المسابقة الثقافية.. الجزء التانى

من حوالى سنة او اكتر نظمنا مسابقة ثقافية فى المنتدى وكانت مفيدة جدا والأقبال عليها كان كويس
استفدنا منها
واللى يحب يشوفها دة اللينك بتاعها

http://fokakmeny.fokak4um.com/showthread.php?t=5937&page=1
************

اختبر معلوماتك ونميها مع المسابقة الثقافية

إن لكل منا ثقافته تنمي من شخصيته ..

و ترقى بمستوى تفكيره .. و تجعله يسمو بعقله

اننا نقضى اكثير من الوقت فى المنتدى نفيد ونستفيد

ربما نقرأ موضوعا يغير نظرتنا للحياة او تفكيرنا تجاة فكرة

لكن...

لم تتاح لنا فرصة لنختبر فيها معلوماتنا العامة فى الكثير من المجالات

و لذلك أدعوكم هنا إلى مسابقة ثقافية .. ننمي بها من ثقافتنا و معلوماتنا ونختبر ما لدينا من معلومات

الية المسابقة
كل يوم هنحط سؤالين فى معادين مختلفين عشان تكون مناسبة للجميع
يعنى كل يوم الساعة 3 العصر هيتحط سؤال ولو اتجاوب بسرعة هيتحط فى نفس اليوم سؤال تانى بس هيكون الساعة 3 قبل الفجر
لكن لو السؤال الأول ما اتجاوبش لنخليه مستمر معانا بحد اقصى يومين
لو محدش عرف الأجابة هنزل انا الأجابة
الأجابات هتكون فى نفس التوبك

وفى اخر الشهر ان شاء الله هنشوف مين اكتر واحد جاوب صح ويكون هو الفائز معانا بالجائزة الأولى

ملحوظة : لا يجوز لاى من الأعضاء ان هو يحط اى سؤال حفاظا ع نظام المسابقة

اتمنى بجد الاقى تفاعل ومشاركة من الأعضاء
المسابقة هتبدأ ان شاء الله من بكرة

مع تحياتى
أمانى الأبزارى

ميه ميه يا مونه معاكى يا قمر وربنا يقدرنا

وافوز بالجايزه الاولى:-b

ياسلام حلو اووووى
بس ياريت يكون بعيد عن النت
يعنى اللى يجاوب ميغشش اوكيز

جميلة يا مونى انا بحب الحاجات دى اوى
يالا ربنا معاكى

اوك تماما انا كنت بدور على حاجه زى دى
وانا كمان معاكوا يالا شوفى هنبدا امتى

قشطاات ياامانوو معااكى اما انشوووووف شكلنا كداا لاهنفووز ولا هنييل

كويس جداااااا
ارجو المتابعة بقا معاانا

انتظروا السؤال الأول

السؤال الأول ..

ما هى المعاهدة اللى نالت فيها الجزائر استقلالها ؟

قشطات
انا بموت فى الحاجات دى
يلا بسرعه يا امانى
قبل ما المعلومات تطير

السؤال الأول ..

ما هى المعاهدة اللى نالت فيها الجزائر استقلالها ؟



( معاهدة ايفيان )

معاهدة ايفيان
انا فاكرها من ايام الثانويه العامه لانى كنت ادبى وخدتها فى التاريخ
حتى تقريبا كانت 1962
دى كانت فى الدرس بتاع الاستعمار الفرنسى
بصى اى حاجه عن التاريخ هتلاقينى دايس فيها

ماهي المعاهدة التي نالت فيها الجزائراستقلالها ؟ "معاهدة ايفيان"


الإتفاقية التي اضطرت فرنسا لعقدها مع الجزائر في مدينة إيفيان مع سويسرا في آذار1962 ونصَّت على:


1- وحدة الجزائر أرضاً وشعباً.
2 ـ إجراء انتخابات حرة لتقرير المصير الخلاَّل مدةٍ لا تتجاوز ستة أشهر.

3 ـ تخيير المستوطنين الفرنسيين بين الجنسية الجزائرية فتطبق عليهم قوانين الجزائر كغيرهم من الجزائريين أو يختاروا الجنسية الفرنسية ويعاملون معاملة الأجانب

4 ـ جلاء القوات الفرنسية عن الجزائر بإستثناء ميناء المرسى الكبير لمدة15 عاماً نظير معونة مالية فرنسية للجزائر.

****************
ابنحسب الأجابة لأول اتنين بيجاوبوا السؤال صح
وهتكون لمعتز
وامينو2

كويس جدا يا امينو انك فاكر التاريخ كويس

السؤال الثانى ...

من هو الموسيقي الألمانى الذى اصيبت اصابعه بالشلل؟

تسلمووووووووز ع المسابقة الجامدة دى
و الموسيقى ده هو/ شومان
على اسم كبير المنتدى
=))

افكارك دايما مفيدة يا امانى @};-

وانا معاكم فى المسابقة ان شاء الله اعرف احل الاسئلة

بس ياريت تقدرى ظروفى وتبعدى عن التاريخ شوية لان انا بكرهه:d

وعلى فكرة اول سؤال كتبتيه .ده كان اول سؤال عندى فى الامتحان بس انتى اختصرتى كتير .. ياريت الدكاترة زيك كده ...هههههه

لاااا احنا متفقناش على كدا يااماانى انتى قلتى هنزل الاسئلة تلاتة وتلاتة
فيين تلاتة دى
وبعديين ابعدى عن اسئلة التاريخ دى اختك وحشة اوى فييية ولا الهواااا

بسكوتة منورنا تانى
عيب كدة تكرهى التاريخ
امال الناس اللى مادرستش تاريخ تقول اية

ولو عندك اضافة قوليها عادى

والله يا نيرمين انا بحاول ع قد ما اقدر اخلى المواعيد ثابتة بس بيكون غصب عنى لو اتأخرت شويا قدمت شويا مش كتير يعنى

وبعدين ةدة التاريخ دة اجمل حاجة فى كل الدراسات

شدوا حيلكم كدة
هجيب لكم اسئلة متنوعة فى كل حاجة
انا حتى ممكن اسألكم مين فاز ببطولة افريقيا 2010 ههههههههههههههههههه

السؤال الثانى ...

من هو الموسيقي الألمانى الذى اصيبت اصابعه بالشلل؟



شومان

من هو الموسيقي الألمانى الذى اصيبت اصابعه بالشلل؟

"روبرت شومان"
"ولزيادة المعلومات عن شومان

روبرت شومان ( - م) كان مؤلف موسيقي ، عده بعض النقاد أهم مؤلف موسيقي في الحركة الألمانية الرومانسية، وذاعت شهرته بفضل مؤلفاته الرائعة على . تمثل مؤلفاته الحالتين النفسيتين المتناقضتين للموسيقى الرومانسية، إحداهما عاطفية نابضة، والأخرى هادئة وتأملية. وهو زوج العازفة . كان روبرت شومان ابن تاجر الكتب والناشر (1773-1826)، تلقى دروس العزف على آلة البيانو في سن السابعة.

أعماله

ألف شومان أربع سمفونيات، وموسيقى الحجرة (العزف) وموسيقى كورالية، وأعمالا أخرى، تأتي أعماله في مرتبة أعمال نفسها من بين أفضل الأغاني الألمانية، فقد كان لشومان تأثير قوي على المؤلفين الموسيقيين المختلفين في أواخر القرن التاسع عشر الميلادي. وقد نشرت مختارات من أعماله الموسيقية للصغار ومجموعة من المقطوعات الموسيقية لطلبة البيانو عام م.

من بين أعماله الشهيرة على :


وقام شومان أيضًا بتأليف عدد من المقطوعات القصيرة، كثير منها في شكل مجموعات، هذه المقطوعات تشمل:

وطبعا النقطة من حق
Great Man
ومعتر ( رغم انه جه متأخر )

انا بقول تانى هحسب الأجابة لأول اتنين يجاوبوا

من هوصاحب لقب (الدوتشي) ؟

من هوصاحب لقب (الدوتشي) ؟

موسيليني

ببينيتو موسوليني ( - ) هو حاكم ما بين .
كان موسوليني في فترة حكمه رئيس الدولة الإيطالية ورئيس وزرائها وفي بعض المراحل وزير الخارجية والداخلية. من مؤسسي وزعمائها. سمي ب الدوتشة (: Il Duce) أي القائد. دخل حزب العمال الوطني ولكنه خرج منه بسبب معارضة الحزب لدخول إيطاليا الحرب عمل موسولني في تحرير صحيفة افانتي (إلى الامام)ومن ثم أسس ما يعرف بوحدات الكفاح التي أصبحت النواة لحزبه الفاشي الذي وصل به الحكم بعد المسيرة التي خاضها من ميلانوا في الشمال حتى روما في الوسط دخل الحرب العالميه الثانية مع دول المحور أعدم مع أعوانه السبعة عشر في ميدان "دونجو" بميلانو على يد الشعب الإيطالي عام .

من هوصاحب لقب (الدوتشي) ؟

موسيليني
*****
النقطة لمعتز وGreat man
شكرا كتير ليك ع المعلومات اللى اضفتها
ودة هدف المسابقة اننا نزود معلوماتنا كمان

من هو مكتشف اشعة أكس؟

كانت علينا فى الفيزياء فى 3 ث فى فصل الحديثة
مكتشف أشعة إكس هو العالم الألماني فيلهلم كونراد رونتجن واكتشفها عام 1895م

سؤاال / هو فى جوايز فى المسابقة ولا لا؟؟b-)b-)

ويلهيلم كونراد رنتغن (18451923)

طبعا مش هضيف اكثر من اللى مكتوب
ويارب بقى

اجابة صحيحة معتز
Great Man
Amino2

شكرا كتير لأجابتكم
لكن انا بحسب ألأجابة لأول اتنين بيجاوبوا صح
وهما معتز وخيرى

حاول يا محمد تدخل بدرى شويا

موضوع جامد ياامانى

ويارب ألحق اجاوب على الاسئله

هه

فى انتظار أسألتك

ماهى وكالة الانروا ؟
وإين يوجد مقرها؟

الانروا هي وكالة غوث وتشغيل اللاجئين الفلسطينين عام 1948 وهي منظمه تابعه للامم المتحده انشئت قبل 60 عاما تشرف عليها الامم المتحده اشرافا تاما ولها مفوض عام يعين من قبل امين عام الامم المتحده --الانروا متواجده فى الدول التى شهدت نزوحا للفلسطينين عام 1948 وهى منظمه ناشطه حتى الان في الاردن وسوريا ولبنان وغزه والضفه الغربيه ومركزها الاساسي في الشرق الاوسط في مدينه غزه بعدما كانت بالاصل في الاردن وللانروا خدمات تقدمها للاجئين منها الصحه والتعليم --تعرضت امؤسساتها في غزه هذا العام للتدمير شبه الكامل مع انها منظمه تابعه لاامم المتحده

وكالة الأمم المتحدة لإغاثة وتشغيل اللاجئين الفلسطينيين في الشرق ...ومقرها الرئيسي في فيينا وعمّان.

وكالة الأمم المتحدة لإغاثة وتشغيل اللاجئين الفلسطينيين في الشرق
الأدنى أسست الأمم المتحدة منظمة تسمى "هيئة الأمم المتحدة لإغاثة
اللاجئين الفلسطينيين" في نوفمبر/ تشرين الثاني 1948 لتقديم المعونة
للاجئين الفلسطينيين وتنسيق الخدمات التي تقدم لهم من طرف المنظمات
غير الحكومية وبعض منظمات الأمم المتحدة الأخرى. وفي 8 ديسمبر/ كانون
أول 1949 وبموجب قرار الجمعية العامة رقم 302 تأسست وكالة الأمم
المتحدة لغوث وتشغيل اللاجئين الفلسطينيين في الشرق الأدنى (الأونروا)
لتعمل كوكالة مخصصة ومؤقتة، على أن تجدد ولايتها كل ثلاث سنوات لغاية
إيجاد حل عادل للقضية الفلسطينية.

ومقرها الرئيسي في فيينا وعمّان.

:((:((:((:((
لا بقى ماينفعش كدة انا ملحقتش ولا سؤال

لا بجد كده الحكايه بتهرب منى
برده ملحقتش اول اثنين
انا هتجنن

اولا بعتذر عن التأخير

طبعا كلكم جاوبتوا ع الجزء ألأول من السؤال صح
برافو عليكم

لكن بردو كلكم وقعتم فى نفس الغلط
المقر الرئيسى للمنظمة محدش قاله صح حتى الأن لا فيينا ولا عمان ولا حتى غزة

النقط هتتحسب لـ
Great Man
, I’M alive

سورى معتز اتأخرت المرة دى
نودى وامينو سعيدة جدا بمشاركتكم معايا
لكن حاولوا تكونوا أسرع
***********

الجزء التانى من السؤال لسة موجود لحد ما حد يجاوبه صح
اين يقع المقر الرئيسى لمنظمة الأنروا؟؟