الراجل ده ولا يساوى حاجة........

اكيد كلنا بنسمع جملة( المراة نصف المجتمع) دى كتير

فى ناس بقى شايفة ان المراة مش المفروض انها تكون نصف المجتمع
ولا تتساوى بالرجل ولا تزاحمه فى حاجة هو يحب يكون المنفرد فيها
الناس دى شايفين انا الست لبيتها وانها تبقى امينة وهو سى السيد
والاسو انه الراجل هو اللى يعتقد كده
بصراحة بيعذب المراة
لدرجة ان فى ناس بيحتقروا النساء

والنوع ده بصراحة ومن غير زعل احب اقوله انت غبى

فى ناس تانية مؤمنين بالديموقراطية فى زمن راحت فى الديموقراطية طبعا
الناس دول شايفين ان من حق المراة انها تتساوى بالرجل
ومفيش مانعابدا انها تبقى نصف المجتمع
عشان هيا النص اللى لازم يكون موجود عشان يكون فى مجتمع

والنوع ده جزء من كلامه صح وانا شايفة انه علطان فى حاجات كتير

فى ناس ساعات بتعامل المراة على انها كائن غبئ او ضعيف القدرات
بس عشان هيا امراة
وبصراحة انا فى واحد وصلى الاحساس ده هو (...........)
وكمان شايفين ان المراة ماتقدرش تنفذ العمل بنفس القدرة والكفاءة اللى
اللى بيقوم بيها الرجل
وناس كتير بيشوفوا ان المراة كائن ضعيف ماتقدرش تتصرف لوحدها
وكمان ماتقدرش تحمى نفسها وحاجات كتير اوى

وباقول للنوع ده بقى:
لو ركزت كده فى المجتمع وبصيت على ستات كتير حواليك واللى انت رايك فيهم كده
هتلاقى ان فى ستات تقدر تعمل حاجة احسن ماانت بتعملها
مع العلم ان دى مش مهمة خاصة للنساء
وممكن بكل بساطة تلاقى واحدة مسكت ضربتك ضرب عمرك ماشفته من راجل
وممكن كمان تلاقى واحدة ارجل منك (مع مراعاة ان لفظ ارجل منك)
مش تبقى شبهك شكلا يعنى اقصد فى الصفات
مش شرط تبقى المراة زى ماانت شايفها كده

انا رايى بقى ان الراجل لايساوى شئ فى المجتمع.......
والرجل لايملك الا جزء ضئيل ضيئل من المجتمع
قطرة فى بحر يملكها الرجل

اما المراة فهى كل المجتمع
وليست النصف
او ليس لها وجود

الرجل اكيد مش سى السيد ولا حاجة
لان المراة هى اللى بتخليه سى السيد

انا مش باقول كده عشان تفكرونى عدوة الرجل
او انى اقوم حرب ولا حاجة
كملوا بس معايا للاخر وخصوصا الشباب الحلوين اللى مش هايعجبهم كلامى

المراة هى كل المجتمع ....... المراة هى كل المجتمع
وانا مش باقول كده عشان بنت لاسمح الله ولا حاجة

انا باقول كده عشان فعلا لازم تبقى دى نظرة المجتمع للمراة
سواء فى نظر الرجال او النساء

وافسر كلامى بان المراة :

عنصر اساسى ومهم جدا فى وجود المجتمع بجانب الرجل بالطبع
يبقى كده الرجل اكيد عنصر اساسى فى وجود المجتمع

تبدا بقى المهمة الكبرى والعظيمة مع ظهور الابناء للحياة
وكل الرجالة مايزعلوش من اللى جاى
لان مع اللحظة دى الراجل بيكون مجرد الة لجمع المال

الام بتبدا تربى اولادها
ودى حاجة ربنا سبحانه وتعالى خص بيها النساء دون الرجال لاسباب كتير اوى
_منها الحنان:
وده اكيد موجود فى الرجل برده بس معروف عن الرجل ان طبيعته قاسية
مايقدرش يكفى ابنه من الحنان فى بداية حياته
لان الطفل بيشعر بحنان امه وهو مازال بداخلها
واكيد الرجل لايمكن ان يحل محل المراة فى الحمل

_منها الصبر:
والمراة بطبيعتها صبورة اكثر من الرجل والدليل على كده انها صبرت على الحمل والالام اللى شافتها واناها تستحمل غلاسة اولادها لما يعيطوا
اقل حاجة الزوج يقولها لزوجته شيلى الواد ده من هنا مش قادر استحمل صوته

_منها كمان القرب:
الام ديما بتكون اقرب لاولدها من الاب وده بيخليها الاقدر على فعل اشياء كثيرة اهمها تربية الاولاد
تقدروا تقولولى قد ايه الوقت اللى بكون فى الاب مع اولاده؟
مقارنة مع الام ولا حاجة

وفى حاجات كتير لا يمكن حصرها

طبعا لحد دلوقتى ناس كتير بيقولوا انى متحيزة نكمل برده لللاخر

ربنا سبحانه وتعالى وهو الخالق والاعلم بحال عباده
نجد انه لم يبعث من الرسل نساء وانما رجال
نقطة يمكن ان يتمحور حولها كل الكلام

لماذا لم يبعث اللى نبيات ورسل من النساء؟
لماذا لم يكلف الله النساء بمهام شاقة مثل المهام التى يقوم بها الرجال؟
لماذا لم يكلف الله الرجال بتربية الاولاد وان تخرج النساء للعمل؟
اسئلة كثيرة

فى ابيات الشاعر الكبير هناك اجابة لهذه الاسئلة
لا ندرى اهى مقصودة ام جاءت عفوية

"الام مدرسة اذا اعددتها اعدتت شعبا طيب الاعراق"

الام وهى المراة بالتاكيد هى مدرسة المجتمع ومدرسة الرجل
المراة هى التى تصنع الرجل
سواء رجلا عظيما او غير ذلك

الله سبحانه وتعالى لم يكلف المراة بالنبوة او بالمهام الشاقة
لانه تعالى كلفها باهم واعظم واشق عمل فى الوجود
كلفها بتكوين المجتمع
والمثل القائل وراء كل رجل عظيم امراة
يفسره الكثير على انها الزوجة
ولكن الزوجة ليست لها اى دور فى حياة الرجل وفى بناؤه
الدور الرئيسى للام
هل هناك وظيفة اصعب من تكوين المجتمع؟
المراة هى التى تخرج للمجتمع رئيسا وعالما وطبيبا ورجالا مختلفين
المراة بثقفاتها وتعليمها تخرج رجالا ذوى ثقافة وتعليم
ولا اقصد بالتعليم والثقافة مجرد التعليم الذى نتلقاه فى المدارس

لو كنت لسة مضايق من كلامى وانا باقصد الشباب طبعا كمل معايا بس للاخر

المراة هى التى جعلتك رجلا
المراة التى اوصلتك لما انت عليه
المراة هى التى جعلت لك احتراما فى المجتمع
المراة هى انت ايها الرجل
المراة هى المجتمع

هى كل المجتمع
وليست النصف

بعد كلامى ده
اكيد فى ناس زعلانة منى كتير
وناس مش عاجبها كلامى
وناس رايهم غير رايى

بس مش ملاحظين ان مجتمعنا انتشر فيه بنات منحلين اخلاقيا
وده نتيجة حاجات كتير ومؤثرات كتيرة
فى ناس ليها مصلحة كبيرة اوى ان النوع ده من النساء يكون منتشر
نساء منحلين اخلاقيا لتكوين مجتمع منحل ايضا

اكيد الناس دول عارفين ايه هيا المراة
وعشان كده بيكثفوا كل جهودهم لتدمير النساء
مش المفروض بقى ان احنا نكون اولى ناس نعرف ان المراة دى هيا كل المجتمع

ياجماعة انا خلصت كلامى
لسة فى حد برده شايف ان كلامى غلط
اكيد كل واحد له رايه
بس ياريت لو فى حد عنده حاجة غلط فى رايه
ياريت بجد يغيرها
احنا محتاجين التغير ده جدا

ومش عايزة حد يزعل منى ياجماعة انا مش عدوة لحد ولاحاجة
وياريت مش اكون تقيلة عليكم

بسم الله الرحمن الرحيم
((للرجال نصيبٌ مما اكتسبوا وللنساء نصيب مما اكتسبن))
مفيش شك ان ربنا كرم المرأة وجعل ليها شانها وحريتها
هو من المنطقى انى هى لبيتها،يعنى من منطق عيالها وكدة وتاخد بالها من جوزها والكلام ده
بس فى عصرنا دلوقتى الموضوع يختلف لان الكل دلوقتى بقى ليه مهنة العمل..
هى تشتغل وكل حاجة وتخدم بلدها وناسها بس اذا لزم الامر تعقد جمب اولادها وشغلها ده ضرر فمن الواجب انها تسيبه لان فى حاجة اسمها اولويات..
والراجل مش سى السيد ولا حاجة...ده احنا نديهم..............:-*

باسم الله ما شاء الله

أنا شايف ان مفيدك فى الموضوع كله من أوله لآخره
هو ولادة الأم لأطفالها
وحنان الأم على أطفالها
والمفروض ان المرأة موجودة فى الحياة لكدا
وكل التوبيك بيتركز فى محور الموضوع ده وعمالة تلفى وتدورى حول نقطـة واحدة وهى حنان الأم

أولا
عاوزك تعرفى أصــلا ان وجودة حوا على وجه الأرض السبب فيه هو سيدنا آدم
لما أخرجها من ضلعـــه

ثانيا
بالنسبة للفطرة اللى المرأة موجودة علشانها أصــلا فى الأرض
وهى الحنان والأمومــة
دى فطرة ربنا فى المرأة أصــلا مش قدرات خارقة زائدة
أكيد الرجل ما يعملهاش
والراجل برضو ليه مكانته وهى الأبوية

ثالثــا
شايف ان حضرتك عمالة تقللى من مكانة الرجل , وان الراجل بس محصور فى انه سى السيد

لأ الراجل مش سى السيد بس بدليل انه حالة غريبــة فاتعمل علشانه فيلم مخصوص علشان يوضح ان الراجل ده كان حالة خاصــة

رابعا
المرأة لا تقدر تحارب ولا بتدخل تجنيدولا بتدافع عن الوطن زى ما الرجل بيعمــل
يعنى بالمختصر المفيد
الراجل فطرته القوة والشجاعـة وده ما يمنعش ان الرجال فيهم جزء من الحنان
والمرأة فطرتها الحنان والحنية
وعلى فكرة لما حد بيحب انه يحلل حد أو يخلى حد ينحرف او يعم غلطة
بيسلط عليه امرأة
مش بيسلط رجل
ياريت ما تقللوش من شأن الرجل لأن فعلا الرجل ممكن يعمل حاجات المرأة مش بتعرف تعملها
الراجل ممكن يعمل حاجات المرأة بتعملها بالفطرة والقدرات اللى بيكتسبها كمان
انما المرأة ما تعرفش تعمل حاجات الراجل بيعملها بالفطرة او حتى القدرات الاكتسابيــة

سلاموعليكو

ما بناخدش منكم الا طولة اللسان وعدم المسئولية ادام الكلمة اللى بتقولوها

يمكن عندك حق كتير فى معظم كلامك
لكن انتى زى ما احمد واضح حصرتى كل مهمة المرأة فى الأ/ومة والحنان
ودى مهمة عظيمة جدا وخصوصا فى ظل نتغيرات المجتمع
وان كل ام لازم تعرف ازاى تحافظ ع اولادها وتخرجهم صالحين للمجتمع

لكن كمان با المرأة مكن تقوم بأعمال تانية كتير وتثبت نجاحها كمان
المرأة تقدر تعمل دة بشويا تدريبات خفيفة
مش بتشوف بنات بتلعب مصارعة وجامدين
القوة الجسمانية مش صعب الحول عليها..
بشويا تدريبات

وكمان بنشوف نساء بيقوموا بعملهم بأتقان اكتر من الرجل

ليا عودة كمان مرة

بالنسبة لاول حاجة:
حواء اتخلقت من ضلع ادم علشان لاسباب كتير
منها انهم يقدروا يتفاعلوا مع بعض
وان ادم يكون عارف ان المراة جزء منه يعنى مهمة برده

بالنسبة لتانى حاجة:
المفروض ان حواء تتميز بالحنان وبرده ادم
بس مش زى حوا ومعاك ان دى فطرة ربنا
بس برده فى ايد ادم ان يزود حنانه
وانا مش بانكر دور الراجل ولاحاجة
بس فعلا نسبة كبيرة اوى من الرجالة بقوا عبارة عن الة لجمع المال
وكتير مش بيشوفوا اولادهم الا فى المناسبات
وللاسف كتير برده فقدوا الابوية لانهم اهملوها
وبيفضلوا ان الام تقوم بدور الام والاب معا

بالنسبة لتالت حاجة:
انا مش باقلل من مكانة الراجل عشان هو مكانته كبيرة
انا حبيت الفت النظر لمكانة المراة
واللى كتير من الناس نسيوها ومعظمهم رجالة
ولان زى ماانت قلت ان سى السيد ده حاجة نادرة
كان المفروض ان احنا مش نتاثر بيها
بس للاسف رجالة كتيرة اتاثروا بيها
اكيد مش بيعملوا زى الفيلم
بس بقوا سى السيد العصرى

بالنسبة لرابع حاجة:
انا شايفة ان المراة تقدر تعمل كل حاجة
تقدر تحارب وتقدر تدخل الجيش وتقدر تدافع عن بلدها
بس لان نظرتنا للمراة على انها كائن ضعيف
هى اللى خلتنا نعتقد انها ضعيفة فعلا
هيا يمكن فيها جزء من الضعف بس ممكن تكون اقوى من الرجل

وزى ماانت قلت ان لما حد بيسلط امراة مش راجل
ده دليل على ان المراة لازم نهتم بيها ونحافظ عليها ونقدرها اكتر من كده
ومش نسيب الفرصة سهلة لاى حد انه يستغلها غلط
وانه يدمرنا بيها

وشكرا لمرورك واكيد اختلاف الراى لايفسد للود قضية

شكرا لمرورك امانى
بس انا ركزت على النقطة دى لانى شايفة انها اساس اى حاجة تانية بس مش اكتر

انا موفقاك على معظم كلامك بس كمان المرأءة تقدر تعمل كل حاجة ومفيش فرق بينها وبين الرجال وأمانى عندها حق

بعد إذنك يا " نونتك " بعترض على العنوان

مش معنى إن بعض الرجال مش بيقدّروا قيمة المرأة يبقوا ولا حاجة

لأ هما لهم دورهم في الحياة (بغض النظر عن النداله والخيانه وما إلى ذلك)

وإحنا لنا دورنا .. وشايفه إن حقنا مش ضايع ولا حاجة بالعكس

واخدين حقنا في المجتمع

بغض النظر عن كلام البعض إننا نكاد نكون (ولا حاجة)

ومالناش لازمة غير في البيت وتربية الأطفال ..

والحق يُقال ( في نسبة من السيدات لا يصلحن للعمل)

مش بيكونوا على قدر من المسؤليه في عملهم

وعموماً لو عمل المراة هيأثر على الأسرة .. يبقى بيتها أولى

وأكيد هتحقق ذاتها اللي كانت هتحققه في عملها في بيتها ..

وياريت نسيبنا من كلام جمعيات حقوق المرأة اللي بتنادي

بالمساواة والكلام الفاضي ده ، لإن المساواة موجوده ،

وأحياناً بناخد أكتر من حقنا .

تقبلي رأيي

طيب انا بقى فكرت كتير قبل ما ارد على الموضوع ده لانه بجد مش هنوصل فيه لحل
بس انا عجبنى الردرود كلها وخصوصا فى رد عجبنى اوى بس مش هقول بتاعم مين
اقول انا راييى بقى واللى اكيد هيزعل ناس كتير منى بس عادى
اولا ياست هانم انتى عماله تتكلمى على المرها وكانها الملاك البرىء الطاهر الذى لاتشوبه شائبه ولا يمسه اى مكروه بس احنا لو بصينا على اغلب المشاكل اللى موجوده فى الدنيا كلها سببها المراه بدليل ان اى مشكله بتحصل بين الزوجين بتبقى عشان حاجتين 2 بس اولا الهانم عاوزه فلوس بس الراجل ياعينى غلبان وعلى اده فمش قادر يجيبلها فلوس رغم انه طلعان عينه فى الشغل لاما لو الراجل موفرلها فلوس يبقى فى شك وغيره لحد ماتخنقه منها فيقابل واحده ثانيه فتضحك عليه وهو بده غلبان محتاج للحنان زى اى كائن فتتجوزه او ماشابه ذلك فلو بصينا على سب المشكلتين هنلاى المراه هى السبب
طيب نتكلم على شويه حاجات من اللى انتى كتباها بقى
اى المراه واخده حقوقها كامله وبدليل انها بتدخل مجلس الشعب وبقيت وزيره طب هقولك ماتروحى تبصى كده على المصالح الحكوميه هتلاقى اغلب اللى شغالين هناك ستات واصلا لايصلحوا لهذه الوظيفه وقاعدين يهزروا ومش بيجيبوا غير فى سيره الناس وخلاص
حاجه ثانيه بالنسبه للقوه الجسمانيه اللى انتو بتقولوا بتيجى بالتدريب طب ماهو ربنا اصلا خلق الراجل قوى عشان يدافع عن المراه ليه انتو بقى عاوزين تقلبوا الايه وكمان المراه المفروض تهتم ببيتها وتهتم بنفسها عشان جوزها وبعد ده كله طب تروح تتدور على شغل ده لو لقيت وقت
اقولكوا حاجه انا فى كلام كتير جدا هقوله تانى بس عشان انا كده طولت بس
الخلاصه يعنى ربنا ادى لكل مخلوق ميزات وعيوب وحسب ماتصلح ببتوظف بس اللى انا هقوله بجد ياريت انتو تخلوا بالكوا من نفسكوا بجد بدل مانقعد نتكلم كده وخلاص واهتموا بدراستكوا وشوفوا احنا هنبقى ايه وانتو هتبقوا ايه وده الحكم مابينا بس الكلام ده كله للجميع اقعدوا حوالى اسبوع فى البيت وتابعوا بابا وماما وشوفوا هيحصل فى الاسبوع ده كام مشكله وشوفوا مين اللى هيبقى السبب فيهم واسباب المشاكل دى ايه وبعد كده اتكلموا وقولوا الست زى الراجل
انا اسف لو حد زعل من كلامى بس انا استفزيت بجد ومحدش يزعل من بقى
اوووووووووووووووووووووووف

المجتمع مش ممكن يكون للنساء فقط ومش ممكن يكون للرجال فقط والا لخلق الله نوع واحد فقط من البشر
لكن المرأة في حاجة دائمة للرجل والرجل في حاجة دائمه للمرأة
فالمرأه تعطي الرجل الشعور بالحنان والرجل يعطيها الشعور بالامان
الام تعلم الابناء معني الحب فيما بينهم وتشعرهم بالمعاني الجميلة في الحياة بينما الاب يقوم بحمايه بيته وتعليمهم كيفيه مواجهة العالم الخارجي
من الاخر مش ممكن نقول ان المرأه نصف المجتمع والرجل النصف الاخر لكن نقول ان الرجل والمرأة موجودين معا لتكوين المجتمع

لا يا Amino2 محدش هايزعل منك طبعا ده رايك
وكل واحد بيقول رايه
وانا قصدت ان العنوان بتاع الموضوع يكون مستفز
هو استفز مامتى لما قريته وقالتلى انى عدوة الرجال

بس انا اقصد ان احنا نخلى بالنا من مكانة المراة ونقدرها
ونحافظ عليها من الاول
يعنى ان شاء الله كلنا لما نبقى اباء وامهات ناخد بالنا فى تربية بناتنا
عشان مش يطلعوا نكدين كل همهم انهم يعملوا مشاكل
وانهم يدورا على الفلوس وينكدوا على الغلبان اللى طلعان عينه فى الشغل
لازم ناخد بالنا من كده عشان زى ماقلت قبل كده انهم اساس المجتمع
ولان الام دورها اكبر فى تربية الاولاد وفى تكوين المجتمع
وبكده ناخد بالنا من بناتنا من الاول

وانا شايفة ان العنوان لازم يكون مستفز
واسفة انه ضايقك اوى كده
وشكرا لمرورك
لو مش كان استفزك مكنتش قلت كل الكلام ده