سؤال سمعته وحيرنى

انا سمعت سؤال من حلقه تامر وشوقيه ولفت نظرى اوى

بيقولك لو واحد حب اخت صاحبه يمشى معاها الاول ولا يتقدم الاول وبعدين يبقى يعرفها ؟

اولا:- يعنى ايةيمشى معاها
اللفظ دة اصلا غلط
هو لو بيحبها بجد بجد اكيد لازم يتقدملها لانه صاحبه وعارفه
ومش شرط كمان تكون اخت صاحبة ولو اى واحدة حتى
لازم يروح يتقدملها لانه كما تدين تدان
ولازم لاى حب نهاية ودى النهاية الطبيعية

حوار يمشى معاها دة فى كل الأحوال غلط جداااا سواء كانت اخت صاحبه او واحدة تانية
الفكرة نفسها مرفوضة

تعبير يمشى معاها دة رخم اوى
هو لو حبها بجد لازم يتقدم لها الأول وبعد كدة يعرفها
شكرا

بصى انا فاهم قصدك
بس موضوع الصاحب دة بالذات بيبقى حساس اوى
بس فى صحاب مابيهمهاش ولا بتقدر دة
وبتدوس ولا بيهمه صاحبه ولا اخته
بس هو لو انسان صح
وصحبه صح
اكيد لازم يكون العلاقة رسمى علشان يحافظ على صاحبه ولو ناوى يتسلى يبقى بلاش اخت صاحبه

مرسى ليكم جدا بس انا قاصدى من كلمه يمشى معاها ياعنى يتعرف عليها او يخرجو مع بعض او كده ياعنى مش قاصدى حاجه تانيه

الفكرة اصلا غلط اخت صاحبة او لا فى الحالتين تقدملها والله احسنة واحسنلها

اظاهر كده انه لازم يتقدم الاول

اعتقد انه لازم يتقدم لها الاول
وبعدين علي راي اختي الخطوبة شرعت للفسخ
وبعد كده لو ماتفقوش يبقي يسيبوا بعض ... يعني يعتبر الخطوبة فترة للتعارف علي بعض بشكل رسمي ...

او ك مرسى ليك جدا

كلمه تمشى دى وحشه اوووووى
ولو انت بتحب البنت تدخل الباب من بيته مش تعمل زى الحرميه ودخل من الشباك يعنى من الاخر تتقدملها
وتسلم ايدك على التوبيك

اوك مرسى على الكلام وانا اسفه لتعبير كلمه
يمشى معاها انا ذى مسمعت كتبت ادى كل الحكايه

اخت صاحبه
زيها زي اي بنت في الدنيا
يعني اللي هيتعمل مع اخت صاحبه
يعمله مع التانية
و اللي هو حاجة من اتنين
لو امكانياته مش جاهزة بس جرئ شوية يفاتحها في الموضوع , لو موافقة , يعرفها ظروفه لحد ما يقدر يدخل من الباب عطول
لو امكانياته جاهزة و بيتكسف يبقى عليه و على الباب برده
بس كده
انما كلمة يمشي معاها دي فعلا صعبة قوي
سواءا كده او كده
مع انها طبعا بتكون اسهل لو الشخصيات مفيش بينهم علاقات زي اخت صاحبه و هكذا

حكاية اللفظ مش مهم يمشى معاها
يخرج مع بعض
يجماعه هى قصدها
الجوهر بتاع الموضوع
وليس اللفظ
كل واحد يختار اللفظ اللى هو عاوزه
بس المعنى واحد وكلنا عارفينه
كل الحكايه
ان احنا عوزين لفظ يكون ملفوف فى كيس سلفان
وعليه بوكيه ورد
علشان يعجبنا
سواء خاطب
او يمشى معاها( يتعرفوا على بعض)
اذا كانت تهدف الى بداية قصة حب
فاللفظ متعدد
والمعنى واحد


اما عن رأى
لسه بدرى خاااااااااااااااااااااااا لص
ستؤجل القضيه لحين الوقوف على الرجلين
وابئا محامى مشهوووووووور

كل كلامى ده
اللى عمال اعجن فيه
هو اللفظ متعدد
والمعنى واحد

مشكوره على الموضوع
وتقبلى
تحيااااااااااااااتى
وتحيات
فكك منى
toyota

مرسى ليك يا درش على كلامك

ومرسى مووووووووووت لتيوتا علشان انت الوحيد الفهمتنى
وهو ده الكان اقصده بالملى شكراااااااااااااااااااااا ليك مووووووووت

لا هو ياخد رايها الاول
لو هى متقبلاه يبقى يقول لاخوها
بس الاول لازم هو يكون قادر على الخطوبه يعنى مش عيل
لان مفيش حد هيسيب اخته تعرف صاحبه وهو ساكت يعنى
انما لو مفيش امكانيه لكده يبقى ينسوا الموضوع خالص لحد ما الظروف تتحسن
انما ان ولد اصلا يمشى مع بنت فده غلط