزان حسناتك
ويارب اهدينا وارحمنا واعفو عننا

@};-

جزاك الله خيرا منتوسة وننتظر تكملة الحملة.

وربنا يهدي رجال وشباب ونساء وبنات المسلمين

..

اللهم إغفر للمسلمين والمسلمات والمؤمنين والمؤمنات

الأحياء مِنهم والأموات ..

آآمين

بجد توبيك مميز وجعله الله فى ميزات حسناتك@};-@};-@};-

جامد كالعادة