فى رايك مين اللى بيلعب بالمشاعر اكتر الشاب ولا الفتاة ....!!!!

فى رايك مين اللى بيلعب بالمشاعر اكتر الشاب ولا الفتاة ....!!!!

السلام عليكم ورحمه الله وبركاته


ازيكوا يا احلي اعضاء


هناكَ منْ البشر من هوايتهم التلاعب بمشاعر الآخرين

فتجدهُ الشاب يقولُ لِفُلانة أُحبّك ثمَّ يذهب إلى فتاةٍ أُخرى ويقولُ لها نفس الكلام

ثم يتنقّل بين الفتيات كالبستاني الذي يتنقّلُ بين الورود ويسمي حاله جامع الزهور

ويقطف برسائله البنيات فيسميها القطفة الأولى والثانيه والثالثه

هؤلاء النوعية من البشر هم كثيرين جداً ولا حصرَ لهم ولكنْ باعتقادي

الشخصي أنَّ هؤلاء لديهم نقص عاطفي وعقدة نفسية

وكذلك يوجد من الفتيات من هوايتهنَّ التلاعب بمشاعر الشباب والضحك

عليهم فينطبق عليها مثلما ينطبق على الشاب تماماً وقد تصل حقارتهم

لاختطاف الرجال من صديقاتهم لاشباع رغباتهم وهم يعلمون تماما بعلاقه صديقتها

ولكنها تستمر بالوشايه حتى تفرق بين قلوبهم لتسكن قلب الحبيب وتكسر قلوب منحتها

الصدق والحب وهي بمنتهى الحقاره تدنس تلك العلاقات بسمومها كالحية السامه

وفي رأيكم من هوَ أكثرُ تلاعباً بالمشاعر الفتاة أم الشاب

ماهو السبب الذي جعلَ هؤلاء يتلاعبون بمشاعر الناس ولماذا جعلوا

من قلوبهم فنادق ذات ست نجوم فهي تتّسع لمجموعة أشخاص

هل البنت والولد نفس الشي


مستنية ردودكم يا حلوين

اعتقد ان دول بينزلو عن درجه البشريه اساسا يا لولا
معتقدش ان من الصح تصنيفهم اللي بيلعب بالمشاعر ويجرحها يمكن تقولي عليه جماد حيوان لكن لو حس بمقدار ما يسببه في الاخر معتقدش انو هيقدم عليه بس
ازاي يحس اساسا وهو مش انسان
شكرا ليكي لولا ع التوبيك

انا برده مع رايك يا مصطفي وماينفعش نميزهم

والله كله زى بعضه
بمعنى ان فيه شباب بتلعب بمشاعر البنات
وبرده بنات بتلعب بمشاعر الشباب
بس الذكى اللى يميز
وشكرا ع الموضوع

مين اكتر دى منقدرش نحددها اوى فىكده وفى كده بس اكتريه الامثله البنسمعها هى من الاولاد

سلاااااااااااااااام عليكم يا شباب...أسمحولى انا بس جديد معاكو و حابب أشترك ف الحديث بتاعكو...بس أحب أعرف نفسى الاول

أنا وحيد محمد
من مواليد القاهره عام1988
للاسف لسه ف طب ...هاهاهاها
بس مش فاشل أوى عشان محدش يفهم غلط
انا رأى ف الموضوع
ان الشباب يقدروا يلعبوا
أكتر ع البنات
انا عن نفسى بشوف كتير.و ده ليه ؟؟؟؟
حد يسألنى لانهم مشاعرهم سبقاهم وده طبيعه فطريه عندهم
ربنا خلقهم كده
و انا بشوف بنات مثلا و اكيد بتكلم مع بنات يعنى
بس انا بحس فعلا من بعض البنات انهم صادقين
و ده من طريقه كلامهم و ده طبعا (ان صوابعك مش زى بعضها يا مان)
بس
انا مش بحب اضحك ع وحده واقولها كلام
و ف الاخر اوقعها واسيبها
يمكن البعض يقول انهم بنات ومش هيقدروا يعملو حاجه
لأ ..لأ.. البنت من دول لما تنجرح ما بتشوفش قدامها
هههههههههه
و بردوا الشباب اللى بيعمل كده( والله انا مش منهم)
و البنات اللى تتلاعب ع الشباب
دول فعلا أقل من حيوانات
حتا الحيوانات يتبروا منهم
وشكرا ع انكم استحملتونى
ويا ريت نبقا اصحاب

شكرا لمرورك تيفا وتقبل تحياتى

شكرا لمرورك

شكرا لمرورك الجميل

شكرا لمرورك يا قمراية

شكرا جدا لردك الجميل والواقعى جدا واهلا بيك منور فكك كلها ومنتظرين منك مشاركاتك تقبل ارق تحياتى

وأنا أكيد لازم أشكرك ...لأنك أستحملتى تعليقى..بس ده اللى أنا بشوفه حتى ف الجامعه عندنا.. وأنا أكبر منكم ( مش كلكو ) يعنى ناضج
وشوفت كتير ...لغااااااااايه ما شغرى شاب..ههههه

و أن شاء الله نكون كلنا أصحاب
و صدقونى يا جماعا مش هاتخسروا
دا أنا طب يا أخوانااااااااا

نورت التوبيك يا وحيد واهلا بيك للمرة التانية وعلى فكرة تعليقك عجبنى جداااا بجد تسلم عليه
وخلى بالك انا اللى اكبر منكم كلكم انا بلعب فى التلاتين ههههههههههه يعنى فى ناس اكبر منك اهووووووو على العموم شرفت التوبيك واسعدنى مرورك

انا عن نفسى مش اقدر احدد مين بيتلاعب اكتر ع التانى
دلوقتى كله بيلعب ع كله مش بس بالمشاعر بكله
فا صعب اوى نحدد

شكرا لمرورك الجميل ياسووووو

شوفي يا ولاء
احيانا الولد
احيانا البنت
على حسب مين شخصيته اعلى من التاني
و على حسب كمان مين بيفكر يدي للتاني اكتر , في الحالة دي بيبقى الطرف التاني اقوى شوية
بس لو هنتكلم بشكل عام
الاولاد اكتر من البنات

والله رايك زى العسل زيك يا كبير بجد نورت التوبيك وشكرا لمرورك