وجهه نظر في فكك مني...للكبار فقط

إختـــلاف وجهات النظر بين المفكوكين إلى أين ؟؟

بين المفكوكين .. ُنناقش .. ونَختلف .. ونتفارق !!

تنويه : الموضوع ما هو إلا رؤية وهمية سيكولوجية خيالية عن التعبيرعن وجهات النظر

أى تشابه في الأسماء فهــو مقصود بالفعل

البدايــــــة :

موضوع طُرح للنقاش في منتدى حوارات فكك مني

وكان الموضوع عن (البلطجة) ... مظاهرها ، أسبابها ، نتائجها
(محدش يدوّر عليه علشان مش هتلاقوه) !!

المشاركين في الموضوع :

Spider : كاتبة الموضوع .

منار : مشاركه

Whm : مُشاركة .

Krmouty :مشارك

آه لــــو : مُشارك .

سندباد : مُشارك .

Wezoo : مُشارك .

الأدمن : مُشارك .

عضو في التوهان

شريف

ـــــــــــــــــــــــــ ــــــــــــــــــــ

أول مُشاركة : آه لـــو

من وجهة نظري الصغنطوطه أنا شايف إن كل مكان في الدونيا فيه بلطجه مش في مصر بس ويمكن البيئة بتكون سبب البلطجة دي .. وبعدين ياريت يعني محدش يتكلم عن بلدي بالطريقة دي إشمعنى يعني بتحشروا مصر فى كل حاجة ؟؟
ناس غريبة !

ـــــــــــــــــــــــــ ــــــــــــــــــــ

تاني مُشاركة : ويزو

يعني يا تيفا أماني بتتكلم عن البلطجة بصورة عامة وجابت مثال في مصر .. وهي مصر دي بلدك لوحدك ؟؟
يعني بلاش الحمئة التعصبية الوطنية دي
ربنا يكرمك ..


ـــــــــــــــــــــــــ ــــــــــــــــــــ
تالت مُشاركة : سندباد
والله انا شايف يعني مش لها لازمة إن مصر تدخل في مواضيعكم عمّال مع بطال ، كفاية اللى فيها ومش عايزين نتكلم كتير في المواضيع اللى تخنق دي ما إحنا عارفين كل ده
وإزاي يعني يا أماني تقولي إن البلطجة وصلت لأقسام الشرطة ؟؟
يعني لو زوار مش مصريين دخلوا التوبيك ده وشافوه يقولوا إيه إن كل المصريين بلطجية حتى كمان ظباط الشــرطة ؟؟
ياريت نتكلم فى حدود المعقول ...

ـــــــــــــــــــــــــ ــــــــــــــــــــ

المشـــاركة الخامسة

عضو في التوهاااااان : ايه الموضوع الحلو ده ؟؟

ـــــــــــــــــــــــــ ــــــــــــــــــــ


خامس مشاركة : Whm

فعلا الموضوع ده منتشــر جداً

و ياتفاتيفي .. يعني هنتكلم عن البلطجة اللي فين ؟؟ فى الهند مثلا ؟؟
ما ده واقع بيحصل !
ويا كابتن ويزو.. ربنا يكرمك إنت .. بلاش التعصب ده
وبعديين يا سندباد أماني مش غلطانة في حاجة وبتتكلم في المعقول مش ده اللى فعلا بيحصل ؟؟
بس إحنا مش عايزين نشوف غير اللى عايزين نشوفه وبس !!

ـــــــــــــــــــــــــ ــــــــــــــــــــ


سادس مُشاركة : Wezoo
كابتن ؟؟
يا اخت وهم أنا حُر أقول اللى عايز أقوله وأتعصب براحتي طالما الكلام اللى بيتقال مش صح .. وبعدين كُل واحد يحاسب نفسه الأول
قبل ما يحاسب غيره

ـــــــــــــــــــــــــ ــــــــــــــــــــ

المشاركة السابعة
شريف نووي
يا جماعة مش كدا الحياة حلوة ( كبروا الدي وروقوا الجي )

ـــــــــــــــــــــــــ ــــــــــــــــــــ


التامنة
: أماني

يا جماعة أنا بتكلم في موضوع مُهم وكلنا شايفينه وبيحصل .. يعني مش جايبه حاجه من بيتنا
وبعدين يا سندباد
أنا مش بسوّأ سمعة مصر.. يعني مفيش أى غلط في كلامي وابقى اقرا التوبيك تاني وإنت تفهم ....

ـــــــــــــــــــــــــ ــــــــــــــــــــ



قرموطي : ههههههههه
إيه بس اللي بيحصل ده .. انتو سيبتوا الموضوع وبتتخانقوا
اهدوا كدا ياجماعة مش هنقلبها حرب
ـــــــــــــــــــــــــ ــــــــــــــــــــ

آه لو
حمئة إيه يا ويزو دي اللي بتتكلم عليها ؟؟
ياريت بس تخلّي بالك من إسلوبك وكلامك
وإنتي يا وهم .. بلاش إسلوب الإستهزاء ده
ولو هنتكلم عن مصر بلاش نتكلم بالإسلوب اللى إتكلمت بيه اماني في التوبيك ده .. وأنا قولت وخلاص
انا مش فاهم يعني
مفيش حاجه عجباكم في مصر ؟!

ـــــــــــــــــــــــــ ــــــــــــــــــــ

منار :
مش عاجبني إننا نفضل نتكلم مع بعض بالإسلوب ده أنا مش شايفة إن في سبب لكل الكلام اللي إنتوا قلتوه ده
الموضوع مفيهوش غلط في حد ..
دي حاجة وبناقشها وأكيد كنا هنستفاد لو إتكلمنا بهدوء
ـــــــــــــــــــــــــ ــــــــــــــــــــ


المُشـــاركة الأخيرة : الأدمن

جميل أوي اللي بيحصل ده والإسلوب المُحترم اللى بتتناقشوا بيه

الموضوع ده هيتقفل ولما تحترموا بعض وتتناقشوا بهدوء إبقوا إتناقشوا
مش هستنى لمّا تحصل مجزرة هنا في المنتدى
ومش عايز حد يعترض
مات الكلام
:|

(مـــــوضوع مغـــــلق )

------------------------------------

طبعـــاً .. النهـــاية طبيعية


ودي يمكن أقل نهاية ممكن تحصل بسبب إختلاف وجهات النظر
وكل واحد عايز يثبت إن كلامه بس هو اللي صح .. إيه اللي هنستفاده لما نختلف بالشكــل ده ؟؟
مش بقول إن أي حد يقول وجهة نظر يبقى هو صح وإحنا غلط
ليه ما بنحاولش نوّصل وجهة نظرنا من غير تعصب .. أو عافيه ؟؟
فيها إيه لما نقول رأينا من غير ما نجرح حد .. بإسلوب راقي
ونتناقش بهدوء من غير تعصب .. ؟؟

وبعد الإختلاف كل واحد يا إما .. هيتجنب إنه يتناقش مع العضو ده
أو مش هيرد له على مواضيع

أو كل واحـــد هيستنى للتاني على غلـــطة !!



وليه موضوع ليه قيمة نضيعه ( بـــ شكـــراً أو موضوع جميل .. أو غيرها من الكلمات اللي مجــرد تزويد مُشاركات )
وليه أحيانا صاحب الموضوع نفسه هو اللي بيضيع الموضوع على الفاضي ... يكون حد ناقشه في الموضوع
بس للأسف صاحب الموضوع .. رده بيكون صدمة (شكـــراً لمرورك .. نورت الموضوع ...........)

فعلا في بعض المواضيع مش بيبقى لها ردود غير (شكراً)
بس نحاول نناقش بعض على أد ما نقدر
أكيد هنفيد ونستفاد ... وأكيـــد هنتعلم حــاجات كتير
مش عارفينها

كلمة كمان .. ياريت نشجع بعض على كتابة مواضيع بإسلوبنا
تكون فيها أفكارنا وتجــاربنا .. أكيد هيكون لنا مكــان في الإبداع

من غير منقـــول .. أو ملطـــــوش ...... أو .......

متبعدوش بعيـــــد ..إنتظرونـــا

فــــاصل غير إعلاني ونواصل

تنــــويه للمـــرة التانية : الحـــوار اللي بين الأعضاءكان من خيالي يعني الكلام ده محصلش



المقـال ده قريته من فتره .. بس عدّلت فيه بإسلوبي

لنختــــــلف بُحـــــــــــب


يقـــول

الإمام مالك رحمه الله "إنما أنا بشر يُخطئ و يُصيب فانظروا في رأي فكل ما وافق الكتاب و السنة فخذوا به و كل ما لم يوافق الكتاب و السُنة فاتركوه "


فلا ينبغي أن نكون نسخاَ كربونية من بعضناَ البعض و إلا لما تطورت الدنيا و تجدد وجه الحياه.

ما قيمة أن نختلف؟
نعرف أفكــار جديده
نتعلم طرق عرض المواضيع والردود
نوصل لحل المشكله
نعرف إزاي بيفكر غيرنا
هنقوي ثقتنا في نفسنا ونقدر نواجه ونعبّر عن أفكارنا ومشاعرنا ...
نقدر نلاقي حلول تناسب كل واحد فينا .

-------------------------------------------------------

وإذا حدث الخلاف فلنختلف بحب و لنتذكر :-

1- نسارع برد الأمر إلي الله عز وجل والي الرسول صلى الله علية وسلم لقوله تعالي (فان تنازعتم في شئ فردوه إلي الله و إلي الرسول ).

2-إذا لم يستوعب الأطراف الأمر جيداَ فليسألوا أهل الذكر و التخصص لقوله تعالي (فسألوا أهل الذكر إن كنتم لا تعلمون )(النحل أية 43).

3- نلتزم بالتحكيم بينا ونبعد عن أهوائنا ومشاعرنا

4- نتجنب الألفاظ الخارجه أثناء النقـاش حتى لا
يتدخل الشيطان فيفسد ما بينا من أخوّه

5- التــــواضع بينا .. وتقبُل الرأي الآخـــــــــــر

6- الإعتذار عند الخطـــــأ لأن الأمر سينتهي شئنا أم أبينا و تبقي تلك المواقف هي الراسخة في أذهاننا

...............


يا ريت اي حد يرد ع الموضوع بدون عصبيه وبدون اي مناقشه للموضوع اللي بندي بيه مثل لانو مجرد عرض من خيال الكاتب
انا نزلت الموضوع لان الموضوع ده كان هيموت قبل ميتولد وانتظرت فتره الاعضاء كلها بالها رايق وحلوين ومش فيه اي تنشنه واهو بالمره موضوع لو حد مدايق من حد يقولو خلاص يا عم انا بيس
ومش في قلبي حاجه من ناحيتك واذا حصل مني غلط فانا متاسف

كاتب الموضوع
whm

واضع الموضوع
TafaTefe

اي ردود غير مفيده ممنوعه في التوبيك بتاعي
انا متاسف بس انا مش بحب شكرا
وبيس
وقشطه وعالبركه في المواضيع المهمه
وده موضوع مهم من وجه نظري الصغنطوطه

موضوع فى الجووون يا وهم تسلمى بجد

وشكرا يا مصطفى انك عرضته لينا مفروض المواضيع المفيده ..والحواريه دى ما نموتهاش...ومهما كان الرد عليها....كفايه حتى لو واحد يستفيد منها
ومش كل الناس زى بعض....

نجى بقى لنقطه الاختلاف دى.....

مفيش حاجه زى التانيه ابدا فى الدنيا حتى عنين الانسان عمرهم ما بيبقو قد بعض ولا الايد والايد

ولا حتى الرئتين ربنا خلقنا وكل واحد جواه اختلاف جوه نفسه...مش مع غيره بس

كلما عايشين فى مجتمع سوا لازم نساعى بعض نتعلم من بعض....نكمل بعض...

نخلى فكرنا مرن قابل لتغير ....

اكيد مش انا الصح فى كل حاجه ديما ...

ما اتعصبش على الفاضى...
اسمع لرأى فلان ....وفلان ...وفلان

مش ممكن استفيد مش ممكن اتغير مش ممكن

ابقى انسان احسن...مش ممكن....مش

ممكن...مش ممكن.......(الخ)

نجى بقى لثقافه الحوار....

ازاى لو انا حتى مخنوق ومش طايق اللى قدامى

ارد عليه رد يقدر يبين وجهه نظرى وتفكيرى من غير

تعصب ومن غير اى حيازيه

الكامه ثم الكلمه ثم الكلمه

سنحاسب عليها....اولا....

تبين تفكيرى....منشأى....بيئتنى...

تبين ...من انـــــــــــــا....!!


ياريت اللى يقرأ الموضوع يبص على مغزاه

الداخلى مش ياخد الكلام السطحى

يفكر فيه ويحاول يستفيد ....

بجد وحشنى المواضيع اللى زى دى

اللى بيتخرج اللى جوه الواحد ختى لو غصب عنه...

معلش اسفة
هو احنا دلوقتى هاناقش موضوع الاختلاف فى الراى والا البلطجة؟!
طيب على العموم انا هناقش موضوع البلطجة
البلطجة ديه اسلوب وحشى غير حضارى بيدل على التخلف منتشر فى جميع انحاء العالم مهما اختلف مسميته بقى ان كانت عصابات شيكاغو او مافيا ايطاليا او ارهاب العراقيين لبعضهم او الجيش الامريكى
ليه كذا مسمى واكتر اسم بيضحكنى الجيش الاسرائيلى المحب للسلام
ديه كلها مسميات لعمليات البلطجة والوحشية الموضوع اكبر من انه يكون على نطاق مصر بس لان مصر مش بؤرة لكل فساد يعنى اللى بيحصل فيها بيحصل فى كل انحاء العالم واللى افظع منه
بتكون بلطجة القوى على الضعيف الغنى على الفقير الفقير على الافقر وغيرها من الافعال المحزنة اللى بتدل ان سلوك الانسان حيوانى وحشى ولكن بنجد الحيوانات لما تتشاجر بتبقى من اجل الطعام او غيرها من الاحتياجات الاساسية لكن الانسان بيضرب وبيلطج اشباع للحاجة الشعور بالقوة والنفوذ وطبعا ده شعور المرضى النفسيين
موضوع حلو اوى بصراحه تسلم اديك

الموضوع مهم جداااااااا
انا مش هقدر ارد دلوقتى
بس راجعه تانى

اختلاف الرأى لا يفسد للود قضية ..
لكن اخيرا بقا بيفسد الود نفسه

فعلا زادت فى الفترة الأخيرة التنشنة فى الردود وكل واحد يفهم رد العضو ع حسب مزاجه وعلاقته مع العضو دة
ما بنقدش حسن نية ابدا وبناخد ان كل حاجة مقصودة
بنستنى لبعض ع غلطة

ياريت محب بعض اكتر من كدة وكل عضو يعتبر العضو التانى اخوه فعلا ونفهم بعض

ثانيا .. المواضبع المهمة فعلا ياريت لو هيترد عليها بردود مالهاش قيمة يبقى عدم ردك افضل بكتير

ثالثا .. صاحب التوبك يحترم التوبك بتاعه لما تنزل توبك يحترمه اولا
ماياخدش المشاركات القيمة ويقول شكرا لمجرد تزويد المشاركات

شكرا وهم كتير ع الموضوع
شكرا فهمى ع عرضك للتوبك

دي موتتني من الضحك

=)) =))

اما دي فاجأتني للوهلة الاولى فقط
في كل الحالات
انا بدخل اقول المفيد و اخرج
مفيش وقت للمناقشات
:d
توبيك فعلا متميز
بسطني قوي قوي قوي قوي قوي قوي قوي
لانه مش منقول و انما ابداع من ابداعات فكك مني
تسلم دماغك يا وهم
يسلم كيبوردك يا فهمي
و مع السلامو عليكم

تسلم ايد الى كتب والى وضع

وكل الى اقدر اقولة فى الموضوع دة ان التوبيك دة كان المفروض يتعمل من زمان


بس مش من زمان قوى يعنى

اصل من زمان فى بداية المنتدى مكانش فى الكلام دة والمشاكل دى بالكثرة دى

حوارات مستفزة واصطياد اخطاء
كل واحد قاعد فى المنتدى يدور على حد غلط فية

وتعدى للحدود بشكل غير عادى

بس عامة التوبيك دة جة فى وقتة واتمنى انة يغير حاجة

وفعلا الحكاية مش مستاهلة اللى بيحصل دة يعنى بدل مانستهلك الباور الى عندنا فى العصبية والزعيق والتدوير ع الكلام البايخ الى ملوش لازمة

ممكن نستحضر فكرة جديدة او حاجة مفيدة نطرحها على بعض نستفيد منها او نعمل حاجة سوا اهو اى حاجة بقى نقرب بيها من ربنا او نزود بيها ثقافتنا او نتعلم منها ازاى نتعامل مع بعض

وصدقونى الحجات الحلوة دى موجودة وكمان عندنا فى المنتدى بس المشاكل خلتنا مبيقيناش شايفين غير الكلام الفاضى

اعتراف شخصى:
احيانا بدخل توبيكات وبرد بكلمة شكرا ,او تسلم ايدك, او جزاك الله كل خير

بس عامة من وجهة نظرى بحس انى فى الموضوع الفلانى مش هقدر اقول اكتر من كدة او الى انا عايزة اقولة فى حد تانى قالة

بس مبدايا هحاول اكون اكتر ايجابية

بس بمجرد انى اقدر ارجع وانتظم تانى على المنتدى باذن الله كل حاجة هتكون متضبطة


شكرا بجد يا وهم على التوبيك الحلو قوى دة

شكرا قووووووووى يا فهمى على وضعك للتوبيك تسلم ايديكوا يارب

انا فاكر الموضوع وخصوصا انها حصلت بعد كام موقف حصل
ومش عايزين نتذكر المواقف دى

وفاكر انى قريت الرورد
بس انا ساعتها مكنش عندى خلفيه انى ارد واشارك معاهم فى النقاش فعشان كده سبت كلمه موضوع جميل

هعرف العلاج من الدكتور مصطفى محمود

اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/

وانا عندى اكون فى التوهاااااااااااااان افضل من انى اخش خناقات
وخصوصا انى اتعلمت حاجه حلوه فى خناقات المنتدى
( انه اللى يقول الحق يبقى اكبببببببببببببببببببر دونكى )


ماشى يا تفاتيفى عرفنا

وانا كل اللى هقوله تانى


:)]:-b

اختلاف الراى بيفسد الود زى ما قولت يا ( مصطفى او وهم )

كل واحد منا بيشوف الموضوع من وجهه نظره هو بزاويه معينه بتخلتف عن اى حد ولو اى حد متاكد انه صح فى رايه فده ميقولش ان رأيى الناس التانيين غلط
لانى انا شايف انى الحاجه دى صح من نظرى هما كمان شايفين انه صح من نظرهم
فعشان كده واتعودنا على كده ان اختلافنا فى الرأى بيودى لمشاكل بينا والكل عايز يفرض وجهه نظره على اى حد حتى لو كانت وجهه نظره صح او غلط
لازو لازم لازم لازم لازم لازم لازم لازم
كلنا نحترم راى الناس التانيين حتى لو كانت غلط
احنا لينا الحق اننا نقبلها او نرفضها
وعلى فكره حكايه الاختلاف دى حاجه طبيعيه موجوده عند اى واحد شخصيا مش لازم هنا
مثلا اى واحد بيتاقش مع والده فى موضوع ساعات بيختلفوا فى اى رد

يا جماعه انا بتمنى اننا نراعى مشاعر بعضنا فى الاختلافات
عشان الاختلافات دى ممكن تخرجنا عن شعورنا وبتخلينا نتخانق مع بعض

فى جمله انا فاكره من ايام الثانوي فى ماده علم الاقتصاد كلن قالها المدرس


ولو تشابهت ............ ( مش فاكر ايه الكلمه ) لفسدت السلع

ايييييوه
انا كنت عملت توبيك عن الحوار ده



عشان دى بجد اكتر حاجه بتنرفزنى

ادينى قولت رايى بدون عصبيه وبدون اى حاجه وخصوصا انى عمرى ما اتعصبت على اى حاجه بسرعه بس يلا ادينا بندرش وبنستفيد من بعض




ههههههههههههههههههه
هههههههههههههه
ههههههههه

اكتر حاجه ضحكتنى
لان وهم حسستنى انها خايفه بس يلا انت يا مصطفى مننا وعلينا

شكرا :p:p:p:p:p

نتجنب الألفاظ الخارجه أثناء النقـاش حتى لا
يتدخل الشيطان فيفسد ما بينا من أخوّه

5- التــــواضع بينا .. وتقبُل الرأي الآخـــــــــــر

6- الإعتذار عند الخطـــــأ لأن الأمر سينتهي شئنا أم أبينا و تبقي تلك المواقف هي الراسخة في أذهاننا

جااامد

اولا:بجد بجد بجد موضوع جميل اوى وجه ف وقته لان المنتدى بقى كله مشاكل وكل واحد بيستنى كلمة من التانى عشان يكبرها ويعملها مشكلة حتى لو كلمة عادية خالص تلاقية حورها ويقول لا دة قصدة كذا وكذا طيب وهو انت كنت دخلت ف قلبه وعارف نيته وقصدة
بس المهم انه يعمل مشكله وخلاص
ثانيا بقى: شكرا ونورت الموضوع والحاجات دى كلها
اه تتقال بس مش فى المواضيع اللى محتاجة نقاش ولو مش عاوز تتناقش وتقول رايك ماتردش احسن لكن مش تقول شكرا والكلام المستفز دة


المفروض ان احنا نحب بعض اكتر من كدة انا اول ما دخلت المنتدى كان احلى من دلوقتى بكتير كنت بحس ان كل الاعضاء بيحبوا بعض ويخافوا على بعض واخوات بجد ومش مجرد قاعدة نت
بس دلوقتى بجد بجد مبقاش زى الاول:(:(

شكرا اوى يا تفاتيفى ويا وهم ع التوبك الجميل اوى دة وطريقة عرضة جميلة جدا بجد تسلم ايديكوا

انا رجعت تانى
وهم.... انتى بجد وهم
الموضوع حطتيه وماسيبتيش فيه اى نقطه غير لما اتكلمتى عليها
وكمان حطيتى الحلول
من رأيى
لو كل واحد التزم بحلولك واقتراحاتك البسيطه دى والله الدنيا هتكون بخير
انا ساعات لما بدخل اى موضوع مش بحب اقول رأيى
هتعتبروا دة سلبيه بس لأ
انا مش سلبيه
لكن الظروف اللى بتفرض عليا كدا
مره حطيت موضوع وقلت فيه وجهه نظرى
الكل هاجمنى
وكل واحد فهم الموضوع بمزاجه .. رد برضه بمزاجه
ماعنتش بحب اقول رأيى
لانى بصراحه بحب الحياه الوردى
ومابحبش الخناق اللى هو بيكون عباره عن اختلاف آراء
ومش بس مجرد اختلاف آراء
لأ
دة بيكون تجريح وهجوم بين اى حد
ياريت كلنا نفكر كويس قوى قبل مانقول رأينا
والا هتكون كل الردود
عباره عن شكرا ونورت وربنا يخليك

وهم تسلمى لموضوعك
وانت يا مصطفى بجد والله خير ماعملت انك حطيت الموضوع

لما بنضايق من اراء غيرنا يبقي ايه فايدة المشاركة في المنتديات وقرايه التوبيكات
علي مااعتقد ان اهمية المنتدي اننا بنعرف اراس الاخرين في نفس الموضوع ونقارنها براينا ونقرر مين من الراين اقرب للصواب
والي ميعرفش معني المنتديات كده الافضل له انه يصلح دماغه لان المنتديات مش مكان علشان نتعرف علي الناس التانيه بس ونعيش حياتنا
بس بصراحة فيه موضوعات مش بقدر اقول فيها غير كلمة تسلم ايديك علشان بتكون عبارة عن صور او نكت
عموما هحاول اني اخلي دماغي اكبر من كده

(*)

معلش مش هلحق أرّد دلوقتي ، بس إدعولي يكون في وقت

شريف .. يا أصفراتك !!

تفاتيفي .. ونِعم الأخ .. ربنا يعزك .

الأدمن .. شكراً على التمييز .

كل البنات اللي ردوا .. بشكرهم جدا .. في كثافة عددية في التوبيك :)

الموضوع حلو قوى ولازم كلنا ناخد بالنا اننا نتناقش فى موضوع يطرح وانا كنت نزلت اكتر من موضوع فى المناقشات وكنت عاوزة اراء بس للاسف مستفدش حاجة ياريت نبطل جملة شكرة على الموضوع لان شكرا ومرسى وجميل دى فى ازياء او شعر او موضوع من خيال الكاتب او ابداعة اما المناقشات ياريت نهتم بيها ونتناقش بطريقة محترمة وهادية ونحترم كل الاراء ونخرج من الموضوع اما عندنا حل او حتى استفدنا حاجة

والله كل الكلام اللى اتقال مظبوط وميه الميه
ومحدش يقدر يقول انه فى اى حاجه
والحمد لله انا شايف ان المنتدى ربنا هاديه اليومين دول وربنا ما يبجب مشاكل تانى

انا لسه واخد بالى من الموضوع ده النهارده ده بعد ماقالى شريف
بس والله الكلام كله فى الجون
وياريت نمشى عليه
وكله هيبقى تمام التمام
ونقطه الرد على المواضيع دى اتكلمت فيه بدل المره عشره وكل واحد بيفهم غلط
ويعوز يكتر فى المشاركات وخلاص
لحد مازهقت وده سبب من الاسباب اللى خلتنى مخدش بالى من التوبيك لانى مبدخلش قسم الحوارات
بسبب حوار عدم المناقشه ده

عموما احنا لسه برده اسمنا فكك منى وهنفضل بالاسم ده على طول
وفى الاول وفى الاخر كلنا اصحاب واخوات

وشكرا لفهمى على وضعه للتوبيك وعلى وهم لكتابتها للتوبيك

@};-@};-@};-@};-

السلام عليكم ورحمـة الله وبركاتـه

أولا

: تسلم تفكيــرك يا وهــم
: تسلم ايدك يا تيفا اللى كتبت


ثانيا :

المشكلة فى المنتـدى ما بقتش مشكلــة واحدة بس
المنتــدى بقــى فيه أكتــر من مشكلــة
ومشكلة من النوع اللى مالهاش ريحـة اللزمــة

أول مشكلــة :

زى مانتوا قولتوا فى التوبيك المشكلة الأولى هى الردود اللى فيها عصبيــة
كل واحـد دلوقتـى يدخل التوبيك يشوف أى حاجـة مش عـاجبـاه ويتصيدها ويناقشها بشكل هجومـى
وللأسف اللى بيكتب التوبيك برضو يرد عليه بنفس الأسلوب
الا من رحم ربــى
وأبرز الحوارات اللى زى دى كانت فى قسم أخبار المشاهيــر
(الكل طبعا فاهمنــى)
تامر وعمـرو والشخصيات التانية
والمفروض ان اختلاف الرأى لا يفسد للود قضيــة
لألأ ده ممكن يركن الود على جنب خالص وعينك ما تشوف الا النــور

المشكلــة الثانيــة :
اللى حضراتكم برضو اتكلمتوا فيها
وهـى الردود السلبيــة
كل واحد يدخل توبيك
شكرا على التوبيك ،، مشكـور ،، جزاك الله كل خيــر ،، تسلم لمجهودك
وفى توبيكات أصــلا ما يتردش عليها وبيتـرد عليها
وفى توبيكات المفروض ان الرد يكـون نقاش وحوار وافادة
اكتفاء برد من اللى فوق دول
وممكن العكـس
تلاقــى حد يرد على التوبيك وتماام التماام ويبقــى فى مجال للحوار كبير جدا
ومجال للإستفادة
وفجأة ألاقــى اقتباس وشكرا على المــرور

وممكن يكون حد رادد رد مش كويس
او رد خارج وتلاقــى برضو شكرا على المرور
طب ليــه؟؟ فين الأمانة اللى فى كــدا ولا فين بقــى الحوار البناء فى كـدا؟
فدى بتبقــى مشكلة مستفزة ومالهاش ريحة اللزمــة بالمـرة

وعلى قد كدا فى توبيكات ما بتسمحش غير بشكرا وجزاك الله كل خيــر

المشكلــة الثالثــة بقــى ودى الأهــم :

انا عن نفســى ساعات كتير بنزل توبيكات مهمــة ومتوقع فيها ردود كتيــرة
وأبص ألاقــى الأعضاء مش مهتمين ومهتمين بتوبيكات تانية هزار ، مقالب ، نكت ، ضحك ، صور ، وتوبيكات قسم الألعاب .

وفى الفتــرة الأخيرة دى ظهر حكايــة ان فى الأعضاء بيتجهوا لقسم الألعاب

ويكون فى توبيكات تستحق الردود وتستحق ان الواحد يشكر اللى تعبان فيها
وتلاقيه داخل توبيك فى الهزار ويرد وبنفس مفتوحــة أوى

مش معنى كلامى انك ما تردش على توبيات الضحك والفرفشة ، بس يعنى بيقولك :
( اللى أخدته القرعــة ،، تاخده أم الشعــور)
مش كدا يعنى وما يبقاش كدا يعنى
تيجى ازاى يعنــى

وفى الختام
بحب أشكر اللى وضع فكرة التوبيك ده
والى كتب التوبيك ده
من زمان محتاجين توبيك زى ده يفوق المنتــدى
وكل أصحابى وحبايب قلبــى فى المنتــدى على المجهودات الرائعــة
وكل سنة وانتوا طيبين (مش عارف بقــى بمناسبة ايه)
ويارب دايما بخير متجمعين فى فكك منى
وعيلة واحــدة وحبايب دايما ومافيش اى خلافات بيننا

شكرا شومي ع التمييز وشكرا لسعه صدر كل الناس اللي ردت ع الموضوع ووقتهم في الرد
بجد بجد
انتو كلكم عيله جميله ومحترمه وكمان واعيه ومثال كويس الى حد ما لشباب ناضج مش زي ما الناس فاكرانا
شريف اول مره اشوفك بترد كتير كده ما شاء الله عليك وكانك كنت مستني الموضوع
اعتقد الموضوع اتقتل كلام والناااس قريته مع الرغم من طوله
وكمان زي ممنى قالت ان الموضوع مشكله وعرضها وبرضو حلها في نقاط واحد واتنين وتلاته .....
بجد روح جامده اوي مننا واهو مثال كويس للنقاش وكمان للتزويد وكل واحد شايف حته زياده او معترض ع حته معينه بيقول انا شايف كذا
ومتفقين ان فيه مواضيع صور او ما شابه تجبرنا ع الردود القصيره ومش ممنوعه ابدا بل مطلوبه
بس طبعا مننساش نعطي مواضيع النقااااش حقها
جولييت حبيت بس الفت نظرك لحاجه مواضيع الشعر المكتوبه من قبل الاعضاء او الخواطر وان كانت مش جيده فهيا بتكون حاله نفسيه لينا ومش بنبقى قادرين نفضفض فبنكتبها وبالتالي لا تقل اهميه ع ن المواضيع الحوارات والنقااااش
وحتى عرض اراء او نصيحه بخصوص الموضوع
شكرا ليكم كلكم ع الرد والمتابعه

لو سألتك انت مصري تقولي ايه ( قولي فكك مني ) >:d<>:d<

تسلم ايدين اللى عمل واللى شارك فى الموضوع ده
انا بقى هتكلم عن البلطجه بطريقتى
بس الاول كده هو يعنى ايه بلطجه
البلطجه دى تعريفها من وجهه نظرى
(هى اخذ شىء او فعل شىء خارج عن الشرع والقانون بدون رضى جميع الاطراف )
طيب بس لو بصينا عن التجاوزات اللى بتحصل فى كل مكان هنلاقى دى طبيعه فى الانسان انه بيحب السيطره وعشان يبقى مسيطر لازم الناس تخاف منه طب يخافوا منه ازاى اكيد بالبلطجه
طيب لو بصينا للانسان البلطجى هو فى حد بيحبه او بيحترمه اكيد لا
فى نفس الوقت البلطجه بتفنع فى بعض الاحيان ازاى
لما يبقى فى شخص ضعيف ومش قادر يرجع حقه اللى حد خده منه بيستعين بالبطجه عشان حقه ده يسترد انا مش برجح ده طبعا بس دى مجرد راى برضه
فا القصه اصلا فى النهايه بتعتمد على اسس التربيه الصحيحه او الخاطئه
بالنسبه بقى لفكره ان فى ناس بتدخل ترد بشكرا او التوبيك لو او كده انا بكره الردود دى لانى من النوع اللى بحب النقاش
فكويس انك نبهت ليها
فكره بقى ان صاحب الموضوع يرد على المشاركات ويقول شكرا لمرورك
الكلمه دى تتقال اه بس لو كان الموضوع مش نقاش يعنى صور نكت اى حاجه من البسيطه دى
انما لما يكون موضوع كبير وفى اراء ومناقشات يبقى لازم يعلق على ردود الناس تعليق متناسب مع الكلام
والرد ده بتاع شكرا لمروك خلانى سبت موضوع كان مكون من اجزاء انا قريته وكان كبير جدا وله اجزاء ثانيه فانا علقت على اللى انا قريته ولخصته ومستنى راى صاحبه الموضوع فى النقاش لقيتها بتقولى شكرا لمرورك فسيبت الموضوع خالص ومدخلتوش تانى
دى راى بشكل مبسط جدا فى البلطجه وفى المشاركات
شكرا ليكوا جميعا

منااااااااااار

ردك عجبني جداً .. مغلطتش لما تصورت ردك اللي كتبته في الموضوع

بالنسبة لثقافة الحوار .. للأسف بقت ثقافه متدهورة ، مجرد إسم فقط !

بس الأهم من ثقافة الحوار (من وجهة نظري) الموضوع اللي علي اساسه

هينشأ الحوار .. بعض الأحيان بتكون مواضيع لا تستحق الجدل

وأحيانا بتكون لا تستحق الحوار أساساً (لتفاهتها ) .

الدنيا كبيرة اوي وفيها كتير بس احنا اللي بنحبس نفسنا في أوضة فاضية وبنوجه إهتمامنا للقشور!!!!!

شرّفتِ رؤيتي يامنووووره .

مع اني مش بحب ألفاظ بيس وقشطة

بس بيس مع تنشيط للموضوع

طبعا اول مره اشوف الموضوع يمكن علشان كنت مسافر فى الفتره اللى فاتت
بس احب اقول حاجه الاول ان الموضوع جميل جداااااا الفكره حلوه
جابت من الاخر يعنى بينت حاجات كتير منهابيحصل زى الردود اللى بتكون فى الغالب بتكون شكراااا جميل
رغم ان الموضوع ممكن يكون محتاج اننا نتناقش ونقول راينا انا واحد من ناس وصلت لى فى فتره انى مش بقرأ كل الموضوع وده لى اسباب شخصيه وان شاء الله هتختفى
تانى حاجه الرد بتاع العضو اللى كاتب الموضوع يا اما شكر نورت التوبيك وده مش لازم يكون برده فى موضوع
فيه نقاش ممكن يكون الرد احسن انه يقول ويسال ويكون كل عضو رد على الموضوع قراه كويس
عارف بيتكلم عن ايه يرد كويس ويهتم انه يعرف الرد بتاعه مثل ايه بنسبه ل واضع التوبيك
اما بقى الحوار اللى بيحصل فيه زى ما تيفه ووهم بينوا اللى بيحصل لو حصل نقاش كل واحد
فينا عاوز يثبت انه هوا الصح يبدا الموضوع بنقاش عادى وينتهى بمأساه واكيد كلنا شوفنا امثله لى كده
لازم يبقى الحوار راقى زى ما بيقولوا راقى باخلاقى
يعنى حوار يبين ان فيه ناس بتفهم عارفه يعنى ايه هوا اسلوب النقاش مافيش لفظ خارج يجرح حياء حد لازم
ناخدج بالنا من الموضوع ده
فى النهايه
1- رد فعال
2- نقاش باسلوب راقى
3- الاهتمام بردود الاعضاء ومناقشته لو احتاج الامر