نفسك ايه يتغير في مصر ؟

السلام عليكم و رحمة الله
اتمنى من خلال هذا الموضوع ان يشارك كل من يحب مصر سواء من اهلها او من خارجها
و يدلنا على احد الاشياء او العادات او الممارسات او القوانين او السياسات ....
التي يرى انها اكثر الاشياء ضررا بمصر و المصريين
ربما بعدما نتفق عليها نتفق معا على كيفية تغيرها
من اجل مصر افضل


و اسمحوا لي ان ابدأ واقول ( الواسطة )
اكتر شيء بكرهه في مصر
عايز تتدخل كلية عسكرية بالواسطة
عايز تتعين معيد بالواسطة
عايز تسافر بعثة بالواسطة
عايز تشتغل في اي وظيفة بالواسطة
عايز تخلص ورق بالواسطة
عايز تتعالج بالواسطة
عايز تكسر جميع انواع القوانين و ماحدش يحاسبك بالواسطة
عايز ........... بالواسطة
عايز ........... بالواسطة
عايز ........... بالواسطة
امتى اشوفك يا مصر ماشية من غير واسطة

بصراحة نفسى شوارعها تبقى نظيفة
والناس تعمل لكدة
نضيفة فى كل حاجة
حتى الناس
تكون نضيفة كدة وتصرفاتها متحضرة وجميلة

الامبلاة اللى بقت موجودة فى كل حتة
بجد كل حاجة بقت فيها لا مبلاة بطريقة مستفزة اوى
فى اى مجال
وفى اى مكان
وفى كل حاجة

يا ريت فعلا النظافة تكون موجودة ودى بجد اهم حاجة البلد اتبهدلت بقت بجد حاجة مؤرفة شكرا لمرورك الجميل يا امانى

بيتهيالى ان اللامبالاة هتفضل موجودة وبقت دلوقتى عند كل الناس
شكرا لمرورك ذكرياااات

صعبه شويه
الحوار ده شغال من زمان اوى
مش من يوم ولا اتنين ولا هوا ظاهره جديده علينا
لا ده من زمان زمان يعنى
فاحوار انه يتغير دى صعبه شويه
هوا المشكله اللى بقت فيه
ان الظاهره دى بقت تزيد بغباوه

فاربنا يستر على اللى جاى
وبصراحه انا نفسى تختفى خالص بس انا عارف انها صعبه شويه


فى ناس على فكره لحد دلوقتى رافضه النظام ده وعمرها ماعملت ولا مشيت بيه ابدا
بس نادرين اوى اوى اوى

اللى بيصعب عليا فى الحوار ده
ان لما يكون واحد احق بمكانه وجدير بيها
يجى واحد بكل سهوله وبساطه ياخد مكانه وده ليه
بسبب الوسطه

بحبك يامصر :x

عندك حق فى كل كلمة يا محمد بجد حاجة بتبقى صعبة اوووووووى لما يكون واحد فى منصب ووصله بعد عذاب وييجى واحد تانى ياخد المنصب ده بكل سهولة فعلا شكرا لمرورك ميجوووووووووو

نفسى ما يبقاش فى حاجه اسمها واسطه
ونفسى الناس اللى بقالها كتير على الكراسى تتغير علشان نحس بالفرق
ونفسى المستوى المعيشى يرتفع علشان الناس تفوء من اللى هما حطنا فيه ونحاسب ولاد........

من ناحية الناس اللى عاوزها تتغير اااه ممكن تتغير بس هييجى ناس الله اعلم بيهم هى البلد كلها اساسا بقت كوسة شكرا لمرورك

العيب مش في مصر العيب في المصريين ..لو احنا قربنا من ربنا ومشينابالكتاب والسنه ورعينا ربنا في كل تصرفاتنا هنبقي احسن شعب في العالم وبالتالي احسن بلد في الدنيا كلها
بحبك يا مصـــــــــــــــر:d:d

شكرا لمرورك حساااااااااااااااااام وشكرا لكلامك

نفسى مصر تبقا دوله اسلاميه بجد و تطبق الشريعه الاسلاميه
و الاعلام اللى فيها ده يتغير اللى مش بيدعو لحاجه غير للفساد و الاضمحلال و تخريب عقول الشباب
و يعرف انه فى دوله اسلاميه المفروض انه ينشر الاسلام و يحسن الصوره الذهنيه للمسلمين
مش انه ينشر تعاليم الغرب و يبث صوره سيئه على المسلمين و يؤكد اما ان المسلمين ارهاب او انهم أناس منحلين
المشكله انه كل شويه الحاله بتسوء اكتر و اكتر
استر يا رب

ربنا يستر على مصر بجد وشكرا لمرورك روكا

طيب واضح اننا هنحلم لحد مانصحى على كابوس
انا بقى ههختصر وهقول كلمتين بس
بحبك يامصر وبحب نيلك
بحب اللى يسيبك ويرجع تانى ويجيلك
بحب الحضاره شويه حجاره خو وخفرع وهرم سقاره
سؤال هام
هو كل اللى حلمتوا بيه ده
تفتكروا ليه معداش على مصر

نفسى اشوفك فى كاس العالم لاننا لو دخلنا كاس العالم يبقى نقدر نعمل كل حاجه
ههههههههههه
ياشيخه بلا كلام فاضى كله ومفيش حاجه بتحصل

على فكرة مصر احسن بلد فى الدنيا بس حكامها ووزرائها هما اللى مبوظين الدنياااا شكرا محمد لمرورك