هو كله منقول منقول ؟؟

حــــــالة من الهبوط الحاد في مواضيع المنتدى

99.5 % من المواضيع منقوله بالنص من المنتديات .. بعناوينها ..

بصورها .. بسلطتها ببابا غنوجها

وللأسف المواضيع بتتكرر مافيهاش أفكار جديده .. ولا فرصه للنقاش

مجرد كلام ونصايح شبعنا منها

وحتى لو في نقاش .. صاحب الموضوع بيزهق وميكملش موضوعه

( أنا عندي نفس المشكلة بس مشكلتى في ضيق الوقت )

نرجع للموضوع

مع إحترامي للأعضاء

ألاقي واحد ممكن ينزل أكتر من 5 مواضيع في يوم واحد 8-|

هو علشان المنتدى يشتغل يبئا كله منقول ؟؟

ياريت لو في فكرة عن موضوع معين نحاول نكتبها

لإن بصراحة المواضيع المنقوله مملة جدااااااا والمنتدى بيبئا ممل

وتقريباً ناس كتير خلّصت إمتحاناتها

وياريت الإدارة تحد ولو لفترة من المواضيع المنقوله ..

وهوا بصراحه الفتره اللى فاتت كانت فتره امتحانات ياوهم وان شاء الله
الاداره ناويه تعمل نظام جديد هيبقى كويس هيخلى المنتدى احسن
وان شاء الله شومان هيبدا نعمل موضوع نحط فيه اقتراحات علشان نطور المنتدى
دى غير اننا هنخلى فيه حاجات كتير يكو فيها افكار
نقاش
حوار
ومسابقات اسلاميه وثقافيه
بحيث المنتدى يبقى اكتر من انه مواضيع منقوله

لازم تكون منقولة طبعا.....
هو فى حد بيفكر..؟؟؟ (:|
وبعدين على فكرة الواحد معدش لاقى حاجة يكتبها..:d

:-"

كلامك بيفكرني بوعود أعضاء مجلس الشعب
بكم ومن أجلكم
طبعاً مش قصدي أي تقليل من كلامك
هجيب رابط وجاية إن شاء الله

ههههههههههههههههههههههههه ههه
حلوه اووى مجلس الشعب
بس بصراحه فعلاااا احنا اتكلمنا فى الموضوع ده
وكنا بنفكر فى ايه الجديد اللى نعمله فى فوكك علشان نخليه احسن
ومش وعد بس احنا هنحاول يعنى انا فى دماغى كام فكره
هنشوف وهنحاول نخليه احسن

وهم
ارفع لكي القبعة تحية على الموضوع
المشكلة ان فعلا في حالة انحدار في الاساليب في المنتدى
و ان كل المواضيع اصبحت منقولة و سطحية و اغلبه تافه
يمكن المدونة هي اللي بقت شغالة
و يمكن العيب في تعطيل المنتدى هو غيابي
و غياب الاخوين شريف و معتز
خاصة ان شريف بيه مشغول جامد بالفايس بوك بتاعه ده اللي كل شوية يحظره
يمكن لما احظرك يا شريف شوية تعرف قيمة المنتدى
بس برده مبطلعش نفسي بره دائرة الاتهام
مهما كنت مشغول و مهما كنت تعبان و مهما كنت واخد بالي من السايت من جوه
فانا لازم اخد بالي منه من بره
حالة الركود اللي في المنتدى دي , للاسف 80% منها بسبب اهمالي :(
مقدرش اوعد بتغيير فيا , بس انا بحاول ارتب اجازتي السنة دي افضل من اجازة السنة اللي فاتت
و الناس اللي بتحب فكك مني بجد , لسه مستمرة معاه
و ربنا يحفظهم
شكرا يا وهم على التوبيك
و يا ريت التنبيه يوصل للكل
زي ما موصلني انا اول واحد :|

أخيراً الـــرابط

بتحب إيه في فكك

بيعجبني فيكي
ذاكرتك الحديدية :) !
مش بتنسي حاجة خالص !
:)

بس الصفحة اللي انت جيبتيها دي فيها 8 مشاركات
يا ترى انتي قصدك على انهي واحدة فيهم؟

ذاكرة وحديدية ؟؟ 8-|
قلبك طيب
أنا كان قصدي على الموضوع عموماً وأكتر رأي لاقيته بيأيد موضوعي كان رأي أخونا ميسي

اوك ياوهم انا بقى راى ياشومان
بدال دخلنا الاجازه وعلشان انا عجبنى موضوع ميسى
انا عندى فكره جات دلوقت
احنا هنعمل موضوع بسيط هوا دعوه اننا نرجع اعضاء فكك من تانى
وده هيبقى عن طريق اننا هنعمل موضوع لكل حد اثر فى المنتدى وكل يشارك
ونبعت فى الاخر اللينك للشخص ده علشان يعرف انه مش اتنسى
وهنبدا بكل اللى كانوا مشرفين و سوبرات

مع إني بحب كتاباتِك

شكراً على الإحباط المركّز بثقة :-"

نحاول بدل الكساد الثقافي الإجتماعي البيئي اللي عايشين فيه :)

معلش دي مش فهماها !

يعنى هنعمل موضوع الكل هيشارك وهيقول قد ايه وحشه الشخص ده ونفسه يرجع تانى
وبعدين بقى هنبعتله رابط الموضوع
يعنى هنحاول نقول ليهم ارجعوا تانى
من الاخر نرجع المنتدى تانى اسره واحده الكل بيسال فيها على بعضعه

هو اللي خرب الدنيا الـ face tok ده

ماشي منتظرين

هو المنتدى إيه غير إدارة ملونه وأعضاء ومواضيع مترصصين جنب بعض !

وشكراً على القبعه والتصحيح .

لأ مفهمتش قصدي .. هتبعته ازاي.. يعني إيه وسيلة الإتصال ؟

لا دى سهله يعنى مثلا انا ممكن ابعت لى ميسى علشان على اتصال بيه
وممكن امانى تتولى البنات وشومان الباقى يعنى الموضوع سهل
دى غير انا ممكن نبعت ليهم ميل ودى من على المنتدى برده

يا عم احظر
مبقتش تفرق سينا من صونيا وكله بيطلع فى الغسيل

يا حاج مصطفى قبل ما تلومنى
لوم نفسك برضو الاول
اذا كان عليا انا كل يوم بخش المنتدى
بس مش مفيش تشجيع منك ومن المنتدى خالص
لانك انت اللى فى الاساس كنت اللى قولتلنا نحط مواضيع كتييييييييييييييييييييييي ييييييييييييييييييييييييي يييييييييييييييييييير
حطوا مواضيع بالهبل انت كان هدفك ان المنتدى يكبر ويوسع
لانك مفكرتش اننا نحط مواضيع هادفه
كان كل همك فى الفتره اللى فاتت دى مصلحتك ومصلحه المنتدى
مبصطتش على مصلحه غيرك
لان كل الناس دخلت حطت مواضيع تحط فى مواضيع تحط فى مواضيع وبالتالى الناس زهقت فبدات تقلل من تواجدها وبدانا منشوفهمش تانى

على العموم فكك من اللى فوق ده
نفكر من دلوقتى وننسى اللى فات
وبتمنى اننا بتبع اسلوب واحد متفقيش عليه وميتغيريش

وادينا بنفكر

إستعيذ بالله من الشيطان الرجيم

وصلي على النبي

أنا مش هاجي أهدّي النفوس :((

أنا هشعللها بس >:)

لا بجد خلاص .. نفكر زي ما قلت

إلا قولي يا شريف يافنان هو الجيتار اللي معاك في الصوره ده ماركة إيه ؟ ;-)

كدا فهمت

شكراً على التوضيح ..

جميل الفكر وجميله المواضيع دي
وافتكر بعد الموضوع اللي حطيته وكان من كتابتك برضو
حصل موضوع جميل جدا
يخالف بالحرف اسلوب الحوار في سته نقاط واللي كانو في الموضوع بتاعك
طبعا لا احد يخفى عليه الموضوع ولا يقدر ينساه لانو مميز بصراحه بالكلام بتاعو
وكلمره بنشد خط
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
ونبدا من تاني الحكايه لغايه مالخط يبقى كده
ــــ-------ــــــــــــ________----------ـــــــــــــــــــــ--------------
ونبتدي من تاني الحكايه
اذا كان عالابداع فهو موجود
بس
مبقتوش تفرقم عن الناس اللي بيتجاهلونا في الحياه
حرام ان الواحد يكتب ابداع باحساسو في مواضيع
لا ترى النور
................
عن نفسي متعود سواء في البيت او اي حته دائما تقليل من شائني
لذلك مستمر
فانا كفيف ولن يضرني اذا انطفات الانوار؟!

متفتكرش إنك لوحدك اللي عايش في قائمة تجاهل الحياة

والإحساس اللي بيتدفن قبل ما يشوف النور

هيجي يوم وحد يحس بيه ، حتى لو كان واحد بس !

وإذا كان على مخالفة الحوار .. والخطوط (المعوجة)

مش هنبقى إحنا زي حد .. لإنهم مش مننا

ـــــــــــــــــــــــ
خــارج النص ...

" أرفض الإنسان الإنهزامي اللي هيقتلك"

هششششششش

فلتحيـــــــا الإنهزامية ... والـلــــــــون الإسود !

ـــــــــــــــــــــــــ ـــــــــــــــــــ

لالالالالالالالالالالالال الالا مش وهم اللى تقول كده

ليه يعني ؟؟؟

علشان انتى اقوى من كده

شكراً على ثقتك المبالغ فيها في وهم

بس والله يا أ/ ويزو محدش بيعرف حد أكتر من نفسه

إحنا بشر وبنتعرّض لحالات ضعف وقوة ويأس وأمل

ودواليك طول ما إحنا عايشين

وياريتها كانت قوة !