اغنيه من كلماتي (خطفت قلبي )

خطفت قلبي
خطفت قلبي بنظره واحده في حاجه شدتني ليها
في حاجه في شكلها وملامحها دوبتني فيها
كانت فين من زمان ...
من زمان وبقول لقلبي ياقلبي عيش وحيد
لحد ماجاتلي هيا اااه جت من بعيد
كل حاجه فيا اتغيرت قدام عينيها

ياريتني اعيش ...

اعيش العمر كله معاها مش مع حد غيرها
مطمنلها وطول الوقت كلامي كله عنها
سلمت خلاص ياقلبي وبقيت بين ايديها
شوفت فيها صورة ملاك مش من الدنيا
ماشوفتش زيها ولا هتشوف يوم عينيا
كانت فين من زمان...
من زمان وبقول لقلبي ياقلبي عيش وحيد
لحد ماجاتلي هيا اااه جت من بعيد
كل حاجه فيا اتغيرت قدام عينيها
ياريتني اعيش ...
اعيش العمر كله معاها مش مع حد غيرها
مطمنلها وطول الوقت كلامي كله عنها
سلمت خلاص ياقلبي وبقيت بين ايديها

دي اجدد اغنيه انا كتبتها ياريت اعرف رايكوا فيها بصراحه واتمني انها تعجبكوا
شكرا

بص يابنى انا بصراحه لحد قبل الاغنيه دى مكنتش مقتنع بيك كشاعر
بس بصراحه لما لقيت التازن فى الكلمات ده ولقيت الرومانسيه اللى فى الكلام ولقيت الاحساس الصادق اقتنعت بيك
ويابنى والله لازم تعرض اعمالك بقى وتلحق نفسك من دلوقتى
وانت بجد تستاهل ده انت بتكتب كلمات والله فى شعراء كبار مبيكتبوهاش ولا بيعرفوها اصلا
بجد تسلم ايدك ياهضبه

والله يا محمد انا بشكرك جدا وانت طول عمرك من الناس اللي بتشجعني حتي لو كانت في حاجات مش حلوه بكتبها بس كنت بتشجعني علشان كنت شايف فيا حاجه وربنا يخليك ع الكلام الجميل ده يامحمد

حلوه اوى ومليانه احساس بجد

تنفع بجد:d

ميرسي ربنا يخليكي وشكرا علي رايك الجميل وياريت دايما تنوريني

والله جميله ...
تنفع اغنيه رقيقه ...
ناقص بس تلحينها ...
وانت اللى تغنيها ...

ربنا يخليكي
والاغنيه جاري تلحينها
شكرا لرأيك

طبعا انا يا حسام حافظها لان انت كاتبها قدامي وعلي فكره يا جماعه الاغنيه دي ليها موقف حصل
وحسام واحنا قاعدين مع بعض فجأه لقيته سرح مع نفسه وكتبها واظن ان انت يا حسام عارف رايي كويس فيك وفي الاغنيه لان بجد الاغنيه تحفه تحفه تحفه وربنا يوفقك والي الامام دائما

جامد ياحسام والله
مستنى اسمعها منك بقى

جااااااااااااامد يا حس حوس ايه ياواد الحلاوة دى
لا انا كدا صدقت
ولحنها بقى علشان نيجى نسمعها عندك=d>=d>=d>=d>

لازم تسيح يعني يا جاسر ماشي
ربنا يخليك يا جاسر علي كلامك الجميل
وانت والله يا جاسر اكتر حد بيشجعني وبيديني ثقه في نفسي
ربنا يخليك ليا يا صديق عمري

ربنا يخليك يا ميجو وان شاء الله هسمعهالك ده انت تؤمر

ربنا يخليك يا حووده وشكرا علي كلامك الجميل
وان شاء الله الحنها واجيلك لحد عندك اسمعهالك

جامده اوى