البنات وموقفهم من الخدمة العسكرية

الفكرة دى بقالها فترة طويلة جدا فى تفكيرى
انا عارفة ان الموضوع طويل شويا بس ياريت لو تقروه كامل

************

"البنت زي الولد ماهيش كمالة عدد في الإحتمال والجلد
.. البنات همهم خدمة بلدهم زيهم زي البنين" ..
الكلمات الزجلية لصلاح
جاهين لم تعد مجرد "كوبليه" في أغنية شهيرة لكنها تحولت بقدرة قادر إلى صرخات احتجاج مدوية من جانب كثير من البنات

والسبب هو حرمانهن من الإلتحاق بصفوف القوات المسلحة لأداء الخدمة العسكرية وتطبيق قوانين التجنيد عليهن مثل الشباب، لتصبح أعز وأغلى الأمنيات هو أن ترتدي البنت من دول البيادة العسكرية وتحمل السلاح وتخوض غمار التدريبات الشاقة وتبذل التضحيات في سبيل الوطن ومفيش حد أحسن من حد..

ودة اللى هنتكلم فيه
البنات وموقفهم من التجنيد ؟؟!!
لحظة
اوعى ييجى فى دماغك ان الموضوع على سبيل السخرية ..
الموضوع هنتكلم فيه بشكل جدى جدا

***

إن كيدهن عظيم في الجيش أفضل





الطبيعةالفسيولوجية للبنت وضعف بنيانها لكنها ممكن تتدرب تدريبات على الاسلحةالخفيفة والمهارات القتالية اللي تصلح للبنات و العلوم النظرية والاداريةالتنظيمية
كمان ان المحتل لما بيدخل بلد مش بيفرق بين بنت و ولد ، بين طفل وشيخ ولا أخضر ويابس
وإن البنات ممكن يبقوا جبهة دفاع داخلية علشان لو لاقدر الله الجيش انهزم ودخل المحتل البلد ما يلاقوش بلد كاملة عزلاءوساعتها الستات هتطبق مبدأ الجيش قالك أتصرف

كان فى وجهات نظر واراء بعض البنات فى الموضوع دة

هقولكم بعض منها



*"البنت قادرة على العطاء بلا حدود للآخرين، فلماذا لا يكون لبلدنا نصيب؟

كل ما نطالب به هو تطبيق نظام التطوع الإختياري للفتاة في صفوف الجيش المصري، فربما يمنحها ذلك فرصة النجاح والتفوق وكذلك الدفاع عن النفس ضد أي خطر قد يداهمها فجأة أو أي موقف قد تتعرض له.



*"الزي العسكري له وقاره وهيبته وذو بريق خاص وجذاب في أعين البنات بدءاً من الأفرول والبيادة العسكرية والبدلة الكاملة، وأعتقد أن الآلاف من الفتيات والسيدات لديهن نفس الإستعداد والحماسة للتخلي عن الكعوب العالية مقابل الحذاء العسكري وارتداء البيادة عوضاً عن الميني جيب والبنطلونات الجينز والإستغناء عن مساحيق التجميل وموضات الشعر في سبيل لبس خوذات القتال وتحمل المشاق والتدريب في المناطق الوعرة والصحراء..!!


*"إن إلحاق السيدات والفتيات للعمل في بعض الأفرع التابعة للقوات المسلحة مثل التمريض وأعمال الخدمة الإجتماعية وخلافه لا تكفي وحدها لإثبات طموحات البنت المصرية في اقتحام أصعب ميادين العمل وتأكيد رغبتها في الحصول على فرصة خدمة بلدها بعيداً عن ترديد الشعارات الجوفاء.."


*"طوال الحروب الكثيرة التي خاضتها مصر لم نر وجوداً للمرأة على جبهات القتال وهو أمر مؤسف حقاً رغم أن الفتيات الفلسطينيات على سبيل المثال لا يتورعن عن القيام بالأعمال الإستشهادية جنباً إلى جنب مع الرجال مثل وفاء إدريس وآيات الأخرس وغيرهن من شهيدات الإنتفاضة الفلسطينية، فالشجاعة سمة من سمات المرأة العربية عموماً والبنت المصرية على وجه الخصوص..

وفى بنات كمان كانوا معترضين لى الفكرة

على الجهة المقابلة كان ثمة اعتراضات صارخة من الجانب الذكوري على الحاق الفتيات بصفوف الجيش في نفس الوقت الذي اتفقت فيه آراء غالبية الشباب على أن الخدمة العسكرية هي مضيعة للوقت ع الفاضي وتؤدي إلى فقدان العديد من فرص العمل أما الشعارات من عينة "الجندية شرف وواجب" و"خدمة الوطن فوق الجميع" فهي موضة قديمة مستهلكة عفا عليها الدهر منذ زمن بعيد وكبر دماغك ..!!

ونشوف اراء بعض السباب فى الموضوع دة

*"إن الجيش يعوق الإلتحاق بالعديد من الوظائف لحين أداء الخدمة العسكرية لاسيما إذا تم التجنيد كضابط احتياطي لمدة ثلاث سنوات فهو خراب بيوت مستحكم..!!"


*"انه لا مانع إطلاقاً من جعل الخدمة العسكرية قاصرة على المتطوعين فحسب طالما أن البلد ليست في حالة حرب فهو مجرد وقت ضائع من العمر يذهب سدى دون أن يتم الإستفادة منه في تحمل غمار مسئوليات الحياة العملية من حيث الشغل والإرتباط التي تحتاج من بذل المجهودات والإعتماد على النفس ما يغني عن الإلتحاق بالجيش.. !!

"بالعقل كدة الجيش اولا بيحتاج بنيه قويه
وناس تستحمل الظروف دي نفسيا وجسديا ، وطبعا طبيعه البنت زى ماخلقها ربنا مش مهيأه لكدة خالص
خصوصا كمان البنت المصريه المعروفه برقتها وجمالها ..
واحنا بردو طبعا منرضاش ان مكياجهم يبوظ من الشمس ورجليهم تفقفق من المشى وبطنهم توجعهم من الاكل وقلبهم يقف من الخضه .. ومن العذاب اللى بيشوفه المجندين .. احنا بردو رجاله

*"البنت ازاي تدخل الجيش وتلبسي الافرول وتشيل المخلة واكيد هتلبس البيادة يعني عايز اعرف تبقي شكلها ايه انا مقتنع باللي قريته وعرفته ان الاسلام صور البنت او المراة زي الجوهرة اللي بنحافظ عليها ابقي انا اجي وابهدلها
من الممكن ان البنت تبقي صف تاني في حالة الجهاد او الحروب زي ما تكون ممرضة او تجهز الجيش او تحمسي الجنود اللي هيحاربوا ثم طبيع البنت وفسيولجيتها تمنعها انها تقوم بالمهام الشاقة بتاعة الجيش دي ده لما بنتفرج علي مصارعة نسائي او بنت بتشيل حديد بتبقي حالة شاذة بالنسبة لينا بالتالي وجود البنت بجوار الولد في الحرب كمجندة شيئ هيبقي شاذ نوعا ما"


"أهو ده اللي كان ناقص ..!!" أما وجهة نظره حيال الموضوع برمته فأوردها بقوله: المرأة مخلوق ضعيف هش لا تستطيع التغلب على مشاعرها وعواطفها ولا تتمتع بالقوة العضلية التي لا غنى عنها في المعارك لهذا أنا أرفض رفضاً قاطعاً وصريحاً مشاركة الفتاة في أية مهام قتالية أو عسكرية..




يعنى عندنا بنات عايزة تدخل الجيش وتخدم بلدها من وجه نظرها

وفى عندنا شباب رافضين انهم نفسهم يدخلوا الجيش وشايفين ان الخدمة العسكرية تضييع وقت

لكن عندنا رأى مختلف لشاب انشأ جروب فى الفيس بوك بيطالب بحق البنات فى الخدمة العسكرية

والجروب دة ماكنش على سبيل السخرية وهديكم فرصة انكم تشوفوا الأراء اللى اتناقشت فيه

لكن قبل دة

نشوف حوار مع منشأ الجروب

** الاول عايزين نعرف انت جد في الفكرة دي ولا عاملها من باب السخرية ؟

منشأ الجروب : جد طبعا وباعتبر عدم دخول المرأه الجيش من قبيل التمييز ضدها


** لكن البعض شايفينها انه تمييز ليها انت ايه رايك ؟


منشا الجروب : لو الجيش ده شيء سيء واللى يدخله بيدخله على انه عقاب يبقى تمييز ليها
لكن انا شايف ان دخول الجيش وخدمة الوطن شرف


*** طيب في اهالي مش بتحب تخلي بناتها تبات برا البيت وكده تفتكر دا مش هيضايقهم ؟


منشأ الجروب: الاهالى دول لو فكروا حايعرفوا ان ده فى مصلحة بناتهم اكتر وبعدين احنا كلنا بيتنا مصر


*** في مصلحة بناتهم من ناحية ايه ؟
.

منشأ الجروب : البنت لما تعتمد على نفسها وتعرف انها زيها زى الولد تقدر تنفع وطنها
اكيد حاتقدر تحافظ على نفسها بعد كده وعلى اولادها للأسف الاسره المصريه مسيطره عليها ان البنت انسانه قليلة الحيله

*** طيب في ناس بتقول ان البنات بتخدم وطنها بشكل تاني مش شرط الدفاع عنه ؟

منشأ الجروب: طبعا ماهى لما ترضع ابنها اللى حايدخل الجيش تكون بتخدم وطنها اه انها بتربى انسان حايدافع عن بلده

***ايوة

منشا الجروب: خلاص انا ممكن اجيب معزه ترضع ابنى وساعتها المعزه دى نعملها تمثال زى تمثال الحرية

*** في الجيش الامريكي بيحصل اعتداءات على البنات اللي في الجيش ...

منشأ الجروب (( مقاطعاً )) .. وفى الشارع المصرى بتحصل اعتداءات على البنات

***اكيد .. لكن في الشارع البنت هتبلغ هتعمل اي حاجة لكن ف الجيش هتخاف من سلطته عليها

منشأ الجروب: البنت حاتبلغ فى الشارع المصرى ؟

انا بشوف كل يوم تحرشات بالبنات واكتر حاجه البنت بتعملها انها ممكن تشتم اللى اتحرش بيها

*** بس لما الموضوع بيوصل للي اكتر من التحرش بتبلغ

منشأ الجروب : والله برضه فى اغلب الحالات مافيش تبليغ حالات اغتصاب كتيره البنت المصريه بتتعرض ليها ومش بتبلغ لأن فى الشارع المصرى البنت قليلة الحيله بفعل افكار المجتمع بسبب نظرة المجتمع المتخلفه للمغتصبه وانها بتتعامل كانها هى الجانى لكن فى الجيش الامريكى البنت بتقدر تاخد حقها لانها عرفت ازاى تاخد حق وطنها

*** طيب في بنات وانا بحاورها اعتبرت ان دخول الجيش بيتنافى مع انوثتها وان البنت اللي عايزة تدخل الجيش تبقى " مش شايفة انها بنت " بالنص قالوا كده !

منشأ الجروب: البنات اللى بيقولوا كده اما بيكونوا متاثرين بافكار اهاليهم وخايفين يفكروا اصلا فى البعد عن البيت بسبب القهر النفسى اللى الاهالى بيفرضوه عليهم فبيقولوا نقنع نفسنا بان الجيش غلط او للرجاله بس علشان يحسوا انهم بيعملوا اللى مقتنعين بيه

*** طيب في دماغك يا احمد خطوات لتفعيل الموضوع دا يعني تخرج بيه من حيز الفكرة للتنفيذ ؟

منشا الجروب : اه عندى .. ان مصر تبقى دوله مدنيه ، لا يفرق فيها بين الرجل والمرأه وده يتطلب تغيير كبير فى مؤسسات الدوله واولها مؤسسه الرئاسة

*** في نقطة أخيرة يا احمد فى شباب بيأيدوا الفكرة من باب انهم شايفين الجيش عقاب و نفسهم ينتقموا من البنات بيه انت ايه رأيك ؟؟

منشأ الجروب : هما شايفين الجيش عقاب لان ماعندهمش استعداد يخدموا البلد من اللى شافوه ومن القهر الحكومى ومن استبداد مبارك
لكن لو بياخدوا حقهم فى البلد اكيد حايبصوا للجيش على انه اقل حاجه يخدم بيها بلده لو الناس كلها فهمت ان حماية مصر وحب مصر واجب عليهم زى ماهو واجب عليهم حماية اسرتهم البلد حاتتغير

*****

ياترى بقى انت كشاب موافق ولا لأ ان البنات تدخل الجيش ؟؟

وانتي يا بنوتة تحبي تدخلي الجيش ؟؟ وليه ؟

وتفتكري هيجي اليوم اللي نقول فيه ياريت اللي جرى ما كان و ياريتنا ما دخلنا الجيش ؟؟

أيا كانت النتيجة احنا قدها وقدود ولا ايه يا بنات ؟؟؟

بصى بقى انتى استفزتينى بالموضوع ده
انا بقى راجع تانى عشان لو رديت دلوقتى مش هطلع كل اللى جوايا
لان الموضوع ده عاوز مخ فاضى دلوقتى وانا هعمل حاجه كده وهرجعلك
مكانى محجوز ماشى

لا طبعا ازاى البنات تدخل الجيش اه تتعلم تدافع عن نفسها او تحمى نفسها بحركتين اتلاتة لكن انها تدخل الجيش وتتعامل زى الولد لا طبعا شى مش مقبول حتى هيبقى مضر ليها جسديا وروحيا وهتفقد انوثتها مع الوقت هذا وهفكر اكتر وهارجع لك:-h

انا عارفة ان الموضوع مستفز لناس كتير

ع العموم انا منتظراك يا امينوا2
ومستنياكى تانى يا اريج
ومنتظرة رأى باقى شباب وبنات المنتدى

كنت بفكر من زمان في الموضوع ده

أنا عن نفسي مستعده للخدمة العسكرية ..

بس مينفعش معايا (الطاعة العمياء)

هتنرفز عليهم وتقريباً هتحبس لنهاية الجيش ويمكن لنهاية عمري 8-x

وتقريباً كدا الجيش بيعلّم الصبر والذل كمان !

بس الأكيد إني هوافق على خدمة بلدي .. بغض النظر عن اي حاجة

والسنة دي فعلا كان نفسي أقدم في تنسيق الكليات العسكرية

بس مافيش إناث ولا التخصص بتاعي .. :(

مش هيأس برضه وهحجز لِك معايا يا أماني :)

انا شايفة ان الجيش فعلا لازم يكون قاسى وصعب عشان يعلم الصبر وماظنش انه بيعلم الذل
لكن ممكن من منظور تانى اننا نتعلم الطاعة وتنفيذ الأوامر للى اكبر مننا لأنهم اكيد فاهمين اكتر مننا

و معانا اول بنت موافقة ع الخدمة العسكرة للبنات :d
وشكرا ليكى انك هتحجزى لى معاكى
وشكرا لردك ومرورك

هو قوى الموضوع يا أمانى وأنا معنديش مانع طبعا وزى ما قولتى حاجات خفيفة وممكن يكون ليهم اماكن تدريب لوحدهم وأنا مش شايفه فيها حاجة خالص وبعدين الولاد لازم يتقبلوا الوضع الموضوع بسيط جدا وطالما اختيارى مفيش مشاكل وبالنسبة انه بيضيع سنة من العمر فانا مش شايفة غير ان طالما اننا مش فى حاله حرب مش لازم نعمل اكتر من الاحتياط والحزر لان برضة العدور مش سهل يعنى وتسلمى بجد على الموضوع

انا ضد الرأى اللى بيقول ان الجيش تضييع وقت وان الشباب لو مادخلوش الجيش هيحققه مستقبلهم اسرع
لكن اصلا المعظم بيضيع من حياته سنين وهو واقف مكانه من غير ما يستفيد اى حاجة
وخدمة الجيش واجب فعلا
ولازم دايما نكون فى حالة استعداد ويكون فى جيش قوى مستعد
العدو ش سهل فعلا ولا بيحترم معاهدات سلام

ولو الفكرة محل تنفيذ اكيد هتتنفذ بالشكل الصح

شكرا سمسمة

لأ إتأكدي من كده .. للأسف بيحصل وأكتر من كدا كمان

اه على فكرة الجيش بينشط الخيال (بما ان في صحر وقمر ونجوم...) !!

يا جماعه جيش ايه الى تخشه البنات

هو انتوا مفكرين الى رايح الجيش دا طالع رحله

فى الجيش يا جماعه الواحد بيتعصر عشان يقدر يتحمل ظروف الحروب القاسيه جدا وانا متاكد ان البنات ما تقدرش تتحمل تدريبات الجيش



اكيد طبعا البنات ما تنفعش خاااااالص خالص وبكل المقاييس للمهام القتاليه فى الجيش اظن انكم عارفين ليه ومش محتاجين منى انى اقلكم ع الاسباب

بس ممكن يكون للبنات دور فى الجيش وهو دور مهم جدا جدا جدا

وهو دور العلاج والتمريض انا شايف ان الدور دا لا يقل اهميه عن الدور القتالى للرجال وينفع جدا البنات تقوم بيه

وعلى فكره دا موجود بالعفل

بصراحة امنية حياتى انى ادخل الجيش
انا عايزة اضيف حاجة كمان
ودى حقيقة
فى حرب 73 اكتشف المصريين ان فى الطيارات اللى وقعوها
كان فى بنات
وانا من رايى ان البنت تقدر تعمل كل حاجة لو هيا كان عندها ارادة

يارب تحققى امنيتك

والله يا ريت

خلاص ممكن تعملوا
اتفقيات تبعا لمبادئ الحفاظ على حقوق المرأه
وممكن اى امرأه فى مجلس الشعب تعملوه مشروع قرار وممكن
يتحقق ليه لاء
مفيش حاجه اسمها مستحيل

البنات بتطالب بالمساواة في كل حاجة الا حاجة زي كده

واي بنت بتقول مستعدية ونفسها تدخل الجيش ... انا متاكد انه مجرد كلام وساعة مايتنفذ فعلا هتلاقي الكلام ده اتعكس تماما

هي البنات عموما ده تفكيرهم

وبعدين الممنوع مرغوب

وبعدين ده الحاجة الوحيدة اللي استحالة تتحرك فيها المراة وتطالب فيها بالمساواة

والايام بيننا

آسف

فى ذل فى كل مكان حوالينا يا وهم
واهو مفيد بالنسبة للبنات كمان
الخيال مهم بردو فى حياتنا :d

واجب التمريض موجود فعلا فى الجيش
لكن البنات تقدر تقدم اكتر من كدة
ولية البنات كمان ماتتعصرش عشان تتحمل الظروف القاسية
لية دايما واخدين فكرة عن البنت انها لازم تكون دلوعة وضعيفة
البنت ممكن تكون اقوى بكتير من اللى رسمينه عنها فى خيالنا

شكرا إسلام لمرورك وردك

تول ولد يكون موافق
شئ هايل
فعلا فى دول غربية بتجند البنات وزيها زى الولد بالظبط
وبناتهم يعنى مش اجمد من بناتنا
ولا اية
؟؟
شكرا تيوتا ع رأيك

نونتى
هناخد معانا ان شاء الله عشان تحققى امنيتك
طبعا البنت لو عندها ارادة هتعمل المستحيل

اوعدك بدة
كل حاجة ممكن
بس لازم نضمن انها تتنفذ صح
بشكل صحيح ومناسب للمجتمع

الموضوع مش مجرد طلب او عند او مجرد مساواة مع الرجل
لا الموضوع فعلا بالنسبة لى اكبر من كدة بكتير
مش مجرد كلام وعند وخلاصزى ما انت بتقول

معاك فى بنات ممكن تكون واخدة الفكرة من مبدا التغيير وحاجة جديدة
لكن مش الكل كدة


لية؟؟!!!
لية بتحاول تقلل من تفكيرنا ؟؟!!
تفكير البنات اوقات كتير بيكون افضل من اى ولد

انتوا رأيكم اية فى الجيش
90% منكم شايفيين انه تضييع وقت
وسنة اللى بقضيها ف الجيش بيشوفها عذاب
ولو مادخلش بيحس كأنه اتولد من جديد

هو دة التفكير الصح ؟؟!!! بالنسبة لكم

كام واحد شايف ان الجيش خدمة وواجب ؟؟!!!!!!

ازيك يا موني
الموضوع حلو اوي اوي اوي تلاته اوي كمان
بس مش عارف محتار في الرد
عاوز اعرف او اوصل البنات عاوزه ايه
1/مش عيب ان المراه تكون ضعيفه ده شيئ طبيعي ومكمن قوه والا مكنش الرسول قال في الحروب لا تاتو ع الزرع والانعام والنساء والشيوخ والاطفال
2/ مش عارف ليه البنات عاوزه تدخل الجيش هل هما هيقومو بحاجه الاولاد مقصرين فيها
ده غير ان الوفات مبتدخلش الجيش كل سنه من الدفعات
وده معناه ان الجيش المصري دايما في كفايه ودايما عندو اكتفاء والا لو احتاجو عدد اكبر كانو هياخدو شرائح اكبر ولما الاولاد يخلصو يفكرو في البنات
3/ ليه بتقولي ان الاولاد مش بيحبو الجيش هو ميتحبش زي الدراسه بس واجب
تنادين اليه من قبل الدوله
ليه عاوزاه خيار متاح قدامك
لو الدوله احتاجتك هتقولك
4/ مهمه جدا
فيه مجالات لخدمه الجيش والبلد صحفي مصور مبرمج عالم كاتب باحث تاريخي مترجم لغات صانع اسلحه صانع مركبات
ياااااااااااااااااااااااا اااااااااااااااااه
انتي ليه عاوزه تبقي في وسط المعمعه ومين قال ان احنا بنشكك في قدره البنات لا بالعكس يمكن مخ البنت اصفى من مخ الولد وعضلات الولد اقوى من البنت
وده ميمنعش ان فيه من الجنسين من يجمع بين المخ والعضلات
5/ يعني سبنا الناس كلها ورحنا لاسرئيل نتشبه بيهم دول اوسخ ما خلق الله ع الارض مين قال انها مجدعه منهم اننا نقتل النساء وانهم يرموهم في النار
6/متنسوش مهمتك الرئيسه في الحياه زوجه وام لاعداد جيل جديد يقدر يكمل المسيره يا ترى خلصتي اللي عليكي كواجبات
علشان تفكري في حاجه بالنسبالك فرعيه وهي الخدمه العسكريه

مش عارف انا طلعت اللي جوايا ولا لا
بس كل اللي نفسي اوصلو للبنات
ان لو وصل الامر وكل رجاله مصر خلصت او قصرو في منح دمهم لمصر والشهاده في سبيل ارضنا في وقت معركه
اكيد اكيد هنلجا ليكم
وبامكانكم الوجود في الساحه السياسيه اعتقد هنستفيد منكم اكتر من الجيش
شكرا اماني ع الموضوع
واعتقد ان كل اللي فات ده
من وجهه نظري
الصغنطوطه
اوي التي لا ترقى الا الى مستوى تفكيري المنخفض

حلو اوى الموضوع يا مونى و مهم
انا و انا فى ثانوى كان نفسى جدا ادخل الجيش و احارب
و بستغرب جدا لو لقيت ولد مش عايز يدخل الجيش او كرهو و لحد دلوقتى بردو بستغرب
و كنت بحس ان لو مش حد عايز يدخل يجبنى انا مكانه و خلاص :)
بس بعد كده بقت بخاف جدا جدا من الحروب و مش خوف عادى لاء ده خوف مرضى مش عرفه ليه و لو شفت صوره دبابه على التليفزيون اترعب :(
بس انا شيفه بردو ان حمايه البلد واجب وطنى على البنت و الولد و انه لازم البنت تتعلم ازاى تدافع عن نفسها بس مش لازم انها تدخل الجيش عشان تقدر انها تعرف تدافع عن نفسها
لاء ممكن تتعلم اى رياضه قتاليه تقدر تدافع بيها مش لازم المصارعه يعنى انا مش بحبها لكن ممكن الكاراتيه دى مش لعبه مستفزه و لا اى حاجه لاء دى رياضه جميله و راقيه جدا :x
بس انا بردو مع ان المرأه تتعلم اكتر عن استخدام الاسلحه و الحاجات بتاعت الحرب - ماعدا الدبابات طبعا - عشان تدافع عن نفسها اكتر فى حالات الحرب
مش هينفع لو جه عدو البيت عندها و عايز يموتها و يمت اهلها لو البيت كله بنات هتقوله استنا لما بابا او اخويا يجى يدافع عنى
هو الموضوع بجد محير شويتين
بس لو فى خدمه جيش للبنات اعتقد انى هقدم فيها :)
مش شرط ان اروح احارب بس لو فى حرب فى بلدنا و محتاجه لازم يكون فى حد يدافع مش هنقف مسلوبى الاراده

شكرا يا قمر على الموضوع
و انا معاكم :)

انا طبعا يا كوكى احترم وجه نظرك
وهى صح للأسف :d

اتمنى اكون انا قدرت افهمك وجه نظرى

شكرا يا مصطفى

رايك معقول وفيه حكمة يا مصطفي :-? :-? :-?

يابنتى جيش اية الى للبنات دة

هو يعنى مينفعش البنت تخدم بلدها الا لما تدخل الجيش

مش منطقى خالص الكلام دة

وانا عن نفسى شايفة ان الجيش بيذل وبيكسر النفس

مع ان المفروض ان اى ولد بيدخل الجيش بيكون فاكر انة هيتعلم ازاى يحب بلدة عشان يقدر يدافع عنها

بس ابدا وعن تجربة لاخويا
عشان اخويا بجد شخصيتة اتغيرت تماما بعد مادخل وخرج من الجيش

واظن يا امانى انتى عارفة اخويا وعارفة شخصيتة اتغيرت ازاى بعد الجيش

شكرا لعى الموضوع
ولو انة استفزنى

طيب موافقة ان البنت تتعلم ازاى تدافع عن نفسها لكن مش شرط انها تدخل الجش
تعلم اى رياضة دفاعية
لكن مش كل البنات متاح ليهم الفرصة انهم يلعبوا رياضة
وانا لما قلت ندخل الجيش نتعمل استخدامات الأسلحة الخفيفة يعنى اللى يناسبنا بردو

واهم حاجة بس تحاولى تبطلى خوف من الحروب
شكرا روكا @};-@};-

لو قعدنا نردد الكلام دة يا ندى
يبقى محدش هيدخل الجيش لبنات ولا ولاد
ودة ما ينفعش
معاكى ان فى شويا اخطاء فى الخدمة العكسرية عندنا
لكن ما ينفعش عشان وجود اخطاء نلغى الجيش دة شئ مهم

وفى ناس دخلت الجيش وطلعت زى ماهى
انا اخويا بعد ما خلص كل فترة بتصل بزمايله وصحابه فى الجيش

فى اخطاء لكن ما بتكونش ع كل اللى بيروحوا الجيش
وخلى بالك حتى لو استفزك
وطلبوا البنات فى الجيش
هتيجى معايا :p:p:p

يمكن حد ما قالش رأيه
اتمنى أسمع اراء اكتر