عرض للطباعة
السلام عليكم ورحمه الله وبركاته
كرسي الاعتراف دي لعبه جميله جداا
ودي عباره عن اننا نختار عضو اول يوم في الاسبوع
نفضل نهريه اسئله لحااااااد يوم الخميس
وهو مطالب انه يقعد يوم الجمعه ويجاوب على كل الاسئله اللى اتسالها
واللى اتسأل يختار العضو اللى هيتسئل بعديه>:)
وهكذا كل بدايه اسبوع يكون في عضو
وبما ان انا اللى جايبه اللعبه هختار اول عضو
وهو
>:)البشمهندس شوووومان>:)
وهسأله اول سؤال
مين اكتر انسان كرهته في حياتك؟ وليه؟؟
ايه اكتر كلمه بتحب تسمعها واكتر كلمه بتكره تسمعها؟؟؟
يا نهار الوان؟؟؟؟؟؟؟؟؟؟؟@-)@-)@-)
لا يا عم مش لاعب:p
كده يا علياء .. و كأن قلبي كان حاسس ان اللي هيحصل :)
ماشي يا سيتي و انا معاكم و لما نشوف اخرتها:-ss:-ss
بصي يا سيتي
و الله انا مش بكره حد خالص
الا في حالة واحدة .. لو خاني و ضربني في ضهري
و طبعا كده انا بكرهه عشان انه خانني
بثO:-)O:-)
مممممممممم
و الله يا مشمش هو في كلام كتير بحب اسمعه و كلام اكتر مش بحبه
بس انا بحب اسمع اي كلام عاقل ..
و اكتر كلمة بكره اني اسمعها هي : قوم يا مصطفى من على الكمبيوتر
ها .. و انا مستني باقي الاسئلة ..
نحو مزيدا من الشفافية:d
انا عارف انك هتعصروني
ربنا يعدي الاسبوع ده على خير:d
والله حلوه اللعبه دى والاحلى اننا بنسأل شومان>:)>:)>:)>:)
بص يا سيدى ليه اخترت تخش كليه الهندسه؟;))
بس اوعى تقولى مجموعى!!!
لعبة جميلة اوى يا عليا
تسلم ايديك
وانا سوالى
ايه الاسان اللى انت بتحبه يلى بعدى
قولى يا درش "لو واحدك اداك ميعاد وضحك عليك فيه وسابك ملطوع طول اليوم فى الشمس"
تعمل فيه ايه؟
لو انا منه
اروح اعتذرله
معلشى يا ميسى
بقى
انتم اخوات برده
يا جماعة لو حبيبك سابك او اخوك نايم وممرحتش المدرسة تعمل فى ايه
ههههههههههههههه
لا يا ايسو هو مش مجموعي
اول هام انا ايام الثانوي كنت عارف اني مش هنفع و لا في طب و صيدلة و انا مليش فيهم و مبحبهمش
و الوحيدة اللي كانت قريبة من ميولي هي الهندسة حتى انا مجموعي كان جايب بترول بس مروحتش ..
ده تقدري تقولي عليه اجابة سؤال ليه انت ماخترتش حاجة غير هندسة ؟.. عارف :)
نيجي لاجابة السؤال اصلا
و الله انا اخترت الحاجة اللي ماشية مع ميولي و هحبها .. من و انا صغير و انا غاوي بناء واختراعات و اسمي مجنون العيلة .. عادي يعني متعلقوش عليها :)
و لقيت ان الكليتين الوحيدتين اللي فيهم ابداع هما هندسة و صيدلة و طبعا هندسة الابداع فيها اكبر بكتير و كمان انا ميولي مش صيدلانية .. فرسي العطا على كلية الهندسة والحمدلله و انا مبسوط اني فيها رغم تقديراتي اللي زي العثل:d و باسطة ماما و بابا قوي =))
بس بجد انا بحب كلية الهندسة قوي ,, و ربنا يسهل و اخلص منها
و مش هقول اكتر من اكتر
مظلوم و حياتك مظلوم
:((:((=((=((
فكره هايله يا عليا ويلا يا مصطفي اللي مش عارفه اطلعه منك جوه جوه هخده منك بره بره
بس ياخساره انا الاسبوع ده خارج الخدمه بس بما انها فرصه لن تتكرر
فهضحي وفداك اي حاجه
استناني بقي سوووووووووووووووووووووووو ووووووووووووووووووون قوي
فكره هايله يا عليا
اهلا يا درش
استنى اسالتى:d
بس ليا طلب صغير
ممكن فى الاول العضو اللى هيتسال يتكلم عن نفسه فى تلت سطور كده يعنى يقول هو مين وعايز يعمل ايه فى مستقبله كده يعنى
شوف يا messi
انا لو مكانك يا هخنقه واموته يا هخنقه واموته ملهاش حل تانى
على راى الكينج:d:d:d:d
شوفتوا ازاى بهدى النفوس انا على الاخر8-x8-x:d:d
س 1:- امنيه اتمنيتها ومتحققتش وامنيه اتمنتها واتحققت!!!!
س2:- شخص سعدت بمعرفته ولا تتخيل الحياه بدونه!!!
س3:- ماذا يمثل لك هذا المنتدى؟
شوف كل الاسئله دى انا عارفه اجابتها بس غلاسه:d:d:d
استنى هجهز غيرهم اوك
فكره ممتازه جدا يا همسه
لازم شومان يتكلم عن نفسه في 3 سطور
انا قولت هسخن بالسؤال عشان اشجع الناس
ودلوقتي بقي الاسئله الحقيقيه
استعنا على الشقا بالله
1 -ايه هي نقطه ضعفك؟
2- مين مثلك الاعلي ؟
3- لو مكنتش دخلت كليه هنسه كنت هتختار كليه ايه؟ وليه؟
4- واخر سؤال ايه التنازلات اللى ممكن تقدمها لشريكه حياتك؟
o:-)مع تحيات ملاك المنتدي O:-)
طبعا ملاك طيب يا ملاك
تقدرى تعترفيلى بحاجة
انتى جبتى كام السنة اللى فاتت
ههههههههههههههههههههه
هي فعلا فكرة حلوة قوي يا همسة
هنطبقها بقى من اول العضو الجاي عشان المفروض ان ده اخر يوم ليا اساسا:d
الحمدلله اني جيت و الناس مش مستعدة قوي للعبة
امنية اتمنتها و متحققتش هي اني اعيش حياة مستقرة
و امنية اتمنيتها واتحققت هي اني اخش كلية الهندسة و ادخل قسم كهبرا:)
اختي الكبيرة و اختها الصغيرة
تقريبا حياتي كلها, بيتي التاني و غير مستعد لاغلاقه لاي سبب من الاسباب
هههههههههه
اه والله عارف
بس و النبي بلاش الاسئلة من النوع اللي انتي عارفاه :((:((
فعلا فكرة لذيذة قوي
و ان شاء الله هنطبقها من اول العضو اللي بعدي
و انتي عارفة هو مين:d
أهو أنا مش بخاف الا من الاسئلة الحقيقية بتاعتك يا علياء :-s
مممممممممممممممم
سؤال جامد يا علياء :-??
مممممم .. كل بني ادم عنده نقاط ضعف كتير .. و انا مش هقول اني معنديش نقاط ضعف .. انا مليان نقاط ضعف بس بعرف اخبيها ..
و تقدري تقولي ان نقطة الضعف اللي ظاهرة فيا قوي هي الكمبيوتر
معنديش
كنت هخش حاسبات و معلومات .. لو مكانتش جت حاسبات و معلومات كنت هخش اي كلية تانية و هاخد كورسات كمبيوتر في اي معهد و هتخصص فيه
مممممممممممممم
شريكة حياتي؟ باينة من الاسم .. هتنازلها عن حياتي كلها ..
عشان كده انا مش ناوي ارتبط الا بواحدة تستاهل اني اعملها التنازل ده
ماشي يا علياء ؟ ده انتي هتشوفي مني اسبوع اسئلة .. مشفهوش صدام حسين و هما بيحاكموه:d O:-)
تحفه اللعبه والله يا علياء ربنا يخللنا أفكارك انتى الدور جه عليكى متنسيش تتكلمى عن نفسك أوعى تنفضى ولا تخلعى من التلت سطور زى ما شومان ما عمل وانا ممكن اقولك شوية أسأله
1-عملتى إيه مفيد فرمضان ده ؟
2-إيه أكتر حاجه عملتيها و ندمتى عليها اوى؟
3-يعنى إيه الحب عندك و ماذا يمثل ف حياتك؟هل دق قلبك؟
ربنا معاكى يا ملاك المنتدى
ايه يا جماعة؟
هي علياء هربانة واللاه ايه؟:p
طيب كويس انكم فكرتوني لما ادور ليها على شوية اسئلة تمام :)
لا يا بشمهندس عيب عليك مين دى اللى تهرب
انا بس كنت تعبانه شويه
وغير كده انت لو بصيت فى قواعد اللعبه كنت هتلاقي ان الكل يسال طول الاسبوع واللى يتسال يجاوب يوم الجمعه
ومنتظرين مزيد من الاسئله :-"
الف سلامه يا لولى
يلا نبدا الاسئله....
ايه اكتر حاجه ممكن تنرفزك وتخرجك عن شعورك؟
ايه مواصفات شريك حياتك؟
و ادينا اهو في يوم الجمعة
اتكلي على ربنا
و الف سلامة
بص يا عليا
ده سوال سهل وبسيط
ايه لون شعر اللى هيبقى شريك حياتك
يا رب تقولى
ممممممممممممممممممممممممم ممممممم
مش عارفين
يا ترى ينفع العب معاكم؟؟؟!!!
طيب هعتبر انكم وافقتم...
اما بخصوص الاسأله..
علياء باشا... يا ترى ايه اكتر موقف محرج وقعتى فيه.؟
ايه اكتر شىء زعلك قبل كده.؟
ايه اكتر حاجه خايفه تحصلك؟
يا رب مكنوش طولت...ويا رب العب معاكم
مين مثلك الاعلى يا عليا
يا ترى يكون اللى تتمنى يكون شريك حياتك طويل؟
ولا قصير؟
اسود ولا ابيض؟
واكتر حاجة بتحبيها؟
يا رب تجوبى على الاسئلة
اولا انا سعيد بالاسئله دي والحمد لله مطلعتش صعبه
هتكلم عن نفسي ولو اني مبحبش اتكلم عن نفسي احب اللى يعرفني هو اللى يتكلم عني لانه بيشوفني بوضوح
بس هقول اني في ثالثه ثانوي ونفسي اجيب مجموع وادخل كليه
هواياتي الرسم وبسمع اغاني والنت طبعا
اجاوب على الاسئله بقي
اشتركت في المسابقه الرمضانيه واللى فعلا انا حباها جداا
الحمد لله مبندمش على حاجه عملتها عشان الندم عمره ميرجع اللى فات
لما اجربه هبقي اقولك وبيمثل في حياتي حياتي ومدقش قبل كده عشان ملاقتش اللي يخليه يدق ويمكن الاقيه قريب
ميرسي يا snow white love واسئلتك جميله جدا
الله يسلمك يا essoo وربنا يخليكي يا جبيبتي اخدت يومين برد محترمين
اكتر حاجه ممكن تنرفزني اني اتعرف على واحد معندوش كرامه
او معندوش شخصيه
:-oهو ده بقي العصر اللى قولت عليه
انا قولت شومان ده هيهريني اسئله
عموما يا سيدي هجاوبك على السؤال
يكون راجل ويعرف ربنا ومحترم وشهم وذوق وشخصيه قويه وانسان
ذكي وطموح ويحبني جدااا واهم من ده كله اني احبه واحترمه
وفي حبه حاجات صغيره بقي يجي 25 حاجه كمان مش هقدر اقولهم عشان دول عايزين منتدي
الله يسلمك يا شومان ويارب محدش يشوف اللى شوفته:((:((
استلمي شوية الاسئلة دول على ما قسم على اشوفلك غيرهم :)
) ماذا تعني لكي الكلمات الآتية .... العاطفة .... الرحمة ..... العقلانية .. موضحة إجاباتك بمواقف حدثت لكي
2) عندك كام صديقة ممكن تثقي فيها جدا لكي تطلعيها على أسرارك.
3) إيه أكتر موقف محرج حدث ليكي في الجامعه.
4) مين من الكتاب بتحبي تقرأي ليه ،إذا كنتي من هواة الأدب.
5) إيه أفضل بلد تحبي تعيشي فيها في جمهورية مصر العربية .
سؤال كمان
1) مين اقرب انساااااااان او انسااااااانه ليكى
2)اكتر 3 حاجات بتضايقك .. ايه هما؟
3)ايه احلامك
4)كام مره حسيتى انك ملكيش لزمه فى الحياه
5) كااااااام مره مقدرتيش تكتمى دموعك
ايه رايك بقى؟
ده انتي حظك اني متضايق و مشغول عن المنتدى اليومين اللي فاتوا:p
بس انا روقتلك دلوقتي :)
هخلي ايديكي تورم النهاردة من الكتابة:d
والله انا حاسه ان عليا بتمتحن ثانويه عامه دلوقتى بالذات من موضحه اجاباتك دى;))
على فكره ده سؤال صعب جداااا
عشان انا معرفش مين شريك حياتي عشان اعرف لون شعره
بس وعد مني اول ميكونلي شريك حياه هفتح المنتدي واقولك وكمان هقولك على لون عنيه
هي لسه شافت حاجة:d
خدي دي الدفعة دي كمان
كلمة تحبين أن تردديها دائما.....ولا تعتقدي أنك ستتوقفين عن قولها؟
أول ما يخطر في بالك حين تقرأين الكلمات التالية (لاحظي أول):
أحمر
مربع
قلم
طفل
قارب
لبنان
خطوط
الم
نهاية
حلا الدنيا
شهر
ماذا اخذتي من النت وماذا اعطيتيه ؟؟
كيف توزعين وقتك يوميا؟
نصيحتك للعضو الساحر؟!!!!
كفاية عليكي كده يا علياء .. واللاه لا؟
القرار ليكي انتي :d
ده انا كنت ناويه اسألك شويه اسئله كمان بس خلاص ربنا يكون فى عونك وتخلصى الاسئله دى الاول@-)@-)
اسيبك مع اسأله الساحر يارب تلحقى تخلصيها[-O<[-O<[-O<[-O<
طبعا ينفع
مره كنت في المدرسه وكنت مذاكره درس كويس ورفعت ايدي عشان اجاوب وخلصت كل الاسئله اللى انا عرفاها وعلى حظي كان سؤال معروفش :(
لما اتخانقت مع انتمتي خناقه جامده اوي
اني احب واتحب وفي الاخر منكونش لبعض
لا ابدا اسئلتك جميله اوي وياريت تنورنا على طول